Кыргыз эстрадасынын белгилүү ырчысы, КРдин Эл артисти Гүлнур Сатылганованын архивдик сүрөтү

Гүлнур эмес Күннур Сатылганова тууралуу 12 факты

(жаңыланган 10:09 04.11.2017)
Бүгүн кыргыз эстрадасынын белгилүү ырчысы, КРдин Эл артисти Гүлнур Сатылганова 49 жашка чыкты. Ал 1968 жылы 1-ноябрда Токтогул районунда төрөлгөн.

Мындан улам Sputnik Кыргызстан маалымат агенттиги кыргыз сахнасында бараандуу орду бар инсан тууралуу 12 факты сунуштайт.

1. Он бир туугандын жетинчиси. Атасы Абдыразак Сатылганов айыл чарба инстутутун аяктап, көп жыл бою зоотехник болуп иштеген. Апасы Анаркан Мамбеталиева ашпозчулук кесиби менен ар тармакта 45 жыл эмгектенген. Ата-энеси чыгармачылыктан алыс эмес эле. Абдыразак ата комузда кол ойнотуп элдик ырларды ырдаса, апасынын үнүнүн тембри күчтүү болгон. Гүлнур айым — 10 бир туугандын жетинчиси. Иниси Кайыпберди менен сиңдиси Венера дагы чыгармачылыл чөйрөдө жүрөт.

Гулнур Сатылганова на праздничном концерте на площади Ала-Тоо в честь 25-летия независимости Кыргызстана
© Sputnik / Табылды Кадырбеков
Ырчы Ала-Тоо аянтындагы Эгемендүүлүк күнүнүн 25 жылдыгына арналган концертте

2. Азан чакырылган аты — Күннур. Болочок ырчынын ысымын апасы бир жашка улуу Айнур деген эжесине окшоштуруп ыйгарган. Бирок төрөлгөндүгү тууралуу күбөлүккө Гүлнур дер жазылып калган. Ырчыдан көп учурда "Сиз Токтогул Сатылгановдун небереси эмессизби?" деп сурашат. Айтымында, чоң атасы Сатылган улуу акын Токтогул Сатылганов менен жакшы ымалада болгон. Ал эми фамилиясын сыймык менен алып жүрөт.

3. Бек Борбиев менен каны бир. Сатылганова багыш уруусунан, Бешкемпир датка жети атасынын бири болгон. Белгилүү эстрада ырчысы Бек Борбиев экөөнүн алтынчы аталары бир тууган. Ошондо эки үлкөн ырчы эже-ини мамиледе.

4. Бала кезден Пугачёванын ырларын сүйүп уккан. Дайыма ырларынын сөздөрүн кылдат тыңдап, маанисин түшүнүүгө аракет кылчу. Биринчи жолу 5-класста окуп жүргөндө жаңы жылдык балатыда ырдап, таланты баарына жагып борбордогу аянтта боло турган жаңы жылдык балатыга чакырылган.

5. Биринчи кесиби — кондитер. 1985-жылы мектепти аяктагандан кийин борбордогу Искусство институтуна тапшырганы келип, кабыл алуу аяктап калгандыгына байланыштуу бир жылдык кондитердик окуу жайда окуп калат. Окуусун аяктагандан кийин практика өткөнү гана болбосо кесиби менен иштеген эмес. 1986-жылы Токтогул райондук "Миң кыял" ансамблинин жетекчиси Жакыпбек Исаков колхоз-совхоздор аралык ыр кеседе Сатылганованын талантын байкап топко кабыл алган. Бул топто эки жыл эмгектенип, көп тажрыйба топтой алды. 1991-жылы Искусство институтун аяктагандан кийин Аламүдүн райондук маданият үйүнүн алдында уюшулган "Арашан" фольклордук тобунда эмгектенген. Андан кийин Арсен Өмүралиев Жаштар театрында иштеп, жолдошу Даниэл Токтобаев менен "Каркыранын канаты" спектаклинде башкы ролду ойношкон.

Эстрадная певица Гулнур Сатылганова во время проведения урока ученикам 5-6 классов в бишкекской школе
© Фото / предоставлено ЮНФПА в КР
Бишкектеги мектептердин биринде 5-6 класста окуган балдарга тренинг өтүп жатат

6. Ийгилик артынан ийгилик. Ырчыга атактуулук алып келген ырлар Атайбек Бөдөшовдун "Туулган жерди сагынуу", Камчыбек Букалаевдин "Булуттар", "Ыр десте", Муратбек Бегалиевдин "Кызгалдак гүлүм ай" ырлары болду. 1992-жылы "Жаштык ыры-1992" сынагында жолдошу Даниел экөө гитара менен "Жалгыз там" деген чыгарманы ырдап, баш байгеге ээ болушкан. "Ыр десте-1993" сынагында баш байгени, "Славян базары" фестивалында элдик "Колзоздогу курбума" ыры менен 1000 доллар сыйлык алган. "Ысык-Көлдө кадыр түн-1998" сынагында баш байгеге коюлган машинаны утуп алган. Жыл сайын Астанада өтүүчү эл аралык "Шабыт" чыгармачыл жаштардын конкурсунда баш байгеге, Түркияда өткөн эстрада ырчылары конкурсунда биринчи орунду багындырган. Республикалык ыр сынактарынын беш жолку лауреаты.

7. Учурда репетуарында 200гө чукул ыры, 15 клиби бар. Белгилүү клиптери болуп "Апакем", "Бала бакыт", "Асман", "Нандын жыты", "Сага" ж.б эсептелинет. Чыгарма даярдоодо акындар Кыялбек Урманбетов, Кудурет Тайчабаров, Биримкул Алыбаевдер, композиторлор Райкан Бейшеналиева, Эркин Мээрканов, аранжировка жасоодо Рамис Алиев, Мирлан Ниязовдор менен иштешет. Ырчы мыкты чыгармаларынын жаралышына маркум Эрик Кадырбаевдин да салымы чоң экендигин айтып келет.

8. Аялдык тагдыры. Жолдошу Даниел Токтобаев Ленинграддагы Луначарский атындагы окуу жайдын актёрлук бөлүмүн аяктаган. Эки жашты чыгармачылык табыштырган. Тилекке каршы, уулу Арназ беш айлык кезинде жолдошу каза болуп калган. Уулу Кыргыз-түрк лицейин ийгиликтүү бүтүрүп, Кытайдын Далянь шаарында Эл аралык бизнес жана экономика университетинин аяктаган. Чыгармачылыктан алыс адам.

Народная артистка Кыргызстана певица Гулнур Сатылганова
© Sputnik / Табылды Кадырбеков
Ырчынын Instagram социалдык баракчасына 230 миң адам катталган. Ал эми Facebook баракчасына 18 060 адам жазылган

9. Ырчы учурда европа стилиндеги кара түстөгү кийимдерди көп киет. Бул тууралуу "кара кийгенден коркпойм, жашоомо дагы таасирин тийгизбейт" деп айтканы бар. Ошондой эле мода куубай турганын, бирок заманбап кийимдерди жакшы көрөрүн айтып келет. Кыргызстандагы белгилүү дизайнерлер Зухра Муканбетова, Татьяна Воротникова, Мадина Тапаева, Дилбар Ашымбаева, Динара Руцко, Галина Байко менен иштешет.

10. Таш жарган каткырык. Бул чыгармачыл инсандын шаңшып күлгөн күлкүсүн, каткырыгын көп эле киши билсе керек. Сахналаштарынын айтымында, бир күлсө көпкө чейин токтобойт.

11. Кирпик коштуртуп көрбөгөн Сатылганова. Белгилүү ырчынын боексуз сүрөттөрүн интернеттен дайыма эле жолуктурууга болот. Өзүнүн айтымында, боексуз жүргөндү жактырат, учурдун талабына айланган жасалма кирпиктерди бир да жолу коштуруп, чаптаттырып көргөн эмес. Көп убакыттан бери чачын каре стилинде алып жүрөт, саламаттыгы үчүн спорт залдарга барып турат.

12. Социалдык тармактын жылдызы. Ырчынын Instagram социалдык баракчасына 230 миң адам катталган. Ал эми Facebook баракчасында 18 060 адам жазылган. Чыгармачылыгына байланыштуу постторду бөлүшүп, актуалдуу окуяларга үн кошуп турат.

Белгилер:
чыгармачылык, эстрада, ырчы, Гүлнур Сатылганова
Тема:
Кыргыздын көркөм өнөрү, белгилүү инсандары жөнүндө фактылар (387)
Тема боюнча
Апам жапкан нанды сагындым!.. Керим Турапов тууралуу 7 факты
Улуу актриса Жамал Сейдакматова 78 жашта! Корифей тууралуу 9 факты
Кыргызстандык делегация Россиянын Екатеринбург шаарында өткөн Жай - 2021 деп аталган туристтик көргөзмөсүнө катышты

Кыргызстандын өкүлдөрү Екатеринбургдагы туристтик көргөзмөгө катышты

(жаңыланган 14:04 19.04.2021)
Көргөзмөдө делегация мүчөлөрү Ысык-Көл аймагынын туристтик мүмкүнчүлүктөрү менен тааныштырып, ал катышуучулардын жана коноктордун кызыгуусун арттырды.

БИШКЕК, 19-апр. — Sputnik. Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты. Бул тууралуу өлкөнүн Тышкы иштер министрлиги кабарлады.

  • Стенд Кыргызской Республики на международной туристической выставке ЛЕТО-2021 в Екатеринбурге
    Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты
    © Фото / пресс-служба МИД КР
  • Стенд Кыргызской Республики на международной туристической выставке ЛЕТО-2021 в Екатеринбурге
    Иш-чара 16-17-апрель күндөрү өттү. КР делегациясына Екатеринбургдагы Башкы консулдук колдоо көрсөткөн.
    © Фото / пресс-служба МИД КР
1 / 2
© Фото / пресс-служба МИД КР
Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты

Иш-чара 16-17-апрель күндөрү өттү. КР делегациясына Екатеринбургдагы Башкы консулдук колдоо көрсөткөн.

"Делегация курамына өкмөттүн Ысык-Көл облусундагы өкүлү Элчибек Жантаев, Кыргызстандын Екатеринбургдагы башкы консулу Руслан Бийбосунов, Экономика жана финансы министрлигинин алдындагы Туризм департаментинин директору Самат Шатманов жана Ысык-Көлдөгү санаторийлердин өкүлдөрү катышты", — деп айтылат маалыматта.

Жарманкеде Ысык-Көл облусуна өзгөчө "Өнөктөш регион" статусу берилгени айтылат.

Иш-чарада делегация өкүлдөрү Ысык-Көл аймагынын туристтик мүмкүнчүлүктөрүн көрсөтүштү. Бул өз кезегинде катышуучулардын жана коноктордун кызыгуусун арттырды. Мындан сырткары, алар кызматташуу боюнча россиялык жана чет өлкөлүк кесиптештери менен көптөгөн жолугушууларды өткөрүп, бир катар макулдашуу жана келишимдерди түзүүгө жетишкен.

Иш-чарада Кыргызстандын көргөзмө павильону кызыктуу, мыкты жасалып, катышуучулар жана коноктор көп киргени айтылат. Аны Екатеринбург шаарында жашаган мекендештердин колдоосу менен Башкы консулдук жасаган. Келгендердин баары улуттук суусундуктардан, боорсок жана кургатылган жемиштерден ооз тийип кетишкен.

"Кыргыз делегациясы "Жай - 2021" эл аралык көргөзмөдө Челябинск облусунун туристтик чөйрөсү жана ири өнөр жай ишканаларынын профсоюзу менен жолугушууларды өткөрдү. Анын жыйынтыгы менен Екатеринбург – Тамчы (Ысык-Көл) авиакаттамын ачуу, кызматташуунун кошумча мүмкүнчүлүктөрү жана Кыргызстанга Россиянын Урал аймагынан туристтердин агымын арттыруу маселелери каралган", — деп айтылат билдирүүдө.

Көргөзмө Россиянын Федералдык туризм агенттигинин, Свердлов облусунун инвестиция жана өнүгүү министрлигинин, Россиянын туриндустрия союзунун колдоосу менен Урал туристтик ассоциациясы тарабынан уюшулду. Ага Кыргызстандан тышкары Армения, Болгария, Чехия, Хорватия, Малайзия, Израиль жана башка өлкөлөрдүн делегациялары катышкан.

Белгилер:
Ысык-Көл, катышуучу, көргөзмө, Екатеринбург, Россия
Тема боюнча
Кадыралиев: бизге туристтер көбүнчө Казакстандан жана Россиядан келишет
ТИМ башчысы КМШдагы кесиптештери менен маанилүү документтерге кол койду
Sputnik Кыргызстан радиосунун Көөнө сөз рубрикасы

Талантбеков: ууландыруучу же мас кылуучу нерсени "кыйгак" десе болот

"Көйкашка" коомдук бирикмесинин мүчөсү, манасчы Нурбек Талантбеков жаңы кирген сөздөрдү колдонууда дароо эле түз которууга ашыкпай, ата-бабаларыбыз сүйлөп жүргөн аталыштарга маани берүү керектигин айтты.
Талантбеков: ууландыруучу же мас кылуучу нерсени "кыйгак" десе болот

"Кыйгак" найзанын учундагы курч металлды түшүндүрөт. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Анын айтымында, бул сөздү бир нече мааниде колдонууга болот.

Манасчи, член общественного объединения Көйкашка Нурбек Талантбеков на радиостудии Sputnik Кыргызстан
© Sputnik / Асель Сыдыкова
"Көйкашка" коомдук бирикмесинин мүчөсү, манасчы Нурбек Талантбеков
"Жыгач найзанын учуна ашталып бекитилген курч металлды "кыйгак" деп койгон. Ошондой эле колду тилип кете турган жалбыракты дагы ушул сөз менен сүрөттөөгө болот. Мындан тышкары, "кыйгак" сөзүнүн өтмө маанисинде уу, ууландыруучу же мас кылуучу нерсе катары түшүнүүгө болот. Бул үч маанисин тең колдонууга мүмкүндүк бар. Адатта ууну өз аты менен эле атап жүрөбүз. Бирок анын синоними катары "кыйгак" деп колдонуу дагы артыкчылык кылбайт", — Талантбеков.

Манасчы көөнө сөздөр күнүмдүк турмушта көбүрөөк колдонулса, тилди байытууга, шөкөттөөгө көмөгү тие турганын кошумчалады.

Белгилер:
Кыргызстан, эне тил, Манас эпосу, Нурбек Талантбеков
Тема боюнча
Талантбеков: "Манас" эпосунда алимент деген сөздүн түшүндүрмөсү бар
WhatsApp мессенджердин логотиби. Архив

Жаңы эрежени кабыл албасаңыз WhatsApp сиздин профилди өчүрөт

(жаңыланган 15:26 19.04.2021)
Жаңыланган келишимге ылайык, сиздин адаттарыңызды жана табитиңизди анализдөө үчүн WhatsApp колдонуучулардын жеке маалыматтарын Facebook тармагына өткөрүп берет.

БИШКЕК, 19-апр. — Sputnik. WhatsApp мессенжери жаңыланган колдонуу келишимин кабыл албаган аккаунттарга 15-майдан тарта чектөө киргизет. Бул тууралуу платформанын сайтында айтылат.

Компания колдонуучунун жаңылануулар боюнча кенен маалымат алуусу үчүн 15-майга чейин убакыт берди. Мессенжер кардарлардын профилин дароо өчүрүп салбайт. Деген менен алар жаңы эрежени кабыл алмайынча башкалардан келген коңгуроолор менен билдирүүлөргө жооп бере албайт.

Россиянын "Башкы радиожыштык борбору" Федералдык мамлекеттик унитардык ишканасынын илимий-техникалык борборунун адистери WhatsApp тиркемесин колдонуу келишиминдеги жаңыланган саясатында АКШнын чалгындоо кызматы тиркеме колдонуучуларын аңдып, алардын пикирин бурмалоо коркунучу пайда болушу мүмкүн деген тыянакка келишкен.

Январь айынын башында WhatsApp колдонуу шарттарын өзгөрттү. Ага ылайык, эми колдонуучулар Facebook жарнама тутумуна жана анын тиркемелерине өзүлөрүнүн адаттары жана табити боюнча маалыматтарын тапшыруусу керек. Кийинчерээк айтылган сындарга байланыштуу мессенжер колдонуу келишиминин мөөнөтүн 8-февралдан 15-майга чейин узартып койду.

Белгилер:
эреже, өчүрүү, жазышуу, аңдуу, WhatsApp
Тема боюнча
Clubhouse колдонгон 1,3 млн. кишинин маалыматы ачыкка чыгып кетти