Ош шаары. Архивдик сүрөт

Ош менен Жалал-Абадда өзбек киносунун күндөрү өтөт

253
Иш-чараны Маданият, маалымат жана туризм министрлигинин алдындагы Кинематография департаменти уюштурууда.

БИШКЕК, 31-май — Sputnik. Ош менен Жалал-Абад шаарларында өзбек киносунун күндөрү өтө турганын Кинематографияны колдоо фондусунан билдиришти.

Маалыматка ылайык, төрт тасма көрсөтүү пландалган.

6-июнда Ош шаарынын "Семетей" кинотеатрында иш-чаранын расмий ачылышы өтүп, Рашид Маликовдун "Сабот", Умид Хамдамовдун "Ысык нан" фильмдери тартууланат.

7-июнда Жалал-Абад шаарынын "Барпы" кинотеатрында жогоруда аталган эки тасма, андан кийин "Мир" кинотеатрында Сарвар Каримовдун Өзбекстан менен Кыргызстан биргелешип тарткан "Делбирим" фильми көрсөтүлөт.

8-июнда Ош шаарынын "Семетей" кинотеатрында "Гиждувоний" даректүү тасмасы менен "Делбирим" кайталанат.

Иш-чараны Маданият, маалымат жана туризм министрлигинин алдындагы Кинематография департаменти уюштурууда. Кирүү акысыз.

253
Белгилер:
Жалал-Абад облусу, Ош шаары, кино тасма
Тема боюнча
Отунбаева: Төлөмүш Океевдин кинофильмдери анын жашыруун куралы болчу
Иранда өтчү эл аралык кинофестивалда "Дарак ыры" көрсөтүлөт