Ырчы Омар. Архивдик сүрөт

"Ала-Тоо" аянтындагы жаңы жылдык концертте кайсы артисттер ырдайт

171
(жаңыланган 15:13 28.12.2019)
"Ала-Тоо" аянтында Тез жардам жана өрт өчүрүү кызматтары нөөмөттө турат. Мындан тышкары, "Тазалык", "Бишкек жарык" ишканаларынын миңден ашуун кызматкери иштейт.

БИШКЕК, 28-дек. — Sputnik. 31-декабрь күнү саат 20:00дө "Ала-Тоо" аянтында майрамдык концерт башталат. Бул тууралуу Бишкек мэриясынан билдиришти.

Майрамдык иш-чара түн ортосуна жакын бүтөрү айтылды.

"Анда шаардыктар жана шаар меймандары үчүн сахнага Аяна Касымова, Иса Өмүркулов, Султан Каримов, Динара Акулова, Кайрат Примбердиев, Гүлжигит Калыков, Расул Маматкулов, Бактияр Токторов, Салтанат Аширова, Съездбек Искеналиев, Замир Арыкбаев, Омар, Арсен жана Марс Мамаев чыгат", — деп айтылат билдирүүдө.

Жаңы жыл түнү "Ала-Тоо" аянтында Тез жардам жана өрт өчүрүү кызматтары нөөмөттө турат. Мындан тышкары, "Тазалык", "Бишкек жарык" ишканаларынын миңден ашуун кызматкери иштешет, 20 даараткана коюлат.

171
Белгилер:
ырчы, аянт, майрам, Бишкек
Тема боюнча
Жаңы жыл түнү Бишкекте коомдук транспорт кандай иштейт. Расписание
Британиялык актер Шон Коннери. Архив

Белгилүү актёр Шон Коннери көз жумду

57
(жаңыланган 20:34 31.10.2020)
Дүйнөгө белгилүү актёр 1988-жылы “Оскар” сыйлыгына татыган. Анын жалпы жонунан үч “Алтын глобусу” бар.

БИШКЕК, 31-окт. – Sputnik. Британиялык актёр Шон Коннери 90 жашында дүйнөдөн өттү. Бул тууралуу BBC жазды.

Актёр Джеймс Бонд жөнүндөгү тасмалардан сырткары, 70тен ашык кинодо роль жараткан. 1988-жылы “Оскар” сыйлыгына татыган. Актёрдун үч “Алтын глобусу” бар.

Анын уулу Жейсондун айтымында, Коннери Багам аралдарындагы Нассау шаарында көз жумган. Ал бир нече күндөн бери ооруп жүргөн.

57
Белгилер:
Шон Коннери, каза болду, актер
Тема боюнча
"Форрест Гамп" романынын автору көз жумду
Маданият, маалымат жана туризм министри Нуржигит Кадырбеков

Кадырбеков маданияттын демөөрчүлөрүнө салыктык жеңилдик берүүнү талап кылды

132
Министр эгер Салык кодексинде көрсөтүлгөн берене иштей турган болсо, өлкөдөгү маданий мекемелерди оңдоого шарт түзүлө турганын белгилеген.

БИШКЕК, 29-окт. — Sputnik. Маданият тармагына демөөрчүлүк кылгандарга салыктык жеңилдик берүү боюнча атайын норма бекитилген мыйзам иштебей жатат. Бул туурасында маданият, маалымат жана туризм министри Нуржигит Кадырбеков өкмөттүн жыйынында билдирди.

Министр өлкөдө 1 063 китепкана, 700дөн ашуун клуб, театрлар бар экенин, бирок алардын көбү авариялык абалда турганын белгиледи. Эгер аталган норма иштесе, буларды оңдоп алууга шарт түзүлмөк.

Министр Нуржигит Кадырбеков өкмөткө кинотеатрларды ачууну сунуштады

"Кыргыз жана орус драма театрлар оңдолуп баштаган. Биринчисинин сметасы 64 миллион сом, экинчисиники 200 миллион сомдон ашык. Жылытуу системалары киргизилип жаткан, каражат таап өз убагында оңдоо иштерин улантпасак миллиард сомдук чыгым болуп калышы мүмкүн. Салык кодексинин 208-беренесинде маданият тармагына демөөрчүлүк кылгандарга салыктык жеңилдик берилери көрсөтүлгөн. Бирок ошол берене азыр иштебей жатат. Ушул маселени чечип берсеңизер", — деп премьер-министрге кайрылды Кадырбеков.

Учурда жаңы куралган өкмөттүн алгачкы жыйыны өтүп жатат. Анда кыска мөөнөттө экономиканы турукташтыруу жана бюджетке өзгөртүү киргизүү маселелери талкууланууда.

132
Белгилер:
оңдоо, жеңилдик, салык, театр, Нуржигит Кадырбеков
Тема боюнча
Өлкө бюджетинин дефицити дагы 8 млрд. сомго көбөйдү
Кыргызстандагы музей буюмдарын башка мекемелерде сактоого тыюу салынды
Парктын көлмөсүндө өрдөк

Жекшембиге карата аба ырайы

0
Жекшембиге караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 31-окт. — Sputnik. 1-ноябрь, жекшембиде, республика боюнча күн ачык болот. Бул тууралуу Кыргызгидромет билдирди. 

Абанын температурасы Чүй, Талас өрөөндөрүндө +13...+18, Ош, Жалал-Абад жана Баткен облустарында +16...+21, Ысык-Көл жана Нарын жергесинде +9...+14 градус болот.  

Күндүн табы борборубуз Бишкекте +16...+18  жана Ош шаарында +19...+21 градуска көтөрүлөт.

0
Белгилер:
Кыргызстан, аба ырайы
Тема боюнча
Адаттагыдан суук болот. Ноябрга карата аба ырайы