Ак илбирс улуттук кино сыйлыгы. Архив

"Ак илбирс" кино сыйлыгынын атайын байгеси кимге берилери айтылды

169
(жаңыланган 12:26 08.04.2019)
Улуттук кино сыйлыкты тапшыруу аземи 26-апрелде өтөт.

БИШКЕК, 7-апр. — Sputnik. "Ак илбирс" улуттук кино сыйлыгынын атайын байгеси менен "Дүйнөлүк кинематографияга салым кошуу" номинациясы боюнча КР эл артисти, кинооператор Манасбек Мусаев сыйланат. Бул тууралуу уюштуруучулар билдиришти.

Маалым болгондой, Мусаев — СССР кинематографиясынын отличниги, СССР мамлекеттик сыйлыгынын жана Чыңгыз Айтматов атындагы эл аралык премиясынын лауреаты.

Ал "Советская Киргизия" жана "Новости дня" киножурналдарынын сюжеттерин, даректүү тасмаларды тартып, 1972-жылдан тарта көркөм тасмаларды жарата баштаган. Анын кинокартиналары жогорку сыйлык жана дипломдорго татып, дүйнөлүк жана союздар аралык кинофестивалдарда мыкты аталган.

"Мусаев "Ысык-Көлдүн кызгалдактары", "Ак кеме", "Эл арасында", "Жалаң эр-азаматтар", "Бөрү зындан", "Квартирант", "Жамийла" жана башка тасмаларды тарткан", — деп жазылат маалыматта.

"Ак илбирс" улуттук кино сыйлыгын тапшыруу аземи 26-апрелде "Манас" кинотеатрында болот.

169
Белгилер:
байге, "Ак Илбирс" улуттук киносыйлыгы, сыйлык
Тема боюнча
"Дарак ырынын" режиссеру Кинематографисттер союзунун төрагасы болду
Дооронбек Садырбаев тарткан фильмдердин жумалыгы өтөт. Тасмалардын тизмеси
АКШда өтчү фестивалга Кыргызстандын даректүү тасмасы катышат
Көйкашка коомдук бирикмесинин мүчөсү, манасчы Нурбек Талантбеков

Талантбеков: "Манас" эпосунда тиш чукугучтун аталышы бар

12
(жаңыланган 12:45 13.07.2020)
"Көйкашка" коомдук бирикмесинин мүчөсү, манасчы Нурбек Талантбеков күнүмдүк турмушта кыргыз тилин жакшы билгендер 500-600, ал эми билбегендер 200-300 сөз колдоно турганын айтты.
Талантбеков: "Манас" эпосунда тиш чукугучтун аталышы бар

Тиш чукугуч "Манас" эпосунда "данданкү" деп аталат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Анын айтымында, бул сөз айрым жерлерде "данданкү", башка булактарда "дандакүү" деп дагы кездешет.

Талантбеков: "Манас" эпосунда тырмак алгыч "тырабдал" деп айтылат

"Күнүмдүк турмушта колдонулган буюмдардын арасында "зубочистка" же болбосо эки сөз, төрт муундан турган "тиш чукугуч" деген бар. А чынында бул сөз "Манаста" "данданкү" деп колдонула турганы маалым. Ала турган болсок, эпосто дасторкондо тамак-аштын түрү, нандын эле 90 түрү бар экени сүрөттөлөт. Ала-Тоодой эт кылып, Ала-Көлдөй чык кылып, адамдын көөнү, пейили толуп турганы сүрөттөлөт. Тиш чукугуч ошол доордо дагы бүгүнкүдөй атайын идишке топтолуп турчу экен. Мына ошону көргөн Манас атабыздын "данданкү мынча, эт канча?" дегени бар. Бул жерден тиш чукугучуң эле мынча болсо, этиң канча деген тамаша сөздү түшүнөбүз", — деди Талантбеков.

Ошондой эле ал күнүмдүк турмушта ушундай көөнө сөздөрдү колдонуу тилдин байышына алып келе турганын кошумчалады.

12
Белгилер:
тиш, сөз, Манас эпосу
Тема боюнча
Талантбеков: "Манас" эпосунда чачтарач, сулуулук салонду "сүзгөр" дейт
Чуй облусундагы флагшток. Архивдик сүрөт

Өзбек ырчысы кыргызстандыктарга дем берип "Кыргыз жери" ырын аткарды. Видео

1023
(жаңыланган 20:55 12.07.2020)
Коңшу өлкөнүн ырчысы эпидемиологиялык кырдаалдагы жүрөк тилген учурларды көрүп жатканын айтып, кыргыз элине кайраттуулук тилеп өттү.

БИШКЕК, 12-июл. — Sputnik. Өзбекстандык ырчы Жон Руми кыргызстандыктарды кыйын күндө колдоо максатында "Кыргыз жери" чыгармасын кыргыз тилинде аткарды.

Ал кыргыз элине кайрылып бул күндөр аз убакыттан кийин жаман бир түш сыяктуу өтүп кетерине ишеним артты. Ошондой эле алдыда жакшы күндөр күтүп турганын, андыктан эч качан моюн сунбоого, муңайып калбоого чакырды.

Посмотреть эту публикацию в Instagram

Публикация от JOHN ROOMY🎙 (@johnroomy)

"Кымбаттуу, кыргызстандык бир туугандар, ЖМКларадан жүрөк тилген кадрларды көрүп ушундай кыйын күндө сиздергө өзбек элинин атынан колдоо көрсөткүм келди", — деп айтты Жон Руми кырынын алдында.

Четте карап тура албадым. Кыйын күндө мекенге кайткан дарыгердин маеги

Өзбек ырчысы сөзү Түмөнбай Байзаков, обону Апас Жайнаковго таандык "Кыргыз жери" чыгармасын ырдаган. Бул учурда кадрдан Кыргызстандын Ала-Тоосу, кооз көлдөрү жана ажайып жаратылышы чагылдырылган.

Бүгүн, 12-июлга карата,  Кыргызстанда дагы 719 адамдан коронавирус аныкталганын Республикалык штаб билдирди. Республика боюнча илдет илештирип алгандардын жалпы саны 10 629га жетти. Анын 3 387си айыгып чыккан. Азыр стационарда 670 киши дарыланып жатса, анын 24ү реанимацияда. Үй карантининде 6 440 адам бар. Коронавирус жуктуруп алып 132 киши каза тапты.

1023
Белгилер:
колдоо, Кыргызстан, ырчы, Өзбекстан
Тема боюнча
Жүрөк жылытат. Карыяга акча чогулткандар медиктерге да жардам берди
Германиядагы кыргызстандык дарыгерлер онлайн кеп-кеңеш бере баштайт
Ош шаарында даярдалган стационар. Архивдик сүрөт

Бишкектегидей кырдаал кайталанбашы үчүн аймактарда даярдык кандай? Расмий жооп

0
(жаңыланган 13:51 13.07.2020)
Акматованын айтымында, аймактарда медициналык мекемелерде гана эмес, жаңы ачылып жаткан стационарларда да кошумча орундар даярдала баштады.

БИШКЕК, 13-июл. — Sputnik. Коомдук саламаттык сактоо башкармалыгынын башчысы Айнура Акматова Бишкектегидей эпидемиологиялык кырдаал кайталанбашы үчүн өлкөнүн аймактарында даярдык кандай жүрүп жатканын брифингде айтты.

Эске салсак, эпидемия башталгандан бери борбор калаада коронавирус жуктургандардын саны 5 миңден ашты. Борбор калаада пневмониядан да көз жумгандар көп.

COVID-19дан беш медик каза болду. Сандардын өсүп жатышынын себеби

Акматованын айтымында, аймактарда медициналык мекемелерде гана эмес, жаңы ачылып жаткан стационарларда да кошумча орундар даярдала баштады.

"Жеке коргонуучу каражаттар менен дары-дармектердин корун 3-6 айга чейин жеткидей кылып даярдоо маселеси чечилип жатат. Министрлик суук түшкөндө стационарларды жылуулук менен камсыз кылуу маселесин да чечүүдө. Мындан тышкары, медициналык академиянын бүтүрүүчүлөрү аймактарга бөлүштүрүлүп жатат", — деди Акматова.

Ал кууш профилдүү адистер коронавирус жана пневмонияны дарылоо протоколун үйрөнүп жатканын кошумчалады.

0
Белгилер:
дары-дармек, даярдык, аймак, кырдаал, коронавирус
Тема:
Коронавируска байланыштуу Кыргызстандагы кырдаал
Тема боюнча
Пневмония дарты өткөн суткада 29 адамдын өмүрүн алды
Ак-Ордо, Ак-Босогодо жана Аламүдүн-1 кичи районунда күндүзгү стационар ачылды
Ош шаарында ачылган стационарлардын графиги жана дареги