Кадр из фильма Жоо Кулук режиссера Мирлана Абдыкалыкова

Абдыкалыковдун "Жөө күлүк" тасмасынын дүйнөлүк премьерасы Пусанда өтөт

97
(жаңыланган 12:01 05.09.2019)
Режиссер жаңы тасмада үй-бүлөнү сактоого жан үрөгөн Жекшен аттуу өспүрүмдүн баяны аркылуу ата-энесиз калып, тагдырдын оор сыноосуна кабылган жаш балдардын көйгөйүн көтөрөт.

БИШКЕК, 5-сен. — Sputnik. Кыргызстандык режиссер Мирлан Абдыкалыковдун "Жөө күлүк" тасмасынын дүйнөлүк премьерасы Түштүк Кореянын Пусан шаарында өтөт. Бул тууралуу фильмдин продюсери Алтынай Койчуманова билдирди.

Анын айтымында, 24үнчү ирет өтүп жаткан New Currents («Жаңы агымдар») эл аралык кинофестивалы 3-12-октябрь күндөрү тартууланат. "Жөө күлүк" анын негизги конкурстук программасына тандалып алынган.

"Фестивалдын алкагында 85 өлкөдөн келген 303 тасма көрсөтүлөт. Негизги программа Азиянын телчигип келе жаткан жаш режиссерлорунун жолун ачууга багытталган. "Жөө күлүк" үч ирет көрсөтүлүп, аудитория менен суроо-жооп форматы да каралган. Тасманын бет ачарын режиссер Мирлан Абдыкалыков өзү өткөрмөкчү", — деди Койчуманова.

Режиссер жаңы тасмада үй-бүлөнү сактоого жан үрөгөн Жекшен аттуу өспүрүмдүн баяны аркылуу ата-энесиз калып, тагдырдын оор сыноосуна кабылган жаш балдардын көйгөйүн көтөрөт.

"Жөө күлүк" тасмасы "Ой Арт", "Кыргызфильм" киностудиялары жана "Билимкана" мектеби тарабынан Кинематография департаментинин колдоосу менен тартылган. Тасманын сценарийи Мирлан Абдыкалыков жана Эрнест Абдыжапаровго таандык. Фильмде Темирлан Асанкадыров, Руслан Орозакунов, Мээрим Атантаева, Илимбек Калмуратов, Улан Өмүралиев, Айнура Качкынбек кызы жана Жеңиш Кангелдиевдер роль жараткан.

Белгилей кетсек, Пусан эл аралык кинофестивалы Азиядагы ири иш-чараларадын бири болуп саналат.

97
Белгилер:
конкурс, Мирлан Абдыкалыков, кино, фестиваль, премьера
Тема боюнча
Эрнест Абдыжапаров мамлекеттик ишмер Жусуп Абдрахманов жөнүндө фильм тартат
Кыргызстанда 4 млн. долларга тасма тартылды. Фильм эмне жөнүндө
"Улуу кыргыз оюндары" тасмаcы жакында көрсөтүлөт. Мамагенттик фильм тууралуу
Францияда "Бешкемпир" тасмасына билет калбай, фильм кайра көрсөтүлдү
Маданият, маалымат жана туризм министри Азамат Жаманкулов. Архив

16 миллион сомго китеп чыгат, сунуш кылгыла! Министр Жаманкулов элге кайрылды

200
(жаңыланган 20:35 08.08.2020)
Министрлик басылмадан чыгарылган кыргыз тилиндеги адабияттарды өлкө аймагындагы китепканаларга таркатат.

БИШКЕК, 8-авг. — Sputnik. Маданият, маалымат жана туризм министрлиги 16 миллион сомго түрдүү адабияттарды басып чыгарат. Бул тууралуу министр Азамат Жаманкулов социалдык тармактагы баракчасы аркылуу билдирди.

Анын айтымында, азыр чыга турган китептердин тизмеси түзүлүүдө, учурдан пайдаланып китепкөй жарандар өз сунуштарын бере алат.

Автор 30 жыл изилдеген. Исхак Раззаков жөнүндө китеп жарык көрдү. Сүрөт

"Быйыл министрликке китеп чыгарууга 16 миллион сом бөлүндү. Ал үчүн атайын комиссия түзүлүп, бир катар талкууларды жүргүзүп, адабияттар тандалды. Анан биз китепкөй жарандардын да ой-пикирин угууну эп көрдүк. Каалоочулар кыргыз авторлорунун, дүйнөлүк классикалык чыгармаларды жана көптөгөн мамлекеттерде популярдуу болгон китептерди 10-августка чейин сунуштагыла. Соңунда сунуш-пикирлер эске алынып, китептер чыгарыла баштайт", — деди Жаманкулов.

Ал ошондой эле жарык көргөн китептер өлкө аймагындагы китепканаларга таратыла тургандыгын кошумчалады.

200
Белгилер:
китеп, Азамат Жаманкулов, Кыргызстан
Тема боюнча
Россиядагы эң белгилүү жана заманбап чыгарманы аныкташты

Молдовада кыргыздын боз үйлөрү коюлган лагерь пайда болду. Видео

447
Молдовада этнографиялык кыштакча пайда болуп, анын ичинде кыргыз боз үйлөрү коюлду. Көчмөндөрдүн үйү кандайча ал жакка жайгашканын Sputnik Молдова агенттиги тарткан видеодон көрүңүз.

Калараш аймагындагы экзотикалык лагерди молдовалык Лариса Амбросий менен кыргызстандык Анар Жолдон иштеп чыккан. Алар 20 жыл мурун Ирландияда таанышып, достошкон. Өткөн жылы күзүндө чыгыш маданиятын элге көрсөтүүнү пландаштырышкан.

Сүйүнчү! Ак калпакты жасоо өнөрү жана кийүү маданияты ЮНЕСКОго кирди

Эс алуучу жайдын аймагында анча оң эмес 12 боз үй коюлган. Лагердин менеджери Бектур Саламатов Молдова менен Кыргызстанды меймандостук бириктирип турарын белгилеген.

"Биз бул өлкөнүн жашоочуларына көчмөндөрдүн жашоо-турмушун, салт-санаасын жана маданиятын көрсөткүбүз келет. Молдова менен Кыргызстандын эли меймандос жана кичипейил келишет эмеспи", — деген Саламатов.

Кыштакка келгендер чыгыш маданиятынын элементи менен тааныша аларын кошумчалаган.
Боз үй — көчмөн элдеринин эң ыңгайлуу турак-жай курулушу. Ал оңой жана тез тигип-чечкенге ылайыкташкан, ат, төө жана дөңгөлөктүү унаа менен ташып көчүрүү оңой. Анын кийиз жабуулары суу өткөрбөйт жана шамалдан коргойт.

Боз үйдүн түзүлүшүн, курамдык бөлүктөрүн жана тигүү иретин Sputnik инфографикасынан караңыз.

447
Белгилер:
видео, лагерь, Боз үй, Кыргызстан, Молдова
Тема боюнча
Шымдары бир жылкыга бааланган. Кыргыздын эркектери кандай кийинген?
Эки мушкер Bellator мелдешиндеги беттешинде

Тепкилей берип жанын көзүнө көргөздү. ММА мушкерлеринин беттешинин видеосу

17
(жаңыланган 14:43 09.08.2020)
Беттеш экинчи раундда эле жыйынтыкталды. Америкалык мушкердин улам-улам бутка тепкен соккусу атаандашын багынып берүүгө аргасыз кылды.

БИШКЕК, 9-авг. — Sputnik. Аралаш мушташ (ММА) стилинин мушкери АКШлык Чарли Кэмпбелл Bellator 243 мелдешиндеги беттешинде мекендеши Найндоа Дангды башкача нокаут менен утту.

Экинчи раундда жыйынтыкталган беттештеги көрүнүштүн видеосун аталган мушкерлер уюму Twitter-аккаунтуна жарыялады.

​Кэмпбелл атаандашынын бутуна  бир нече ирет катуу тээп жиберди. Жыйынтыгында атаандаш жаракат алып, жерге кулаган. Беттештин калысы жыйынтыгын техникалык нокаут деп эсептеген.

Кубанып турам! Кыргызстандык Физиев UFC уюму менен келишимин жаңыртты

Чарли Кэмпбелл ушуну менен карьерасында экинчи ирет жеңишке жетти. Буга чейин бир жолу утулган.

17
Белгилер:
нокаут, ММА, спорт
Тема боюнча
Шевченко октагонго кайтты! UFC ал наамын коргой турчу күндү так айтты