Кыргызстандан чыккан UFC мушкерлер уюмунун чемпиону Валентина Шевченко. Архивдик сүрөтү

Керемет жан! Шевченконун чимирилип, чайпала ар элдин бийин аткарган видеосу

16575
(жаңыланган 19:21 15.06.2019)
Кыргызстандан чыккан UFC мушкерлер уюмунун чемпиону Валентина Шевченко чыгармачыл адамдардын катарында десек болчудай. Ал октагондо беттешкенден тышкары сүрөт тартып, гитарада ойноп, ар элдин бийин бийлейт.

Мушкер маектеринде бала чагынан эле апасы назиктигин жоготпосун деп спорт менен биргеликте бийге алып барганын айтып келет. Валентина Шевченко бир нече улуттун бийин өздөштүрүп, убагында сынактарга катышкан экен. Азыр UFC октагонунда жеңишинен кийин чимириле лезгинканы бийлеп коёт.

Sputnik Кыргызстан маалымат агенттиги Валентина Шевченко бийлеген видеолорду бир материалга топтоду.

Салтка айланган лезгинка

Кыргызстандык мушкер жакында эле америкалык Жессика Айды утуп, UFC уюмундагы 57 килограмм салмактагы чемпиондук наамын коргоп калды. Жеңишинен кийин күйөрмандары үчүн лезгинка бийледи.

Посмотреть эту публикацию в Instagram

Публикация от UFC Español (@ufcespanol)

Ошондой эле беттешке чейинки ачык машыгууда дагы лезгинканы аткарып келет.

Кара жорго да бийлеп...

Валентина Шевченко ушул жылдын 7-апрелинде мекени Кыргызстанга келип, бир жумадай жүрүп кеткен. Ал Ошко күйөрмандары менен жолугушууга барганда алгачкы ирет кыргыздын улуттук бийи — кара жоргону аткарган. 

Ошондой эле лезгинкасын көрсөткөн.

Танго бийи

Видео бир канча жыл мурда тартылган. Шевченко Instagram баракчасына Перудагы сынакка катышып, танго бийлегенин жазган.

Посмотреть эту публикацию в Instagram

Публикация от Valentina Shevchenko (@bulletvalentina)

Шевченконун бийлегенден тышкары ок аткан, сүрөт тарткан, гитарада ойногон өнөрлөрү дагы бар.

Чыгыш бийи

Мушкердин мындай видеосун көргөндөр анын октагондо чыгып мушташарына ишенбесе керек...

Посмотреть эту публикацию в Instagram

Публикация от Valentina Shevchenko (@bulletvalentina)

Бул чыгыш бийи бир канча жыл мурда тартылган. Анда Шевченко муай-тай боюнча кармаштарды өткөргөн.

Посмотреть эту публикацию в Instagram

Публикация от Valentina Shevchenko (@bulletvalentina)

Цыган бийи

Видео 2012-жылы тартылганы менен мушкер аны жаңы жылдын (2019) биринчи күнү жүктөгөн.

Посмотреть эту публикацию в Instagram

Публикация от Valentina Shevchenko (@bulletvalentina)

Кадрлардан көрүнүп тургандай, мушкер цыган бийин көп элдин ортосуна туруп бийлеген.

Чимириле чайпалып...

Мушкер жыл башында белин чимирилте бийлеп жаткан жаңы видеосун жүктөгөн. Спортчунун энеси Елена Шевченконун айтымында, бийдин так аталышы жок, аны импровизация деп атаган.

Посмотреть эту публикацию в Instagram

Публикация от Valentina Shevchenko (@bulletvalentina)

Ушул өңдүү дагы бир бийин жүктөгөн. Мушкердин видеолорун күйөрмандары чыдамсыздык менен күтүшөт. Анын Instagram баракчасына жазылгандардын саны миллиондон ашат.

Посмотреть эту публикацию в Instagram

Публикация от Valentina Shevchenko (@bulletvalentina)

Көл жээгинде бийлегенге эмне жетсин! Бий асмандан тартылып, укмуштуудай кооз көрүнгөнүн байкоого болот.

Посмотреть эту публикацию в Instagram

Публикация от Valentina Shevchenko (@bulletvalentina)

Көбүнчө жаратылышта бийлейт. Спортчу негизи эле саякаттаганды жактырат.

Посмотреть эту публикацию в Instagram

Публикация от Valentina Shevchenko (@bulletvalentina)

Валентина Шевченко Кыргызстандан чыккан алгачкы UFC мушкерлер уюмунун чемпиону. Тай бокс боюнча дүйнөнүн 17 жолку чемпиону. Көп жылдан бери эжеси Антонина жана машыктыруучусу Павел Федотов менен чет өлкөдө жашап келет.

16575
Белгилер:
кара жорго бийи, бий, мушкер, Валентина Шевченко, UFC
Тема боюнча
Валентина Шевченконун сандыктагы сүрөттөрү! Бала кезинен тарта чемпиондукка чейин
Дүйнөнү дүңгүрөткөн Валентина Шевченко тууралуу 10 факты
Маданият, маалымат жана туризм министри Азамат Жаманкулов. Архив

16 миллион сомго китеп чыгат, сунуш кылгыла! Министр Жаманкулов элге кайрылды

414
(жаңыланган 20:35 08.08.2020)
Министрлик басылмадан чыгарылган кыргыз тилиндеги адабияттарды өлкө аймагындагы китепканаларга таркатат.

БИШКЕК, 8-авг. — Sputnik. Маданият, маалымат жана туризм министрлиги 16 миллион сомго түрдүү адабияттарды басып чыгарат. Бул тууралуу министр Азамат Жаманкулов социалдык тармактагы баракчасы аркылуу билдирди.

Анын айтымында, азыр чыга турган китептердин тизмеси түзүлүүдө, учурдан пайдаланып китепкөй жарандар өз сунуштарын бере алат.

Автор 30 жыл изилдеген. Исхак Раззаков жөнүндө китеп жарык көрдү. Сүрөт

"Быйыл министрликке китеп чыгарууга 16 миллион сом бөлүндү. Ал үчүн атайын комиссия түзүлүп, бир катар талкууларды жүргүзүп, адабияттар тандалды. Анан биз китепкөй жарандардын да ой-пикирин угууну эп көрдүк. Каалоочулар кыргыз авторлорунун, дүйнөлүк классикалык чыгармаларды жана көптөгөн мамлекеттерде популярдуу болгон китептерди 10-августка чейин сунуштагыла. Соңунда сунуш-пикирлер эске алынып, китептер чыгарыла баштайт", — деди Жаманкулов.

Ал ошондой эле жарык көргөн китептер өлкө аймагындагы китепканаларга таратыла тургандыгын кошумчалады.

414
Белгилер:
китеп, Азамат Жаманкулов, Кыргызстан
Тема боюнча
Россиядагы эң белгилүү жана заманбап чыгарманы аныкташты

Молдовада кыргыздын боз үйлөрү коюлган лагерь пайда болду. Видео

520
Молдовада этнографиялык кыштакча пайда болуп, анын ичинде кыргыз боз үйлөрү коюлду. Көчмөндөрдүн үйү кандайча ал жакка жайгашканын Sputnik Молдова агенттиги тарткан видеодон көрүңүз.

Калараш аймагындагы экзотикалык лагерди молдовалык Лариса Амбросий менен кыргызстандык Анар Жолдон иштеп чыккан. Алар 20 жыл мурун Ирландияда таанышып, достошкон. Өткөн жылы күзүндө чыгыш маданиятын элге көрсөтүүнү пландаштырышкан.

Сүйүнчү! Ак калпакты жасоо өнөрү жана кийүү маданияты ЮНЕСКОго кирди

Эс алуучу жайдын аймагында анча оң эмес 12 боз үй коюлган. Лагердин менеджери Бектур Саламатов Молдова менен Кыргызстанды меймандостук бириктирип турарын белгилеген.

"Биз бул өлкөнүн жашоочуларына көчмөндөрдүн жашоо-турмушун, салт-санаасын жана маданиятын көрсөткүбүз келет. Молдова менен Кыргызстандын эли меймандос жана кичипейил келишет эмеспи", — деген Саламатов.

Кыштакка келгендер чыгыш маданиятынын элементи менен тааныша аларын кошумчалаган.
Боз үй — көчмөн элдеринин эң ыңгайлуу турак-жай курулушу. Ал оңой жана тез тигип-чечкенге ылайыкташкан, ат, төө жана дөңгөлөктүү унаа менен ташып көчүрүү оңой. Анын кийиз жабуулары суу өткөрбөйт жана шамалдан коргойт.

Боз үйдүн түзүлүшүн, курамдык бөлүктөрүн жана тигүү иретин Sputnik инфографикасынан караңыз.

520
Белгилер:
видео, лагерь, Боз үй, Кыргызстан, Молдова
Тема боюнча
Шымдары бир жылкыга бааланган. Кыргыздын эркектери кандай кийинген?
Беларуссиянын Президенти Александр Лукашенко Минск шаарындагы шайлоо участогунда добуш берип турат

Белоруссия: президенттик шайлоодо Лукашенко алдыда. Exit poll, БШКнын жыйынтыгы

26
(жаңыланган 23:55 09.08.2020)
Президент аталган өлкөдө беш жылдык мөөнөткө шайланат. Бул сапар эң көп добуш алган адам 2025-жылга чейин Белоруссияны башкарып турмакчы.

БИШКЕК, 9-авг. — Sputnik. Белоруссияда өткөн президенттик шайлоодо Александр Лукашенко добуштардын 82 пайызын алды. Бул туурасында БШКнын төрайымы Лидия Ермошинага шилтеме кылып Sputnik Ближнее зарубежье кабарлады.

"БШКнын алгачкы маалыматы боюнча, Лукашенко беш аймакта биринчи келе жатат, добуштардын саны 82 пайызды көрсөттү. Тихановскаяныкы 5 пайызга жакын", — деп айтылат маалыматта.

Эске салсак, бүгүн Белоруссияда мамлекет башчыны тандашты.  Борбордук шайлоо комиссиясы  президенттик шайлоо өттү деп түшкө чейин эле тааныды. Алардын маалыматында жергиликтүү убакыт боюнча 12:00гө карата шайлоочулардын 54 пайызы болочоктогу мамлекет башчыга добуш берген.

Ал эми exit poll жыйынтыгы бир аз айырмаланат: 

  • Александр Лукашенко — 79,7 пайыз
  • Светлана Тихановская - 6,8 пайыз;
  • Анна Канопацкая - 2,3 пайыз;
  • Андрей Дмитриев - 1,1 пайыз;
  • Сергей Черечень - 0,9 пайыз.

Президент аталган өлкөдө 5 жылдык мөөнөткө шайланат. Бул сапар эң көп добуш алган адам 2025-жылга чейин бийликтин башында турмакчы.

Капа болом. Лукашенко кайрадан президенттик шайлоого катышат

Бүгүн талапкерлердин ичинен эң көп добуш алган Лукашенко Белоруссияны 26 жылдан бери башкарып келет.

26
Белгилер:
добуш берүү, президенттик шайлоо, Александр Лукашенко, Белоруссия
Тема боюнча
Бүгүн Белоруссияда президенттик шайлоо болуп жатат
Парламенттик шайлоого катышууну каалаган партиялардын кожоюндары кимдер? Тизме