"Түштүктүк кыздар" Таттыбүбү Турсунбаева менен Клара Юсупжанова. Таберик сүрөт

766
(жаңыланган 18:54 03.07.2019)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат.
Кыргыз ССРинин эмгек сиңирген артисти Таттыбүбү Турсунбаева менен Кыргыз Республикасынын маданиятына эмгек сиңирген ишмер Клара Юсупжанованын сүрөтү 1965-жылы Ош облусунда тартылган.
© Фото / Александр Федоров

Кыргыз ССРинин эмгек сиңирген артисти Таттыбүбү Турсунбаева менен Кыргыз Республикасынын маданиятына эмгек сиңирген ишмер Клара Юсупжанованын сүрөтү 1965-жылы Ош облусунда тартылган.

Ал жылы режиссёр Бекеш Абдылдаев менен Леонид Гуревич жаштар жөнүндө "Түштүк кыз" тасмасын тартып, жаш актрисалар элеттик кыздардын ролун аткарган.

Ошол учурду Кыргыз Республикасынын эмгек сиңирген артисти Тургун Бердалиев мындайча эскерген жайы бар.

"Таттыбүбү экөөбүз "Түштүк кызга" чогуу тартылдык. Жай мезгили болгондуктан жаштар Оштогу Ак-Буура суусунун эң башына түшчүбүз. Ал кезде азыркыдай купальник, плавки деген жок окшойт. Биз кадимки эле ич кийимчен, кыздар жеңил көйнөкчөн сууга кол кармашып секирип, суу чачышып ойночубуз. Анан сууга кир жууганы келген өзбек аялдар "сууну булгап жатасыңар" деп кубалачу. Таттыбүбү менен аябай жакшы мамиледе болуп бир туугандай болуп калганбыз. Кийин "Уркуяда" да чогуу иштеп калдык", — деп эскерген Бердалиев.

Жаштардын жүрүм-туруму, кулк-мүнөзү, кылык-жоруктары жана элдин үрп-адаты жөнүндө баяндаган тасма тартылып жаткан маалда Турсунбаева 21, Юсупжанова 25, Бердалиев 18 жашта болгон.

Алардан сырткары, тасмага Сталина Азаматова, Нурмухан Жантурин, Наби Рахимов, Жумаш Сыдыкбекова, Амина Умурзакова да катышкан.

766
Белгилер:
таберик сүрөт, тасма, Таттыбүбү Турсунбаева, Кыргызстан
Тема:
"Таберик сүрөт" — сейрек кездешкен ирмемдер (107)
Тема боюнча
Конок тоскон Усубалиев менен Айтматов. Фрунзедеги фестивалдын таберик сүрөтү
Ар бири өзүнчө университет эле... "Бакайдын жайытындагы" таберик сүрөт
Шанхайдын тургундары. Архив

Кыргыз режиссёрунун "Көл" тасмасы Кытайдагы ири фестивалга чакыруу алды

102
(жаңыланган 11:50 04.07.2020)
Режиссёр ыйык көлдө балык түрүндө жашаган байыркы ата-бабалардын жан дүйнөсү тууралуу уламышты кадрга түшүргөн.

БИШКЕК, 4-июл. — Sputnik. Кыргызстандык режиссёр Эмил Атагелдиевдин "Көл" аттуу тасмасы Шанхайда өтө турчу абройлуу эл аралык кинофестивалга катышат. Бул туурасында Кинематографисттер союзунун катчысы, фильмдин со-продюсери Талант Төлөбеков билдирди.

Аталган кино Shanghai International Film Festival 2020 (SIFF) деп аталган Кытайдагы ири кинофестивалга чакыруу алган. Ал 23 жылдан бери өткөрүлүп келет, А категориясындагы дүйнөдөгү 15 кинофестивалдын катарында турат.

"Бул абдан чоң ийгилик, кыргыз режиссёрлорунун тасмалары А категориясындагы кинофестивалдарга акыркы ирет 2018-жылы катышкан. Ошондой эле Кыргызстандын фильмдери Шанхай фестивалы түзүлгөндөн бери биринчи ирет катышып жатат", — деди Төлөбеков.

"Көл" драмалык жанрда Ысык-Көлдөн тартылган. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

1,5 млн. долларга мыкты тасма тартышты. Токаев кыргыз киносуна суктанды

Кинонун сценарийин Эрке Жумакматова менен КРдин эмгек сиңирген артисти Эмил Атагелдиев жазган. Башкы ролдорду Артыкпай Сүйүндүков, Болот Тентимишов, Малика Айдабосунова, Айнура Качкынбек кызы, Санжар Өмүрбаев аткарган.

Продюсерлери Эрке Жумакматова, Садык Шер-Нияз. Со-продюсерлер Талант Төлөбеков менен Айжан Чыныбаева.

102
Белгилер:
катышуучу, фестиваль, кино, Кыргызстан
Тема боюнча
Валентина Шевченко тартылган тасма Торонто кинофестивалында көрсөтүлөт
Голливуд коронавирустун башталышы тууралуу тасма тартууга бел байлады
Ырчы Асел Кадырбекова

Комада жаткан ырчы Асел Кадырбекова көзүн ачып, эсине келе баштады

996
(жаңыланган 13:46 03.07.2020)
Эстрада ырчысы комадан толук түрдө чыга элек. Буга чейин дарыгерлер Аселдин мээси катуу жабыркап, моюн омурткалары менен акыреги сынып кеткенин айтышкан.

БИШКЕК, 3-июл. — Sputnik. Ырчы Асел Кадырбекова көзүн ачып, тамак ичип калгандыгын Травматология жана ортопедия илим-изилдөө борборунун жетекчиси Сабырбек Жумабеков билдирди.

Дарыгердин айтымында, Асел толук түрдө өзүнө келе элек.

“Комадан толук чыга элек. Аселди мурда түтүк менен тамактандырып жатканбыз. Азыр “тилиң, мурдуң кана?” деп сураганда көрсөтүп, кашык менен тамак берсек өзү жутуп калды. Буюрса жылыш бар”, — деди ал.

Асел Кадырбекова менен сүзүшкөн айдоочуга иш козголуп, камакка алынмай болду

Эске сала кетсек, 26-июнда 15:30дар чамасында Медеров жана Тыныстанов көчөлөрүнүн кесилишинде Toyota Camry жана Ыкчам аракетке келчү топтун (ГБР) Honda Odyssey автоунаалары кагышкан. Анын кесепетинен Camry автокөлүгүндө бараткан Асел Кадырбекова жана экинчи машинадагы эки киши жабыркаган.

Буга чейин дарыгерлер ырчынын мээси катуу жабыркап, моюн омурткалары менен акыреги сынып кеткенин айтышкан.

996
Белгилер:
жол кырсык, Сабырбек Жумабеков, ырчы, кома, Асел Кадырбекова
Тема:
Ырчы Асел Кадырбекованын кырсыкташы
Тема боюнча
Асел Кадырбекова дагы деле комада. Сабырбек Жумабеков кайрылуу жасады
Дарыгерлер. Архив

Акысын төлөп беребиз! Ош шаары медиктерди жардамга чакырууда

0
(жаңыланган 22:11 04.07.2020)
Дарыгерлер дээрлик төрт айдан бери күчөтүлгөн режимде иштеп, айрымдары ооруп калгандыктан адистер тартыш болууда.

БИШКЕК, 4-июл. — Sputnik. Ош шаарында COVID-19 инфекциясына байланыштуу абал оорлоп бараткандыгынан улам ыктыярчы дарыгерлерди жардамга чакырабыз. Мындай билдирүү менен калаа мэриясы ак халатчандарга кайрылды.

Маалыматта март айынан бери медицина кызматкерлери, эпидемиологдор күчөтүлгөн режимде иштеп, айрымдары оору жугузуп алгандыктан медиктер тартыш болуп жатканы айтылат.

Азайбай койду. Дагы 71 медицина кызматкери коронавирус жуктуруп алды

"Биз кайдыгер эмес жогорку, орто билимдүү жана тажрыйбасы бар медицина кызматкерлерин, ординаторлордун жардамга келишин өтүнөбүз", — деп жазылат кайрылууда.

Өз ыктыяры менен иштөөнү каалаган адистер Ош шаардык ооруканасы менен келишим түзүп, айлык акысы төлөнөт.

Байланыш телефондору: (0772) 45 49 49, (0550) 29 26 24

0
Белгилер:
оорукана, медик, жардам, Ош мэриясы, Ош
Тема:
Коронавируска байланыштуу Кыргызстандагы кырдаал
Тема боюнча
Колдоп-коштоп... Баткенден 20 ак халатчан Бишкекке жөнөп кетти. Сүрөт
Кырдаал оор экен. Россиялык эксперттер ооруканаларга барып, КРдеги абалга баа берди