Эмгеги менен эстелик тургузуп кеткендер. Залкарлардын таберик сүрөтү

2239
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
Атактуу актриса Даркүл Күйүкова, Сабира Күмүшалиева, төкмө акын Эстебес Турсуналиев жана алардын замандаштарынын сүрөтү 1980-жылдары Фрунзе (азыркы Бишкек) шаарында тартылган.
© Фото / из семейного архива Абдубачаевых

Атактуу актриса Даркүл Күйүкова, Сабира Күмүшалиева, төкмө акын Эстебес Турсуналиев жана алардын замандаштарынын сүрөтү 1980-жылдары Фрунзе (азыркы Бишкек) шаарында тартылган.

Ал жылдары залкарлар жашы өтүп калганына карабай Кыргыз улуттук академиялык драма театрында, Токтогул Сатылганов атындагы улуттук филармонияда эмгектенишчү.

Ошол кезеңди Даркүл Күйүкованын уулу Рыспек Абдубачаев мындайча эскерет:

"Сүрөт 1980-жылдары Кыргыз улуттук академиялык драма театрынын алдында тартылган. Ал кезде апам 60 жашка таяп калган эле. Бирок театрда иштечү. Кичинекей кезимде апам мени да театрга ээрчитип барып, көптөгөн кызыктарга күбө болгом. Анан биздин үйгө залкарлар көп келчү, алардын арасында Мыскал Өмүрканова, Сайра Кийизбаева, Сабира Күмүшалиева, Бакен Кыдыкеева да бар. Апам дасторкон жайып алар менен сырдашып, кеңешип, кээде ырдап калышчу. Ал кезде биздин үйүбүз азыркы Чүй жана Тынчтык проспектилеринин кесилишинде болчу. Ал жакта Асек Жумабаев, Осмонкул Бөлөбалаев, Сейдакмат Токтоналиев, Артык Мырзабаев да жашап, замандаштар бат эле чогула калчу. Азыр андай асыл инсандар өтө аз, балким жокко эсе да болуп калды окшойт", — деди Абдубачаев.

СССРдин эл артисти Даркүл Күйүкова Кыргыз улуттук академиялык драма театрында 100дөн ашык ролду ийине жеткире аткарса, Сабира Күмүшалиева 70 жылдан ашык театр жана кинодо эмгектенген.. Ал эми Эстебес Турсуналиев филармонияда 60 жылга чукул иштеген.

2239
Белгилер:
таберик сүрөт, Сабира Күмүшалиева, Даркүл Күйүкова, Кыргызстан
Тема:
"Таберик сүрөт" — сейрек кездешкен ирмемдер (127)
Тема боюнча
Ыйлаган Жумадыловду жөлөгөн Кутманалиев. "Көздүн карегиндеги" таберик сүрөт
Усубалиевди тынчсыздандырган Фрунзедеги фестиваль. Таберик сүрөт
Чарчаган Шамшиевдин жанындагы суйкайган Темирова. "Ак кемедеги" таберик сүрөт
Мектеп окуучулары. Архивдик сүрөт

Бишкекте алгачкы жолу жаш театр ишмерлеринин форуму өтөт

29
(жаңыланган 15:33 27.11.2020)
Иш-чара бүгүн, 27-ноябрда, саат 17:00дө салтанаттуу башталып бир жумага созулат. Долбоордун демилгечиси — Назым Мендебаиров.

БИШКЕК, 27-ноя. — Sputnik. Кыргыз театр маданиятынын тарыхында алгачкы жолу I Республикалык жаш театр ишмерлеринин "Жаратман — 2020" форуму өтөт. Бул тууралуу Токтоболот Абдумомунов атындагы Кыргыз улуттук академиялык драма театрынан билдиришти.

Маалыматка караганда, иш-чараны Маданият, маалымат жана туризм министрлиги, Кыргызстан театр ишмерлер союзу жана Кыргыз улуттук академиялык драма театры биргеликте уюштурууда.

"Форум онлайн форматта өтүп, бир жумага созулат. Максаты — жаш муундардын билимин тереңдетүү, театр искусствосун өркүндөтүү. Алдыңкы театр чеберлери билими, тажрыйбасы менен бөлүшмөкчү", — деп айтылат маалыматта.

Форум бүгүн, 27-ноябрда, саат 17:00дө салтанаттуу башталып, 4-декабрда аяктайт. Долбоордун демилгечиси — Назым Мендебаиров.

29
Белгилер:
форум, ишмердүүлүк, театр
Тема боюнча
Баш байге 200 миң сом! Жаратман жаштар тууралуу роликтерге сынак жарыяланды
Атай Өмүрзаковдун бий тобу Германияда калыстардын оозун ачырды. Видео
Маданият министри Нуржигит Кадырбеков Казакстандын Кыргызстандагы элчиси Кайрат Нурпеисов менен жолугушу

Бишкекте Абай Кунанбаев атындагы кыргыз-казак маданий борбору ачылат

64
Абай Кунанбаев — казак жазма адабиятына негиз салган улуу акын, ойчул, агартуучу жана коомдук ишмер. Ал бир гана боордош элге эмес, жалпы Орто Азиянын чыгармачыл чөйрөсүнө таасир берген инсан.

БИШКЕК, 26-ноя. — Sputnik. Бишкек шаарында Абай Кунанбаев атындагы кыргыз-казак маданий борбору ачылат. Бул тууралуу Маданият, маалымат жана туризм министрлигинен кабарлашты.

Билдирмеге караганда, маданият министри Нуржигит Кадырбеков Казакстандын Кыргызстандагы элчиси Кайрат Нурпеисов менен жолуккан.

Анда тараптар маданий кызматташуунун келечеги тууралуу баарлашканы айтылат. Өз кезегинде Нурпеисов жакын арада Кыргызстанда Абай Кунанбаев атындагы кыргыз-казак маданий борбору ачыла тургандыгын маалымдап, маданият министрине борбордун ачылыш аземин бирге уюштурууну сунуштаган.

Абай Кунанбаев — казак жазма адабиятына негиз салган улуу акын, ойчул, агартуучу жана коомдук ишмер. Бир гана боордош элдин эмес, жалпы Орто Азиянын чыгармачыл чөйрөсүнө өзгөчө таасир берген инсан 1845-жылы 10-августта туулган. Кунанбаевдин эң негизги чыгармасы — 45 философиялык ойдон жана кыска уламыштардан турган "Кара сөздөр" эмгеги.

Маданий борбор качан жана кайда ачылары тууралуу кошумча маалымат берилери айтылды.

64
Белгилер:
маданий борбору, Казакстан, Кыргызстан
Тема боюнча
Кыргызстандын "Жөө күлүк" тасмасы "Оскар" сыйлыгына көрсөтүлдү

Эстеп көрөлү. Макгрегор менен Порьенин алгачкы беттешинин видеосу жарыяланды

0
(жаңыланган 17:42 27.11.2020)
UFC уюмунун экс-чемпиону Конор Макгрегор менен америкалык Дастин Порьенин алгачкы беттешинин видеосу жарыяланды. Ал ирмемдерди уюмдун Facebook баракчасынан көрүүгө болот.

Белгилей кетсек, ирландиялык мушкер америкалык спортчу менен 2014-жылы беттешип, биринчи эле раундда техникалык нокаут менен утуп алган.

Дастин Порье менен Конор Макгрегордун кайрадан октагонго чыгары күтүлүүдө. Алдын ала маалымат боюнча реванш Абу-Дабидеги "Мушкерлер аралы" спорттук жайында кийинки жылдын 23-январында болот.

Эки мушкер тең буга чейин россиялык спортчу Хабиб Нурмагомедов менен беттешип, жеңилүү ызасын тарткан.

0
Белгилер:
мушкер, видео, беттешүү, Конор Макгрегор, Дастин Порье
Тема боюнча
Эже-сиңди Шевченколордун энеси дүйнө чемпиону болду. Видео
Ар бир булчуңдун кыймылы көрүнүп... Шевченко катышкан турнирден өзгөчө видео
Хабиб Нурмагомедов Жастин Гэтжини утуп алды. Видео