БИШКЕК, 21-июн. — Sputnik. Бишкекте 26-30 июнь күндөрү II Түрк тасмалар жумалыгы өтөт. Бул туурасында Түркиянын Кыргызстандагы элчилигинен маалымдашты.
Билдирмеге караганда, иш-чаранын алкагында Кыргызстандын кино сүйүүчүлөрү түрк кино режиссёрлорунун акыркы жылдары жараткан беш тасмасын акысыз көрө алышат. Мындан тышкары, режиссерлор жана актёрлор менен күйөрмандардын жолугушуусу мерчемделген.
Көрсөтүлө турган кинотасмалар:
— "Кызыл жоолук жалжалым"
— "Үй-бүлө арасында"
— "Сыя көк горизонт"
— "Мазарчы"
— "Тоо-2"
Иш-чара Маданият, маалымат жана туризм министирлигинин салымы жана Түркиянын Кыргызстандагы элчилигинин колдоосу менен Түркиянын "Жергиликтүү ой пикир коому" тарбанынан уюштуруулуда.
Ошондой эле биргелешкен долбоорлорду ишке ашыруу боюнча эки тараптуу сүйлөшүүлөр жана талкуулар уюштурулуп, Кыргызстандын кинематографчылары түркиялык кесиптештери менен жолугушат.
