Доктур болчу кыз актриса болуп калганда. Мираида Далбаеванын таберик сүрөтү

401
(жаңыланган 17:12 13.02.2019)
Мирбек Сакенов
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат.
Актриса Мираида Далбаева
© Фото / Александр Федоров

Белгилүү актриса Мираида Далбаева менен актер Кадыр Жолдошевдин сүрөтү 1957-жылы Ысык-Көлдө тартылган.

Ал жылы Аалы Токомбаев менен Михаил Аксаковдун сценарийинин негизинде жаралган "Менин жаңылыштыгым" аттуу комедиясы тартылган.

Сүрөттөгү ошол ирмемди Кыргыз Республикасынын эл артисти Мираида Далбаева мындайча эскерет:

"Анда мен 17 жашта болчумун, борбор калаадагы медициналык училищеде окуп жүргөм. Москвадан адистер келип фильм тартуу үчүн окуу жайлардан жаштарды тандап жүрүшкөн экен. Алар көптөгөн студенттердин ичинен мени жана башка окуу жайдан Кадыр Жолдошевди башкы ролду аткарууга алышкан. Экөөбүз кыз-жигиттин образын жаратып, Муратбек Рыскулов, Садыкбек Жаманов, Шамшы Түмөнбаев сыяктуу залкарлар менен чогуу иштешип калдык. Фильмди тартуу аяктагандан кийин Муратбек Рыскулов мага жол көрсөтүп, устат болуп көп жардам берди. Ошентип кино, театр чөйрөсүнө аралашып кеттим", — деди Далбаева.

Аталган фильм негизинен Алматы шаары менен Ысык-Көл облусунда тартылган. Сүйүшкөн эки жаштын ортосундагы махабатты, кыргыз элинин үрп-адатын чагылдырган "Менин жаңылыштыгым" тасмасынын премьерасы көрүүчүлөргө 1958-жылы Москва шаарында сунушталган.

Ал эми өмүрүн театрга арнаган 80 жаштагы Мираида Далбаева учурда 85 жаштагы жолдошу Сатыбалды Далбаев менен дөөлөттүү карылык доорун сүрүүдө.

401
Белгилер:
Мираида Далбаева, таберик сүрөт, Кыргызстан
Тема:
"Таберик сүрөт" — сейрек кездешкен ирмемдер (73)
Тема боюнча
Актерлорго ата болгон Борош чал. "Көчө" тасмасындагы таберик сүрөт
Шахматта күч сынашкан Айтматов менен Токомбаев. Таберик сүрөт
Миңжылкиев менен Чокморовдун мамилеси жок эле... Залкарлардын таберик сүрөтү