СССРдин эл артисттери Сабира Күмүшалиева, Сайра Кийизбаева менен көрүнүктүү мамлекеттик ишмер Күлүйпа Кондучалованын сүрөтү Кыргыз ССРиндеги аялдардын VIII съездинде Фрунзе (азыркы Бишкек) шаарында тартылган.

Ошол кезеңди жана ал инсандарды Кондучалованын кызы Ирина Оролбаева мындайча эскерет:

"Сайра Кийизбаева менен апам жаш кезинен бери эле жакын курбу болушкан. Экөө 1939-жылы Москва шаарына сыйлык алганы чогуу барып таанышкан экен. Залкар актёр Муратбек Рыскулов, анын байбичеси Сабира Күмүшалиева менен да жакшы мамиледе болгон. Бири-бирине мейманга барып катышып жүргөнү эсимде. Азыркыдай чоң шаан-шөөкөт кылбай, чогуу жаңы жылды да тосуп калышчу. Апам 20 жашында Тянь-Шань облустук комсомол комитетинин катчысы болуп иштеп жүргөндө аялдардын иши менен алектенчү. Ошондой алыскы аймактарда 9-10 жаштагы кыздарды турмушка берген учурларга күбө болгон. Кийин да эмгек жолунда алардын билим алып, иштөөсүнө колдоо көрсөткөн. Мисалы, Коммунисттик партиянын борбордук комитетинде Аялдар менен иштөө бөлүмүнүн жетекчиси кызматында турганда Фрунзе шаарында кыз-келиндерге педагогикалык училищесин ачканга көмөктөшкөн. Кандай гана кызматта болбосун аялдардын маселелерин көтөрүп, аларга жардам бергенге талпынып турчу", — деди Оролбаева.

Мүшөк менен келген устуканды бөлүштүрүп... "Көчөдөгү" таберик сүрөт

Күлүйпа Кондучалова жолдошу Абды Оролбаев менен бир уул, эки кызды тарбиялап өстүргөн.

Белгилүү опера ырчысы Сайра Кийизбаева үч кызды тарбиялап чоңойтсо, залкар актриса Сабира Күмүшалиева менен Муратбек Рыскулов 38 жыл чогуу өмүр кечирип, эки уул, эки кызды эрезеге жеткирген.

Sputnik Кыргызстан агенттиги анын сүрөттө калган ирмемдерин окурмандарга сунуштайт.

Марлес Туратбеков 1933-жылы 7-июлда Нарын облусунун Ат-Башы районунда туулган. Элеттеги мектепти аяктагандан кийин борбор калаада эки жылдай фотографты ээрчип жүрүп камера менен тартууну үйрөнгөн. Жыйырма жашында Москвадагы Мамлекеттик кинематография институтуна тапшырып, анын операторлук факультетин бүтүргөн.

Мекенине кайтып келген жаш талант эмгек жолун "Кыргыз фильм" студиясында баштаган. Оператор "Токтогул", "Жура", "Караш-караш окуясы", "Көчө", "Бурма" фильмдерин жаратууга катышкан.

Камераны көчөдөн тааныган. Тунгуч кинооператор Марлес Туратбеков тууралуу 6 факты

Кийинки жылдары СССРдин кинематографисттер союзунун мүчөсү даректүү тасма тартууга ыктап, Кыргызстанда болгон орчундуу тарыхый окуялар, атактуу инсандар жөнүндө 30дай даректүү эмгек жараткан.

Марлес Туратбеков жубайы менен бир уул, бир кызды өстүргөн. Баласы Эмил учурда ишкерлик менен алектенсе, кызы Эмиля Москвада журналист болуп иштейт. Атамекендик кинематографияга эмгеги сиңген инсан 1998-жылы 65 жашында кайтыш болгон.