Анталия шаары. Архив

Антальядагы парк же көчөгө Чыңгыз Айтматовдун атын ыйгаруу макулдашылды

109
(жаңыланган 10:31 22.10.2019)
Элчи Кубанычбек Өмүралиев Анталья шаарынын мэрине кыргыз элинин улуу жазуучусунун ысымын ыйгарууну сунуштаган.

БИШКЕК, 21-окт. — Sputnik. Түркиянын Анталья шаарындагы паркка же көчөгө залкар жазуучу Чыңгыз Айтматовдун атын ыйгаруу макулдашылды. Бул туурасында Тышкы иштер министрлигинин маалымат кызматы билдирди.

Кыргызстандын Түркиядагы элчиси Кубанычбек Өмүралиев Анталья шаарына иш сапары менен барып, губернатор Мунир Каралоглу жана калаа мэри Мухиттин Божек менен сүйлөшүүлөрдү жүргүзгөн.

"Элчи эки өлкөнүн маданий, достук кызматташтыгын өнүктүрүү максатында Түркияда жашап жана иштеп жаткан кыргыз жарандарынын көпчүлүгү Анталья шаарында болгондугуна байланыштуу залкар жазуучу Чыңгыз Айтматовдун элесине арнап Анталья шаарындагы паркка же көчөгө ысымын ыйгарууну сунуштады. Муну шаардын мэри колдоп, тараптар макулдашты", — деп айтылат маалыматта.

Ошондой эле эки өлкөнүн ортосундагы соода-экономикалык кызматташтыкты кеңейтүү жана туризм жаатында да сүйлөшүүлөр болгон.

Мындан сырткары, элчи кыргыз диаспораларынын мүчөлөрү, Анталья шаарынын аймактык миграция боюнча башкармалыгынын жетекчиси Гезде Озкорул менен да жолуккан.

"Мекендештер менен болгон жолугушууда, алардын укуктарын коргоо, Кыргызстанда туруп жарандарды Түркияга иштөөгө мыйзамсыз жөнөткөндөргө бөгөт коюу, адам сатуу маселелери талкууланды. Миграция башкармалыгынын өкүлдөрүнүн катышуусу менен суроо-жооп уюштурулуп, чет элдик жарандардын укуктары тууралуу маалымат китепчелер таратылды", — деп билдирди ТИМ.

Эскерте кетсек, чет өлкөгө жумушка орноштуруу менен алектенген компаниялардын жарандарды сызга отургузуп кеткен учурлары көп кездешет. Sputnik Кыргызстан агенттиги бул маселенин күнгөй-тескейин иликтеген. 

109
Белгилер:
көчө, парк, Анталья, Чыңгыз Айтматов
Тема боюнча
Чыңгыз Айтматов ушул бөлмөлөрдө жашоо кечирген. Залкардын үй-музейинен сүрөттөр
Менеджер-редактор студии переводов Доолот ОТРК Жазгуль Имакова в офисе Sputnik Кыргызстан

Имакова: киного салыштырмалуу мультфильм которуу абдан оор

14
КТРКнын "Дөөлөт" котормо студиясынын редактор-менеджери Жазгүл Имакова чет тилдерден мультфильмди кыргызчага которуу киного салыштырмалуу татаал процесс экендигин айтты.
Имакова: киного салыштырмалуу мультфильм которуу абдан оор

Мультфильм которууда балдарга түшүнүктүү сөздөрдү тандоо абдан маанилүү. Мындай пикирин Жазгүл Имакова Sputnik Кыргызстан радиосунун эфиринде маек учурунда айтты.

Анын айтымында, котормодо көп учурда колдонулбай калган сөздөрдү таап чыгуу, жеткиликтүү кылып ар бир каарманга үн коштоо кыйын иш.

"Киного караганда мультфильм которуу абдан оор. Балдарга түшүнүктүү болуусу үчүн жалпак тилге салып которобуз. Мындан тышкары, артикуляцияга, интонацияга көңүл буруу маанилүү. Алгач видео аркылуу которуп, ар бир сөздү артикуляциясына карап оңдоп, режиссёрго беребиз. Андан соң каармандарга жараша актёрлор тандалып, үн коштолот. Котормодо лексикондо көп колдонулбай калган көөнө сөздөрдү да алып чыкканга аракет кылабыз", — деди Имакова.

Ошондой эле адис 80 мүнөттүк мультфильмди толук даярдоого болжол менен 15-20 күн керек экендигин кошумчалады.

14
Белгилер:
Жазгүл Имакова, үн, мультфильм, котормо
Тема боюнча
Аширова: бир учурда беш каармандын образын ачкан учурлар болот
СССРдин Эл артисти, Токтогул атындагы Мамлекеттик сыйлыктын лауреаты, профессор Токтоналы Сейталиев. Архив

СССРдин эл артисти Токтоналы Сейталиев 84 жаш курагында дүйнө салды

54
(жаңыланган 12:13 25.02.2021)
Кыргыз маданияты жана опера искусствосу оор жоготууга учурады. Токтоналы Сейталиев көп жылдык чыгармачыл ишмердиги үчүн ардактуу жана илимий наамдар, мамлекеттик жана эл аралык сыйлыктар, ошондой эле өкмөттүк сыйлыктарга татыган.

БИШКЕК, 25-фев. — Sputnik. СССРдин эл артисти, Токтогул атындагы мамлекеттик сыйлыктын лауреаты, профессор Токтоналы Сейталиев узакка созулган оорудан улам дүйнөдөн кайтты. Бул туурасында Маданият, маалымат, спорт жана жаштар саясаты министрлигинен кабарлашты.

Кыргыз маданияты жана опера искусствосу оор жоготууга учурады. Сейталиев кечээ, 24-февралда, көз жумган.

Сейталиев 1937-жылы 3-декабрда Чүй облусунун Панфилов районундагы Жайылма айылында туулган.

Эмгек жолун колхоздо иштеп баштап, 1956-1957-жылдары Кыргыз опера жана балет театрынын алдындагы бир жылдык опера жана хор студиясын аяктаган. 1957-1962-жылдары № 15 Фрунзе жумушчу жаштардын кечки мектебинде окуу менен бирге хор артисти болуп иштеп жүрүп, 1960-жылы окууну аяктаган.

1962-1969-жылдары Курмангазы атындагы Мамлекеттик искусство институтунун (Алма-Ата шаары, Казак ССРи) вокал факультетинин бүтүргөн (азыркы Курмангазы атындагы Казак мамлекеттик консерваториясы).

Алматыдагы Курмангазы атындагы Мамлекеттик искусство консерваториясында окуу менен бир мезгилде Казак радиосу жана телевидениесинин камералык оркестринин солисти болуп иштеген.

1969-2013-жылдар ичинде операнын солисти, алдыңкы сахна чебери, Кыргыз опера жана балет театрында вокал боюнча мастер-класстын жетекчиси болгон.

1995-2015-жылдар аралыгында Калый Молдобасанов атындагы Кыргыз улуттук консерваториясынын жеке ырдоо классында иштеген.

Токтоналы Сейталиевдин 50 жылдык чыгармачылык ишмердүүлүгүндө улуттук операнын ар кыл жана жогорку чеберчиликтеги татаал жана көп кырдуу образдардын бүтүндөй галереясын камтып, Вердинин "Дон Карлос", Пуччинин "Жанни Скикки" (Ринуччо), Доницеттинин "Любовный напиток" (Неморино), Бойтонун "Мефистофель" (Фауст), Гунонун "Фауст" (Фауст), Мусоргскийдин "Борис Годунов" (Юродивый), Вердинин "Риголетто" (Герцог), "Травиата" (Альфред) жана башка дүйнөлүк жана кыргыз композиторлорунун опералык спектаклдеринде алдыңкы тенордук партияларын аткарган.

Ал 1970-80-жылдарда Азербайжан, Грузия, Латвия, Литва, Орто Азия жана Казакстан республикаларындагы жеке концертин активдүү коюп, советтик артисттердин концерттик бригадаларынын курамына кирип, Болгария, Польша, Сирия, Түркия, Алжир, Монголия, Швеция, Дания, Швейцария, Кипр, Иордания жана Японияга барган.

Опералык ариялардан тышкары, Сейталиевдин камералык репертуарына кыргыз жана орус композиторлорунун ырлары жана романстары кирген. Алар: Атай Огомбаевдин "Гүл", "Эсимде", Владимир Левашовдун "Россиянын булбулдары", Мукаш Абдраевдин "Жалыныңа күйгөнмүн" жана башкалар.

Көп жылдык чыгармачыл ишмердигинде ал ардактуу жана илимий наамдар, мамлекеттик жана эл аралык сыйлыктар, ошондой эле өкмөттүк сыйлыктарга татыган.

1995-жылы Жеке ырдоо кафедрасынын профессору илимий наамы, Курмангазы атындагы Алматы мамлекеттик консерваториясынын ардактуу профессору, 1993-жылы Эл аралык "Алтын көпүрө" (Казакстан) сыйлыгынын лауреаты, Россия Федерациясынын Илим, жогорку билим берүү жана техникалык саясат министрлигинин Жогорку билим берүү комитетинин чечими менен ырдоо кафедрасында доценттин илимий наамы, 1972-жылы Кыргыз ССРинин эмгек сиңирген артисти, 1974-жылы Кыргыз ССРинин эл артисти, 1984-жылы СССРдин эл артисти ардактуу наамдары жана 1981-жылдагы концерттик программалары үчүн 1982-жылы Токтогул атындагы мамлекеттик сыйлыгынын лауреаты болгон.

54
Белгилер:
некролог, оору, өлүм, Кыргызстан
Тема боюнча
Дүйнөлүк театр искусствосунун улуу актрисасы. Сейдакматовага жазылган некролог
Россия рубли. Архив

Россия Кыргызстанга экономиканы көмүскөдөн чыгарууга 623 млн. сом берет

0
(жаңыланган 16:39 25.02.2021)
Кыргыз өкмөтү 2019-жылы жардам сурап кайрылган. Бул боюнча тийиштүү документтер даярдалып, президент Садыр Жапаровдун сапарынын алкагында келишимге кол коюлду.

БИШКЕК, 25-фев. — Sputnik. Россия техникалык жардам катары Кыргызстанга товарларды маркировкалоо системасын түзүү үчүн 623 миллион рублга идентификациялоо жабдууларын алып берет. Бул тууралуу аталган өлкөнүн Өнөр жай жана соода министрлигинин сайтында маалымдалат.

Билдирүүгө ылайык, кыргыз өкмөтү 2019-жылы жардам сурап кайрылган. Бул боюнча тийиштүү документтер даярдалып, президент Садыр Жапаровдун сапарынын алкагында өкмөттөр аралык келишимге кол коюлду.

Өнөр жай жана соода министри Денис Мантуров Россияда бул система ийгиликтүү иштеп жатканын белгилеген.

"Бул бюджетке кошумча салыктардын түшүшүн, рыноктун тазалыгын камсыздап жана ак ниет өндүрүшчүлөрдүн көмүскө сегменттин атаандаштыгынан коркпой рынокко чыгышына шарт түзөт. Ал эми керектөөчүлөр үчүн сапаттуу жана ден соолукка коопсуз товар алууга, келечекте ЕАЭБдин аймагындагы бардык товарды бирдиктүү система менен текшерүүгө мүмкүнчүлүк жаралат", — деди министр.

Ал эми Кыргызстандын экономика жана финансы министри Улукбек Кармышаков бул макулдашуу эки тараптуу байланыштарды жандандырууга маанилүү кадам болоруна ишеним артты.

Аталган системаны түзүүгө 1,5 жыл убакыт кетет. Бул жумуштарды Россиянын Өнөр жай жана соода министрлиги мамлекеттик келишимдер аркылуу аткарат.

0
Белгилер:
Улукбек Кармышаков, товар, жардам, Россия, Кыргызстан
Тема:
Садыр Жапаровдун Россияга сапары
Тема боюнча
Россия Кыргызстанга кайтарымсыз 5,2 млн. доллар бөлдү
Садыр Жапаров Россияга барганда Евразия фондунан 100 млн. доллар кредит сурайт