Ак Илбирс — 2018 улуттук кино сыйлыгы. Архивдик сүрөт

"Апамды издеп", "Саякбай", "Кентавр". "Ак илбирс 2018" сыйлыгы ээсин тапты

332
(жаңыланган 17:12 28.04.2018)
"Ак илбирс" улуттук сыйлыгы 2012-жылы негизделген.

БИШКЕК, 27-апр. — Sputnik. Бүгүн, 27-апрелде "Ак илбирс — 2018" улуттук кино сыйлыгы өз жеңүүчүлөрүн тапты. Бул тууралуу Sputnik Кыргызстан агенттигинин аталган иш-чарага катышкан кабарчысы билдирди. 

Акыркы жылдары тасма чөйрөсүндө өз мыктылыгын көрсөткөндөр төмөндөгү сыйлыктарга ээ болду:

"Көрүүчүлөрдүн сүймөнчүк тасмасы" — "Апамды издеп" (режиссеру — Руслан Акун);

"Мыкты монтаж" — Элдияр Мадаким ("Апамды издеп" тамасы);

"Мыкты сүрөтчү" — Төлгөбек Койчуманов ("Саякбай" тасмасы);

"Мыкты үн режиссеру" — Бакыт Ниязалиев ("Саякбай" тасмасы);

"Мыкты композитор" — Муратбек Бегалиев ("Саякбай" тасмасы);

"Эркектин мыкты ролу" — Азамат Уланов ("Апамды издеп" тасмасы);

"Аялдын мыкты ролу" — Таалайкан Абазова ("Кентавр" тасмасы);

"Мыкты оператор" — Хасан Кыдыралиев ("Саякбай" тасмасы);

"Мыкты сценарий" — Актан Арым Кубат жана Эрнест Абдыжапаров ("Кентавр" тасмасы);

"Мыкты режиссер" — Актан Арым Кубат ("Кентавр" тасмасы); 

"Мыкты даректүү тасма" — Касиет Кубанычбекова ("Оймок" тасмасы);

"Мыкты кыска метраждуу тасма" — Аскар Нуракун уулу ("Киноман" тасмасы);

"Улуттук кинематографияга кошкон салымы үчүн" — Жамал Сейдакматова;

"Борбор Азия боюнча эркектин мыкты ролу" — Дулига Акмолда ("Оралман", Казакстан);

"Борбор Азия боюнча аялдын мыкты ролу" — Шахзода Матчанова ("Масума", Өзбекстан); 

"Борбор Азиянын мыкты тасмасы" — "Оралман" (Казакстан, ружиссеру Сабит Курманбеков);

"Дүйнөлүк кинематографияга кошкон салымы үчүн" — Нуржуман Ихтымбаев (Казакстан) 

"Мыкты тасма" — "Кентавр" (режиссеру — Актан Арым Кубат). 

"Ак илбирс" улуттук сыйлыгы   2012-жылы негизделген. 

332
Белгилер:
кино тасма, "Ак Илбирс" улуттук киносыйлыгы, Кыргызстан
Тема боюнча
Кулмендеев: "Ак илбирс" улуттук кино сыйлыгы — бул кыргыздын "Оскары"
"Ак Илбирс" сыйлыгына талапкерлер аныкталды
Баласына китеп окуп берген аял. Архивдик сүрөт

Баланы китепке кантип кызыктыруу керек. Култаеванын балдар адабияты тууралуу маеги

253
(жаңыланган 17:41 22.09.2020)
Бүгүнкү күндө илгеркидей жантыгынан жата калып жомок уккан, китеп окуган бала дээрлик жок. Көбүбүз китеп окуп берүүгө, балага тийиштүү көңүл бурууга убакыт жок деп заманга шылтайбыз.

Телефон, гаджеттерден баш көтөрбөгөн бала үчүн азыркы адабият кандай болуш керек? Канткенде аларды виртуалдык дүйнөдөн азыраак болсо да алыстатып, китеп дүйнөсүнө баш бактыра алабыз? Бул багытта айта берсе толгон-токой суроо бар.

Sputnik Кыргызстан агенттигинин кабарчысы КРдин эл агартуусунун отличниги, профессор Үмүт Култаева менен балдар адабияты жана анын учурдагы абалы тууралуу маектешти. 

Доктор филологических наук, отличник образования Умут Култаева
© Фото / предоставлено Умут Култаевой
Үмүт Култаева: бөбөктөргө арналган чыгармалар кийинки кезде жанрдык жактан абдан жакшы өнүктү

— Азыркы учурда балдар адабияты бар деп айта алабызбы?

— Балдар адабияты бар. Болгондо да жанрдык жактан бай адабиятка ээбиз. Тескерисинче, окурман, балдар адабиятын баалаган киши жок. Бөбөктөргө арналган чыгармалар кийинки кезде жанрдык жактан абдан жакшы өнүктү. Мисалы, бир катар метаграмма, анаграмма, шарада, табышмактуу ырлар, суроолуу ырлар жазылды. "Байчечекей" журналынын бир жылдык тиркемесин алып көрсөңөр, ичинен эмне деген сонун чыгармаларды табууга болот. Бир гана көйгөй — нускасы өтө аз. Эгерде Кыргызстанда миллиондон ашык окуучу болсо, ал болгону он миң тираж менен чыгып элге жетпей жатат. Балдар адабиятын окубай туруп эле аны жок дей бергенге мен каршымын. Эң сонун табылгалар бар. Кийинки кезде чыгып келе жаткан жазмакер жаштарда да балдардын бүгүнкү  аң-сезимине ылайыкталган жакшы чыгармалар кездешет.

— Коомдун өзгөрүшү менен балдарга арналган чыгармалар да өзгөрүшү керекпи?

— Коомдун ыргагына жараша эң сонун өзгөргөн чыгармалар бар. Мисалга, Атантай Акбаровдун бүгүнкү күндүн тили менен жазылган ыры:

Карга деген карга да,
Тазалыкты сезели.

Нурмамбеттин бутуна,
Келип түштү тезеги.

Анда бала мурчуюп,
Мындай айтат кыял кеп:

"Чоңойгондо куштарга
Салып берем туалет".

Ит кутурса — көрканачы, эр кутурса — каракчы. Кубанычбек Маликовдун кеп казынасы

Мына, терминдик жактан алып караганда да мыкты чыгарма. Бүгүн бизде чыгармаларды баалаган окурман жок. Турар Кожомбердиевден баштап азыркы учурга чейинки түптөлгөн балдар адабиятынын эң сонун байлыгы турат. Ата-энелер да керектүү чыгармаларды таап, балдарына окутканды билбейт.

— Азыр балдар адабиятына киришип жаткан жазмакерлердин арасынан кимдердин атын атап кетер элеңиз?

— Жазмакерлердин арасынан калпагы көрүнүп калган акындардын катарындагы Атантай Акбаровду баса белгилеп айтар элем. Бирок бул киши өзүн балдар адабиятынын жазмакери катары эсептебейт. Ушул жагына жакшы киришсе болмок. Жакында "Рухэш" сайты өткөргөн коңкурска жиберилген бир нече мыкты чыгарманын автору Кубанычбек Аркабаев болуп чыкты. Бул киши кийинчерээк гана келди. Ал эми Абдыкерим Муратов балдар адабиятындагы чоң адис. Ал кишинин монографиясы, теориясы да бар. Калемгерлерге балдар адабиятынын талабы тууралуу педагогикалык эмгектерди жазып жүрөт. Дегеле балдар адабиятында педагогикалык-дидактикалык, көркөм эстетикалык башаттар айкашуусу керек. Буга чейин бул жаатта кыл чайнашкан талкуулар да болгон. Ошондо кайсы белги балдар адабиятынын негизги өзгөчөлүгүн түзүшү керек дегенде, көпчүлүгү тема (балдарга ылайык темада жазуу — ред.) деп аташкан. Бирок жыйынтыгында балдар адабиятынын тили өзгөчө болушу керектигине токтолгонбуз. Баланын тили менен сүйлөй билгенде гана анын аң-сезимине жетет.

Дегинкиси көркөм адабиятты кабыл алуунун өзүнүн психологиясы бар. Эгерде балдар адабиятынын тили алардын жаш өзгөчөлүгүнө, дүйнө таанымына, кабыл алуу психологиясына туура келбесе, анда ал чыгарма курулай убара болуп калат. Ушул көз караштан карасак, жогорудагы жазуучуларда балдарга тез кабыл алдыруу жөндөмдүүлүгү байкалат. Балдар адабиятынын уучу кур эмес. Токтосун Самудинов бул жаатта өзүнчө мектеп түздү. Алгач "Байчечекейдин" тегерегинде калемин сынап, андан кийин көркөм адабиятка келген балдар бар. "Байчечекейдин" бир нече жылдык тиркемеси — өзүнчө эле лаборатория. Бирок журнал мурда бардык мектептерге жетсе, азыр андай эмес. Экинчи маселе, балдар адабиятын заманбап деңгээлге, азыркы баланын аң-сезимине жеткирүү үчүн дагы көп иш жасашыбыз керек. Мындан улам балдар жазуучулары үчүн лекция, талкуу, тренинг, көргөзмөлөрдү уюштуруу зарылчылыгы келип чыгууда. 

Доктор филологических наук, отличник образования Умут Култаева
© Фото / предоставлено Умут Култаевой
Үмүт Култаева: баланын тили менен сүйлөй билгенде гана анын аң-сезимине жетет

— Өзүңүз айткандай, азыр балдар эмес чоңдор деле китеп окуудан алыстап калдык. Сураарым, жомок дүйнөсү — баланын инсан катары калыптанышында кандай роль ойнойт?

— Жомок — бул бүгүн табылган жанр эмес. Анын тамыры тереңде. Жомокто элдик дүйнө тааным, элдик психология берилгендиктен, ал сөзсүз түрдө баланын аң-сезимине таасир этет. Ал тургай дүйнөгө атагы чыккан Пушкиндин "күндө кечинде жомок угам, ушуну менен каргыш тийген тарбиямдын кемчилдигин толуктайм" деп айтканы бар. Бардык жагынан шарты түзүлүп, атайын бала багуучу жалданган Пушкин да жомок менен тарбияланганын айтууда. Демек, жомок сөзсүз түрдө баланын калыптанышына оң таасирин тийгизет. Жакында балдар адабияты боюнча өткөргөн сынакта 2-орунду "Мышык менен чычкан" аттуу жомок жеңип алды. Анда чычкандын жолборс болом деп кыялданганы баяндалган. Балада фантазия абдан өнүккөндүктөн бөбөктөрдүн фантазиясына ылайык жазылган чыгарма аны өзүнө тартат. Сюжетте кескин бурулуштар болуп, тез жана динамикалуу өнүгүп турушу керек. Ошондой эле чыгарма кыска болушу абзел. Чыгармада сыйкырдуу, аллегориялуу элементтер камтылса кичинекейлер жыргап угат. "Мышык менен чычкан" жомогунун автору аты коомго таанылбаган эле кыз экен, бирок андан мыкты жазуучу чыгат деген үмүт бар.

Касымбекова: "Сынган кылычты" бир койго сатып алып окугандар болгон

— Коңшу казактарды алсак, балдарга каада-салтын, үрп-адатын таанытууда жакшы эмгектерди жасашууда. Ошондой эле Алпамыш өңдүү баатыр каармандарды, эпосторун таанытууда бир топ анимациялык тасмаларды тартышты. Бизде да "Манас" баштаган эпос, кенже эпосторго сценарий жазып, мультфильмдерди тартса болобу?

— Албетте, болот. Жаштар, журналисттер да ушул жаатта иштебейсиңерби? Буга чейин Жоомарт Бөкөнбаевдин "Чептен эрдин күчү бек" деген чыгармасы боюнча тартылган мультфильм чыгып, жакшы көрүлгөн. Эпостук чыгармаларды ушундай негизде иштеп чыкса болот. "Манастын бала чагы", "Каныкейдин Тайторуну чапканы" деген атайын балдар үчүн чыккан китептер бар. Муну өздөрү окубай эле "жок" деп алакан жайышууда. Казактардын педагогикасы бир топ алдыга кетти, бирок башкалар менен өзүбүздү салыштырып отуруудан эч нерсе чыкпайт. Ар кимибиз өз ордубузда иштей берсек, көптөгөн ийгиликтер жаралат. Балдар адабияты боюнча иштеп жаткандар бар, бирок ал элге жакшы жетпей жаткан өңдүү. 1950-жылдардан бери Турар Кожомбердиев, Абзий Кыдыров, Каныбек Жунушов, Токтосун Самудиновдун балдарга арналган чыгармаларына, ар бир автордун бейнесине карата монографияларды жаздым. Бул тармакта Абзий Кыдыров абдан жакшы иштеди. Ал киши тууралуу "Балдар адабиятынын баба дыйканы" деген макалам бар.

"Кон, кон көпөлөк,
Сени кууп ойноого,
Али боюм жете элек", — деген Кыдыровдун ырынын чыкканына жетимиш жыл болсо да али унутула элек. Автордун "Эки дос", "Коңур" деген ырлары, "Окуганды үйрөнөм", "Алиппе" деген атайын дидактикалык чыгармалары бар. Ушунун баарын окубай жатабыз. Мындай чыгармалар көп. Болгону системалаштырып иштеп чыгуу зарыл.

— Азыркы тапта балдар адабиятында материалдар толук жетиштүү экен, болгону өзүбүз аны таап, балдарга окуп, ачып бербей, системалаштыра албай жаткан турбайбызбы?

— Туптуура, маселе ошондо жатат. Азыр менин кыздарым турмуш куруп калды. Алар кичине кезинде Бишкектин 10-кичи районундагы бала бакчага барышчу эле. Сонун-сонун кыргызча балдар ырларын күндө жаттап келип айтып беришчү. Натыйжада аларды мен кызыктырбастан, алар мени балдар адабиятына алып келишти. Мынакей парадокс. Жогоруда мен санап өткөн авторлордун керемет чыгармаларын мыкты тарбиячылар пайдаланып келишет. Сөз оюндары, табышмактар боюнча укмуш сонун ырлар бар.

Бакашева: балдарга күнүнө 10-15 мүнөт китеп окуп берүү керек

"Билесиңби, сен албетте билесиң,
Кандай атайт жылкынын үй-бүлөсүн?

Билесиңби, сен албетте билесиң,
Эмне дейбиз, мактай берсе ким өзүн?

Билесиңби, албетте сен билесиң,
Кандай сөздү укканыңда күлөсүң?".

Карагылачы, кандай сонун саптар! Ар биринин жообу бар. Мындай ырлар көп. Ушуларды Билим берүү министрлиги, Жазуучулар союзу, тарбиячылар системалаштырып, жаш өзгөчөлүгүнө жараша классификациялап, жакшы жеткире албай жатабыз. Мурда "Кыргызстан пионери", "Жаш ленинчил" өңдүү бир катар балдар басылмалары бар эле. Азыр бир гана "Байчечекей" калды. Мамлекет эми ушуну өз карамагына алып, ар бир мектепке жете тургандай шарт түзүп берсе жакшы болмок. Бул журнал 1976-жылы, биз жаш кезде чыккан. Мектептерге жеткирилип, андан мугалимдер, тарбиячылар алып балдарга жакшы жайылтылчу. 

Доктор филологических наук, отличник образования Умут Култаева
© Фото / предоставлено Умут Култаевой
Үмүт Култаева: жомок — бул бүгүн табылган жанр эмес. Анын тамыры тереңде. Жомокто элдик дүйнө тааным, элдик психология берилгендиктен, ал сөзсүз түрдө баланын аң-сезимине таасир этет

— Бөбөктөргө арналган мурунку жана кийинки мыкты чыгармалардын хрестоматиясын көп нускада чыгарса болчудай. Бирок каржы жагынан маселе жаралат го?

— Болот, китеп чыгарууга өкмөттөн деле каражат бөлүнүптүр. Маданият министрлигине бул боюнча чакырганда барсам, жомок китептерди атайын сунуш менен чоң-чоң том кылып чыгарышыптыр. Муну бала деле көтөрө албайт, ата-энелерге деле ыңгайсыз да. Андан көрө баланын жаш өзгөчөлүгүнө карата бөлүп-бөлүп чыгарса болмок. Бир кездерде майда-майда жакшы чыгармалар жарыкка чыккан. Ошонун баары бар. Болгону издеп таап, окурмандар өздөрү окушса. Биз болсо мындан ары да авторлор менен иштешип, сынак уюштуруп турууну ойлонуп жатабыз. Анткени улуу муун менен азыркы муундун ортосунда кандайдыр бир хаос болуп турат. Жаш жазуучулар мурункулардын деңгээлинен ашкан чыгармаларды жарата албай жатышат. Демек, балдар адабияты боюнча көптөгөн иштерди жасашыбыз керек. Журналисттер да бул темага системалык түрдө кайрылып турса абдан жакшы болот эле.

253
Белгилер:
ыр, чыгарма, кыргыз адабияты, балдар
Тема боюнча
Жолдошов: "Манас" кара сөз менен жазылса 500-600 китеп топтому чыкчудай
Бакеев: айрым китепканалар окурмандарды соцтармактар аркылуу тейледи

Каткырган, кайгырган, ыйлаган Сейдакматова. Актрисанын сүрөттөгү ирмемдери

206
  • Жамал Сейдакматова Москвадагы Жеңил өнөр жай институтунун 2-курсунда окуп жүрүп, Фрунзеге келгенде театрга кирип алган
  • СССРдин эл артисти Сүймөнкул Чокморов, КРдин эл артисти Жамал Сейдакматова Океевдин Улан тасмасында, Ысык-Көл, 1977-жыл
  • Актриса дараметин театрда да, кинодо да сынап көргөн
  • Белгилүү актриса Жамал Сейдакматова менен актёр Дүйшөн Байдөбөтов. Режиссёр Дооронбек Садырбаев Акбаранын көз жашы тасмасына тартылып жаткан учур. Ош облусу, 1988-жыл
  • Кыргыз Республикасынын эл артисти чыгармачылыгында 20дан ашык тасмада образ жараткан
  • Жайлоодо тасма тартылып жаткан учур, 1974-жыл
  • Аманат тасмасын тартуу маалы, 1978-жыл
  • Замандаштары: режиссёрлор Төлөмүш Океев, Геннадий Базаров, жазуучулар Чыңгыз Айтматов, Бексултан Жакиев жана актриса Бакен Кыдыкеева менен
  • Ала-Арча резиденциясында президент Сооронбай Жээнбековдун Жамал Сейдакматовага мамлекетттик сыйлык — II даражадагы Манас орденин тапшырган учуру
  • Чырайлуу Айтурган Темирова жана Жамал Сейдакматова канадалык кесиптештери менен, 1982-жыл
  • Жамал Сейдакматова келини, кызы жана неберелери менен
  • КРдин эл артисти өзү түзгөн Тунгуч театрынын жамааты менен
Бүгүн белгилүү актриса, Токтогул атындагы мамлекеттик сыйлыгынын лауреаты Жамал Сейдакматованын туулган күнү. Өмүрүн кыргыз киносу менен театрына арнаган актриса 81 жашка толду.

Sputnik Кыргызстан агенттиги КРдин эл артистинин туулган күнү менен куттуктап, сүрөттөгү ирмемдерин топтоду.

Жамал Сейдакматова 1939-жылы 21-сентябрда Ысык-Көлдүн күңгөйүндөгү Темир айылында туулуп-өскөн. Атасы көп убакыт бала жытын искей албай жүрүп, бешинчи жубайынан Жамалды көргөн. Апасы Ажар Каракол театрында актриса болуп иштеген. Ата-энесинин жалгыз баласы болуп абдан эрке өскөн. Кичинекейинен эле ыр-бийге шыктуу болуп, ата-энеси мыкты билим алсын деп борборго жөнөткөн. Мектепти аяктагандан кийин атасынын тили менен Москвадагы Жеңил өнөр жай институтуна тапшырган.

Таттыбүбү, кызы Асел, Айтурган... Кыргыз киносунун чүрөктөрүнүн сейрек сүрөттөрү

Бирок жүрөгүн уялаган максаты жанына жай бербей, акыры аталган институтту 2-курстан таштап, Фрунзеге келип театрга кирип кеткен. Ал эми студент кыздын жакындары менен ата-энеси аны чоң окумуштуу болот деп күтүшкөн.

Чыгармачылыгы "Алыскы тоолордо" фильмине тартылуу менен башталып, 60-70-жылдары театрда лирикалык, комедиялык, драмалык маанайдагы образдарды жаратуунун чебери катары таанылган.

Сейдакматова: карылыктын өзүнүн жакшы жактары бар экен. Видео маек

Токтогул атындагы мамлекеттик сыйлыгынын лауреаты атайын кесиптик билими жок эле Кыргыз драма театрында 32 жылдай иштеп, кино жаатында эмгектенип, тасма талаасын да багындырган. Ал "Акбаранын көз жашында" Көктурсундун, "Алыскы тоолордо" Зыягүлдүн, "Тянь-Шань кызы" тасмасында Алтынайдын, "Караш-Карашта" Хадижанын, "Уланда" Фатиманын, "Курманжан даткада" Курманжан датканын ролдорун өтө жогорку деӊгээлде ойногон. КР эл артисти жалпы 20дан ашык тасмада түрдүү образдарды жараткан.

Топудай кыргыздын башына тоодой кайгы үйүлбөсө дейм. Сейдакматова менен дил маек

Жамал Сейдакматова 1990-жылы борбор калаада "Тунгуч" жеке театрын негиздеген. Жеке жашоосунда актриса таланттуу артист Болот Шалтаевге турмушка чыгып, уулу жети жашка чыкканда жолдошу оорудан улам каза болуп калган. Экинчи турмушу Садырбек Назаров менен болуп, учурда актрисанын алты небереси бар.

Кыргыз элинин таланттуу актрисасы жөнүндө кызыктуу фактыларды Sputnik Кыргызстан маалымат агенттигинин материалынан окуңуздар.

206
  • Жамал Сейдакматова Москвадагы Жеңил өнөр жай институтунун 2-курсунда окуп жүрүп, Фрунзеге келгенде театрга кирип алган
    © Sputnik / Александр Федоров.

    Жамал Сейдакматова Москвадагы Жеңил өнөр жай институтунун 2-курсунда окуп жүрүп, Фрунзеге келгенде театрга кирип алган

  • СССРдин эл артисти Сүймөнкул Чокморов, КРдин эл артисти Жамал Сейдакматова Океевдин Улан тасмасында, Ысык-Көл, 1977-жыл
    © Фото / Александр Федоров

    СССРдин эл артисти Сүймөнкул Чокморов, КРдин эл артисти Жамал Сейдакматова Океевдин "Улан" тасмасында, Ысык-Көл, 1977-жыл

  • Актриса дараметин театрда да, кинодо да сынап көргөн
    © Sputnik / Александр Федоров.

    Актриса дараметин театрда да, кинодо да сынап көргөн

  • Белгилүү актриса Жамал Сейдакматова менен актёр Дүйшөн Байдөбөтов. Режиссёр Дооронбек Садырбаев Акбаранын көз жашы тасмасына тартылып жаткан учур. Ош облусу, 1988-жыл
    © Фото / Александр Федоров

    Белгилүү актриса Жамал Сейдакматова менен актёр Дүйшөн Байдөбөтов. Режиссёр Дооронбек Садырбаев "Акбаранын көз жашы" тасмасына тартылып жаткан учур. Ош облусу, 1988-жыл

  • Кыргыз Республикасынын эл артисти чыгармачылыгында 20дан ашык тасмада образ жараткан
    © Фото / Александр Федоров

    Кыргыз Республикасынын эл артисти чыгармачылыгында 20дан ашык тасмада образ жараткан

  • Жайлоодо тасма тартылып жаткан учур, 1974-жыл
    © Sputnik / Александр Федоров.

    Жайлоодо тасма тартылып жаткан учур, 1974-жыл

  • Белгилүү режиссёр Төлөмүш Океев менен КРдин эл артисти Жамал Сейдакматова, 1977-жыл
    © Фото / Шалтаев Мурат

    Белгилүү режиссёр Төлөмүш Океев менен КРдин эл артисти Жамал Сейдакматова, 1977-жыл

  • Аманат тасмасын тартуу маалы, 1978-жыл
    © Sputnik / Александр Федоров.

    "Аманат" тасмасын тартуу маалы, 1978-жыл

  • Замандаштары: режиссёрлор Төлөмүш Океев, Геннадий Базаров, жазуучулар Чыңгыз Айтматов, Бексултан Жакиев жана актриса Бакен Кыдыкеева менен
    © Sputnik / Александр Федоров.

    Замандаштары: режиссёрлор Төлөмүш Океев, Геннадий Базаров, жазуучулар Чыңгыз Айтматов, Бексултан Жакиев жана актриса Бакен Кыдыкеева менен

  • Ала-Арча резиденциясында президент Сооронбай Жээнбековдун Жамал Сейдакматовага мамлекетттик сыйлык — II даражадагы Манас орденин тапшырган учуру
    © Пресс-служба президента КР / Султан Досалиев

    "Ала-Арча" резиденциясында президент Сооронбай Жээнбековдун Жамал Сейдакматовага мамлекетттик сыйлык — II даражадагы "Манас" орденин тапшырган учуру

  • Чырайлуу Айтурган Темирова жана Жамал Сейдакматова канадалык кесиптештери менен, 1982-жыл
    © Sputnik / Александр Федоров.

    Чырайлуу Айтурган Темирова жана Жамал Сейдакматова канадалык кесиптештери менен, 1982-жыл

  • Жамал Сейдакматова келини, кызы жана неберелери менен
    © Sputnik / Нургуль Максутова

    Жамал Сейдакматова келини, кызы жана неберелери менен

  • КРдин эл артисти өзү түзгөн Тунгуч театрынын жамааты менен
    © Sputnik / Александр Федоров.

    КРдин эл артисти өзү түзгөн "Тунгуч" театрынын жамааты менен

Белгилер:
Сүрөт, Жамал Сейдакматова, актриса, Кыргызстан
Тема боюнча
Жүк ташып, көмүр түшүрүп... Мамлекеттик ишмер Апас Жумагулов жөнүндө 6 факты
Жүк көтөргөн адамдар. Архив

Россияда мекендештерди чек арадан өткөрөм деп алдап кеткен шылуун изделүүдө

0
(жаңыланган 00:41 23.09.2020)
Өзүн элчиликтин кызматкери катары тааныштырган киши чек арадан өткөрүүгө жардам берем деп ар бир мигранттан 7000 рублден алган.

БИШКЕК, 23-сен. — Sputnik. Россиядагы кыргызстандыктарды автобус менен мекенге жеткирүүнү убадалап, акчасын алдап кеткен киши изделүүдө. Бул тууралуу Тышкы иштер министрлиги билдирди.

Маалыматка ылайык, аты-жөнүн Кубанычбек Жээнкулов деп элчиликтин кызматкери катары тааныштырган жаран Казакстан чек арасын ачканын айткан. Ал жерден автобус менен өткөрүүгө жардам берем деп ар биринен 7000 рублден алып Башкыртстандан Оренбургга алып келген. Натыйжада шылуундун тузагына түшкөн мекендештер ара жолдо калышкан. Бул иш боюнча 22 киши элчиликке арыз жазды.

"Кубанычбек Жээнкулов деген элчиликтин кызматкери жок. Аны жоопко тартуу үчүн КР ИИМинин Россиядагы өкүлчүлүгү РФ ИИМи менен биргеликте издеп жатат. Мыйзамсыз түрдө акча чогултканы үчүн катуу жазага тартылат. Элчилик мекендештерди ушул сыяктуу фактылар болсо кылмыштын алдын алып, күнөөлүүлөрдү жоопко тартуу үчүн кабарлап коюуга чакырат", — деп жазылган билдирүүдө.

Даттануулар менен Россиядагы элчи Аликбек Жекшенкуловдун elchi.ru сайтындагы жеке блогуна жана КР ИИМдин РФтеги өкүлчүлүгүнө predstavitelstvomvd@mail.ru электрондук дареги же +7(926) 890 87 00 ыкчам байланыш номерине кайрылууга болот. Купуялуулукка кепилдик берилет.

Авиакаттам жанданса да Россиядан кыргызстандыктарды автобус менен ташуу уланат

Учурда Оренбург облусундагы орус-казак чек арасында Россиянын шаарларынан жана Башкыртстан Республикасынан келген 3500дөн ашык кыргызстандык топтолуп турганы маалым болду.

Элчилик Казакстандын аймагынан автобус менен өтүү үчүн "жашыл коридор" ачып берүү өтүнүчү менен казак тарапка кайрылган. Азырынча жооп келе элек.

Ошондой эле Оренбург облусунун жана Башкыртстандын жергиликтүү бийлик органдары менен биргеликте ал жердеги кыргызстандыктарга шарт түзүү иштери жүрүп жатканы белгиленди. Ушул тапта Россия тарап аларды акысыз түрдө жатаканаларга, балдар лагерлеринин аймактарына жайгаштырды, мындан тышкары, чатыр лагери түзүлгөн. Айрымдары мейманканаларга жана жатаканаларга жайгаштырылды. Жарандарга үч маал бекер тамак берилип жатканы айтылды.

Ошону менен катары элчилик мекендештерге Казакстан чек арасын толук ача электигин эскертип, өз алдынча келип топтолбоого чакырат.

Мүмкүнчүлүккө жараша учак менен кетүүнү сунуштайт. Ошону менен катар элчилик авиакаттамдардын санын көбөйтүү жана билет баасын арзандатуу боюнча сүйлөшүү жүргүзүп жатканы айтылды.

0
Белгилер:
Мигрант, автобус, алдамчылык, чек ара, Элчилик, Россия
Тема боюнча
Кыргызстандан чет өлкөлөргө ачылган каттамдардын тизмеси
22 миң рубль. Москва — Бишкек каттамына авиабилеттердин октябрдагы баасы айтылды