БИШКЕК, 6-дек. — Sputnik. Декабрдын ортосунда жаш акындар Калича Жакыпова жана Жылдызбек Турсунбаевдин чыгармачылыгына арналган поэзия кечеси өтөт. Бул туурасында "Роза Отунбаеванын демилгеси" эл аралык коомдук фондусунан кабарлашты.
4 Бештин айы 2017, 17:07
Калича Жакыпова кесиби боюнча суу инженери. Азыркы тапта Кыргыз агрардык университетинде аспирантурада окуп, "Кыргызсуудолбоор" мамлекеттик ишканасында инженер-долборлоочу болуп эмгектенет. Алгачкы ырларын 12-13 жашынан баштап жаза баштаган.
Жылдызбек Турсунбаев алгачкы ырларын 14 жашынан тарта жазган. Ырларында көбүнчө публицистикалык темаларга кайрылганды жактырат. Манасчылык жана сөзмөрдүк өнөрү боюнча республикалык бир нече таймаштардын баш байгесин багындырган.
Буга чейин эки акындын ыр жыйнактары чыгып, окурмандар арасынан өзүнүн күйөрмандарын тапкан.
Ыр кече 2017-жылдын 15-декабрында Токтогул Сатылганов атындагы Кыргыз улуттук филармониянын кичи залында өтөт.
