Айтматов боюнча жаштар жана журналистер арасында сынак жарыяланды

© Sputnik / Лев Иванов / Медиабанкка өтүүЭл жазуучусу Чыңгыз Айтматовдун архивдик сүрөтү
Эл жазуучусу Чыңгыз Айтматовдун архивдик сүрөтү - Sputnik Кыргызстан
Жазылуу
Сынактын баш байгеси 800 миң сом, ага 14 жаштан 28 жашка чейинки бардык жарандар катыша алат.

БИШКЕК, 28-май — Sputnik. Эл жазуучусу Чыңгыз Айтматовдун өмүрү, чыгармачылыгына арналган жаштар жана жалпыга маалымдоо каражаттарынын (ЖМК) арасында сынак жарыяланды. Бул туурасында Маданият, маалымат жана туризм министрлигинин басма сөз кызматынан кабарлашты.

Жаштар "Эң мыкты эссе", "Эң мыкты поэзия", ал эми журналисттер арасында "Эң мыкты сюжет", "Эң мыкты макала" номинациясында жарыша алат.

Маалыматта биринчи сынакка 14 жаштан 28 жашка чейинки бардык жарандардын, ал эми экинчи сынакка 28 жашка чейинки журналистердин катышуу мүмкүнчүлүгү бар экендиги айтылган.

Встреча Тугельбая Сыдыкбекова и Чингиза Айтматова - Sputnik Кыргызстан
Эмнени сүйлөшүп жатышты экен? Айтматов менен Сыдыкбековдун таберик сүрөтү
Сынак Айтматовдун өмүрү, чыгармачылыгы аркылуу жаштарга тарбия, билим берүүдөгү адамгерчилик, ыймандуулук, маданияттуулук, мекенчилдик сапаттарды калыптандыруу максатын көздөйт. Андан сырткары, ЖМКлар аркылуу алп жазуучунун өмүрү жана чыгармачылыгын жалпы коомчулук арасында кеңири жайылтуу жана өркүндөтүү багыты каралган.

Конкурсту Маданият, маалымат жана туризм министрлиги, Жаштар иши, дене тарбия жана спорт боюнча мамлекеттик агенттик, Билим берүү жана илим министрлиги, Улуттук жазуучулар союзу уюштурууда.

"Эң мыкты сюжет" жана "Эң мыкты макала" номинациясы боюнча эмгектер Маданият, маалымат жана туризм министрлигинде (Пушкин көчөсү, 78) 2018-жылдын 1- ноябрына саат 18:00гө чейин кабыл алынат.

Байланыш телефону: 0(312) 66 03 32;

"Эң мыкты эссе" жана "Эң мыкты поэзия" номианциялары боюнча эмгектер Жаштар иши, денетарбия жана спорт боюнча мамлекеттик агенттигинде (Тоголок Молдо көчөсү, 17) 2018-жылдын 1- ноябрына саат 18:00гө чейин кабыл алынат. Байланышуу телефону: 0(312) 35 52 18.

Жаңылыктар түрмөгү
0