Жайлоодогу боз үйлөр. Архив

Эч кимге окшобой эс алгыңыз келеби? Жайда өтчү иш-чаралар тизмеси

701
(жаңыланган 17:00 25.06.2019)
Жайкы эс алууну айрымдар тогуз ай бою күтөт. Бул өргүүдөн алган дем, күч-кубат бир жылга чейин, адамдын жан дүйнөсүнө да гүлазык болуп берери бышык.

Жайдын келиши менен жайлоодогу малчылардан баштап, ири туристтик жайлардын ээлери да чет элдиктерди кучак жайып тосуп алууга даяр. Алар үчүн өлкө аймагында бир катар ири маданий, спорттук иш-чаралар уюштурулуп жатат.

Sputnik Кыргызстан агенттиги анын айрымдарын эс алуучуларга тизмектейт.

Кол өнөрчүлөрдүн фестивалы

Жыл сайын уюштурулуп келген шырдак фестивалы быйыл 28-29-июнда өткөрүлөт. IX эл аралык саамалык Нарын шаарындагы Муратбек Рыскулов атындагы облустук академиялык драма театрында болуп, өлкө аймагындагы кол өнөрчүлөрдү чогултат. Байге фонду 300 миң сом болгон сынакта "Мыкты шырдак", "Мурас шырдак" номинациялары боюнча жеңүүчүлөр аныкталат. Меймандар уздардын эмгегин көрүп, чыгармачыл топтордун ыр-күү, оюндарына күбө болуп, мастер-класстарга катыша алат.

Ысык-Көлдө триатлончулар чогулат

Июнь айынын акыркы эки күнүндө Ысык-Көлдүн күнгөй жээгинде триатлон боюнча эл аралык мелдеш болот. Анда ата мекендик жана коңшу өлкөлөрдүн спортчулары түрдүү аралыкта сууда сүзүп, чуркап, велосипед тээп, Азия кубогу жана чемпиондугу үчүн ат салышат. Ал эми эс алуучулар спорт сүйүүчүлөрү менен бирге 300 метрге сууда сүзүп, эки чакырым чуркап, сегиз чакырымды велосипед менен өтүп жарышат.

Улуттук оюндар менен коштолгон маараке

Суусамыр жайлоосунда 29-30-июнь күндөрү Каба уулу Кожомкулдун 130 жылдыгы белгиленет. Маараке ачык асман алдында өтүп, маданият кызматкерлеринин концерти, оюн-зоогу менен коштолот. Андан сырткары, Кожомкул айылындагы ат майданда көк бөрү, эр эңиш, кыргыз күрөшү, ат көтөрмөй, таш көтөрмөй оюндары боюнча мелдештер каралган.

"Kөl Fest" фестивалы

Ошондой эле Ысык-Көлдүн тескей жээгинде 28-30-июнь күндөрү Кыргызстан, Англия, Франция, Германия, Япония, Израиль, Индия, Казакстан, Тажикстан жана Өзбекстандан чогулган бийчи, ырчы, диджейлердин катышуусунда Kөl Fest фестивалы өтөт. Тоң районунун Бөкөнбаев айылындагы пляжда өтө турган мындай иш-чара Борбор Азияда биринчи жолу уюштурулууда. Анда коноктор кымыз ичип, боз үй тигип, кечкисин көл жээгине жатып алып тасма көрүп, күндүз түрдүү мелдештерге катышса болот. Жергиликтүүлөр учурда меймандарды тосуп алууга кызуу даярдык көрүүдө.

Тоо койнундагы марафон, веложарыш...

Июль айынын башында, 6-июлда, борбор калаанын тургундары Чүйдөгү деңиз деңгээлинен 2100 метр бийиктиктеги "Кашка-Суу" тоо-лыжа базасына бара алышат. Ал жакта жеңил атлетика сүйүүчүлөрүнө жарым марафон, таяк менен басуу, веложарыш жана командалар арасындагы мелдештер уюштурулат. Жарышта Германия, АКШ, Австралия, Россия, Казакстан, Польша, Чехиядан келген спортчулар да ат салышат.

Бийик тоодогу трекинг

Чатырда түнөп, ондогон чакырымды жөө баскысы келгендер үчүн көлдүктөр жакшы шарт түзүп берет. Жергиликтүү гиддер атын токуп, тамак-ашын даярдап туристтерди Тянь-Шань тоолоруна саякатка чыгарат. Уюштуруучулардын 15-июндан 21-июнга чейинки "Trekking in the Tian Shan" иш-чарасында каалоочулар сапарын Каракол шаарынан баштап Жети-Өгүздүн Көк-Жайык жайлоосун, Жууку капчыгайын, Арабел ашуусун басып өтүп сырт өрөөнүнө чейин жетет.

Ысык-Көлдү сүзүп өтүү

Сууда сүзүүнү жактыргандар Ысык-Көлдүн түндүк жээгинен түштүк жээгине сүзүп өтөт. Issyk Kul Swim Challenge 2019 аталышындагы мелдеш 18-август күнү болуп, катышуучулар Кара-Талаа айылынан старт алып Тору-Айгыр айылына чейин 14 чакырым аралыкты багындырат. Ага 18 жаштан жогору курактагылар катышса болот.

701
Белгилер:
иш-чара, эс алуу, Кыргызстан
Тема боюнча
Ысык-Көл милициясы туристтерди коргоого даяр. Видео
Ысык-Көлдө туристтерди каттай турган эки мобилдик борбор ачылды

Кино камындагы Жакиев, Базаров, Кыдыралиев... Мөлтүрөгөн жаштык кезден таберик сүрөт

118
(жаңыланган 14:44 05.08.2020)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, анын тарыхын баяндоону улантат.
КРдин эл артисти, кинооператор Кадыржан Кыдыралиев, режиссер Лилия Турусбекова, Кыргыз эл жазуучу Бексултан Жакиев жана режиссер Геннадий Базаровдун сүрөтү 1974-жылы Фрунзе (азыркы Бишкек) шаарында тартылган
© Sputnik / Александр Федоров.

КРдин эл артисти, кинооператор Кадыржан Кыдыралиев, режиссер Лилия Турусбекова, Кыргыз эл жазуучу Бексултан Жакиев жана режиссер Геннадий Базаровдун сүрөтү 1974-жылы Фрунзе (азыркы Бишкек) шаарында тартылган.

Ошол жылы сүрөттөгү чыгармачыл инсандар "Искусство жөнүндө баян" аттуу кинофильмди жаратууга киришкен.

Ал учурду белгилүү режиссер, сценарист, Кыргыз Республикасынын эл артисти Геннадий Базаров мындайча эскерет:

"Кыргыз ССРинин 50 жылдыгына карата толук метраждуу атайын тасма тартып, Кадыржан Кыдыралиев оператор, Бексултан Жакиев сценарист, мен режиссер болгом. Ал эми ортодогу Лилия Турусбекова кеп-кеңеш берген консультант кызматтын аркалаган. Себеби ага чейин көптөгөн даректүү тасмаларды жараткан тажрыйбалуу кыргыз киночулардын бири эле. Фильм тартууда экөөбүз ылайыктуу жерлерди, имараттарды чогуу издеп калганбыз. Бардыгыбыздын жаш, ишке тойбой турган учурубуз, алардын ичинен эң кичүүсү мен болчумун. Бул инсандарды кыргыз кинематографиясынын жүзү жана ардагерлери деп айтсам жаңылышпайм", — деди Базаров.

Бири-бирине тирек болгон кыргыздын сыймыктары. Таберик сүрөт

Ал жылы Кадыржан Кыдыралиев менен драматург Бексултан Жакиев 38, режиссер Лилия Турусбекова 41 жана Геннадий Базаров 32 жашта болгон.

Аталган кинофильмге актёр Муратбек Рыскулов, актриса Бакен Кыдыкеева, залкар калемгер Чыңгыз Айтматов, сүрөтчү Гапар Айтиев, жазуучу Түгөлбай Сыдыкбеков, опера ырчысы Болот Миңжылкыев, окумуштуу Кусеин Карасаев, скульптор Тургунбай Садыков өңдүү бир топ залкарлар тартылган.

118
Белгилер:
таберик сүрөт, Геннадий Базаров, Бексултан Жакиев, Кадыржан Кыдыралиев, Кыргызстан
Тема:
"Таберик сүрөт" — сейрек кездешкен ирмемдер
Тема боюнча
Кыргызды дүйнөгө тааныткан курбулар. Асыл адамдардын таберик сүрөтү
Тай кезинен дүйнөнү дүңгүрөткөн Базарбаев менен Токомбаева. Таберик сүрөт
АКШда жүрүп Чокморовдун ден соолугун ойлогон Океев. "Уландагы" таберик сүрөт
Сахнадагы микрофон. Архив

Күздө Бишкекте “Орто Азия романсиадасы” аттуу конкурс өтөт

41
(жаңыланган 08:48 03.08.2020)
Кыргызстандагы конкурстун жеңүүчүсү Москвада боло турчу “Романсиадалар” сынагынын финалына жолдомо алат.

БИШКЕК, 3-авг. — Sputnik. Бишкекте 29-30-октябрь күндөрү орус романстарын аткаруучулары арасында “Орто Азия Романсиадасы” аттуу IV эл аралык ачык конкурс өтөт. Бул туурасында уюштуруучулар маалымдады.

Иш-чараны Россотрудничествонун Кыргызстандагы өкүлчүлүгү, Москванын “Романс үйү” жана “Гармония” орус маданий борбору Россиянын КРдеги элчилигинин жана КР Маданият, маалымат жана туризм министрлигинин колдоосу менен уюштурууда. 

Аталган конкурстун жеңүүчүсү 5-декабрда Москвада боло турчу “Романсиадалар” финалына жолдомо алат.

Кыргыз режиссёрунун "Көл" тасмасы Кытайдагы ири фестивалга чакыруу алды

Уюштуруучулар чыгармачылык тармагындагы жогорку окуу жайлардын студенттерин, орто кесиптик билим берүү мекемелеринин жана музыкалык мектептердин окуучуларын сынакка чакырат. Ошондой эле башка тармактагы орус романсын сүйүүчүлөрү дагы катыша алат.

Жеңүүчүлөрдү РФ эмгек сиңирген артисти, Москва “Романстар үйүнүн” директору, профессор Галина  Преображенская башында турган эл аралык калыстар тандап алат.

Катышууну каалагандар төмөнкү шилтеме аркылуу табыштама жибере алат.

Байланыш телефондору: 0312 300-512, 0312 300-543, 0555 914-028;

41
Белгилер:
Россия, Бишкек, конкурс
Тема боюнча
КР окумуштуулары Индиядагы маанилүү сессияга чакырылды. Катышуу жолу
Россиядагы эң белгилүү жана заманбап чыгарманы аныкташты
Жогорку категориядагы өпкө дарыгери Бермет Естебесова. Архив

Естебесова: койдун майын сыйпоону физиотерапиялык дарылоо десек болот

0
(жаңыланган 18:43 05.08.2020)
Жогорку категориядагы өпкө дарыгери Бермет Естебесова коронавируска чалдыккан учурда койдун майын же башка майларды сыйпоо же ичүү тууралуу медициналык көз карашын билдирди.
Естебесова: койдун майын сыйпоону физиотерапиялык дарылоо десек болот

Койдун майын же башка майларды сыйпоо физиотерапиялык натыйжа берет десек болот. Бул тууралуу Бермет Естебесова Sputnik Кыргызстан радиосуна маек куруп жатып билдирди.

Анын айтымында, койдун, кашкулактын же башка жаныбарлардын майын дарылануу үчүн колдонсо болот, бирок айрым маанилүү делген эрежелерди сактоо керек.

Россиялык дарыгерлер: кыргыз медиктери COVID-19ду дарылоону жакшы өздөштүргөн

"Илгертен эле апаларыбыз жөтөлүп калса көкүрөгүнө, далысына койдун майын сыйпаган. Бул ошол сыйпалган жерди жылуу кармап физиотерапиялык натыйжа берет десек болот. Эгерде жабыркаган органга суук өтүп ооруп жатса гана мындай ыкма пайдалуу. Кеселдеген  органды сыртынан ысытып, кан айланууну жакшыртып турат. Негизи эле койдун майынан башка да элдик медицинада колдонулуп келген майлар ушундай иш аткарат. Бирок аларды сүткө кошуп же башка бир суюктуктарга кошуп ичүү кооптуу. Биринчиден, ооруп турган адамдын бооруна күч келтирет. Мунун кесепети кийин жаман аякташы да ыктымал", — деди Естебесова.

Дарыгер адамда холецистит, панкреатит, гепатит болсо мындай ыкма менен дарыланбай эле койгону туура болорун кошумчалады.

0
Белгилер:
пневмония, коронавирус, Бермет Естебесова
Тема боюнча
Естебесова: коронавирустан айыккан адам элге качан аралашса болору белгисиз