Сулуулук сынагы. Архивдик сүрөт

Кыргызстандык бийкеч Ливандагы сулуулук сынагына катышып жатат. Сүрөт

1125
(жаңыланган 12:44 18.09.2019)
Модель бир нече күндөн бери Бейрутта. Ал 22-сентябрда өтө турган финалдык кароого даярдык көрүп жатат.

БИШКЕК, 18-сен. — Sputnik. Модель Назгүл Аттокурова Ливанда өтүп жаткан Miss Tourism Universe — 2019  сынагына ("Туризм сулуусу") Кыргызстандын атынан катышууда.

Ал конкурстагы сүрөттөрүн Instagram баракчасына жүктөгөн.

Посмотреть эту публикацию в Instagram

Публикация от Nazgula (@nazgula007)

Сулуулук сынагы Ливандын борбору Бейрутта өтүп жатат. Таажы менен акчалай сыйлык үчүн 32 мамлекеттен келген бийкечтер ат салышууда.

Посмотреть эту публикацию в Instagram

Публикация от Nazgula (@nazgula007)

Конкурстун финалы 22-сентябрда өтөт.

Посмотреть эту публикацию в Instagram

Публикация от Nazgula (@nazgula007)

Аттокурова буга чейин "Кыргызстан сулуусу" сынагына бир нече ирет катышып, түрдүү номинацияларга ээ болгон.

1125
Белгилер:
сулуулук сынагы, модель, Ливан, Кыргызстан
Тема боюнча
Бетиндеги боёкту чала жууп жатып алган аялды кене басып кеткен. Кытайдагы окуя
Малайзиянын мурдагы падышасы россиялык сулууга үйлөнгөнүнө өкүнүп калды
17 жаштагы Ширин Мусанкары кызы Кыргызстан сулуусу болду. Сүрөттөр
Гүл кармап турган адам. Архив

Улуттук сүрөт өнөрүн көтөргөн Кыргыз эл сүрөтчүсү Баатыр Жалиев дүйнө салды

47
Баатыр Жалиевдин чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

БИШКЕК, 31-май — Sputnik. 85 жаш курагында живописчи, график, КР эл сүрөтчүсү Баатыр Жалиев дүйнө салды. Бул тууралуу мамлекет башчынын маалымат кызматы билдирип, ага жазылган некрологду жарыялады.

Жалиевдин чыгармачылыгы өнөр жай жана айыл чарба темасына арналган. Ал өлкөдөгү эпкиндүү курулуштарды, элет жерлериндеги өзгөрүүлөрдү көркөм чагылдырып, мезгилдин кеңири полотносун жараткан. Сүрөтчүнүн "Өнөр жайлуу Ош" (1966), "Ош курулуп жатат" (1972), "Хайдаркан комбинаты", (1974) аттуу чыгармалары түштүк жергесиндеги кубаттуу ишканаларда иштеп жаткан жумушчуларды, алардын эмгегин, көркөм образын жаратып, кыргыз жумушчуларынын эсте каларлык галереясын түзгөн. Жанрлуу-портреттүү "Тогуз коргоол" (1974) чыгармасы Баатыр Жалиевдин чыгармачылык чоң жетишкендиги болуп эсептелет.

Баатыр Жалиевдин көркөм сүрөттөрү республикалык, бүткүл союздук жана эл аралык көргөзмөлөргө катышып, байгелүү орундарга арзыган. Сүрөтчүнүн чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

Сүрөтчү көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Жалиев графика жаатында мыкты картиналардын циклин жаратты. Сүрөтчүнүн дүйнө таанымы, көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Сүрөтчүнүн көп жылдык изденүүсү аркылуу улуттук сүрөт маданиятында "Сизизм" көркөм формасы жана агымы жаралган. Бул агымдын негиз салуучусу катары улуттук сүрөт өнөрүнө жаңы дем кошуп, өзүнүн сүрөтчүлүк "мектебин" жараткан. Сүрөтчүнүн эмгектери учурда өзүнүн үй-музейинен орун алган. Баатыр Жалиевдин өз демилгеси менен негиздеген үй-музейи 2012-жылдан бери иштеп келет.

Баатыр Жалиевдин сүрөтчүлүк таланты жогору бааланып, "Эмгектеги артыкчылык" медалы, Кыргыз ССР Жогорку Советинин Ардак грамоталары менен сыйланган. Ага КР эл сүрөтчүсү ардактуу наамы ыйгарылган.

Баатыр Жалиевдин тажиясы 2020-жылдын 31-майында Ош шаарында өтөт.

47
Белгилер:
Баатыр Жалиев, чыгармачылык, өмүр баян, өлүм, сүрөтчү
Тема боюнча
Таланттуу опера ырчысы Сагибжамал Ходжибекова көз жумду. Некролог
Видеоператор жумуш учурунда. Архив

Балдардын "Карек" кинофестивалына тасмалар кабыл алына баштады

54
Кинофестивалга 10-17 жаштагы окуучулар катыша алат. Алар каалаган жанрында "Мен жана коом", "Мен жана менин үй-бүлөм", "Бул менин дүйнөм" деген темаларда камерага же телефонго 10 мүнөткө чейин кыскаметраждуу кино тартышы керек.

БИШКЕК, 30-май — Sputnik. Республикада балдар жана өспүрүмдөр арасындагы "Карек" кинофестивалы тасмаларды кабыл ала баштады. Бул тууралуу "Карек" балдар кинофондунун жетекчиси Толкун Дайырбекова билдирди.

Анын айтымында, конкурска 10-17 жаштагы окуучулар катыша алат. Балдар каалаган жанрында "Мен жана коом", "Мен жана менин үй-бүлөм", "Бул менин дүйнөм" деген темаларда камерага же телефонго 10 мүнөткө чейин кыскаметраждуу кино тартышы керек.

"Катышуу акысыз. Эмгектер 2020-жылдын 5-октябрына чейин www.karek.kg сайты аркылуу кабыл алынат. Балдар тарткан кинолорду Кыргызстандын белгилүү киноишмерлери баалайт",— деди Дайырбекова.

Жеңүүчүлөр "Мыкты көркөм тасма", "Мыкты анимациялык тасма", "Мыкты документалдык тасма", "Мыкты режиссёр", "Мыкты оператор", "Мыкты сценарист", "Мыкты монтажер", "Мыкты жаш актёр", "Мыкты жаш актриса", "Калыстардын атайын сыйлыгы" номинациялары боюнча аныкталып, статуэтка, диплом жана баалуу белектер менен сыйланары кошумчаланды.

54
Белгилер:
кино, режиссер, кинофестиваль, балдар
Тема боюнча
Өмүрүн киного арнаган Геннадий Базаров 78 жашка толду. Сүрөттөгү ирмемдери
Россиянын Кант биргелешкен авиабазасынын аскердик автоунаа инспекциясынын кызматкерлери Аскер айдоочуларынын күнүнө карата акция өткөрүштү

"Кант" авиабазасында аскер айдоочуларын майрамы менен куттукташты. Сүрөт

0
Аскердик техникаларды башкаргандарга куттуктоолор айтылып, открыткалар тапшырылган. Майрам Россиянын коргоо министринин буйругу менен 2000-жылдан тарта белгиленип келет.

БИШКЕК, 31-май — Sputnik. Россиянын "Кант" биргелешкен авиабазасынын аскердик автоунаа инспекциясынын кызматкерлери Аскер айдоочуларынын күнүнө карата акция өткөрүштү. Бул тууралуу авиабазанын маалымат кызматы билдирди.

  • Сотрудники военной автомобильной инспекции (ВАИ) Объединенной российской военной базы в Канте провели акцию в честь Дня военного автомобилиста
    Россиянын "Кант" биргелешкен авиабазасынын аскердик автоунаа инспекциясынын кызматкерлери Аскер айдоочуларынын күнүнө карата акция өткөрүштү
    © Фото / пресс-служба авиабазы ОДКБ "Кант"
  • Сотрудники военной автомобильной инспекции (ВАИ) Объединенной российской военной базы в Канте провели акцию в честь Дня военного автомобилиста
    Аскердик автоунааларды башкарган бардык кызматкерлерди кесиптик майрамы менен куттуктап, аларга открыткалар тапшырылган
    © Фото / пресс-служба авиабазы ОДКБ "Кант"
  • Сотрудники военной автомобильной инспекции (ВАИ) Объединенной российской военной базы в Канте провели акцию в честь Дня военного автомобилиста
    Майрам расмий түрдө Россиянын коргоо министринин буйругу менен 2000-жылы гана белгилене баштаган
    © Фото / пресс-служба авиабазы ОДКБ "Кант"
  • Сотрудники военной автомобильной инспекции (ВАИ) Объединенной российской военной базы в Канте провели акцию в честь Дня военного автомобилиста
    Ошондон бери жыл сайын РФтин Куралдуу күчтөрүндө майрамдалып келет.
    © Фото / пресс-служба авиабазы ОДКБ "Кант"
1 / 4
© Фото / пресс-служба авиабазы ОДКБ "Кант"
Россиянын "Кант" биргелешкен авиабазасынын аскердик автоунаа инспекциясынын кызматкерлери Аскер айдоочуларынын күнүнө карата акция өткөрүштү

Ага ылайык, аскердик автоунааларды башкарган бардык кызматкерлерди кесиптик майрамы менен куттуктап, аларга открыткалар тапшырылган.

"Бул майрам 1910-жылы Санкт-Петербургда алгачкы жолу автоунаа ротасы түзүлгөндөн бери белгилене баштаган. Анын милдеттерине орус армиясынын аскер бөлүктөрүн окутуу жана даярдоо кирген. Бул рота аскердик автоунаа кызматын түзүүгө үлгү болуп болуп берген", — деп айтылат маалыматта.

Майрам расмий түрдө Россиянын коргоо министринин буйругу менен 2000-жылы гана белгилене баштаган. Ошондон бери жыл сайын РФтин Куралдуу күчтөрүндө майрамдалып келет.

0
Белгилер:
майрам, айдоочу, кызматкер, Аскер, "Кант" авиабазасы
Тема боюнча
"Кант" авиабазасында пилотсуз башкарылчу авиация отряды түзүлдү