Премьер-министр Мухаммедкалый Абылгазиев Азия кинофестивалынын аткаруучу директору Жорж Шамшум жана Жогорку Кеңешинин депутаты, кинорежиссер жана продюсер, Айтыш коомдук фондусунун негиздөөчүсү Садык Шер-Нияз менен

Абылгазиев: Азия кинофестивалында Айтматовго басым жасалганы кубандырды

111
(жаңыланган 10:33 12.09.2018)
Өкмөт башчы Кыргызстан бул фестивалдын бирден-бир уюштуруучусу катары эсептелгендигине канааттангандыгын айткан.

БИШКЕК, 11-сен. — Sputnik. Азия эл аралык кинофестивалында Чыңгыз Айтматовдун 90 жылдыгына карата анын чыгармалары боюнча тартылган фильмдерди көрсөтүүгө өзгөчө басым жасалары кубандырат. Бул туурасында премьер-министр Мухаммедкалый Абылгазиев аталган кинофестивалдын аткаруучу директору Жорж Шамшум менен жолукканда айткандыгын өкмөттүн маалымат кызматы кабарлады.

Жолугушууга Жогорку Кеңешинин депутаты, кинорежиссер жана продюсер, "Айтыш" коомдук фондусунун негиздөөчүсү Садык Шер-Нияз да катышкан.

Өкмөт башчы Кыргызстан бул фестивалдын бирден-бир уюштуруучусу катары эсептелгендигин канааттануу менен айтты

"Азия эл аралык кинофестивалында аалам алкагындагы жазуучу Чыңгыз Айтматовдун 90 жылдыгына карата чыгармалары боюнча тартылган фильмдерди көрсөтүүгө өзгөчө басым жасаларына канааттанып турабыз. Буга катар биз кинофестивалдын уюштуруучуларына дүйнөлүк фильмдердин кинорыногунда Азия аймагынын тасмаларын алга жылдыруу боюнча жүргүзүп жаткан иштерине ыраазычылык билдиребиз", — деди Абылгазиев.

Премьер-министр мындай фестивалдар ата мекендик кинематографисттерге өзүн жана өзүнүн өлкөсүн дүйнөлүк деңгээлде таанытууга мыкты мүмкүнчүлүк экенин кошумчалады.

Кинорежиссер Садык Шер-Нияз Азия кинофестивалынын негизги идеясы Азия жана Американын кино индустриялары ортосундагы байланыштарды жана өз ара пайдалуу кызматташтыкты тереңдетүү экенине токтолду.

"Кинофестиваль негизделген жылдан бери карай белгилүү кинематографисттер арасында аталган иш-чарага чоң кызыгуу пайда болду. Айтматовдун чыгармаларын биздин өлкөдө гана эмес, Россияда да тартылган фильмдерди көрсөтүүнү пландаштыруудабыз. Өткөрүлүп жаткан иш-чаралар Айтматовдун 90 жылдыгын белгилөөгө арналган", — деди Садык Шер-Нияз.

Жолугушуу Азия эл аралык IV кинофестивалынын (AWFF – Asian World Film Festival) ачылышы алдында өттү.

Эскерте кетсек, Азия эл аралык кинофестивалы (АМКФ) аймактын кинематографиялык коруна көңүл бурдуруу, азиялык жана голливуддук киноиндустриялар аралык байланышты чыңдоо үчүн азиялык тасмалардын кеңири чөйрөсүнүн мыкты фильмдерин Лос-Анжелесте тартуулайт. Быйылкы жылы иш-чара 24-октябрдан 1-ноябрга дейре Калвер-Ситиде, Калифорнияда (Америка Кошмо Штаты) өткөрүлөт.

Фестиваль маданий аралык кызматташтык алкагында өткөрүлүп, Азиянын 50 ашуун өлкөсүнүн — Түркиядан Японияга, Россияга, Индияга жана Жакынкы Чыгышка чейинки мамлекеттердин тасмаларын камтыйт. Кинофестиваль "Айтыш" фондуна караштуу коммерциялык эмес уюм болуп саналат.

Аталган кинофестивалга белгилүү актриса, кинорежиссёр жана сценарист, БУУнун ыктыярдуу элчиси Анджелина Жоли катышкан соң Америкада жана Азия мамлекеттеринде кеңири популярдуулукка ээ болгон.

111
Белгилер:
чыгарма, кинофестиваль, Мухаммедкалый Абылгазиев, Чыңгыз Айтматов, Кыргызстан
Тема боюнча
КР режиссерунун "Үй" тасмасы Тегерандагы фестивалда мыкты аталды
Кыргызстандын "Киноман" тасмасы Казандагы кинофестивалда баш байгеге татыды
"Дарак ыры" Москва кинофестивалында сенсациялуу тасма аталды
Пикирлер