Кыргызстандан барган Жамиля Ишенбаева. Архивдик сүрөт

Кыргызстандык кыз дүйнө студенттеринин арасындагы сынакта жеңүүчү болду

563
Таажы үчүн дүйнөнүн 12 өлкөсүнөн 16 студент кыз  ат салышкан.

БИШКЕК, 9-июн. — Sputnik. Кыргызстандан барган Жамиля Ишенбаева сулуулар менен таланттуулардын Россияда өткөн "Студенттердин ханышасы — 2019" деп аталган сынагында жеңүүчү болду.

Сулуулук жана акыл боюнча эл аралык таймаш Ставрополдо  "ШКУ жана БРИКСке мүчө өлкөлөрдүн студенттеринин жазы" деп аталган фестивалдын алкагында өткөн.

Таажы үчүн дүйнөнүн 12 өлкөсүнөн 16 студент кыз ат салышкан.

Сынак бир нече этап менен өткөн. Кыздар улуттук кийимчен чыккан, андан кийин чыгармачылыгын тартуулашкан жана кооз көйнөктөрүн көрсөтүшкөн.

563
Белгилер:
сулуулук сынагы, студент, Кыргызстан, Россия
Тема боюнча
Кыргызстандык кыз Universe Beauty — 2019 сынагынын баш байгесин жеңип алды
Улуттук кийим кийген кыз. Архивдик сүрөт

Мультфильм каарманына айланган ар улуттун кыздары. Суктанткан сүрөттөр

469
(жаңыланган 09:04 10.07.2020)
Сүрөтчү эмгектеринде мультфильм каармандары сыяктуу кылып ар улуттун кыздарын тарткан. Буга кошумча кыздарды улуттук кийимдери, буюмдары жана кооздуктары менен шөкөттөп койгон.

БИШКЕК, 10-июл. — Sputnik. Россиянын Тула шаарынын тургуну, сүрөтчү Лера Кирякова түрдүү улуттарды кыздарынын образы менен көрсөткөн. Көз жоосун алган сүрөттөрүн ал Instagram баракчасына жарыялаган.

Посмотреть эту публикацию в Instagram

Публикация от Lera Kiryakova 🌟 Illustrator (@lera_kiryakova)

Сүрөтчү эмгектеринде мультфильм каармандары сыяктуу кылып ар улуттун кыздарын тарткан. Буга кошумча кыздарды улуттук кийимдери, буюмдары жана кооздуктары менен шөкөттөп койгон.

Посмотреть эту публикацию в Instagram

Публикация от Lera Kiryakova 🌟 Illustrator (@lera_kiryakova)

Анын эмгектеринин арасынан Россия, Индия, Япония, Монголия, Украина сыяктуу онго чукул улуттун кыздарынын сүрөтүн көрүүгө болот.

Посмотреть эту публикацию в Instagram

Публикация от Lera Kiryakova 🌟 Illustrator (@lera_kiryakova)

Көз жоосун алган сүрөттөрдүн арасында кыргыз же казак кызына окшогон образды да байкоого болот.

Посмотреть эту публикацию в Instagram

Публикация от Lera Kiryakova 🌟 Illustrator (@lera_kiryakova)

Сүрөттө чачы беш көкүл болуп өрүлүп, башына тебетей кийген кыз да бар. Ал колуна көөкөр кармап, артына улак учкаштырып алган. Сүрөткө айрымдары "бул кыргыз кызы го" деген комментарий калтырса, кээ бири "казакпы же кыргызбы?" деп суроо салган.

Посмотреть эту публикацию в Instagram

Публикация от Lera Kiryakova 🌟 Illustrator (@lera_kiryakova)

Сүрөтчүнүн баракчасынан башка да мультфильмдин каармандарын табууга болот.

469
Белгилер:
образ, мультфильм, кыз, эмгек, улут, сүрөтчү
Тема боюнча
Кыргызды дүйнөгө тааныткан курбулар. Асыл адамдардын таберик сүрөтү
Көйкашка коомдук бирикмесинин мүчөсү, манасчы Нурбек Талантбеков

Талантбеков: "Манас" эпосунда чачтарач, сулуулук салонду "сүзгөр" дейт

411
(жаңыланган 15:57 09.07.2020)
"Көйкашка" коомдук бирикмесинин мүчөсү, манасчы Нурбек Талантбеков ар бир кыргыз эне тилинде сүйлөшү керектигин айтты.
Талантбеков: "Манас" эпосунда чачтарач, сулуулук салонду "сүзгөр" дейт

Манаста "сүзгөр" деген сөз бар. Ал чачтарач, сулуулук салону дегенди түшүндүрөт. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Анын айтымында, учурда мекеме, ишканалардын аты мамлекеттик тилде, анан расмий тилде, андан кийин чет тилдерде жазылат. Бирок кээ бир учурларда мамлекеттик тилде жазылганы толук кандуу кыргыз тилинде болбой жатат.

"Манас" эпосунда сулуулук тууралуу дагы кеңири баяндалган. Алсак, "сүзгөргө чачын таратып, сүзгөргө өзүн каратып" деген саптар кездешет. Бул саптардан сүзгөр дегенде чачтарач, же чач алуучу адам, ошол эле учурда сулуулук салону тууралуу кеп болуп жатканын аңдап биле алабыз. Ушундай сөздөрдү күнүмдүк турмушта колдонушубуз керек. Муну менен кыргыз тилине зор салым кошо алабыз", — деди Талантбеков.

Ошондой эле ал "Манас" эпосунда бир гана согуштук, баатырдык окуялар эмес, кыргыздын күнүмдүк жашоо-турмушу тууралуу кенен маалымат камтылгандыгын кошумчалады.

411
Белгилер:
сулуулук, Манас эпосу
Тема боюнча
Талантбеков: "Манас" эпосунда тырмак алгыч "тырабдал" деп айтылат
Медиктер. Архивдик сүрөт

Жүрөк жылытат. Карыяга акча чогулткандар медиктерге да жардам берди

0
(жаңыланган 18:19 12.07.2020)
"Тазалыктын" маалымат катчысы гармонь чертип жан баккан карыянын аспабын уурдап кетишкенин айтып, жаңысын алуу үчүн каражат чогулта баштаган.

БИШКЕК, 12-июл. — Sputnik. Бишкекте кайрымдуу жарандар тарабынан улгайган кишиге гармонь алууга чогулган акча ашыгы менен жыйналды.

"Тазалык" муниципалдык ишканасынын маалымат катчысы Жибек Каракеева бир нече күн мурун калаадагы соода борбордун алдында гармонь чертип, тамак-ашына акча тапкан карыянын музыкалык аспабын уурдап кетишкенин жазган. Активисттер интернет аркылуу 5000 сомго гармонь табышкан. Мындан улам Каракеева акча чогултуп баштаган.

Посмотреть эту публикацию в Instagram

Публикация от Жибек Каракеева (@jibek_karakeeva)

Натыйжада кайдыгер эмес адамдардан каражат ашыгы менен түшүп, жалпы суммасы 41 708 сомду түзгөн.

Ал эми Давлет аттуу шаар тургуну өзүнүн гармонун карыяга белек деп Каракеевага берип кеткен. Мындан улам аспапка кошуп ага 5000 сом накталай, 1527 сомго азык-түлүк алып барып беришкен. Калганын 15 медицина кызматкерине 2000 сомдон берип чыгышкан. Ошону менен бирге күндүзгү стационарларга миңден ашуун асма уколдун штативин жасаган "Тазалыктын" кызматкерлерине пицца алып берген.

Аягында 2 571 сом калган, аны медиктердин телефонуна сүйлөшүү үчүн акча сала турганын айтты.

0
Белгилер:
жардам, медик, акча, МП "Тазалык"
Тема боюнча
Имарат берип, жабдуу таап, медик чогултуп... Эл ооруга каршы бир муштумга түйүлгөндө