Театр артисттери. Архив

Ошто ART-ORDO театр фестивалы өтөт

247
(жаңыланган 10:00 12.08.2019)
Фестиваль 23-сентябрдан 28-сентябрга чейин уланат.

БИШКЕК, 12-авг. — Sputnik. Ош шаарында  "Арт-Ордо" эл аралык VII театр фестивалы өтөт. Бул тууралуу Токтоболот Абдумомунов атындагы Кыргыз улуттук академиялык драма театрынан билдиришти.

Маалыматка ылайык, иш-чара КР эл артисти Жамал Сейдакматованын 80 жылдык мааракесине карата уюштурулмакчы.

Фестиваль 23-сентябрдан 28-сентябрга чейин уланат.

Жамал Сейдакматова Кыргыз ССРинин эл артисти, Токтогул атындагы мамлекеттик сыйлыктын лауреаты, "Туңгуч" театрын негиздеген залкар инсан. Сейдакматова атамекендик ондогон мыкты тасмаларда роль жараткан. Алардын ичинде "Акбаранын көз жашы", "Караш-Караш окуясы", "Ак илбирстин тукуму", "Кара кийикке жол" сыяктуу бир топ фильмдери бар.

1957-жылдан тарта Кыргыз драма театрында эмгектенип, көрүүчүлөрдүн жүрөгүнөн орун алган жүздөгөн каармандардын образын жараткан.

247
Белгилер:
иш-чара, фестиваль, Жамал Сейдакматова
Тема боюнча
Ошто экинчи ирет туристтик фестиваль өткөрүлөт
Мургабдык кыргыздар Тажикстанда көчмөндөрдүн фестивалын уюштурат