Актриса Мамлакат Кылычева жана режиссер Геннадий Базаров. Архивдик сүрөт

"Көчө" тасмасындагы Малике: окууга министр кайнатамдын чечими менен өткөм

(жаңыланган 11:17 03.11.2018)
Беш-Кемпир деген кичинекей айылдын адамдары тууралуу режиссер Геннадий Базаров тарткан "Көчө" аттуу тасмасын канча көрсөң тажабайсың. Sputnik Кыргызстан агенттигинин кабарчысы "Көчөнүн" көркүн ачкан Маликени ойногон Мамлакат Кылычеваны редакцияга чакырып, аны менен жеке жашоосу, үй-бүлөсү тууралуу сүйлөштү.

Мамлакат Кылычева, фильмде Аваздын сүйүктүүсү, дүкөнчү Малике студиябызга жалгыз келген жок, жанында жолдошу, оператор-режиссер Мурат Жыргалбаев да бар экен. Баса, Жыргалбаев "Көчө" тасмасында экинчи оператордун милдетин аткарыптыр. 

Актриса Мамлакат Кылычева с мужем Мурат Жыргалбаевым
© Sputnik / Азамат Тотубаев
"Көчө" тасмасында Маликени ойногон Мамлакат Кылычева студиябызга жолдошу, оператор-режиссер Мурат Жыргалбаев менен келди

— Атыңыз өзгөчө экен, "Мамлакат" деп ким койду эле?

— Атам негизи Салтанат деген ысымды ыйгарайын деп ойлоптур. Ал кезде туулгандыгы тууралуу күбөлүктү каттоо бөлүмүнө барып алышчу экен. Атам бошобой калып, туулгандыгы тууралуу күбөлүгүмдү чоң энем жаздыргана жөнөйт. Каттоо бөлүмүнө барганда атам айтып жаткан Салтанат деген ысымды унутуп калып, күбөлүккө Мамлакат деп жаздырып коюптур. Ошол бойдон Мамлакат болуп калыптырмын. Бул ысым өзбек, тажиктерде көп кездешет экен.

— Атыңызга таң калып, кызыккандар көп болсо керек?

— Сага окшоп "кандайча коюлуп калды эле, кадимкидей эле мамлекет деген сөзбү?" деп сурагандар толтура. Азыркыга чейин кызыгып, сурашат (күлүп). 

Актриса Мамлакат Кылычева во время интервью на радио Sputnik Кыргызстан
© Sputnik / Табылды Кадырбеков
Мамлакат Кылычева: Чоң энем каттоо бөлүмүнө барганда атам айтып жаткан Салтанат деген ысымды унутуп калып, күбөлүккө Мамлакат деп жаздырып коюптур

— Сизди көрөрмандар "Көчө" тасмасынын көркүн ачкан дүкөнчү Малике катары тааныйт. Тасмага канча жашыңызда, кандайча тартылып калдыңыз эле?

— "Көчө" тасмасына тартылганда 17 жашта элем. Андан бери 46 жыл өтүптүр, азыр 63 жашка чыгып калдым. Негизи киного жети жашымдан тартыла баштагам. Биринчи жолу режиссер Бекеш Абдылдаевдин "Самая послушная" деген тасмасында түштүктүк кыздын образын жараткам.  Андан кийин режиссер Геннадий Базаров тарткан "Саманчынын жолунда" агасын согуштан тосуп алган кыздын ролун ойнодум. Кийин Базаров буга чейин чогуу иштешип калган үчүнбү, "Көчөгө", Маликенин ролуна чакырып, сынактан өтүп кеткем.

— "Көчө" кинофильмин канча көрсөк тажабайбыз. Жалаң залкар актерлор чогулган. Кадр артында да кызыктуу учурлар көп болсо керек?

— Туура, ал фильмде жалаң залкар таланттар ойногон. Көп эле кызыктуу күндөр болду. Анда бала экенбиз, бири эсте калса, бири жок. Эркектер тартуу иштери бүтөөрү менен кечинде отуруп алып, кыйкырып, тамашашалышп, каткырып карта ойночу эле. Бакен Кыдыкееванын "ай оозуңду боебо, косметиканы канчалык кечирээк колдонсоң ошончо жакшы" деп айткандары азыркыга чейин эсимде. Тасмада Маликеге сөйкө салган жери бар эмеспи. Аны тартаарда дагы кызык окуя болду эле. Кулагым ага чейин тешиле элек болчу.  Актриса Рысмендиева кулагымды өтпөгөн, калың ийне менен көзөгөндө ыйлап жибере жаздагам. Анан калса жаңы көзөлгөн кулагыма алтын же күмүш эмес, арзан эле бир сөйкө салып коюшту эле. Алиман Жанкорозова мени "Мамлакат" дебей "ай, Өкмөт" деп чакырчу (күлүп). 

Актриса Мамлакат Кылычева на съемках фильма Көчө режиссера Геннадия Базарова
© Фото / Александр Федоров
Кылычева: Актриса Рысмендиева кулагымды өтпөгөн, калың ийне менен көзөгөндө ыйлап жибере жаздагам. Анан калса жаңы көзөлгөн кулагыма алтын же күмүш эмес, арзан эле бир сөйкө салып коюшту эле

Тасмага тартылуу учурундагы эң кызыктуу, унутулгус окуя — бул жолдошум, тасманын экинчи оператору Мурат Жыргалбаев экөөбүздүн сүйүү баяныбыз болгон. Экөөбүз "Көчөдөн" таанышып, табышканбыз.

(Ал ортодо сөзүбүзгө Мурат Жыргалбаев аралашып калды)

— Мурат Жыргалбаев: Элдин баары "келинчегиңди кайдан таап алдың эле?" деп тамашалап сураганда "көчөдөн тапкам" деп айтчумун. Башкалары тасмадан гонорар алса, менин фильмди тартуудан тапкам чоң олжом — Мамлакат болгон.

— Анан канча жыл сүйлөшүп, баш коштуңуздар?

— Мамлакат Кылычева: Тасма бир жарым жылдай тартылды. 1973-жылдын апрель айында Алматыда бүткүл союздук кинофестивалы болуп, анда "Көчө" кино картинасын көрсөтүштү. Бир айдан кийин эле биз баш коштук. Анда мен 18де, жолдошум 24 жашта болчу. 

Актриса Мамлакат Кылычева с мужем Мурат Жыргалбаевым
© Фото / семейный архив Мамлакат Кылычевой
Мамлакат Кылычева: Жолдошум экөөбүз "Көчөдөн" таанышып, табышканбыз. Ал тасманын оператору болчу

— Чыгармачылыгыңызды андан ары улантып кеттиңизби же…?

— Үй-бүлөлүү болгондон кийин аял кишиге чыгармачылыкты улантып кетүү кыйын эле болот экен. Анын үстүнө күйөөгө жаш тийдим, чыгармачылыкты уланткыдай искусство окуу жайын деле бүткөн эмесмин. Жолдошум оператор-режиссер болгондуктан, 3-4 айлап командировкага кеткени эле жетиштүү болчу. Эгер актриса болсом мен деле үйгө токтобой, балдар каралбай калмак да.

Бирок такыр эле үйдө отуруп калган жокмун. Кайнене-кайнатам балдарга каралашып, мени окутту. Ал кезде филология, чет тилдер факультети эң абройлуу эле. Ошол жакка тапшырсамбы деп ойлоп жүргөм. Кайнатам ал кезде Эмгек министри болчу экен. Документтеримдин баарын алып туруп мектепке чейинки билим берүү адистигине тапшырып коюптур. Маанайым чөгө түшкөнүн көрүп "Макеним (дайыма ушинтип айтаар эле) кел, отурчу, азыр биздин тизмеде филология, чет тилдер факультетин бүтүп алып жумуш таппай жүргөн 2000дей адам бар. Андан көрө бала бакчада иштесең, өмүр бою сага жумуш табылат" деп айтканы эсимде. Ошентип кайнатамдын каалоосу, сунушу менен мектепке чейинки билим берүү адистигин аяктадым. Ошондон бери бала бакчада тарбиячы болуп иштеп келем.

(Ал ортодо жубайлар жаш кездерин эстеп күлүп алышты) 

Актриса Мамлакат Кылычева на съемках фильма Көчө режиссера Геннадия Базарова
© Фото / Александр Федоров
Мамлакат Кылычева: Тасмадагы дүкөн азыр да иштейт. Жергиликтүү тургундар аны "Маликенин дүкөнү" деп коюшат экен

— М.Ж: Үйдүн эрке келини болчу. Шаарда төрөлүп-өскөн кыз болсо да айрым аялдарга караганда ичеги-карынды шумдук артып, конок келгенде баарын жалгыз өзү тейлеп койчу.

— М.К: Кайнатамдын Ысык-Көлдө карындашы бар болчу. Бир күнү алардыкына конокко барып калдык. Жездебиздин атын минип, жүк ташыган унаа менен кошо жарышып чаап кетип калыптырмын. Туугандардын баары тең таң калып, күлүштү эле. Ошондон бери көлдүктөр мени "орус келин" деп жакшы көрүшөт.

— Мурат Узакбаевич өзүңүз тууралуу дагы кененирээк айтып кетесизби? Кайсы тасмаларга оператор болдуңуз эле?

— Мен Фрунзеде төрөлүп-өскөм, атам өмүр бою мамлекеттик кызматтарда иштеди. Москвадагы театралдык искусство техникумун аяктагам. "Көчө" тасмасынан сырткары "Каныбек", "Бешик"  көркөм фильмдерин видеого түшүргөм.

Негизи даректүү фильмдерди көп тарттым. Алсак, Токтогул ГЭСинин курулуш иштерин башынан аягына чейин видеого түшүргөм. Андан сырткары документалдуу кино картина үчүн Байкал көлүн сүзүп чыктык, Афганистандагы согушка бардым. Токтогул ГЭСин тарткан документалдуу фильм үчүн СССРдин мамлекеттик сыйлыгына да талапкер болгом, бирок кандайдыр бир себептер менен берилбей калды. А бирок Комсомолдун сыйлыгын алдым. Документалдуу фильмдерди тартып жүрүп, көркөм тасмаларга эмнегедир көңүлүм жылыбайт. Кыргыздын эң күчтүү көркөм тасмасы деп мен Режиссер Төлөмүш Океевдин "Бакайдын жайытын" айтаар элем. Азыркы көркөм фильм деп тартылгандар жөн эле видео. Анда чыныгы жашоо көрсөтүлгөн эмес. 

Актриса Мамлакат Кылычева с семьей
© Фото / семейный архив Мамлакат Кылычевой
Мамлакат Кылычева: Бир кыз, эки уулубуз бар. Улуу кызыбыз полковник, Ички иштер министрлигинде кызмат кылат. Экинчи уулубуз үй-бүлөсү менен Алматы шаарында жашайт. Ал эми үчүнчүсү банк кызматкери

— "Көчө" тасмасында Токтогул ГЭСи жаңы курулуп баштаган кези көрсөтүлөт эмеспи. Фильмдеги көчөнү толугу менен киностудия салган деген чынбы?

— Ананчы. Кинодогу көчөнү толугу менен киностудия өз каражатына курган. Дүкөн, үйлөрдү баарын фильмдин Макаров аттуу сүрөтчүсү салган. Ошентип "Көчөнүн" артынан бир көчө туруп калган. Тасма тартылып бүткөндөн кийин чыгармачыл топ жергиликтүү тургундарга саткан. Эки кабаттуу дүкөн азыркыга чейин бар деп айтышат.

(Мамлакат Кылычева жолдошунун сөзүн улай)

Тасмадагы дүкөн азыр да иштейт. Жергиликтүү тургундар аны "Маликенин дүкөнү" деп коюшат экен. 

— Балдарыңар жолуңарды жолдодубу?

— Бир кыз, эки уулубуз бар. Үчөө тең чыгармачылыктан тышкары жумуштарда иштейт. Улуу кызыбыз полковник, Ички иштер министрлигинде кызмат кылат. Экинчи уулубуз үй-бүлөсү менен Алматы шаарында жашайт. Ал эми үчүнчүсү банк кызматкери. 

Актриса Мамлакат Кылычева во время интервью на радио Sputnik Кыргызстан
© Sputnik / Табылды Кадырбеков
Мамлакат Кылычева: Мен азыр деле бала бакчада тарбиячымын

— Учурда эмне менен алектенесиздер?

— М.К: Мен азыр деле бала бакчада тарбиячымын.

— М.Ж: Өзүм үчүн документалдуу тасмаларды тартып, монтаж кылам. Жубайым Мамлакат тууралуу тарткан даректүү кино картинам да бар.

Белгилер:
оператор, актриса, маек, кино тасма
Тема боюнча
Актер Чоро Думанаев: 10 жашымда кайра биринчи класска отургам
Эл оозуна алынган кичинекейлер. КВНчиден тарта ди-джейге чейин

Элмирбектин жаштыгы, тагдыры, өксүткөн өлүмү... Акындын сүрөттө калган элеси

(жаңыланган 13:31 20.04.2021)
  • Элмирбек Иманалиев 1993-жылдан тарта төкмө акындардын республикалык, эл аралык конкурстарына, фестивалдарына катыша баштаган. Сүрөт 1993-1994-жылдары Ак таңдай сынагында тартылган.
  • 20 жыл мурунку сүрөт. Алп акындардын жаш кези.
  • Элмирбек Иманалиев устаты Тууганбай Абдиев жана башка теңтуштары менен
  • Бул кадрда Элмирбек Иманалиев кинорежиссер, жазуучу жана коомдук ишмер Дооронбек Садырбаев жана азыркынын белгилүү төкмөсү Азамат Болгонбаев менен
  • Элмирбек Иманалиев ар тараптуу талант эле. Ал төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон.
  • Иманалиев айтылуу Токтогул акындын эң жакын үзөңгүлөш өнөгү Эшмамбет Байсейит уулунун жээн чөбөрөсү экендигин белгилей кетели
  • Акын Элмирбек Иманалив ырчы Гүлбү Ороскул кызы менен. Эки өнөрпозду чыгармачылык гана эмес, турмуштук жол дагы бириктирген.
  • Эки таланттын күлгүндөй жаш кези. Сүрөттө алар группалаштары менен.
  • Элмирбек акын Бүбүсара Бейшеналиева атындагы искусство институтун бүтүрсө, Ороскул кызы Муратаалы Күрөңкеев атындагы училищеден билим алган.
  • Өнөр адамдары Айзуура жана Сезим аттуу кыздуу болушкан. Жубайлар кийинчерээк эки ача жолго түшкөн.
  • 2016-жыл. Акындын тун кызы Айзуура Иманалиева турмушка узап жаткан кез. Сүрөттө кыздан тышкары Элмирбек Иманалиев, Гүлбү Ороскул кызы жана алардын күйөө баласы Мирзат Муканов.
  • Жубайы Нурзат медицина кызматкери. Өзү өнөрдөн алыс болсо да күйөөсүнүн айтыштарын калтырбай көрүп, күйөрмандык кыларын айтканы бар.
  • Нурзат айым Элмирбек экөө башында байке-карындаш катары эле сүйлөшкөнүн, кийин билинбей жүрүп эле жакын болуп кеткенин баяндап берген
  • Жубайлар үч уул, бир кыздуу болушкан
  • Элмирбек Иманалиев улуу жана кичүү муундагы шакирттери менен
  • Акын 2016-жылы маданиятка кошкон салымы үчүн КРдин эл артисти наамына ээ болгон
  • Ак таңдай акын 42 жашында каза тапты. Өзү өтсө дагы өнөрү түбөлүк экени шексиз. Туугандары анын атындагы коомдук фонд негиздеген.
  • Иманалиев ооруканадан көз жумган, анын кант диабети менен жабыркап жүргөнү айтылган.
  • Акындын иш бөлмөсү бош калды... Сүрөттө комуздары, чапаны жана сыйлыктары.
  • Жубайы Нурзат Абдрашитова редакцияга берген маегинде жашоо жолдошу бардагыдай эместигин, сагынычы күч алганын айткан.
  • Элмирбек Иманалиев жубайы Нурзат жана жакын досу, белгилүү акын Зайырбек Ажыматов менен. Тилекке каршы, Ажыматов Иманалиев көз жумгандан 9 күндөн кийин каза болгон.
Алп акын Элмирбек Иманалиев былтыр 20-апрель күнү дүйнө салган. Дал ушул күндөн тарта улуу таланттын экинчи өмүрү башталып, эл оозунан түшпөй келет.

Иманалиев ооруканадан көз жумган, анын кант диабети менен жабыркап жүргөнү айтылган.

Sputnik агенттиги өнөрпоздун жаштыгын, сүйүүсүн, үй-бүлөсүн, чыгармачылык жолун баяндаган сүрөттөрдү сунуштайт.

Акын 1978-жылы 17-январда Токтогул районунун Өзгөрүш айылында жарыкка келген. 15 жашынан төкмө акындардын республикалык, эл аралык конкурстарына, фестивалдарына катышып таанылган. Казак-кыргыз журтчулугуна төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон. 2016-жылы ага КРдин эл артисти наамы берилген.

  • Элмирбек Иманалиев 1993-жылдан тарта төкмө акындардын республикалык, эл аралык конкурстарына, фестивалдарына катыша баштаган. Сүрөт 1993-1994-жылдары Ак таңдай сынагында тартылган.
    © Фото / предоставлено Айзуурой Иманалиевой

    Элмирбек Иманалиев 1993-жылдан тарта төкмө акындардын республикалык, эл аралык конкурстарына, фестивалдарына катыша баштаган. Сүрөт 1993-1994-жылдары "Ак таңдай" сынагында тартылган.

  • 20 жыл мурунку сүрөт. Алп акындардын жаш кези.
    © Фото / предоставлено Айзуурой Иманалиевой

    20 жыл мурунку сүрөт. Алп акындардын жаш кези.

  • Элмирбек Иманалиев устаты Тууганбай Абдиев жана башка теңтуштары менен
    © Фото / предоставлено Асылбеком Маратовым

    Элмирбек Иманалиев устаты Тууганбай Абдиев жана башка теңтуштары менен

  • Бул кадрда Элмирбек Иманалиев кинорежиссер, жазуучу жана коомдук ишмер Дооронбек Садырбаев жана азыркынын белгилүү төкмөсү Азамат Болгонбаев менен
    © Фото / предоставлено Азаматом Болгонбаевым

    Бул кадрда Элмирбек Иманалиев кинорежиссер, жазуучу жана коомдук ишмер Дооронбек Садырбаев жана азыркынын белгилүү төкмөсү Азамат Болгонбаев менен

  • Элмирбек Иманалиев ар тараптуу талант эле. Ал төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон.
    © Фото / предоставлено Айзуурой Иманалиевой

    Элмирбек Иманалиев ар тараптуу талант эле. Ал төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон.

  • Иманалиев айтылуу Токтогул акындын эң жакын үзөңгүлөш өнөгү Эшмамбет Байсейит уулунун жээн чөбөрөсү экендигин белгилей кетели
    © Фото / предоставлено Айзуурой Иманалиевой

    Иманалиев айтылуу Токтогул акындын эң жакын үзөңгүлөш өнөгү Эшмамбет Байсейит уулунун жээн чөбөрөсү экендигин белгилей кетели

  • Акын Элмирбек Иманалив ырчы Гүлбү Ороскул кызы менен. Эки өнөрпозду чыгармачылык гана эмес, турмуштук жол дагы бириктирген.
    © Фото / предоставлено Айзуурой Иманалиевой

    Акын Элмирбек Иманалив ырчы Гүлбү Ороскул кызы менен. Эки өнөрпозду чыгармачылык гана эмес, турмуштук жол дагы бириктирген.

  • Эки таланттын күлгүндөй жаш кези. Сүрөттө алар группалаштары менен.
    © Фото / предоставлено Айзуурой Иманалиевой

    Эки таланттын күлгүндөй жаш кези. Сүрөттө алар группалаштары менен.

  • Элмирбек акын Бүбүсара Бейшеналиева атындагы искусство институтун бүтүрсө, Ороскул кызы Муратаалы Күрөңкеев атындагы училищеден билим алган.
    © Фото / предоставлено Айзуурой Иманалиевой

    Элмирбек акын Бүбүсара Бейшеналиева атындагы искусство институтун бүтүрсө, Ороскул кызы Муратаалы Күрөңкеев атындагы училищеден билим алган.

  • Өнөр адамдары Айзуура жана Сезим аттуу кыздуу болушкан. Жубайлар кийинчерээк эки ача жолго түшкөн.
    © Фото / предоставлено Айзуурой Иманалиевой

    Өнөр адамдары Айзуура жана Сезим аттуу кыздуу болушкан. Жубайлар кийинчерээк эки ача жолго түшкөн.

  • 2016-жыл. Акындын тун кызы Айзуура Иманалиева турмушка узап жаткан кез. Сүрөттө кыздан тышкары Элмирбек Иманалиев, Гүлбү Ороскул кызы жана алардын күйөө баласы Мирзат Муканов.
    © Фото / предоставлено Айзуурой Иманалиевой

    2016-жыл. Акындын тун кызы Айзуура Иманалиева турмушка узап жаткан кез. Сүрөттө кыздан тышкары Элмирбек Иманалиев, Гүлбү Ороскул кызы жана алардын күйөө баласы Мирзат Муканов.

  • Жубайы Нурзат медицина кызматкери. Өзү өнөрдөн алыс болсо да күйөөсүнүн айтыштарын калтырбай көрүп, күйөрмандык кыларын айтканы бар.
    © Фото / предоставлено Нурзат Абдрашитовой

    Жубайы Нурзат медицина кызматкери. Өзү өнөрдөн алыс болсо да күйөөсүнүн айтыштарын калтырбай көрүп, күйөрмандык кыларын айтканы бар.

  • Нурзат айым Элмирбек экөө башында байке-карындаш катары эле сүйлөшкөнүн, кийин билинбей жүрүп эле жакын болуп кеткенин баяндап берген
    © Фото / из семейного архива Иманалиевых

    Нурзат айым Элмирбек экөө башында байке-карындаш катары эле сүйлөшкөнүн, кийин билинбей жүрүп эле жакын болуп кеткенин баяндап берген

  • Жубайлар үч уул, бир кыздуу болушкан
    © Фото / предоставлено Нурзат Абдрашитовой

    Жубайлар үч уул, бир кыздуу болушкан

  • Элмирбек Иманалиев улуу жана кичүү муундагы шакирттери менен
    © Фото / предоставлено Нурланом Темирбек уулу

    Элмирбек Иманалиев улуу жана кичүү муундагы шакирттери менен

  • Акын 2016-жылы маданиятка кошкон салымы үчүн КРдин эл артисти наамына ээ болгон
    © Фото / из личного архива Элмирбека Иманалиева

    Акын 2016-жылы маданиятка кошкон салымы үчүн КРдин эл артисти наамына ээ болгон

  • Ак таңдай акын 42 жашында каза тапты. Өзү өтсө дагы өнөрү түбөлүк экени шексиз. Туугандары анын атындагы коомдук фонд негиздеген.
    © Sputnik / Табылды Кадырбеков

    Ак таңдай акын 42 жашында каза тапты. Өзү өтсө дагы өнөрү түбөлүк экени шексиз. Туугандары анын атындагы коомдук фонд негиздеген.

  • Иманалиев ооруканадан көз жумган, анын кант диабети менен жабыркап жүргөнү айтылган.
    © Фото / из личного архива Элмирбека Иманалиева

    Иманалиев ооруканадан көз жумган, анын кант диабети менен жабыркап жүргөнү айтылган.

  • Акындын иш бөлмөсү бош калды... Сүрөттө комуздары, чапаны жана сыйлыктары.
    © Фото / Нурзат Абдырашитова

    Акындын иш бөлмөсү бош калды... Сүрөттө комуздары, чапаны жана сыйлыктары.

  • Жубайы Нурзат Абдрашитова редакцияга берген маегинде жашоо жолдошу бардагыдай эместигин, сагынычы күч алганын айткан.
    © Sputnik / Табылды Кадырбеков

    Жубайы Нурзат Абдрашитова редакцияга берген маегинде жашоо жолдошу бардагыдай эместигин, сагынычы күч алганын айткан.

  • Элмирбек Иманалиев жубайы Нурзат жана жакын досу, белгилүү акын Зайырбек Ажыматов менен. Тилекке каршы, Ажыматов Иманалиев көз жумгандан 9 күндөн кийин каза болгон.
    © Фото / из семейного архива Назыма Зайырбек уулу

    Элмирбек Иманалиев жубайы Нурзат жана жакын досу, белгилүү акын Зайырбек Ажыматов менен. Тилекке каршы, Ажыматов Иманалиев көз жумгандан 9 күндөн кийин каза болгон.

Белгилер:
эскерүү, сүрөт, чыгармачылык, төкмө акын, Элмирбек Иманалиев, Кыргызстан
Тема боюнча
Элмирбек Иманалиевдин жубайы: жашоо атабыз бардагыдай эмес, сагыныч күч алды...
Кыргызстандык делегация Россиянын Екатеринбург шаарында өткөн Жай - 2021 деп аталган туристтик көргөзмөсүнө катышты

Кыргызстандын өкүлдөрү Екатеринбургдагы туристтик көргөзмөгө катышты

(жаңыланган 14:04 19.04.2021)
Көргөзмөдө делегация мүчөлөрү Ысык-Көл аймагынын туристтик мүмкүнчүлүктөрү менен тааныштырып, ал катышуучулардын жана коноктордун кызыгуусун арттырды.

БИШКЕК, 19-апр. — Sputnik. Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты. Бул тууралуу өлкөнүн Тышкы иштер министрлиги кабарлады.

  • Стенд Кыргызской Республики на международной туристической выставке ЛЕТО-2021 в Екатеринбурге
    Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты
    © Фото / пресс-служба МИД КР
  • Стенд Кыргызской Республики на международной туристической выставке ЛЕТО-2021 в Екатеринбурге
    Иш-чара 16-17-апрель күндөрү өттү. КР делегациясына Екатеринбургдагы Башкы консулдук колдоо көрсөткөн.
    © Фото / пресс-служба МИД КР
1 / 2
© Фото / пресс-служба МИД КР
Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты

Иш-чара 16-17-апрель күндөрү өттү. КР делегациясына Екатеринбургдагы Башкы консулдук колдоо көрсөткөн.

"Делегация курамына өкмөттүн Ысык-Көл облусундагы өкүлү Элчибек Жантаев, Кыргызстандын Екатеринбургдагы башкы консулу Руслан Бийбосунов, Экономика жана финансы министрлигинин алдындагы Туризм департаментинин директору Самат Шатманов жана Ысык-Көлдөгү санаторийлердин өкүлдөрү катышты", — деп айтылат маалыматта.

Жарманкеде Ысык-Көл облусуна өзгөчө "Өнөктөш регион" статусу берилгени айтылат.

Иш-чарада делегация өкүлдөрү Ысык-Көл аймагынын туристтик мүмкүнчүлүктөрүн көрсөтүштү. Бул өз кезегинде катышуучулардын жана коноктордун кызыгуусун арттырды. Мындан сырткары, алар кызматташуу боюнча россиялык жана чет өлкөлүк кесиптештери менен көптөгөн жолугушууларды өткөрүп, бир катар макулдашуу жана келишимдерди түзүүгө жетишкен.

Иш-чарада Кыргызстандын көргөзмө павильону кызыктуу, мыкты жасалып, катышуучулар жана коноктор көп киргени айтылат. Аны Екатеринбург шаарында жашаган мекендештердин колдоосу менен Башкы консулдук жасаган. Келгендердин баары улуттук суусундуктардан, боорсок жана кургатылган жемиштерден ооз тийип кетишкен.

"Кыргыз делегациясы "Жай - 2021" эл аралык көргөзмөдө Челябинск облусунун туристтик чөйрөсү жана ири өнөр жай ишканаларынын профсоюзу менен жолугушууларды өткөрдү. Анын жыйынтыгы менен Екатеринбург – Тамчы (Ысык-Көл) авиакаттамын ачуу, кызматташуунун кошумча мүмкүнчүлүктөрү жана Кыргызстанга Россиянын Урал аймагынан туристтердин агымын арттыруу маселелери каралган", — деп айтылат билдирүүдө.

Көргөзмө Россиянын Федералдык туризм агенттигинин, Свердлов облусунун инвестиция жана өнүгүү министрлигинин, Россиянын туриндустрия союзунун колдоосу менен Урал туристтик ассоциациясы тарабынан уюшулду. Ага Кыргызстандан тышкары Армения, Болгария, Чехия, Хорватия, Малайзия, Израиль жана башка өлкөлөрдүн делегациялары катышкан.

Белгилер:
Ысык-Көл, катышуучу, көргөзмө, Екатеринбург, Россия
Тема боюнча
Кадыралиев: бизге туристтер көбүнчө Казакстандан жана Россиядан келишет
ТИМ башчысы КМШдагы кесиптештери менен маанилүү документтерге кол койду
Бразилиялык атлет кыз Жессика Андраде

Жессика Андраде атаандашы Валентина Шевченконун алсыз жактарын атады

(жаңыланган 13:22 20.04.2021)
Шевченко бразилиялык спортчу менен UFC 261 мелдешинде кез келет. Кыргызстандык мушкер кыз бешинчи ирет UFC уюмунун жеңил салмактагы чемпиондук наамын коргоо үчүн кармашат.

БИШКЕК, 20-апр. — Sputnik. Бразилиялык атлет кыз Жессика Андраде атаандашы Валентина Шевченкону грэпплинг (күрөш) жагынан алсыз деп атады. Бул тууралуу ал Globo Esporte телеканалына берген маегинде айтты.

Кыргызстандык мушкер кыз менен бразилиялык спортчу 24-апрелде (Бишкек убактысы боюнча 25-апрелде) АКШнын Флорида штатындагы Жексонвилль шаарында өтүүчү UFC 261 турниринде беттешет.

"Шевченко грэпплинг жагынан алсыз деп ойлойм. Мен атаандашымды тордо кармаганда өзүмдүн канчалык күчтүү экенимди жана өз мүмкүнчүлүгүмө канчалык ишенимдүү экенимди дайыма айтып келем", — деген ал.

Эң жеңил салмактын экс-чемпиону беттеш учурунда Шевченконун "алсыз жагын пайдалана турганын" белгилеген.

"Мен атаандашымды бир канча ыкма менен жерге жыга алам. Жыгып алсам, анда ал тура албайт", — деп белгилеген Андраде.

Анын айтымында, Шевченконун ыкчам соккулары, өзгөчө бутка тепкени кооптуу болуп саналат.

Кеченин башкы беттешинде жарым орто салмактын чемпиону Камару Усмана менен Хорхе Масвидаль кармашат. Мелдештеги дагы бир кызыктуу таймаш эң жеңил салмактын мурдагы чемпиону Роуз Намаюнас менен кытайлык Вэйли Чжандын ортосунда өтөт.

Белгилер:
маек, беттешүү, Жессика Андраде, Валентина Шевченко, UFC
Тема боюнча
Шевченко бразилиялык Андрадени ута алабы? Букмекерлердин пикири