Кинопленка. Архив

Бишкекте Өзбекстандын кино күндөрү өтүүдө

91
(жаңыланган 09:28 06.12.2018)
Маданий иш-чара 4-5-декабрда белгиленет.

БИШКЕК, 4-дек. — Sputnik. Бишкектеги "Манас" кинотеатрында жана Чыңгыз Айтматов атындагы кино үйүндө Өзбекстандын кино күндөрү өтүүдө. Бул тууралуу Маданият, маалымат жана туризм министрлигинин маалымат кызматы билдирди.

Ага ылайык, маданий иш-чара 4-5-декабрга белгиленген.

Программа боюнча "Өзбеккино" киностудиясы тарабынан тартылган "Ришта", "Ата үйү", "Калптын желесинде" аттуу толук метраждуу көркөм тасмалар көрсөтүлөт.

Иш-чарага Өзбекстандын Кинематографисттер союзунун төрагасы, эмгек сиңирген артист Матьякуб Матчанов менен актер Улугбек Кадыров катышат.

Андан сырткары, 5-декабрда Бишкектеги "Космопарк" кинотеатрында саат 18.00дө Чыңгыз Айтматовдун "Кызыл жоолук жалжалым" чыгармасынын негизинде Кыргызстан менен Өзбекстан биргеликте тарткан "Делбирим" тасмасынын бет ачары өтөт.

91
Белгилер:
кино, Өзбекстан, Кыргызстан
Тема боюнча
Мадина Талипбек: Аселдин ролунан кийин турмуш курууга олуттуу карап калдым
Бишкекте кино ишмерлери Муратбек Рыскулов менен Сабира Күмүшалиеваны эскерет
Пикирлер