Ар бири өзүнчө университет эле... "Бакайдын жайытындагы" таберик сүрөт

242
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат.
Белгилүү режиссер Төлөмүш Океев, актер Советбек Жумадылов менен монтажер Ракия Шершенованын сүрөтү 1966-жылы Суусамыр жайлоосунда тартылган
© Фото / Александр Федоров

Белгилүү режиссер Төлөмүш Океев, актер Советбек Жумадылов менен монтажер Ракия Шершенованын сүрөтү 1966-жылы Суусамыр жайлоосунда тартылган.

Ал жылы "Бакайдын жайыты" тасмасы тартылып, ага кыргыз киносунун бир топ көрүнүктүү өкүлдөрү катышкан.

Ошол учурду Кыргыз ССРинин маданиятына эмгек сиңирген ишмер Ракия Шершенова мындайча эскерет:

"Мен Төлөмүш Океевдин көптөгөн тасмаларын монтаждадым. "Бакайдын жайыты" тартылган маалда 25 жашта болчумун. Ага чейин дубляжда иштеп тааныш болгондуктан режиссер өзү чакырган. Тасмада жайлоодогу жылкычылардын чыныгы жашоосун көргөзүп, аны чала-була кылбай элди ишендирүү керек болгон. Андай мыкты эмгекти жаратуу үчүн негизинен чыгармачыл топ бири-бирине толук ишениши зарыл. Океев мага ишенип, мен башка тасмалар менен Ташкентке чейин кетсем да күтчү. Ошондой эле башкы ролдордогу Муратбек Рыскулов, Алиман Жангорозова, Советбек Жумадыловдор менен чогуу көп тасмаларды жараттык. Ал асыл адамдар эле, эч качан кечигип келишчү эмес, бирөөнө кыйкырып сүйлөгөнүн көргөн жокмун. Алардын ар бири чоң университет болчу, азыр андай инсандар жок го", — деди ал.

Кийин "Бакайдын жайыты" калың элге сунушталганда Италиянын Триест, Германиянын Франкфурт-на-Майне шаарларында, Ленинград жана Душанбедеги эл аралык фестивалдарда бир катар сыйлыктарга ээ болгон.

242
Белгилер:
Советбек Жумадылов, Төлөмүш Океев
Тема:
"Таберик сүрөт" — сейрек кездешкен ирмемдер (103)
Тема боюнча
Залкарлар кетип жалгыз калгандаймын... Океев жана Сейдакматованын таберик сүрөтү
Нигматулин менен Турсунбаеванын "кырчын өмүрү, кыйылган сүйүүсү". Таберик сүрөт
Гүл кармап турган адам. Архив

Улуттук сүрөт өнөрүн көтөргөн Кыргыз эл сүрөтчүсү Баатыр Жалиев дүйнө салды

57
Баатыр Жалиевдин чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

БИШКЕК, 31-май — Sputnik. 85 жаш курагында живописчи, график, КР эл сүрөтчүсү Баатыр Жалиев дүйнө салды. Бул тууралуу мамлекет башчынын маалымат кызматы билдирип, ага жазылган некрологду жарыялады.

Жалиевдин чыгармачылыгы өнөр жай жана айыл чарба темасына арналган. Ал өлкөдөгү эпкиндүү курулуштарды, элет жерлериндеги өзгөрүүлөрдү көркөм чагылдырып, мезгилдин кеңири полотносун жараткан. Сүрөтчүнүн "Өнөр жайлуу Ош" (1966), "Ош курулуп жатат" (1972), "Хайдаркан комбинаты", (1974) аттуу чыгармалары түштүк жергесиндеги кубаттуу ишканаларда иштеп жаткан жумушчуларды, алардын эмгегин, көркөм образын жаратып, кыргыз жумушчуларынын эсте каларлык галереясын түзгөн. Жанрлуу-портреттүү "Тогуз коргоол" (1974) чыгармасы Баатыр Жалиевдин чыгармачылык чоң жетишкендиги болуп эсептелет.

Баатыр Жалиевдин көркөм сүрөттөрү республикалык, бүткүл союздук жана эл аралык көргөзмөлөргө катышып, байгелүү орундарга арзыган. Сүрөтчүнүн чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

Сүрөтчү көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Жалиев графика жаатында мыкты картиналардын циклин жаратты. Сүрөтчүнүн дүйнө таанымы, көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Сүрөтчүнүн көп жылдык изденүүсү аркылуу улуттук сүрөт маданиятында "Сизизм" көркөм формасы жана агымы жаралган. Бул агымдын негиз салуучусу катары улуттук сүрөт өнөрүнө жаңы дем кошуп, өзүнүн сүрөтчүлүк "мектебин" жараткан. Сүрөтчүнүн эмгектери учурда өзүнүн үй-музейинен орун алган. Баатыр Жалиевдин өз демилгеси менен негиздеген үй-музейи 2012-жылдан бери иштеп келет.

Баатыр Жалиевдин сүрөтчүлүк таланты жогору бааланып, "Эмгектеги артыкчылык" медалы, Кыргыз ССР Жогорку Советинин Ардак грамоталары менен сыйланган. Ага КР эл сүрөтчүсү ардактуу наамы ыйгарылган.

Баатыр Жалиевдин тажиясы 2020-жылдын 31-майында Ош шаарында өтөт.

57
Белгилер:
Баатыр Жалиев, чыгармачылык, өмүр баян, өлүм, сүрөтчү
Тема боюнча
Таланттуу опера ырчысы Сагибжамал Ходжибекова көз жумду. Некролог
Видеоператор жумуш учурунда. Архив

Балдардын "Карек" кинофестивалына тасмалар кабыл алына баштады

57
Кинофестивалга 10-17 жаштагы окуучулар катыша алат. Алар каалаган жанрында "Мен жана коом", "Мен жана менин үй-бүлөм", "Бул менин дүйнөм" деген темаларда камерага же телефонго 10 мүнөткө чейин кыскаметраждуу кино тартышы керек.

БИШКЕК, 30-май — Sputnik. Республикада балдар жана өспүрүмдөр арасындагы "Карек" кинофестивалы тасмаларды кабыл ала баштады. Бул тууралуу "Карек" балдар кинофондунун жетекчиси Толкун Дайырбекова билдирди.

Анын айтымында, конкурска 10-17 жаштагы окуучулар катыша алат. Балдар каалаган жанрында "Мен жана коом", "Мен жана менин үй-бүлөм", "Бул менин дүйнөм" деген темаларда камерага же телефонго 10 мүнөткө чейин кыскаметраждуу кино тартышы керек.

"Катышуу акысыз. Эмгектер 2020-жылдын 5-октябрына чейин www.karek.kg сайты аркылуу кабыл алынат. Балдар тарткан кинолорду Кыргызстандын белгилүү киноишмерлери баалайт",— деди Дайырбекова.

Жеңүүчүлөр "Мыкты көркөм тасма", "Мыкты анимациялык тасма", "Мыкты документалдык тасма", "Мыкты режиссёр", "Мыкты оператор", "Мыкты сценарист", "Мыкты монтажер", "Мыкты жаш актёр", "Мыкты жаш актриса", "Калыстардын атайын сыйлыгы" номинациялары боюнча аныкталып, статуэтка, диплом жана баалуу белектер менен сыйланары кошумчаланды.

57
Белгилер:
кино, режиссер, кинофестиваль, балдар
Тема боюнча
Өмүрүн киного арнаган Геннадий Базаров 78 жашка толду. Сүрөттөгү ирмемдери
Президент Кыргызской Республики Сооронбай Жээнбеков сегодня, 1 июня, в Международный день защиты детей встретился с детьми — участниками телепроекта «Мээрим».

Президент менен жолуккан балдар "Ала-Арчада" сейилдешти. Сүрөттөр

0
Сооронбай Жээнбеков балдарга өзүнүн жумушу жөнүндө айтып берип, заманбап санарип технологияларды терең өздөштүрүүсүн каалап, ошол эле убакта китеп окууну да унутпоого чакырды.

БИШКЕК, 1-июн. — Sputnik. Президент Сооронбай Жээнбеков бүгүн, Балдарды коргоонун эл аралык күнүндө, ата-энесинен ажыраган балдардын таржымалын көрсөткөн "Мээрим" теледолбооруна катышкан балдар менен жолугушту. Бул тууралуу өлкө башчынын маалымат кызматынан билдиришти.

Жолугушууга Актан Жумабеков (12 жашта), Бүбүрахима Абсатар кызы (15 жашта), Диана Аманкожоева (11 жашта), Эрбол Мансуров (13 жашта) жана Ыйманбай Куштарбеков (12 жашта) катышты. Президент аларды бүгүнкү майрамы менен куттуктады.

"Балдар Жээнбековдун кичине кездеги кыялдары менен каалоолору жөнүндө кызыктырган суроолорун берип, өз пландары, кызыккан кесиптери тууралуу айтып беришти. Президенттен балдар үйлөрүндө, интернаттарда тарбияланып жаткан балдардын тагдыры боюнча пикирине кызыгышты. Ошондой эле президенттин күнүмдүк ишинде туш болгон көйгөйлөр менен алдыга коюлган пландарын сурашты", — деп айтылат билдирүүдө.

Жээнбеков балдарга өзүнүн жумушу жөнүндө айтып берип, заманбап санарип технологияларды терең өздөштүрүүсүн каалап, ошол эле убакта китеп окууну да унутпоого чакырды.

Мамлекет башчысы балдарга бекем ден соолук, бактылуу жашоо, бакубат турмуш жана окууларына ийгиликтерди каалады.

Жолугушуунун катышуучулары президенттин колунан белек катары ноутбук алышты. Балдардын арасынан Актан Жумабеков карапачылык искусство менен алектенерин айтып, Жээнбековго өз колу менен жасаган илбирс түрүндөгү акча салып коюучу кутуну белек кылды.

"Андан соң балдар президент менен "Ала-Арча" мамлекеттик резиденциясынын аймагында сейилдеп, өлкө башчы аларга мамлекеттик деңгээлдеги иш-чаралар жана расмий жолугушуулар өтчү жерлер тууралуу айтып берди", — деп жазылган кабарда.

Маалымат кызматтан билдиришкендей, президенттин 2019-жылдын декабрь айындагы жыйынтыктоочу пресс-конференциясында КТРКнын "Мээрим" долбоорунун авторунан президентке катышкан балдар менен жолугушуу сунушу түшкөн. Ал эми бүгүнкү кездешүүгө президент менен жолугушууну каалаган катышуучулар чакырылган.

0
Белгилер:
куттуктоо, майрам, жолугушуу, балдар, Сооронбай Жээнбеков