КРдин Эмгек сиңирген артисти, ырчы Бек Борбиевдин архивдик сүрөтү

Бек Борбиев 48 жашта! Белгилүү өнөрпоз тууралуу 12 факты

(жаңыланган 09:46 25.09.2017)
Бүгүн КРдин Эмгек сиңирген артисти, жумурай журтка аттын кашкасындай таанымал эстрада ырчысы Бек Борбиевдин туулган күнү. Ал мындан 48 жыл мурда, 24-сентябрь күнү Токтогул районундагы Торкен айылында туулган.

Мындан улам Sputnik маалымат агенттиги ырчы тууралуу 12 факты даярдады.

1. Токтогулдун торгою. Балалыгы Терек-Суу деген айылда өткөн. Ал жакта 4-класска чейин окуп, кийин Торкен айылына көчүп барып окуусун уланткан. 7-классты аяктап жайкы эс алууга чыккан кезде колуна аккордеон алып, үч айда ойногонду үйрөнүп алган. 8-классында ыр жазып көрүп, бирок ал учурда чоң-чоң акын, музыканттар гана ыр жазат деген түшүнүктө болгон. Анан да мектеп курагында кыздардын көз жаздымынан кем калбаган жигит болгон. Эл жөнөкөй кат жазса, ал ыр аралаштыра жазып көп сулуунун жүрөгүн багындырган.

Заслуженный артист КР Бек Борбиев также служил в частях Советской Армии с 1987 по 1989 год
из личного архива Бека Борбиева
Мектеп курагында спортко, ырга, шоктук кылганга да жетишкен бала болгон

2. Кесип тандаткан жол азабы. Ырчы Политехникалык институттун авто унаа жолун куруу бөлүмүн аяктаган. Бул кесипти тандап калышына Токтогулдун жолунун начардыгы көкөйгө тийиши себеп болгон. Анткени студенттик курагында айылына көп каттачу. Баса, ырчы дагы эки жогорку билимдин ээси. Кыргыз мамлекеттик транспорт, курулуш жана архитектура университетинин бажы кызматкери бөлүмүн, Искусство жана маданият институтунун уюштуруу-мененджер факультетин аяктаган.

3. Студенттик кезден башталган чыгармачылык. Ырчынын студенттик учурунда балдар талаа иштерине чыгарылчу. Ошол күндөрү жумуш бүткөндөн кийин чогуу отуруп эс алганда, болочок аткаруучу адатынча ырларынан созуп койчу. Бара-бара студенттер ырларын суранып уга баштаган. Жаш ырчынын өнөрүн мугалимдер да байкап студенттик "Ала-Тоо жазы" фестивалына автордук ырлар жанры боюнча сынакка катыштырышкан. Анда лауреат аталып, чыгармачылыкка мурдагыдан да кызыга баштаган.

4. Биринчи элге таанылып, анан телеге чыккан. Сахнага 1990-жылы ырдап чыкканы менен телеге чакыруулар болгон эмес. Ошондуктан ырчыны өңүнөн эмес, ырларынан таанышчу. Концерт коюп аймактарга барганда аткаруучунун өзүнөн "Бек Борбиев келдиби?" деп сурагандар болгон.

5. Сахнадан кетем деген. Бир кездери чыгармачылыкты жыйынтыктап, чоң сахнадан кетем деп калың журтка жар салган. Буга ырчынын Бажы кызматында, Кыргызпатентте иштеши себеп болгон.

6. Сынга алынган учур. 2014-жылы өлкөнүн мурдагы президенти Курманбек Бакиевдин тоюна барып ырдап сынга кабылган. Айрым жалпыга маалымдоо каражаттары менен да иштешпей калган. Бул боюнча ырчы "талант жер тандабайт" деп жооп кайтарган.

Заслуженный артист Кыргызской Республики, певец Бек Борбиев. Архивное фото
© Sputnik / Жоомарт Ураимов
Бек Борбиевдин 500гө чукул ыры бар. Алардын көбүнүн сөзү менен обонун өзү жазган

7. Актер катары да өзүн сынаган. 2011-жылы өзү продюсерлик кылган "Мен сүйгөн карагат" тасмасына тартылган. Кийин ырчынын талантына баа бергендер да, сындагандар да четтен чыккан.

8. Ырларынын саны 500гө чамалайт. Бул тууралуу өзүнүн тастыктаган жайы бар. Бек Борбиевдин репертуарындагы көпчүлүк ырлардын сөзү-обону өзүнө таандык. Чыгармаларынын басымдуу бөлүгүн сүйүү темалары түзөт.

9. Спорт. Бою 180 сантиметр. Өзүнүн айтымында мектеп курагында спортко, ырга, шоктук кылганга да жетишкен бала болгон. Жаш кезинде спорттун күрөш, бокс, волейбол түрү менен алектенген. Азыр бильярд ойногон жагынан алдына киши салдырбайт. Эрежесиз уруш сүйүүчүлөрүнүн катарын толуктайт.

10. Интернет түйүнүнүн активдүү колдонуучусу. Маселен, Instagram баракчасына 158 миң адам катталган. Ал эми фейсбук өңдүү социалдык желелерде эбак лимити толгон. Чыгармачылыгына байланыштуу постторду бөлүшүп, актуалдуу окуяларга үн кошуп турат.

11. Он сегиз жашынан бери мурут коюп келет. Ырчынын "Мурут мен үчүн идеал же стиль деле эмес. Муруту жок концерт койгон, ырдаган учурларым көп эле" деп айтканы бар. Анткен менен узун элдин учугуна илинген Бек Борбиев деген чоң ырчыны муруту жок элестетүү кыйын.

12. Жеке жашоосу. Келинчеги Фарида менен студент кезинде таанышкан. Ал Нарындын кызы, кесиби инженер-куруучу. Кыз-жигит болуп үч жылдай сүйлөшүп 1989-жылдын күз айында үйлөнүшкөн. Ханбото, Бабур аттуу уулдары бар. Улуу кызы турмуш жолунда, кичүү кызы мектеп окуучусу.

Белгилер:
факты, чыгармачылык, эстрада, ырчы, Бек Борбиев
Тема:
Кыргыздын көркөм өнөрү, белгилүү инсандары жөнүндө фактылар (387)
Тема боюнча
Улуу актриса Жамал Сейдакматова 78 жашта! Корифей тууралуу 9 факты
"Кайра кетем!" Александр Крестинин тууралуу 5 факты
Кыргызстандык делегация Россиянын Екатеринбург шаарында өткөн Жай - 2021 деп аталган туристтик көргөзмөсүнө катышты

Кыргызстандын өкүлдөрү Екатеринбургдагы туристтик көргөзмөгө катышты

(жаңыланган 14:04 19.04.2021)
Көргөзмөдө делегация мүчөлөрү Ысык-Көл аймагынын туристтик мүмкүнчүлүктөрү менен тааныштырып, ал катышуучулардын жана коноктордун кызыгуусун арттырды.

БИШКЕК, 19-апр. — Sputnik. Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты. Бул тууралуу өлкөнүн Тышкы иштер министрлиги кабарлады.

  • Стенд Кыргызской Республики на международной туристической выставке ЛЕТО-2021 в Екатеринбурге
    Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты
    © Фото / пресс-служба МИД КР
  • Стенд Кыргызской Республики на международной туристической выставке ЛЕТО-2021 в Екатеринбурге
    Иш-чара 16-17-апрель күндөрү өттү. КР делегациясына Екатеринбургдагы Башкы консулдук колдоо көрсөткөн.
    © Фото / пресс-служба МИД КР
1 / 2
© Фото / пресс-служба МИД КР
Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты

Иш-чара 16-17-апрель күндөрү өттү. КР делегациясына Екатеринбургдагы Башкы консулдук колдоо көрсөткөн.

"Делегация курамына өкмөттүн Ысык-Көл облусундагы өкүлү Элчибек Жантаев, Кыргызстандын Екатеринбургдагы башкы консулу Руслан Бийбосунов, Экономика жана финансы министрлигинин алдындагы Туризм департаментинин директору Самат Шатманов жана Ысык-Көлдөгү санаторийлердин өкүлдөрү катышты", — деп айтылат маалыматта.

Жарманкеде Ысык-Көл облусуна өзгөчө "Өнөктөш регион" статусу берилгени айтылат.

Иш-чарада делегация өкүлдөрү Ысык-Көл аймагынын туристтик мүмкүнчүлүктөрүн көрсөтүштү. Бул өз кезегинде катышуучулардын жана коноктордун кызыгуусун арттырды. Мындан сырткары, алар кызматташуу боюнча россиялык жана чет өлкөлүк кесиптештери менен көптөгөн жолугушууларды өткөрүп, бир катар макулдашуу жана келишимдерди түзүүгө жетишкен.

Иш-чарада Кыргызстандын көргөзмө павильону кызыктуу, мыкты жасалып, катышуучулар жана коноктор көп киргени айтылат. Аны Екатеринбург шаарында жашаган мекендештердин колдоосу менен Башкы консулдук жасаган. Келгендердин баары улуттук суусундуктардан, боорсок жана кургатылган жемиштерден ооз тийип кетишкен.

"Кыргыз делегациясы "Жай - 2021" эл аралык көргөзмөдө Челябинск облусунун туристтик чөйрөсү жана ири өнөр жай ишканаларынын профсоюзу менен жолугушууларды өткөрдү. Анын жыйынтыгы менен Екатеринбург – Тамчы (Ысык-Көл) авиакаттамын ачуу, кызматташуунун кошумча мүмкүнчүлүктөрү жана Кыргызстанга Россиянын Урал аймагынан туристтердин агымын арттыруу маселелери каралган", — деп айтылат билдирүүдө.

Көргөзмө Россиянын Федералдык туризм агенттигинин, Свердлов облусунун инвестиция жана өнүгүү министрлигинин, Россиянын туриндустрия союзунун колдоосу менен Урал туристтик ассоциациясы тарабынан уюшулду. Ага Кыргызстандан тышкары Армения, Болгария, Чехия, Хорватия, Малайзия, Израиль жана башка өлкөлөрдүн делегациялары катышкан.

Белгилер:
Ысык-Көл, катышуучу, көргөзмө, Екатеринбург, Россия
Тема боюнча
Кадыралиев: бизге туристтер көбүнчө Казакстандан жана Россиядан келишет
ТИМ башчысы КМШдагы кесиптештери менен маанилүү документтерге кол койду
Sputnik Кыргызстан радиосунун Көөнө сөз рубрикасы

Талантбеков: ууландыруучу же мас кылуучу нерсени "кыйгак" десе болот

"Көйкашка" коомдук бирикмесинин мүчөсү, манасчы Нурбек Талантбеков жаңы кирген сөздөрдү колдонууда дароо эле түз которууга ашыкпай, ата-бабаларыбыз сүйлөп жүргөн аталыштарга маани берүү керектигин айтты.
Талантбеков: ууландыруучу же мас кылуучу нерсени "кыйгак" десе болот

"Кыйгак" найзанын учундагы курч металлды түшүндүрөт. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Анын айтымында, бул сөздү бир нече мааниде колдонууга болот.

Манасчи, член общественного объединения Көйкашка Нурбек Талантбеков на радиостудии Sputnik Кыргызстан
© Sputnik / Асель Сыдыкова
"Көйкашка" коомдук бирикмесинин мүчөсү, манасчы Нурбек Талантбеков
"Жыгач найзанын учуна ашталып бекитилген курч металлды "кыйгак" деп койгон. Ошондой эле колду тилип кете турган жалбыракты дагы ушул сөз менен сүрөттөөгө болот. Мындан тышкары, "кыйгак" сөзүнүн өтмө маанисинде уу, ууландыруучу же мас кылуучу нерсе катары түшүнүүгө болот. Бул үч маанисин тең колдонууга мүмкүндүк бар. Адатта ууну өз аты менен эле атап жүрөбүз. Бирок анын синоними катары "кыйгак" деп колдонуу дагы артыкчылык кылбайт", — Талантбеков.

Манасчы көөнө сөздөр күнүмдүк турмушта көбүрөөк колдонулса, тилди байытууга, шөкөттөөгө көмөгү тие турганын кошумчалады.

Белгилер:
Кыргызстан, эне тил, Манас эпосу, Нурбек Талантбеков
Тема боюнча
Талантбеков: "Манас" эпосунда алимент деген сөздүн түшүндүрмөсү бар
Бишкекте Абхазиядан алып келинген автоунаалардын ээлери нааразычылык акциясына чыгышты

Бишкектин борбордук аянтында кайрадан митинг өтүүдө. Видео

(жаңыланган 14:33 19.04.2021)
Өкмөт үйүнүн жанында 100дөй киши чогулган. Алар Кыргызстанга Абхазия өлкөсүнөн келген унааларды мыйзамдаштырууну талап кылышууда.

БИШКЕК, 19-апр. — Sputnik. Бишкекте Абхазиядан алып келинген автоунаалардын ээлери нааразычылык акциясына чыгышты. Бул тууралуу Sputnik Кыргызстан агенттигинин кабарчысы жеринен билдирди.

Өкмөт үйүнүн жанында 100дөй киши чогулган. Алар адегенде бир убакта сигнал басып, Садыр Жапаровдун жолугушууга чыгышын талап кылышкан. Милиция ызы-чуу чыгарууга жол берилбей турганын айткандан кийин чогулгандар Өкмөт үйүнүн парад өтүүчү жагына барышкан.

Нааразычылыкка чыккандар Кыргызстанга ташылып келинген абхазиялык номер тагылган автоунааларды мыйзамдаштырып берүүнү талап кылышты. Алардын алдына өкмөттүн өкүлү чыгып, көйгөйдү чечүүнүн жолдорун талкуулашты.

Абхазиядан алынган унааларга байланыштуу чуу

Кыргызстанда Абхазиядан алынган унааларды аныктоо боюнча рейд жүрүүдө. Себеби мындай унаалар ЕАЭБдин бажы мыйзамдарын бузуу менен алып келинген. Болжол менен онго жакын машина айып короого токтотулган.
Мындан улам Ала-Тоо аянтында жана өкмөт үйүнүн алдында Абхазиянын номери тагылган унаалардын ээлери митингге чыгышты. Алар Республикага буга чейин кирип кеткен автолорду мыйзамдаштырып берүүнү талап кылышууда. Айдоочулар буга чейин эскертүү берилбегенин билдирип, нааразы болушту. Митингчилер унааларын насыяга алгандар бар экенин, айрымдары такси айдап үй-бүлөсүн багарын айтышты.

Өткөн аптада Экономика жана финансы министрлиги абхазиялык номер тагылган унааларды мамлекет алып коюшу мүмкүн экенин эскерткен

Белгилер:
талап, унаа, номер, Абхазия, митинг
Тема боюнча
Министрлик: Абхазиянын номери тагылган унааларды мамлекет алып коюшу мүмкүн