Фотовыставка, посвященная 90-летию писателя Чынгыза Айтматова в библиотеке ООН им. Д. Хаммаршельда в городе Нью-Йорк

"Манас" жана Чыңгыз Айтматов улуттук академиясы түзүлдү. Эмне иш аткарат?

424
(жаңыланган 11:06 01.02.2019)
Академия "Манас" эпосунда, кыргыз элдик эпикалык маданиятында, Чыңгыз Айтматовдун чыгармачыл мурасында камтылган көөнөрбөс руханий жана этикалык баалуулуктарды жайылтууга көмөк көрсөтөт.

БИШКЕК, 31-янв. — Sputnik. Президент Сооронбай Жээнбеков бүгүн, 31-январда, "Манас" жана Чыңгыз Айтматов улуттук академиясын түзүү жөнүндө Жарлыкка кол койгонун өлкө башчынын маалымат кызматы билдирди.

Жарлыктын максаты — "Манас" эпосун, жалпысынан кыргыздардын эпикалык маданиятын, Чыңгыз Айтматовдун дүйнөлүк мааниге ээ болгон көркөм, гуманисттик, философиялык-этикалык мурасын сактоо жана жайылтуу, ар тараптан терең изилдөө.

"Кыргыз тили кыргыз мамлекеттүүлүгүнүн руханий негизин түзүп, өсүп келе жаткан муундарды тарбиялоо ишинде адеп-ахлактын өзөгү жана карманган жолу болушу керек. Ал эми кыргыздардын "Манас" эпосу БУУнун Башкы Ассамблеясынын Резолюциясына ылайык Кыргызстан элинин гана эмес, бүткүл адамзаттын да руханий жана тарыхый-маданий дөөлөтүнүн бир бөлүгү болуп таанылды", — деп айтылат Жарлыктын текстинде.

Маалыматта академия "Манас" эпосунда, кыргыз элдик эпикалык маданиятында, Чыңгыз Айтматовдун чыгармачыл мурасында камтылган көөнөрбөс руханий жана этикалык баалуулуктарды жайылтууга жана популярдаштырууга, илимий, техникалык жана искусство таануучулук изилдөөлөргө көмөк көрсөтүү менен алектенери айтылат.

Өлкө башчысы Сооронбай Жээнбековдун архивдик сүрөтү
© Пресс-служба президента КР / Султан Досалиев
Мындан тышкары, илимий-практикалык, илимий-техникалык конференцияларды, долбоорлорду, конкурстарды, симпозиумдарды, эл аралык иш-чараларды уюштуруу, өткөрүү жана аларга катышуу, окутуучу-агартуучу, таанып билүүчү материалдарды даярдоо сунушталды.

"Ошондой эле Улуттук академия эл аралык гуманитардык комплекстүү программаларды ишке ашырууга багытталган сунуштарды талкуулоо жана иштеп чыгуу максатында Ысык-Көл эл аралык форумунун ишин камсыз кылат", — деп айтылат билдирүүдө.

Эскерте кетсек, академия тууралуу чечим кабыл алынганын президент 2018-жылдын 12-декабрында Бишкек шаарында жазуучу Чыңгыз Айтматовдун 90 жылдык мааракесине арналган салтанаттуу жыйында билдирген.

424
Белгилер:
маданият, Адабият, академия
Маданият, маалымат жана туризм министри Азамат Жаманкулов. Архив

16 миллион сомго китеп чыгат, сунуш кылгыла! Министр Жаманкулов элге кайрылды

534
(жаңыланган 20:35 08.08.2020)
Министрлик басылмадан чыгарылган кыргыз тилиндеги адабияттарды өлкө аймагындагы китепканаларга таркатат.

БИШКЕК, 8-авг. — Sputnik. Маданият, маалымат жана туризм министрлиги 16 миллион сомго түрдүү адабияттарды басып чыгарат. Бул тууралуу министр Азамат Жаманкулов социалдык тармактагы баракчасы аркылуу билдирди.

Анын айтымында, азыр чыга турган китептердин тизмеси түзүлүүдө, учурдан пайдаланып китепкөй жарандар өз сунуштарын бере алат.

Автор 30 жыл изилдеген. Исхак Раззаков жөнүндө китеп жарык көрдү. Сүрөт

"Быйыл министрликке китеп чыгарууга 16 миллион сом бөлүндү. Ал үчүн атайын комиссия түзүлүп, бир катар талкууларды жүргүзүп, адабияттар тандалды. Анан биз китепкөй жарандардын да ой-пикирин угууну эп көрдүк. Каалоочулар кыргыз авторлорунун, дүйнөлүк классикалык чыгармаларды жана көптөгөн мамлекеттерде популярдуу болгон китептерди 10-августка чейин сунуштагыла. Соңунда сунуш-пикирлер эске алынып, китептер чыгарыла баштайт", — деди Жаманкулов.

Ал ошондой эле жарык көргөн китептер өлкө аймагындагы китепканаларга таратыла тургандыгын кошумчалады.

534
Белгилер:
китеп, Азамат Жаманкулов, Кыргызстан
Тема боюнча
Россиядагы эң белгилүү жана заманбап чыгарманы аныкташты

Молдовада кыргыздын боз үйлөрү коюлган лагерь пайда болду. Видео

549
Молдовада этнографиялык кыштакча пайда болуп, анын ичинде кыргыз боз үйлөрү коюлду. Көчмөндөрдүн үйү кандайча ал жакка жайгашканын Sputnik Молдова агенттиги тарткан видеодон көрүңүз.

Калараш аймагындагы экзотикалык лагерди молдовалык Лариса Амбросий менен кыргызстандык Анар Жолдон иштеп чыккан. Алар 20 жыл мурун Ирландияда таанышып, достошкон. Өткөн жылы күзүндө чыгыш маданиятын элге көрсөтүүнү пландаштырышкан.

Сүйүнчү! Ак калпакты жасоо өнөрү жана кийүү маданияты ЮНЕСКОго кирди

Эс алуучу жайдын аймагында анча оң эмес 12 боз үй коюлган. Лагердин менеджери Бектур Саламатов Молдова менен Кыргызстанды меймандостук бириктирип турарын белгилеген.

"Биз бул өлкөнүн жашоочуларына көчмөндөрдүн жашоо-турмушун, салт-санаасын жана маданиятын көрсөткүбүз келет. Молдова менен Кыргызстандын эли меймандос жана кичипейил келишет эмеспи", — деген Саламатов.

Кыштакка келгендер чыгыш маданиятынын элементи менен тааныша аларын кошумчалаган.
Боз үй — көчмөн элдеринин эң ыңгайлуу турак-жай курулушу. Ал оңой жана тез тигип-чечкенге ылайыкташкан, ат, төө жана дөңгөлөктүү унаа менен ташып көчүрүү оңой. Анын кийиз жабуулары суу өткөрбөйт жана шамалдан коргойт.

Боз үйдүн түзүлүшүн, курамдык бөлүктөрүн жана тигүү иретин Sputnik инфографикасынан караңыз.

549
Белгилер:
видео, лагерь, Боз үй, Кыргызстан, Молдова
Тема боюнча
Шымдары бир жылкыга бааланган. Кыргыздын эркектери кандай кийинген?
Бишкек шаарынын казысы болуп дайындалган Замир Ракиев. Архив

Бишкек шаарынын казысы болуп Замир Ракыев дайындалды

0
(жаңыланган 17:06 10.08.2020)
Кыргызстандын муфтийи Максатбек ажы Токтомушевдин буйругу менен дайындалган шаардын жаңы казысы бүгүн казыяттын жамаатына тааныштырылды.

БИШКЕК, 10-авг. — Sputnik. Бишкек шаарынын казысы болуп Замир каары Ракыев дайындалды. Бул тууралуу муфтияттын маалымат кызматы кабарлады.

Кыргызстандын муфтийи Максатбек ажы Токтомушевдин буйругу менен дайындалган шаардын казысы бүгүн жамаатка тааныштырылды.

"Муфтий Бишкек шаардык казыятынын жалпы эмгек жамааты менен жолугуп, казыяттын ишмердүүлүгү жоопкерчиликтүү экендигин баса белгилеп, жаңы дайындалган Бишкек шаарынын мусулмандар казысынын ишине ийгилик каалады", — деп айтылат маалыматта.

Бишкек шаарынын казыятын буга чейин Садриддин Маджитов жетектеп келген. Ал 10-июлда оорудан улам каза болгон.

Ош облусун Жылкыбаевдин орун басары Юсупов жетектеп турмай болду

Шаарга жаңы дайындалган Замир каары Ракиев 1978-жылдын 15-февралында Нарын облусунун Кочкор района караштуу Шамшы айылында төрөлгөн.

0
Белгилер:
Замир Ракиев, Муфтий, дайындоо, Бишкек казыят
Тема боюнча
Бишкектин Ленин районуна жаңы аким келди