СССРдин эл артисти Сайра Кийизбаеванын архивдик сүрөтү

Фронттогу концерт, беш чакырылыштын депутаты. Кийизбаева тууралуу 7 факты

380
(жаңыланган 10:50 09.11.2018)
Бүгүн СССРдин эл артисти Сайра Кийизбаеванын туулган күнү. Залкар инсандын көзү тирүү болгондо 101 жашка чыкмак. Буга байланыштуу Sputnik Кыргызстан маалымат агенттиги өз мезгилинин алпы, алгачкы кыргыз опера ырчысы тууралуу кызыктуу фактыларды сунуштайт.

Өзгөчө үндүү ырчы. Сайра Кийизбаева 1917-жылы 7-ноябрда Чүй облусунун Төкөлдөш айылында дыйкандын үй-бүлөсүндө жарык дүйнөгө келген. Болочоктогу белгилүү ырчы мектепти аяктагандан кийин 1931-жылы Фрунзедеги кыз-келиндердин педагогикалык техникумуна тапшырат. Ал жакта билим алып жүргөндө Бүткүл кыргыз элинин чыгармачылык олимпиадасына катышып, өзүнүн үнү менен өзгөчөлөнүп, театрга жумушка алынган.

Архивные фотографии народной артистки СССР, оперной певицы Сайра Кийизбаевой
© Фото / из семейного архива Кийизбаевых
Сайра Кийизбаева Москвада Кыргыз искусствосунун биринчи декадасында өз таланттын көргөзүп, жылдызы жанган

Москвада жылдызы жанган Сайра. Кыргыз маданияты үчүн 1939-жыл – тарыхый жыл болгон. Анткени Москвада Кыргыз искусствосунун биринчи декадасы өткөн. Декада катышуучуларынын арасында жаш солист Кийизбаева дагы бар болчу. Ал Виктор Власов, Абдылас Малдыбаев менен Владимир Ференин "Айчүрөк" операсында Айчүрөктүн партиясын аткарып, эл аралык деңгээлде таанылган. Маданият күндөрү ошол опера менен ачылып, анын аркасында ырчы мамлекеттик сыйлыкка татыган.

Архивные фотографии народной артистки СССР, оперной певицы Сайра Кийизбаевой
© Фото / из семейного архива Кийизбаевых
СССРдин эл артисти Сайра Кийизбаева жана Кыргыз ССРинин эл артисти Муса Баетов Украина фронтунун жоокерлери менен, 1942-жыл

Кан майдандагы концерт. Улуу Ата Мекендик согуш баштала электе Кийизбаева Москадагы П.И. Чайковский атындагы мамлекеттик консерваторияда билим ала баштайт. Окуп жүргөн мезгилде согуш башталып калып, Кыргызстанга кайтып келет. Ошол жылдары жоокерлерге дем-күч берүү максатында Кыргызстанда фронттук чыгармачыл бригада түзүлөт, анын курамына Кийизбаева да кирген. Алар токой аралап, талаа кезип Брянск, Калинин фронтторунда ачык асман алдында күнүнө үч-төрт, кээде алты-жети жолу концерт коюшкан.

Дүйнөлүк классиканы созгон булбул. Ырчы согуштан кийин "Евгений Онегиндин" Татьянасына даярдана баштайт. Кыргыз ССРинин Эмгек сиңирген артисти алгачкылардан болуп Орто Азияда аталган чыгарманы аткарган. 1947-жылы Прагада биринчи жолу уюштурулган демократиялык жаштардын фестивалына катышат. Чыгармачылыгы оргуштап турган маалда СССРдин чоң театрына чакыртылып, ал жакта "Чио-чио-сан" операсында Баттерфляйдын партиясын ийгиликтүү аткарып, москвалык көрүүчүлөрдү багындарган.

Архивные фотографии народной артистки СССР, оперной певицы Сайра Кийизбаевой
© Фото / из семейного архива Кийизбаевых
Сайра Кийизбаева Кыргыз ССРинин Жогорку Советине беш жолу депутат болуп шайланган

Беш чакырылыштын депутаты. Кийизбаева өзүнүн эмгекчилдигинин аркасында бир топ ийгиликтерди багындырган. Ал Кыргыз ССРинин Жогорку Советине беш жолу депутат болуп шайланган. 1960-жылдары Опера жана балет театрын жетектеп, өлкөдөгү операнын түптөлүшүнө зор салым кошкон. Андан сырткары, ырчы дүйнөнүн көптөгөн шаарларында чыгармачылыгын тартуулап, эл аралык сынактардын калыстар тобунун мүчөсү болгон.

Кечиккенди жактырбаган устат. Өзүнүн чыгармачылык жолунда ондогон дүйнөлүк чыгармаларды ырдап, тажрыйба топтогон кезинде мугалим болуп иштей баштайт. 1967-жылдан баштап өмүрүнүн аягына чейин Бүбүсара Бейшеналиева атындагы искусство институтунда эмгектенет. Бул мезгил аралыгында Керим Турапов, Уразбай Иманалиев жана Сайра Чоткараева өңдүү бир топ мыкты аткаруучуларды тарбиялаган. Ал студенттерине талапты катуу койгон жана кечиккенди жактырбаган мугалим болгон.

Архивные фотографии народной артистки СССР, оперной певицы Сайра Кийизбаевой
© Фото / из семейного архива Кийизбаевых
СССРдин эл артисти, Сайра Кийизбаева үч кызды татыктуу тарбиялап өстүргөн

Талапты катуу койгон эне. Ырчы үч кызды тарбиялап чоңойткон. Алардын улуусу Лира пианино чертип КРдин Эмгек сиңирген артисти наамын алган. Ортончу кызы Айгүл илим тармагы менен кетип китепканада иштесе, күчүү кызы Зарема борбор калаадагы Мукаш Абдраев атындагы музыкалык мектепте сабак берип иштейт. Сахна жылдызы үйдө да кыздарына талапты катуу койгон. Кыргыз элинин алгачкы опера жылдызы 1988-жылы 11-октябрда оорудан улам 70 жаш курагында көз жумган.

380
Тема:
Кыргыздын көркөм өнөрү, белгилүү инсандары жөнүндө фактылар (358)
Тема боюнча
Бакен Кыдыкеева 94 жашка чыкмак... Сахна ханышасы тууралуу кызыктуу 5 факты
Панфиловду таң калтырган кыз. Даркүл Күйүкова тууралуу 6 факты
Сахнадагы микрофон. Архив

Күздө Бишкекте “Орто Азия романсиадасы” аттуу конкурс өтөт

40
(жаңыланган 08:48 03.08.2020)
Кыргызстандагы конкурстун жеңүүчүсү Москвада боло турчу “Романсиадалар” сынагынын финалына жолдомо алат.

БИШКЕК, 3-авг. — Sputnik. Бишкекте 29-30-октябрь күндөрү орус романстарын аткаруучулары арасында “Орто Азия Романсиадасы” аттуу IV эл аралык ачык конкурс өтөт. Бул туурасында уюштуруучулар маалымдады.

Иш-чараны Россотрудничествонун Кыргызстандагы өкүлчүлүгү, Москванын “Романс үйү” жана “Гармония” орус маданий борбору Россиянын КРдеги элчилигинин жана КР Маданият, маалымат жана туризм министрлигинин колдоосу менен уюштурууда. 

Аталган конкурстун жеңүүчүсү 5-декабрда Москвада боло турчу “Романсиадалар” финалына жолдомо алат.

Кыргыз режиссёрунун "Көл" тасмасы Кытайдагы ири фестивалга чакыруу алды

Уюштуруучулар чыгармачылык тармагындагы жогорку окуу жайлардын студенттерин, орто кесиптик билим берүү мекемелеринин жана музыкалык мектептердин окуучуларын сынакка чакырат. Ошондой эле башка тармактагы орус романсын сүйүүчүлөрү дагы катыша алат.

Жеңүүчүлөрдү РФ эмгек сиңирген артисти, Москва “Романстар үйүнүн” директору, профессор Галина  Преображенская башында турган эл аралык калыстар тандап алат.

Катышууну каалагандар төмөнкү шилтеме аркылуу табыштама жибере алат.

Байланыш телефондору: 0312 300-512, 0312 300-543, 0555 914-028;

40
Белгилер:
Россия, Бишкек, конкурс
Тема боюнча
КР окумуштуулары Индиядагы маанилүү сессияга чакырылды. Катышуу жолу
Россиядагы эң белгилүү жана заманбап чыгарманы аныкташты

Билли Айлиштин жаңы клибин сутка ичинде бир нече миллион адам көрдү

407
Америкалык ырчы Билли Айлиш "My future" деп аталган жаңы ырынын клибин жарыкка чыгарды. Роликти режиссер Эндрю Онорато анимация стилинде тарткан.

Ырчы чыгармасында өзүнүн келечегин сүйүп калып аны менен жолугуша турган күндү күтүп жүргөнү жөнүндө баяндайт.

"Биз бул композицияны карантин башталарда жазганбыз. Ал чындыгында жеке өзүмө таандык жана мен үчүн өзгөчө орду бар. Бул чыгарманы жаратып жатканда менин аң-сезимимди үмүт, кубаныч жана өзүн-өзү өнүктүрүү тууралуу ойлор ээлеп турду", — деп айткан Айлиш.

Кыргызстандык кыз Түркиянын тарыхый ырын аткарып, аны Эрдоган бөлүштү. Видео

Клип YouTube каналына коюлгандан бир сутка өткөн соң төрт миллиондон ашык адам көргөнү анык болуп, миллион "лайк" белгиси коюлган. Ал эми жактырбагандар 10 миң адам болгон.

Билли Айлиштин "My future" чыгармасы январь айында Жеймс Бонддун "No time to die" киносунун башкы музыкасы катары аткарган ырынан кийинки биринчи эмгеги.

407
Белгилер:
Билли Айлиш, Америка, чыгарма, клип, ырчы
Тема боюнча
Мирбек Атабековдун "Мурасын" дал өзүндөй аткарган россиялык ырчы кыз. Видео
Дарыгерлер. Архив

Экинчи толкунга даярдык. КРде 18 миңден ашуун медик кайра окутуудан өттү

0
(жаңыланган 17:30 04.08.2020)
Күз айларында кайталанышы мүмкүн делген коронавирустун экинчи толкунуна өкмөт даярдык көрүп, анын алкагында вирус менен күрөшүү үчүн адистерди окутуп жатат.

БИШКЕК, 4-авг. — Sputnik. Кыргызстанда коронавирус менен күрөшүүчү медицина кызматкерлерин даярдоо жана кайра даярдоо курстары үзгүлтүксүз уланууда. Бул тууралуу Республикалык ыкчам штабдын жыйынында премьер-министр Кубатбек Боронов маалымдады.

Эске салсак, күз айларында кайталанышы мүмкүн делген коронавирустун экинчи толкунуна өкмөт даярдык көрүп, анын алкагында вирус менен күрөшүү үчүн адистерди окутуп жатышат. Мында башка адистиктеги дарыгерлер коронавирусту жана пневмонияны дарылоону үйрөнүшөт. Өзгөчө азыр Кыргызстанга  инфекционист, кардиолог, терапевт, лаборант жана эпидемиологдор талап кылынууда.

"Мейли ал стоматолог же ортопед болсун, бирок зарыл болгон учурда окуудан өтүп, бекитилген протоколдорго ылайык дарылоого даяр турсун. Алгачкы медициналык-санитардык кызмат көрсөтүү адистерин жаңы клиникалык протоколдорго ылайык дарылоого онлайн-режимде окутуу ишин күчөтүү зарыл. Протоколдорду туура пайдалануу жана тийиштүү дарылоону камсыздоо абдан маанилүү", — деди өкмөт башчы.

"Колдоо керек". Чолпонаталык дарыгерлер Жээнбековго даттанды. Сүрөт

Боронов лаборант жана врачтардын кадрлар резервин сапаттуу даярдыктан өткөрүүнүн маанилүүлүгүн баса белгиледи. Буга чейин 18 миңден ашуун адис квалификацияны жогорулатуу курстарынан өтүштү.

0
Белгилер:
медицина, окуу, дарыгерлер, коронавирус, Кубатбек Боронов, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Кыргызстан COVID-19дун кийинки толкунуна кантип кам көрүүдө? Бороновдун жообу