Илбирс менен алышкан Саяк. "Ак илбирстин тукуму" тасмасынан таберик сүрөт

245
(жаңыланган 17:50 12.09.2018)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
Фильм Потомок белого барса
© Фото / Александр Федоров

Актер Марат Жантелиевдин жаш кезиндеги сүрөт 1984-жылы Чүй облусунда тартылган.

Ал жылы режиссер Төлөмүш Океев "Кожожаш" эпосунун негизинде фильм тарта баштаган. 

Снимок из фильма Потомок белого барса — советского двухсерийного художественного фильм-притча
© Фото / Александр Федоров
Съемки фильма "Потомок белого барса"

Ошол кезеңди КРдин эмгек сиңирген артисти Марат Жантелиев мындайча эскерет:

"Ак илбирстин капканга түшүп калган жерин Чүйдөгү Ак-Суу капчыгайында тартканбыз. Жапайы жаныбар зоологиялык базадан алып келинип, тартуу иштеринин жүрүшүндө бизди тийиштүү адистер коштоп жүргөн. Чындыгын ошол эпизодду тартуу кыйын эле болгон, ак илбирс ырылдап, токойчу атайын биз менен чогуу болчу. Мен колдон келишинче этияттап жүрдүм. Анда мен 22 жашта болчумун. Тасма Чүй, Нарындын кооз жерлеринде тартылган", — деп эскерди ал.

Тасмада Догдурбек Кыдыралиев, Ашыр Чокубаев, Алиман Жанкорозова, Досхан Жолжаксынов, Жамал Сейдакматова, Гүлнара Абдыкадырова, Калыйча Акматова, Айбек Кыдыралиев, Акыл Куланбаев, Светлана Чебодаева-Чаптыкова, Сакыбек Карабаев, Али Мухаммед, Раимбай Сеитов, Димаш Ахимов, Алексей Араштаев, Гүлсара Ажыбекова, Чоро Думанаев, Орозбек Кутманалиев, Асанбек Кыдырназаров өңдүү кыргыз, хакас, тажик, өзбек жана казак актерлору катышкан.

Тасма 1985-жылы көрүүчүлөргө сунушталып, Берлинде эң абройлуу кинофестивалдардын биринде "Күмүш аюу", Дамаск шаарында "Күмүш кылыч" сыйлыгына татыган.

245
Белгилер:
Сүрөт, фильм, Кыргызстан
Тема:
"Таберик сүрөт" — сейрек кездешкен ирмемдер (44)
Тема боюнча
Бакен Кыдыкеева менен 100 жаштагы карыя... "Каныбектеги" таберик сүрөт
Чыңгыз Айтматов менен Алиман Жангорозова. "Фудзиямадагы кадыр түндөн" таберик сүрөт
Эңишке түшкөн Орозбек Кутманалиев менен Болот Шамшиев. "Ак кемедеги" таберик сүрөт
Пикирлер