2020-жылы салттуу музыка жумалыгы жалпы Кыргызстанда өтөт

Жазылуу
Жумалыктын негизги максаты — жаштар арасында салттуу музыканы жайылтуу жана аны өркүндөтүү. Иш-чараны уюштуруу боюнча атайын комитет түзүлөт.

БИШКЕК, 26-дек. — Sputnik. 2020-жылы салттуу музыка жумалыгы жалпы өлкө боюнча белгиленет. Бул тууралуу Маданият, маалымат жана туризм министрлигинен билдиришти.

Кыргыз элинин улуттук музыкалык аспаптары - Sputnik Кыргызстан
Кыргыздын музыкалык аспаптары. Кылымдарды карыткан кереметтүү добуштар инфографикада
Маалыматта атайын жыйын өтүп, салттуу музыка жумалыгына республиканын булуң-бурчун камтуу пландарын долбоордун автору Роза Аманова айтып берген.

Жумалыктын негизги максаты — жаштар арасында салттуу музыканы жайылтуу жана аны өркүндөтүү. Иш-чараны уюштуруу боюнча атайын комитет түзүлөт.

Жумалыктын алкагында өлкөдөгү эл артисттеринин жана маданиятка эмгек сиңирген ишмерлердин мастер-класстары, тегерек столдор жана лекциялар пландалууда.

"Жумалыктын жардамы менен жаш таланттарды гана колдоо эмес, алардын ичинен жаңы таланттарды алып чыгып, алар аркылуу өлкөнүн өсүп келе жаткан муунунун маданиятка умтулуусун ойготобуз", — деп айтылат билдирүүдө.

Иш-чараны өткөрүү үчүн министрликтин 2020-жылга карата бюджетинде каражат каралган.

Белгилей кетсек, салттуу музыка жумалыгы 2009-жылдан бери өтүп келет. Жогорку Кеңештин токтому менен 2013-жылдан тарта иш-чара бир жумага созулган. Буга чейин салттуу музыка жумалыгы республиканын айрым аймактарында гана өткөрүлүп келген.

Жаңылыктар түрмөгү
0