БИШКЕК, 8-ноя. — Sputnik. Кино сүйүүчүлөргө ата-бала ортосундагы мамилени чагылдырган "Ата" социалдык драмасы тартууланат. Бул тууралуу Sputnik Кыргызстан маалымат агенттигине тасманын режиссеру Бакыт Осмонканов билдирди.
Анын айтымында, фильм 16-ноябрдан тарта Бишкектин бардык кинотеатрларында көрсөтүлө баштайт.
28 Тогуздун айы 2017, 16:57
"Ата" социалдык драмасы — драма болгону менен өтө деле аянычтуу сюжет эмес. Бирок ойлонуп, жашоого мотивация ала турган жерлери бар. Муну менен катар тасма аркылуу адамдарга жакшы маанай тартуулоону чечтик. Кино 12 жаштагы уулун жана беш жаштагы кызын жалгыз чоңойткон ата жөнүндө болмокчу. Тасма аркылуу эненин ыйык экенин көрсөтүп, ата болуу чоң жоопкерчилик экенин көрсөткүбүз келди", — деди режиссер.
Осмонканов социалдык драмада Болот Тентимишов, Азамат Уланов, Асхат Сулайманов, Азиз Мурадиллаев сыяктуу мыкты актерлор роль жаратканын кошумчалады.
