Кыргызстандык режиссердун Жөө күлүк тасмасы Ника сыйлыгы үчүн ат салышат

Кыргызстандык режиссердун "Жөө күлүк" тасмасы "Ника" сыйлыгы үчүн ат салышат

104
(жаңыланган 12:54 03.03.2020)
Кыргызстандык режиссер "Жөө күлүк" кино картинасында үй-бүлөнү сактоого жан үрөгөн өспүрүм Жекшендин баяны аркылуу ата-энесиз калып, тагдырдын оор сыноосуна кабылган жаш балдардын көйгөйүн көтөрөт.

БИШКЕК, 3-мар. — Sputnik. Кыргызстандык режиссёр Мирлан Абдыкалыковдун "Жөө күлүк" көркөм тасмасы "Ника" кино сыйлыгы үчүн ат салышат. Бул тууралуу фильмдин продюсери Алтынай Койчуманова билдирди.

Анын айтымында, кино сыйлыкты салтанаттуу тапшыруу аземи 29-мартта Москва шаарында өтөт.

"Москва шаарында 2-март күнү "Ника" кино сыйлыгынын 2019-жылкы номинанттары аталды. "КМШ жана Балтика боюндагы өлкөлөрдүн мыкты тасмасы" номинациясына Кыргызстандын атынан режиссер Мирлан Абдыкалыковдун "Жөө күлүк" тасмасы көрсөтүлдү", — деди Койчуманова.

Кыргызстандык режиссер "Жөө күлүк" кино картинасында үй-бүлөнү сактоого жан үрөгөн өспүрүм Жекшендин баяны аркылуу ата-энесиз калып, тагдырдын оор сыноосуна кабылган жаш балдардын көйгөйүн көтөрөт.

Аталган фильмге Польшадагы эл аралык кинофестивалдын жабылыш салтанатында үч сыйлык тапшырылып, Кытайдын Хайнань аралындагы Санья шаарында өткөн эл аралык кинофестивалга катышкан.

"Ника" кино сыйлыгы 1987-жылы СССРдин кинематографисттери тарабынан түптөлгөн, негиздөөчүсү – Юлий Гусман. Кино сыйлыктын жеңүүчүлөрү Кинематография искусствосу академиясынын мүчөлөрүнүн жашыруун берген добушу аркылуу аныкталат.

104
Белгилер:
Кыргызстан, сыйлык, тасма
Тема боюнча
Мароккодогу фестивалда "Жөө күлүк" тасмасына жана актеруна сыйлык берилди
Толук метраждуу көркөм фильмдин мыкты сценарийине сынак жарыяланды

Балет дүйнөсүнө 11 жашында аралашкан. Кайталангыс Айсулуу Токомбаева

224
  • Айсулуу Токомбаева Кыргыз мамлекеттик опера жана балет театрында 1966-1995-жылдар аралыгында эмгектенген
  • Кыргыз ССРинин эл артисттери Айсулуу Токомбаева менен Чолпонбек Базарбаевдин Саманчынын жолу балетинде бийлеп жаткан учуру
  • Композитор Калый Молдобасановдун Саманчынын жолу балети. Биринчи катарда Айсулуу Токомбаева Толгонайдын образында.
  • Кинорежиссёр Дооронбек Садырбаев менен балерина Айсулуу Токомбаева, Фрунзе шаары, 1977-жыл.
  • Кыргыз балетинин чолпон жылдызы 34 жашында СССРдин эл артисти жогорку наамын алган
  • Балерина чыгармачылыгында 20дан ашык партияда бийлеген. Сүрөттө композитор Арам Хачатуряндын Спартак балети.
  • СССРдин эл артисттери, кыргыз балетинин көрүнүктүү өкүлү, балетмейстер Чолпонбек Базарбаев менен балерина Айсулуу Токомбаева жана казакстандык актёр Досхан Жолжаксынов
  • Балерина Польша, Болгария, Ливия, Финляндия, Тунис, Швеция, Италия, Югославия, Венгрия, Дания, Швейцарияга чейин барган
  • Жаш таланттар. Балетмейстер Уран Сарбагышев жана Айсулуу Токомбаева репетиция маалында.
  • Кыргыз балетинин жылдыздары: Айсулуу Токомбаева, Надежда Базарбаева, Инга Левченко, Кеңеш Алиев, Роберт Уразгельдеев
  • Баядерка балети. Уран Сарбагышев менен Айсулуу Токомбаева.
  • Айсулуу Токомбаева бир нече жылдан бери Анкара мамлекеттик консерваториясында жаштарга сабак берип келет
Бүгүн СССРдин эл артисти, таланттуу балерина Айсулуу Токомбаеванын туулган күнү. Sputnik Кыргызстан агенттиги кыргыз балетинин 74 жашка толгон чолпон жылдызынын сүрөттөгү ирмемдерин сунуштайт.

Айсулуу Токомбаева 1947-жылы 22-сентябрда Фрунзе шаарында жарык дүйнөгө келген. Атасы Асанбек Токомбаев узак жылдар бою Мамлекеттик телерадио комитетинде эмгектенсе, апасы Мунжия Эркинбаева опера ырчысы болгон. Болочоктогу талант 11 жашында балет дүйнөсүнө аттанып, Ленинграддагы Ваганова атындагы мамлекеттик академиялык хореографиялык окуу жайына өтөт. Ошентип жаш балерина 1966-жылы Абдылас Малдыбаев атындагы Кыргыз мамлекеттик опера жана балет театрына жумушка алынып, ал жерде 30 жылдай иштейт.

КРдин эл артисти бул убакыт аралыгында дүйнөлүк классикалык жана кыргыз балеттеринин башкы партияларында бийлеген. Алсак, Петр Чайковскийдин "Ак куу көлү", "Уйкудагы сулуу", Адольф Адандын "Жизель", Людвиг Минкустун "Дон-Кихот", Михаил Раухвергердин "Чолпон", Владимир Власовдун "Асел", Калый Молдобасановдун "Саманчынын жолу", "Маңкурттар баяны", Улукбек Мусаевдин "Томирис", Кирилл Молчановдун "Макбет" жана башка балеттерде башкы партияларды жогорку чеберчиликте аткарып, сахнага СССРдин эл артисти Чолпонбек Базарбаев менен көп чыккан.

Чыңгыз Айтматов атындагы эл аралык сыйлыктын лауреаты 1995-жылы Түркияга кетип, Анкара мамлекеттик консерваториясына хореография боюнча окутуучу болуп кирет. Тажрыйбалуу устат 25 жылдан бери чет өлкөдө жаштарды тарбиялоодо.

 

224
  • Айсулуу Токомбаева Кыргыз мамлекеттик опера жана балет театрында 1966-1995-жылдар аралыгында эмгектенген
    © Sputnik / Александр Федоров

    Айсулуу Токомбаева Кыргыз мамлекеттик опера жана балет театрында 1966-1995-жылдар аралыгында эмгектенген

  • Кыргыз ССРинин эл артисттери Айсулуу Токомбаева менен Чолпонбек Базарбаевдин Саманчынын жолу балетинде бийлеп жаткан учуру
    © Sputnik / Мамадалиев

    Кыргыз ССРинин эл артисттери Айсулуу Токомбаева менен Чолпонбек Базарбаевдин "Саманчынын жолу" балетинде бийлеп жаткан учуру

  • Композитор Калый Молдобасановдун Саманчынын жолу балети. Биринчи катарда Айсулуу Токомбаева Толгонайдын образында.
    © Sputnik / Александр Федоров

    Композитор Калый Молдобасановдун "Саманчынын жолу" балети. Биринчи катарда Айсулуу Токомбаева Толгонайдын образында.

  • Кинорежиссёр Дооронбек Садырбаев менен балерина Айсулуу Токомбаева, Фрунзе шаары, 1977-жыл.
    © Sputnik / Александр Федоров

    Кинорежиссёр Дооронбек Садырбаев менен балерина Айсулуу Токомбаева, Фрунзе шаары, 1977-жыл.

  • Кыргыз балетинин чолпон жылдызы 34 жашында СССРдин эл артисти жогорку наамын алган
    © Sputnik / Александр Федоров

    Кыргыз балетинин чолпон жылдызы 34 жашында СССРдин эл артисти жогорку наамын алган

  • Балерина чыгармачылыгында 20дан ашык партияда бийлеген. Сүрөттө композитор Арам Хачатуряндын Спартак балети.
    © Sputnik / Александр Федоров

    Балерина чыгармачылыгында 20дан ашык партияда бийлеген. Сүрөттө композитор Арам Хачатуряндын "Спартак" балети.

  • СССРдин эл артисттери, кыргыз балетинин көрүнүктүү өкүлү, балетмейстер Чолпонбек Базарбаев менен балерина Айсулуу Токомбаева жана казакстандык актёр Досхан Жолжаксынов
    © Sputnik / Александр Федоров

    СССРдин эл артисттери, кыргыз балетинин көрүнүктүү өкүлү, балетмейстер Чолпонбек Базарбаев менен балерина Айсулуу Токомбаева жана казакстандык актёр Досхан Жолжаксынов

  • Балерина Польша, Болгария, Ливия, Финляндия, Тунис, Швеция, Италия, Югославия, Венгрия, Дания, Швейцарияга чейин барган
    © Sputnik / Александр Федоров

    Балерина Польша, Болгария, Ливия, Финляндия, Тунис, Швеция, Италия, Югославия, Венгрия, Дания, Швейцарияга чейин барган

  • Жаш таланттар. Балетмейстер Уран Сарбагышев жана Айсулуу Токомбаева репетиция маалында.
    © Sputnik / Александр Федоров

    Жаш таланттар. Балетмейстер Уран Сарбагышев жана Айсулуу Токомбаева репетиция маалында.

  • Кыргыз балетинин жылдыздары: Айсулуу Токомбаева, Надежда Базарбаева, Инга Левченко, Кеңеш Алиев, Роберт Уразгельдеев
    © Sputnik / Александр Федоров

    Кыргыз балетинин жылдыздары: Айсулуу Токомбаева, Надежда Базарбаева, Инга Левченко, Кеңеш Алиев, Роберт Уразгельдеев

  • Баядерка балети. Уран Сарбагышев менен Айсулуу Токомбаева.
    © Фото / из семейного архива Сарбагышевых

    "Баядерка" балети. Уран Сарбагышев менен Айсулуу Токомбаева.

  • Айсулуу Токомбаева бир нече жылдан бери Анкара мамлекеттик консерваториясында жаштарга сабак берип келет
    © Sputnik / Александр Федоров

    Айсулуу Токомбаева бир нече жылдан бери Анкара мамлекеттик консерваториясында жаштарга сабак берип келет

Белгилер:
Кыргызстан, балерина, Айсулуу Токомбаева, чыгармачылык, сүрөт
Тема боюнча
Элди азапка жетелеген апийим. Кара куурай Кыргызстанда кантип өстүрүлгөн? Сүрөт
Катардагы жумушчудан өкмөт башчыга чейин. Апас Жумагуловдун сүрөттөгү ирмемдери
Филология илимдеринин доктору, профессор Ибрагим Абдувалиев

Окумуштуу: кыргыз тилине эң жакын тил алтай тили

59
(жаңыланган 10:30 22.09.2021)
Филология илимдеринин доктору, профессор Ибрагим Абдувалиев кыргыз тилине казак жана өзбек тилдерине караганда алтай элдеринин тили жакын экенин айтты.

Алтай тил семьясына кирген тилдерди изилдөө иштери гипотезадан илимий теорияга өттү. Бирок Кыргызстанда жетишерлик колго алынбай келет. Бул тууралуу Ибрагим Абдувалиев Sputnik Кыргызстан радиосуна маек куруп жатып билдирди.

Окумуштуу: кыргыз тилине эң жакын тил — алтай тили

Анын айтымында, XVIII-XIX кылымдарда алгач алтай тил семьясын Европа жана орус окумуштуулары изилдей баштаган.

"Алтай тил семьясын жөнөкөйлөтүп баба тили деп койсок да болот. Алгач мындан үч кылым мурда Европа окумуштуулары тарабынан изилденип, "алтай тил семьясы" деген гипотеза пайда болгон. Кийинчерээк орус окумуштуулары да иликтөө иштерин активдүү жүргүзүшкөн. Жыйынтыгында окшош тилдерди бириктирип, булардын түбү, теги бир деген жыйынтыка келишкен. Тактап айтканда, гипотезадан илимий теорияга айланып, "алтай тил семьясы" деген термин менен бекитилген. Кийинчерээк бул топко корей жана япон тилдери кошулду. Бирок бул эки этностун тили боюнча эки ача пикирлер бар. Иликтөө иштери Корея, Япония жана башка өлкөлөр тарабынан да жигердүү жүргүзүлүүдө. Андыктан муну азырынча илимий так маалымат катары карабай, гипотеза деп баалап турганыбыз дурус. Ошондой эле алтай тил семьясына кирген башка мамлекеттерде да бул багытта бир топ иштер жасалып жатат. Тилекке каршы, Кыргызстанда жеткиликтүү колго алынбай келет", — деди Абдувалиев.

Окумуштуу алтай тил семьясы тууралуу илимге негиз болуп берген көптөгөн маалыматтар орхон-енисей жазууларында сакталып калганын кошумчалады.

59
Белгилер:
Алтай цивилизациясы, тил, илим, изилдөө
Тема боюнча
Алымкулова: "Алтай цивилизациясынын" тарыхы 1958-жылдан башталат
Кыргызстандын экс-президенти Аскар Акаев. Архив

Аскар Акаев Армениянын экс-президенти Левон Тер-Петросян менен жолукту

0
(жаңыланган 05:15 24.09.2021)
Өлкө башчылары 8 жылдай эки тараптуу деңгээлде жана КМШ алкагында активдүү кызматташкан. Ошондой эле экөөнү илимден саясатка келгени бириктирип турат.

БИШКЕК, 23-сен. — Sputnik. Ереванда Кыргызстандын экс-президенти Аскар Акаев менен Армениянын мурдагы өлкө башчысы Левон Тер-Петросян жолукту. Бул тууралуу Армениянын улуттук конгрессинин маалымат катчысы Арман Мусинян Facebook баракчасында билдирди.

Жолугушуу бейшемби күнү Тер-Петросяндын хан сарайында өткөн.

Акаев Ереванга Россия-Армения университетинин чакыруусу менен барган. Окуу жайдын жетекчилиги ага ардактуу доктор наамын ыйгарууну пландап жатканы айтылат. Ошондой эле өлкөнүн мурдагы башчысы бир катар лекцияларды окумакчы.

Мусинян белгилегендей, Тер-Петросян менен Акаев 8 жылдай эки тараптуу деңгээлде жана КМШ алкагында активдүү кызматташкан.

"Бөтөнчө экөө тең илимден саясатка келгени бири-бирине жакындатып турчу", — деген Мусинян.

Аскар Акаев эгемендүү Кыргызстандын алгачкы президенти. Ал 2005-жылы өлкөдөн качып, ошондон бери Москва шаарында жашап жүргөн. Анын үй-бүлө мүчөлөрүнө бир катар кылмыш иштери козголгон.

Быйыл августта 16 жылдан бери Кыргызстанга биринчи жолу келген Аскар Акаев УКМКга кирип сурак берген. Ал Кумтөр боюнча болгон чындыкты айтып берерин билдирген.

0
Белгилер:
Кыргызстан, Армения, Аскар Акаев, жолугушуу
Тема боюнча
Акаев Кумтөр боюнча сурактан кийин бүгүн Москвага учуп кетти