Улуу жазуучу Чыңгыз Айтматовдун архивдик сүрөтү

Ливандык жазуучу Чыңгыз Айтматов тууралуу китеп жазды

340
(жаңыланган 22:10 11.02.2018)
Ливандагы радиолордун биринде кыргыз жазуучусу Чыңгыз Айтматовдун чыгармачылыгына арналган программалар сериясы жүрүп жатат

БИШКЕК, 10-фев. — Sputnik. Бейрутта ливандык жазуучу Имадеддин Раеф кыргызстандык жазуучу Чыңгыз Айтматов тууралуу китебин элге тартуулады. Бул туурасында КРдин Маданият, маалымат жана туризм министрлигинен кабарлады.

Китеп "Чыңгыз Айтматов менен Манастын босогосунда" деп аталат. Китеп туурасында Раеф менен радиодо болгон маектердин сериясында кеңири айтылат. Эфир аалам алпы, классик жазуучу Айтматовдун 90 жылдыгына арналган.

Раеф 8-февралдан тарта угармандарга Айтматовдун чыгармачылыгынын мааниси, масштабы тууралуу айтып берет.

Китептин мукабасына кыргыз сүрөтчүсү Замир Илиповдун "улуу жол" деп аталган эмгеги түшүрүлгөн.

Китеп араб тилинде чыгып, электрондук түрдө жазуучулар менен интеллектуалдардын "Айтматовдук окуулар: маданияттар диалогу" деп аталган эл аралык I форумунда окугандан кийин чыккан. Иш-чара 2017-жылы август айында болгон.

Китеп кириш сөздөн жана алты бөлүмдөн, эки тиркемеден турат. Китептеги макалалардын бардыгы араб сайттары менен электрондук журналдарга басылган.

Быйыл улуу жазуучу Айтматов 90 жашка чыгат. ТҮРКСОЙ 2018-жылды "Айтматов жылы" деп жарыялады.

340
Белгилер:
интервью, радио, Чыңгыз Айтматов, Ливан
Тема:
Чыңгыз Айтматовдун 90 жылдыгы (43)
Тема боюнча
Айтматовдун чыгармалары боюнча балдардын сүрөт сынагы старт алды
Рысалиев: Бишкектеги Биринчи Май районунун аталышын Айтматов кылып өзгөртөлү
Дүйнө Айтматовду окуйт! Интернетте жаңы флешмоб старт алды
Гүл кармап турган адам. Архив

Улуттук сүрөт өнөрүн көтөргөн Кыргыз эл сүрөтчүсү Баатыр Жалиев дүйнө салды

67
Баатыр Жалиевдин чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

БИШКЕК, 31-май — Sputnik. 85 жаш курагында живописчи, график, КР эл сүрөтчүсү Баатыр Жалиев дүйнө салды. Бул тууралуу мамлекет башчынын маалымат кызматы билдирип, ага жазылган некрологду жарыялады.

Жалиевдин чыгармачылыгы өнөр жай жана айыл чарба темасына арналган. Ал өлкөдөгү эпкиндүү курулуштарды, элет жерлериндеги өзгөрүүлөрдү көркөм чагылдырып, мезгилдин кеңири полотносун жараткан. Сүрөтчүнүн "Өнөр жайлуу Ош" (1966), "Ош курулуп жатат" (1972), "Хайдаркан комбинаты", (1974) аттуу чыгармалары түштүк жергесиндеги кубаттуу ишканаларда иштеп жаткан жумушчуларды, алардын эмгегин, көркөм образын жаратып, кыргыз жумушчуларынын эсте каларлык галереясын түзгөн. Жанрлуу-портреттүү "Тогуз коргоол" (1974) чыгармасы Баатыр Жалиевдин чыгармачылык чоң жетишкендиги болуп эсептелет.

Баатыр Жалиевдин көркөм сүрөттөрү республикалык, бүткүл союздук жана эл аралык көргөзмөлөргө катышып, байгелүү орундарга арзыган. Сүрөтчүнүн чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

Сүрөтчү көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Жалиев графика жаатында мыкты картиналардын циклин жаратты. Сүрөтчүнүн дүйнө таанымы, көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Сүрөтчүнүн көп жылдык изденүүсү аркылуу улуттук сүрөт маданиятында "Сизизм" көркөм формасы жана агымы жаралган. Бул агымдын негиз салуучусу катары улуттук сүрөт өнөрүнө жаңы дем кошуп, өзүнүн сүрөтчүлүк "мектебин" жараткан. Сүрөтчүнүн эмгектери учурда өзүнүн үй-музейинен орун алган. Баатыр Жалиевдин өз демилгеси менен негиздеген үй-музейи 2012-жылдан бери иштеп келет.

Баатыр Жалиевдин сүрөтчүлүк таланты жогору бааланып, "Эмгектеги артыкчылык" медалы, Кыргыз ССР Жогорку Советинин Ардак грамоталары менен сыйланган. Ага КР эл сүрөтчүсү ардактуу наамы ыйгарылган.

Баатыр Жалиевдин тажиясы 2020-жылдын 31-майында Ош шаарында өтөт.

67
Белгилер:
Баатыр Жалиев, чыгармачылык, өмүр баян, өлүм, сүрөтчү
Тема боюнча
Таланттуу опера ырчысы Сагибжамал Ходжибекова көз жумду. Некролог
Видеоператор жумуш учурунда. Архив

Балдардын "Карек" кинофестивалына тасмалар кабыл алына баштады

58
Кинофестивалга 10-17 жаштагы окуучулар катыша алат. Алар каалаган жанрында "Мен жана коом", "Мен жана менин үй-бүлөм", "Бул менин дүйнөм" деген темаларда камерага же телефонго 10 мүнөткө чейин кыскаметраждуу кино тартышы керек.

БИШКЕК, 30-май — Sputnik. Республикада балдар жана өспүрүмдөр арасындагы "Карек" кинофестивалы тасмаларды кабыл ала баштады. Бул тууралуу "Карек" балдар кинофондунун жетекчиси Толкун Дайырбекова билдирди.

Анын айтымында, конкурска 10-17 жаштагы окуучулар катыша алат. Балдар каалаган жанрында "Мен жана коом", "Мен жана менин үй-бүлөм", "Бул менин дүйнөм" деген темаларда камерага же телефонго 10 мүнөткө чейин кыскаметраждуу кино тартышы керек.

"Катышуу акысыз. Эмгектер 2020-жылдын 5-октябрына чейин www.karek.kg сайты аркылуу кабыл алынат. Балдар тарткан кинолорду Кыргызстандын белгилүү киноишмерлери баалайт",— деди Дайырбекова.

Жеңүүчүлөр "Мыкты көркөм тасма", "Мыкты анимациялык тасма", "Мыкты документалдык тасма", "Мыкты режиссёр", "Мыкты оператор", "Мыкты сценарист", "Мыкты монтажер", "Мыкты жаш актёр", "Мыкты жаш актриса", "Калыстардын атайын сыйлыгы" номинациялары боюнча аныкталып, статуэтка, диплом жана баалуу белектер менен сыйланары кошумчаланды.

58
Белгилер:
кино, режиссер, кинофестиваль, балдар
Тема боюнча
Өмүрүн киного арнаган Геннадий Базаров 78 жашка толду. Сүрөттөгү ирмемдери
Россия сегодня эл аралык агенттигинин башкы редактору Маргарита Симоньян

Сотко беришибиз мүмкүн! Симоньян АКШда жабыркаган журналисттер тууралуу

25
(жаңыланган 03:39 03.06.2020)
Америкадагы нааразычылык акцияларын чагылдырып жүргөн РИА Новости жана Sputnik агенттигинин кабарчылары полиция тарабынан одоно аракеттерге туш болушкан.

БИШКЕК, 3-июн. — Sputnik. "Россия сегодня" эл аралык агенттигинин башкы редактору Маргарита Симоньян редакциянын кабарчыларына кол салган америкалык полиция кызматкерлерине каршы доо арыз берилиши мүмкүн экендигин билдирди. Бул тууралуу РИА Новости жазды.

"Акыркы үч күндүн ичинде Американын полициясы РИА Новостинин Миннеаполистеги кабарчысы менен Вашингтондогу Sputnik агенттигинин продюсерине кол салды. Экөө тең пресс-карталарын көрсөтүп, кабарчы экендигин айтып кыйкырышкан. Аны полиция көрүп да, угуп да койгон эмес. Учурда АКШ өзүнүн медиасына да ушундай мамиле кылып жатат. Мыйзам бар мамлекетте, албетте, биз сотко кайрылмакпыз. Бирок бүгүнкү Америкада мыйзам полициядан да жакшы иштейт деп айтууга негиз жок. Биз муну ойлонуп көрөбүз", — деген Симоньян.

Өткөн жекшембиде полиция Миннеаполистеги башаламандыкты чагылдырып жаткан РИА Новостинин кабарчысы Михаил Тургиевге көздөн жаш агызуучу газ чачып жиберген. Буга байланыштуу Россиянын элчилиги мамлекеттик департаментке нааразычылык нотасын жөнөткөн.

Ал эми шейшемби күнү Вашингтон полициясы нааразычылык акциясын видеого тартып жүргөн Sputnik агенттигинин продюсери Николь Русселдин журналист экендигин билип туруп желим ок менен аткылаган.

Полиция Тургиев менен Руссел журналист экендигин тастыктаганына карабастан, атайылап орой мамиле жасаган.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен башаламандыктын аягы сууй элек. Ири шаарларда дүкөндөр талкаланып, мародёрлук күч алганын ЖМКлар жазып жатышат.

Ал эми АКШ президенти Дональд Трамп башаламандыкты террорчулук деп сыпаттаган.

25
Белгилер:
журналист, башаламандык, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШ полициясы ЖМК өкүлү экенин билип туруп Sputnik продюсерине ок чыгарды