Таң эрте ЭлТР телеканалынын Кутман таң программасын алып барып, күн бою Элfm радиосунда элдин көңүл чордонунда болуп келген ди-дижей жана алып баруучу Расул Рахманалиевдин архивдик сүрөтү

Расул Рахманалиев: апамдын көңүлү деп финансист болгом, эми өзүм үчүн окуп жатам

682
(жаңыланган 17:05 28.11.2017)
Адатта кесип ээлери алгач бир адистик боюнча билим алган соң жумушка орношот. Бүгүнкү каарман, тескерисинче, 10 жылдай телерадио жаатында иштегенден кийин кыргыз филологиясы жана журналистика факультетине баш баккан.

Таң эрте "ЭлТР" телеканалынын "Кутман таң" программасын алып барып, күн бою "Элfm" радиосунда элдин көңүл чордонунда болуп келген ди-джей жана алып баруучу Расул Рахманалиев менен Sputnik Кыргызстан агенттигинин кабарчысы Эламан Карымшаков маектешти.

— Телерадио тармагында иштеп жүрүп кайра журналистикага тапшырганыңыз кызык экен, же убагында студент болбой калдыңыз беле?..

— Жок. Мен алгач Ош технологиялык университетинин "Финансы жана насыя" факультетин аяктагам. Учурда кайрадан Ош мамлекеттик университетинин "Кыргыз филологиясы жана журналистика" факультетинин 3-курсунда окуп жатам. Карьералык өсүшкө чоң жардамы болоор деген ниетте дипломдуу журналист болгум келди. 

Ведущий утренней программы на ТВ Расул Рахманалиев
© Фото / Хан Айбашев
Диджей жана алып баруучу Расул Рахманалиев: атам мен чыгармачыл адам болсун деп көп аракет кылган. "Айлык албасаң мейли, жок дегенде таанышың көп болсун" дечү. Себеби атам өтө таланттуу киши

— Мындан улам ата-энеңиз чыгармачылык чөйрөнү тандашыңызга каршы болгонбу деген ой жаралууда…

— Атам мени чыгармачыл адам болсун деп көп аракет кылган. "Айлык албасаң мейли, жок дегенде таанышың көп болсун" дечү. Себеби атам өтө таланттуу киши. Аккордеондо, пианинодо жана гитарада мыкты ойнойт. Ырдап калганым да ал кишинин колдоосу менен болгон. Ал эми апам "аппак көйнөк кийип банкта иште" дегенинен "Финансы жана насыя" факультетине тапшыргам. Чынын айтсам, бул тармакта апамдын көңүлү үчүн окугам десем болот. Бирок бир күн да банкта иштеген эмесмин.

— Телерадионун эшигине качан кадам таштадыңыз эле?

— Камера менен микрофон дүйнөсүнө келгениме быйыл 11 жыл болуптур. Мектепти аяктагандан бери эле ушул тармакта жүрөм. Мени "Элfm" радиосуна акын жана бул радиону түптөгөндөрдүн бири ыраматылык устатым Медер Осмоналиев алып келген. Башында мага Ошто радио ачканын айтып "иштейсиңби" дегенде дароо макул болгом. Анда Бишкекте жашачубуз. Түйүнчөгүмдү түйүп алып досторума, сүйлөшкөн кызыма да айтпастан кетип калгам. Ата-энеме мен алыска аттангандай сезилген окшойт, ошондо апамдын шолоктоп ыйлаганы азыркыга чейин эсимде. Ал эми "ЭлТР" телеканалына 2009-жылы кастинг аркылуу келгем. Андан көп өтпөй "Замана" студиясына баргам. 

Ведущий утренней программы на ТВ Расул Рахманалиев
© Фото / Хан Айбашев
Расул Рахманалиев: камера менен микрофон дүйнөсүнө келгениме быйыл 11 жыл болуптур. Мектепти аяктагандан бери эле ушул тармакта жүрөм

— Жакында эле "эртең мененки программалардын айрым алып баруучуларында өң, түс, дикция, ой чабыт, сөз байлык дегенден ныпым жок. Телеканалдарда мурункудай кастинг жоюлуп эфирдин эшиги баарына эле ачылып калдыбы?" деген постту социалдык тармактан окуп калдым. Сиз буга эмне дейт элеңиз?

— Алгач жеке өзүм тууралуу айтсам. Мен тааныш аркылуу же атасы колунан жетелеп келгендердин катарында эмесмин. Балким андайлар бардыр… Ошентип келгендер муну менен алсыздыгын көрсөтүшү мүмкүн. Өзүмдү укмушмун дебейм, бирок кайсы учур болбосун ар бир алып баруучу теленин негизги талабы делген өң-келбети менен сөз байлыгына кам көрүшү керек. Мен да ушул талаптарды сактоого күнүгө аракет кылам.

Кутман таң ардактуулар! Тунук ой,жакшы тилектер орундалсын!Жаңы күн шыдыр өтсүн!

Публикация от Рахманалиев Расул (@rasulrahmanaliev) Авг 13 2017 в 6:16 PDT

— Көңүл ачуучу программалар шоу дүйнөсүнүн өкүлдөрүнүн катышуусу менен көркүнө чыгат эмеспи. Ырчы-чоорчунун көбү Бишкекте. Конок чакыруу жагынан маселе жаралбайбы?

— Муну менен эфирибиз аксап калат дегенден алысмын. Экинчи борборубузда деле таланттар көбөйүп баратат. Азыр Бишкектеги ырчылар Ошко тез-тез каттап калышкан. Айрымдары келээр алдында мага кабарлап коюшат.

— Ал арада өзүңүз да ырдап, клиптерди тартырып жүрөсүз?

— Музыкалык билим алгам, нота эмне экенин билем, бирок өзүмдү ырчымын деп эсептей албайм. Бул жөн гана кызыгуу. Буга чейин көңүлүмө жаккан ырларды өзүм үчүн гана жаздырып аткарып келгем. Кээ бирине досторум клип тартып беришкен. Аларды теледен кетирип, артынан чуркаган эмесмин. Эми ырчылыкка да катуу киришейин деп жатам.

— Телерадионун айлык маянасы үй-бүлө багууга жетеби?

— Бизде "иштесең тиштейсиң" дегендей. Канча көп иштесең ошончо табасың. Барга каниет, жокко аракет деп Кудайга шүгүр дейм. Жумуштан сырткары кээде той-мааракелерге тамадалык кылам. Тапканым үй-бүлөмдү бардык жагынан камсыздаганга жетет.

Буюрса биз "үчүнчү"наристебизди күтүп жатабыз.#Жашоо#үйбүлө😊🌱

Публикация от Рахманалиев Расул (@rasulrahmanaliev) Сен 6 2017 в 6:25 PDT

— Келинчегиңизди да күйөрмандарыңыздын арасынан кезиктирген эмессизби?

— Келинчегимдин аты Роза, Жалал-Абаддын кызы болот. Экөөбүз тойдон таанышканбыз. Эки жылдан ашык сүйлөшүп жүрүп баш коштук. Башында ал менин радиодо иштеримди билчү эмес. Андан күнүгө мени таңкы саат 6да ойготуп турушун сурангам. Эмнеге дегенде эртең менен эрте туруп чуркайм деп жагынгам. Кийин байкабай эфирге барам деп айтып алып ди-джей экеним билинип калган. Учурда Оомат жана Элдос аттуу эки уулубузду тарбиялап, үчүнчү наристебизди күтүп жатабыз. Роза кесиби боюнча экономист.

😊👍💖💖💖💖

Публикация от Рахманалиев Расул (@rasulrahmanaliev) Апр 8 2017 в 10:18 PDT

— Маегибиздин жыйынтыктоочу суроосу киндик кан тамган жериңиз жана ата-энеңиз туурасында болсун?

— Мен Кыргызстанга өрүгү менен таанымал болгон Баткен облусунун Баткен районуна караштуу Чек айылында туулгам. Ал жакта 4-класска чейин окуп, андан соң Бишкекке көчүп келгенбиз. Эмнегедир айылдын быкшып чыккан түтүнү да бал жыттанат дегендей, айылда жашагым келет. Телерадио тармагы Баткенде да өнүгүп жатат. Балким, кийинчерээк өрүкзарлуу аймакта эмгектенип калаармын. Атам көп жыл айдоочу болуп эмгектенген. Апам үй кожейкеси. Учурда экөө тең ардактуу эс алууда.

682
Белгилер:
телевидение, маек, радио, Расул Рахманалиев
Тема боюнча
Канышай Рысбекова: ата-энем алып баруучу болушумду каалаган эмес
Алып баруучу Канышай Рысбекова: эфир үчүн ар түрдүү бут тосуулар болду
Гүл кармап турган адам. Архив

Улуттук сүрөт өнөрүн көтөргөн Кыргыз эл сүрөтчүсү Баатыр Жалиев дүйнө салды

67
Баатыр Жалиевдин чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

БИШКЕК, 31-май — Sputnik. 85 жаш курагында живописчи, график, КР эл сүрөтчүсү Баатыр Жалиев дүйнө салды. Бул тууралуу мамлекет башчынын маалымат кызматы билдирип, ага жазылган некрологду жарыялады.

Жалиевдин чыгармачылыгы өнөр жай жана айыл чарба темасына арналган. Ал өлкөдөгү эпкиндүү курулуштарды, элет жерлериндеги өзгөрүүлөрдү көркөм чагылдырып, мезгилдин кеңири полотносун жараткан. Сүрөтчүнүн "Өнөр жайлуу Ош" (1966), "Ош курулуп жатат" (1972), "Хайдаркан комбинаты", (1974) аттуу чыгармалары түштүк жергесиндеги кубаттуу ишканаларда иштеп жаткан жумушчуларды, алардын эмгегин, көркөм образын жаратып, кыргыз жумушчуларынын эсте каларлык галереясын түзгөн. Жанрлуу-портреттүү "Тогуз коргоол" (1974) чыгармасы Баатыр Жалиевдин чыгармачылык чоң жетишкендиги болуп эсептелет.

Баатыр Жалиевдин көркөм сүрөттөрү республикалык, бүткүл союздук жана эл аралык көргөзмөлөргө катышып, байгелүү орундарга арзыган. Сүрөтчүнүн чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

Сүрөтчү көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Жалиев графика жаатында мыкты картиналардын циклин жаратты. Сүрөтчүнүн дүйнө таанымы, көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Сүрөтчүнүн көп жылдык изденүүсү аркылуу улуттук сүрөт маданиятында "Сизизм" көркөм формасы жана агымы жаралган. Бул агымдын негиз салуучусу катары улуттук сүрөт өнөрүнө жаңы дем кошуп, өзүнүн сүрөтчүлүк "мектебин" жараткан. Сүрөтчүнүн эмгектери учурда өзүнүн үй-музейинен орун алган. Баатыр Жалиевдин өз демилгеси менен негиздеген үй-музейи 2012-жылдан бери иштеп келет.

Баатыр Жалиевдин сүрөтчүлүк таланты жогору бааланып, "Эмгектеги артыкчылык" медалы, Кыргыз ССР Жогорку Советинин Ардак грамоталары менен сыйланган. Ага КР эл сүрөтчүсү ардактуу наамы ыйгарылган.

Баатыр Жалиевдин тажиясы 2020-жылдын 31-майында Ош шаарында өтөт.

67
Белгилер:
Баатыр Жалиев, чыгармачылык, өмүр баян, өлүм, сүрөтчү
Тема боюнча
Таланттуу опера ырчысы Сагибжамал Ходжибекова көз жумду. Некролог
Видеоператор жумуш учурунда. Архив

Балдардын "Карек" кинофестивалына тасмалар кабыл алына баштады

58
Кинофестивалга 10-17 жаштагы окуучулар катыша алат. Алар каалаган жанрында "Мен жана коом", "Мен жана менин үй-бүлөм", "Бул менин дүйнөм" деген темаларда камерага же телефонго 10 мүнөткө чейин кыскаметраждуу кино тартышы керек.

БИШКЕК, 30-май — Sputnik. Республикада балдар жана өспүрүмдөр арасындагы "Карек" кинофестивалы тасмаларды кабыл ала баштады. Бул тууралуу "Карек" балдар кинофондунун жетекчиси Толкун Дайырбекова билдирди.

Анын айтымында, конкурска 10-17 жаштагы окуучулар катыша алат. Балдар каалаган жанрында "Мен жана коом", "Мен жана менин үй-бүлөм", "Бул менин дүйнөм" деген темаларда камерага же телефонго 10 мүнөткө чейин кыскаметраждуу кино тартышы керек.

"Катышуу акысыз. Эмгектер 2020-жылдын 5-октябрына чейин www.karek.kg сайты аркылуу кабыл алынат. Балдар тарткан кинолорду Кыргызстандын белгилүү киноишмерлери баалайт",— деди Дайырбекова.

Жеңүүчүлөр "Мыкты көркөм тасма", "Мыкты анимациялык тасма", "Мыкты документалдык тасма", "Мыкты режиссёр", "Мыкты оператор", "Мыкты сценарист", "Мыкты монтажер", "Мыкты жаш актёр", "Мыкты жаш актриса", "Калыстардын атайын сыйлыгы" номинациялары боюнча аныкталып, статуэтка, диплом жана баалуу белектер менен сыйланары кошумчаланды.

58
Белгилер:
кино, режиссер, кинофестиваль, балдар
Тема боюнча
Өмүрүн киного арнаган Геннадий Базаров 78 жашка толду. Сүрөттөгү ирмемдери
Россия сегодня эл аралык агенттигинин башкы редактору Маргарита Симоньян

Сотко беришибиз мүмкүн! Симоньян АКШда жабыркаган журналисттер тууралуу

18
(жаңыланган 01:05 03.06.2020)
Америкадагы нааразычылык акцияларын чагылдырып жүргөн РИА Новости жана Sputnik агенттигинин кабарчылары полиция тарабынан одоно аракеттерге туш болушкан.

БИШКЕК, 3-июн. — Sputnik. "Россия сегодня" эл аралык агенттигинин башкы редактору Маргарита Симоньян редакциянын кабарчыларына кол салган америкалык полиция кызматкерлерине каршы доо арыз берилиши мүмкүн экендигин билдирди. Бул тууралуу РИА Новости жазды.

"Акыркы үч күндүн ичинде Американын полициясы РИА Новостинин Миннеаполистеги кабарчысы менен Вашингтондогу Sputnik агенттигинин продюсерине кол салды. Экөө тең пресс-карталарын көрсөтүп, кабарчы экендигин айтып кыйкырышкан. Аны полиция көрүп да, угуп да койгон эмес. Учурда АКШ өзүнүн медиасына да ушундай мамиле кылып жатат. Мыйзам бар мамлекетте, албетте, биз сотко кайрылмакпыз. Бирок бүгүнкү Америкада мыйзам полициядан да жакшы иштейт деп айтууга негиз жок. Биз муну ойлонуп көрөбүз", — деген Симоньян.

Өткөн жекшембиде полиция Миннеаполистеги башаламандыкты чагылдырып жаткан РИА Новостинин кабарчысы Михаил Тургиевге көздөн жаш агызуучу газ чачып жиберген. Буга байланыштуу Россиянын элчилиги мамлекеттик департаментке нааразычылык нотасын жөнөткөн.

Ал эми шейшемби күнү Вашингтон полициясы нааразычылык акциясын видеого тартып жүргөн Sputnik агенттигинин продюсери Николь Русселдин журналист экендигин билип туруп желим ок менен аткылаган.

Полиция Тургиев менен Руссел журналист экендигин тастыктаганына карабастан, атайылап орой мамиле жасаган.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен башаламандыктын аягы сууй элек. Ири шаарларда дүкөндөр талкаланып, мародёрлук күч алганын ЖМКлар жазып жатышат.

Ал эми АКШ президенти Дональд Трамп башаламандыкты террорчулук деп сыпаттаган.

18