Дептерге жазуу. Архивдик сүрөт

Өлгөндө бейитиме сүрөтүмдү койбогула... Жазуучу Мурза Гапаров жөнүндө 12 факт

1494
(жаңыланган 17:16 22.03.2020)
Мурза Гапаров жашаган мезгил бизден канчалык алыстаган сайын анын жазгандары ошончолук жакындап, чыгармаларын издеп окуй турган болдук. Анын өзүнчө себеби бар.

Ал баёо, кыялкеч, тышкы кебетеси комсоо болгону менен ички дүйнөсү бай каармандарды – кайсыл заман болбосун жүрөккө жакын адамдардын да бейнесин жаратыптыр. Анын тили өзгөчө ширин, ичкиликтердин майин угулуучу сөз корун тандап урунуп, жазгандарын окумдуу жана угумдуу кылган экен. Биз бүгүн ошол жазуучу, драмачы, киносценарист Мурза Гапаров тууралуу 12 факт сунуштайбыз.

Туулган жери, жылы жана ата-теги. 1936-жылы 22-мартта Ош облусуна караштуу Ноокат районунун Нойгут айлында туулган. Бул жер - райондун борбору Эски-Ноокат айылынын үстү жагы, атактуу Кыргыз-Ата суусунун бир алабы, абасы салкын, алма-өрүктүн мекени. Атасы Гапар аксакалды айылдыктар Татти деп коюшчу, бул болсо "сатаң", "сыланкороз", "стилдүү" деген мааниде. Кыз оюндан калбаган, кыл кыяк, комуз колунан түшпөгөн, созолонто ырдап койгон киши болгон деп айтышат. Жашында ал киши Көк-Жар деген жерде кадимки корбашы Мойдун бек менен эликтин ашыктарын атышып кумар ойноп, аны утуп алып качып кеткен жайы бар экен. Жазуучунун түбү нойгуттардан, нойгуттар азыр эми Кытайга карап калган Лобнордон (Жаңыл Мырзанын жери) Сакы деген жигиттин жетегинде Баткендин башы Зардалиге келип, ал жактан туш тарапка чачылып, булардын чоң аталарынын аталары Ноокаттын Кара-Ташына келип, ошол жерди жерлеп калыптыр. Ал жерде нойгуттардан башка сасык бука, кызыл аяк, бостон деген уруулар жашайт.

Эрке жетим, жүзбашынын жээни. Таятасы Абжапар жүзбашы болуптур, арабча билген, динди кадыр туткан киши экен, убагында большевиктер менен ок атышып, 90го чыкканда көзү өтүптүр. Ошол таятасы менен чоң атасы тууган экен, бешик куда болуп, атасы 14, апасы 13 жашында турмуш куруптур. Үч-төрт жашында апасы каза болуп, болочок жазуучу таененин колунда өстү, ал нарктуу, салттуу аял болгон. Таенеси Сялма (Салма эмес) менен эрке жетим убагын кийин мындай эскерди: "Үйүбүз эки коргондон турар эле. Коргондун ичи жык толо алма, өрүк, жаңгак, шабдалы, алча, гилас… кош коргондун артында биздин аталарыбыздан калган кең өрүкзарлар жатчу созулуп. Ал өрүкзарга кош коргондон кош дарича чыгат. Биздин үйгө бир чоң түп өрүк сөйкөнүп өсчү. Кыштын күндөрү, шамал түндөрү ошол өрүк кычырап, кычыраганы үйдүн ичине кирип турчу эле. А биз болсо үйдүн ичинде сандалди тегеректеп отурчубуз… Үч небере өрүктүн кычыраганын тыңшап уктачу элек. Менин колтугумда бырылдап таргыл мышык уктачу. Таенем ташпанардын жарыгында отуруп, ийик ийричү. Кыш ичи эчкинин жүнүнөн же болбосо пахтадан жип ийрип чыгар эле. Жаз келип, күн жылый баштаганда эшиктин алдына таар курат эле". "Галмама чоң энем жеткен кызык, эч кимге окшобогон киши болчу. Тиштерин капкара кылып боёп алат эле. Жаш кезинен ошентчү экен". Ошентип Мурза Гапаров көктөйүнөн бир жагынан ичкиликтердин салттуу маданиятынын уюткусун өзүнө сиңирди, экинчи жагынан табиятты, адамдарды таанып-билүүгө далалаты, дили ышкылуу болуп өстү, үчүнчү жагынан согуштун, жокчулуктун каарын жон териси менен кабылдады. Ушунун баары анын жазуучу болушуна түздөн-түз таасир этти, андагы көрүп-билгендери өзүнө баш ийип да, баш ийбей да чыгармаларына биринин артынан бири кире берди…

Кыялды жакшы көргөн киши. Ошон үчүн университетти бүтүп эле республикадагы келечектүү кызмат орундардын бири "Советтик Кыргызстан" гезитине кабыл алынганына карабай, 1962-жылы Тажикстандын Тоолуу Бадахшан автоном облусунун Мургаб районуна мугалим болуп кетип калат. Райондун борборунда кал десе да болбой, алыскы Кызыл-Рабаттын Токтомуш айылындагы Токтогул атындагы мектепке ишке кирет. Ал жактан мергенчилик кылып, тил үйрөнүп жүрүп, "Кара-Көлдүн каздары", "Жол кырсыгы" деген аңгемелерин, "Кыштакча" повестин, "Ак поезд" деген киносценарийин жазуу үчүн материалдарды таап кайтат. Экинчи жолу борбордогу атак-даңкын, кызматын таштап, 1974-жылы Ошко кетип, Ош кыргыз драма театрында адабий бөлүмдүн башчысы болуп иштей баштайт. 1984-1986-жылдарда болсо Кыргызстан Жазуучулар союзунун Ысык-Көл облусу боюнча кеңешчиси кызматын аркалап, Көл жакка көп-көп барып турат. Ал кабинеттик жазуучу болгон эмес. Колу бошогон-бошобогонуна карабай Ошко, Арсланбапка, Баткенге тынымсыз чыгып, дервишчесинен жүрө берген. "Күнөстүү арал" повести, "Айгүл тоо", "Нойгуттун кызын издеп" ж.б. бир топ чыгармалары ошол таасирлерден жазылган. Ал сюжет издеп, каарман издеп, кайыш курткасын кийип, торбосун асынып, кеткиси келген жакка кетип калчу. Жазуучу болом деген киши Ата Журтун бир сыйра жөө кыдырып чыгышы керек дейт. 70-жылдардын соңунда Баткендин Кыштут айылынан ары эки мугалим жигит менен кырк чакырым жол басып, сокмо жолдордон, жалгыз аяк кыялардан, кылкылдак көпүрөктөрдөн, кылт этсең Көк-Дайрага (Сох дайрага) кулай турган баш айлантма аска боолорунан өтүп Зардалиге барат. Ал көп чыгармаларын кыялындагы элестерден жазчу, анын кыялы өтө учкул, романтикасы бай эле. Чындык менен кыялды укмуштай ашташтырчу...

Кинонун кыйындары менен бирге окуган. 1965-1967-жылдарда Москвадагы Мамкинонун алдындагы киносценаристтер менен кинорежиссерлордун жогорку курсунун угуучусу болуп жүрүп, мыкты чыгармачыл адамдарга туш келген. Устаты кадимки "Жоро" фильмин тарткан Семен Нагорный. Курсташтары, же бир курс ары-бери окугандары Рүстөм Ибрагимбеков, Андрей Битов, Грант Матевосян, Анатолий Ким, Тимур Пулат, Тимур Зулфукаров, Эльдар Радзинский, Кубат Жусубалиев... "Бул да коога эмес", "Көчө", (Р.Ибрагимбеков менен бирге), "Квартирант", "Аталардын жери" деген көркөм фильмдердин, академик Константин Юдахин, Зууракан Кайназарова жөнүндө документалдуу фильмдердин, ондон ашык хроникалык-документалдык кинолордун сценарийлерин жазган.

"Көчөдөн" даңгыр жолго... Москвадан окуп келип, 1968-жылы "Кыргыз телефильм" студиясына редактор болуп ишке орношот, ошол жылдарда "Көчө" фильминин сценарийи жазылат. Чачылган кыштактарды ирилештирүү нооканы жүрүп жаткан, кино ошол тууралуу трагедиялуу болмок, бирок фильм тарткандар бийликтен корунуп, комедияга ооп туруп алышат. 1972-жылы "Көчө" фильминин сценарийи конкурста сыйлыкка жетип, ага 750 рубль берилет. Картинаны "Кыргызфильм" студиясы 6 миң рублге сатып алып, прокаттан 12 миң рубль жазылып, кыскасы, кармалгандан тышкары 12 миң рубль колуна тиет. Бул агезде чоң акча болчу. Ошого элде жок кылып айылына, кырга, бак арасына бышкан кыш менен беш бөлмөлүү үй салат. Ошол жерде отуруп алып, Михаил Шолохов Дон боюнда жазгандай жазамын деген…

Ош театрынын ооматына салым кошкон. 1972-жылы ачылган Оштогу кыргыз драма театрынын труппасына эки жылдан соң адабият бөлүмүнүн башчысы катары Мурза Гапаров кошулду. Ал жер чыныгы чыгармачыл чөйрөгө айланды. Өзгөчө таланттуу режиссёр Искендер Рыскулов, актёрлор Дүйшөн Байдөбөтов, Акылбек Абдыкалыков, Мукамбет Токтобаев, Токтобек Сатаров, Гүлайым Каниметова, Назира Мамбетова, Тынарбек Аманов, Марат Алышбаев, Бекин Сайдахматов, Ташбек Кудайбергенов дал ушул Мурза Гапаров менен бирге өнөрлөрүн өрчүттү. Ошол кезде – 1975-жылы "Кадыр түн" деген пьесасы коюлуп, кыргыз драматургиясына жаңылык алып келди. 1979-жылы "Дарыялардын шоокуму" драмасы сахнага чыкты. Ош облустук жетекчилердин каршылыгынан улам даярдалып, афишалары илинип калган "Разияны эскерүү, же өзүбүздү өзүбүз ойнойбуз" деген пьесасы сахнадан алынып калган. Ошол жылдары Оштун борборунда, жака-белинде кыргыз драма театры эпсиз узун эшелонду сүйрөп алып бараткан паровоздой, Мурза Гапаров жазган Памирдеги "ак поезддей", короону баштаган эркечтей, колду жоого баштап кирген туу көтөргүч – алтандай вазийпа аткарды. Ошондогу Оштогу ар кыл окуудагы, жумуштагы кыргыз жаштары кийин, мына азыр рухий жактан канчалык байысак, ошол байышыбызда биринчи ролду Ош кыргыз драма театры аткарды.

Жазган каармандарын турмуштан алган. Хорог шаарында бир жолу таанышкан адамы Гапаровдун "Кара-Көлдүн каздары" деген аңгемесине киргизилген. Ал Мургабдагы Кара-Көлдү, андагы жүрөгүнө жакын адамдарды, көл үстүн бербей кыйкуулаган каздарды эстеп, бирок аларга мына барам, ана барам деп бара албай жүргөн, "токойдо ырдап жүргөн мас булбул" өңдөнгөн адам болуп Карамшо деген ат менен каарман болуп чыга келди. "Кыштакчадагы" жаш завуч – Гапаров менен акыркы учурга чейин байланышып жүргөн Азиз Сейитбеков, мергенчи – кадимки Мургабдагы атактуу аңчы Чыныбай аба, "Көчөдөгү" Аваз – өзүнүн үкаси, Коңурбай раис – Мамасыдык Коңурбаев, Малике – Инаят эже, Ормотой шыбакчы, Туман мерген, Абдилла бешикчи, шыпыргы сатуучу Нышанбай – баары бир айылдын жашоочулары. Тарбиялаган таенеси "Байчечек" аңгемесинде чагылдырылат.

Хемингуэй болбой калган Гапаров. Жазуучу Гапаров пайгамбар жашында түрктөрдүн "Zaman Кыргызстан" гезитине баш радактор болуп иштеди. Биринчи күндөрдө Хемингуэй журналист-жазуучу болгон деп шыктанып да алды. Хем экзотика издеп "кара континентке" кеткендей, мен да бир убакта ошол кишини өрнөк тутуп "дүйнө чатыры" Памирге кеткенмин деди. Эми да эл-жер кыдырып бир эргийм деди. Турмушту өзү көп окуган хемунгуэйчесинен көрүп, анан кийин жазам деди. Бирок өзүнүн жазуу ыкмасын, маданиятын бузуп алып, анан кийинки тагдырын гезиттик стилдин супсак жазууларына тушуктурбады. Ал кишиден журналист чыкпай калды, балким гезиттердин саясаты да ага тоскоолдук кылгандыр... Бирок ал киши журналистикага келип идея жактан да, стиль жактан да бузулган жок, таза жазуучу бойдон өзүн кармай алды...

Аялдары. Ал аялдарды өзгөчө сүйүп өттү. Биринчи аялы, өзү айткандай, байбичеси Алмажан Осмонкулова 19 жашында, анда жазуучу 31 жаш кезинде, 1967-жылы турмушка чыкты. Экөөнүн айырмасы 12 жаш эле. Экинчи аялы Галина Ивановна (аны Галия дечү) болсо 1984-жылы 24 жашында 48ге келген жазуучунун колун кармады. Экөө менен тең Мурза Гапаров барып-келип катташып жашады, атүгүл экөө биригип, бири салатын жасап, бири тамагын жасап мейман күткөн күндөрү болду. Галия Гапарова Токмокко жакынкы ивановкалык чуваш кызы, дүйнөлүк маданиятты абдан кана окуган, түшүнгөн, эстетикалык табити татымдуу жан эле. Чыгармачылыкка өнөктөш автор болуп "Мээримдүү Мээри" ("Мээри дүлөйдүн турмушу жана сүйүүсү" (1993), "Бар үмүтүм сенде, София Булан" (1993), "Өлгүм келет, спонсор керек" (1995), "Кызганчаак келиндердин кечеси" (1997) пьесаларын, экөөнүн ортосунан туулган кызы Айкыз Гапарова менен өнөктөшүп "Караван сарай" драмасын жазган.

Нооруз десек Мурза Гапаровду түшүнөбүз. Союз учурунда кыйла саясатчылар, алардын ичинде жазуучулар компартиянын катарына өтүп, саясатташып, динди жерип, өткөндүн баарын кылычтап шылып таштаган. Анан кайра куруу дегени башталып, эскини тикелейли десек, аларын билген пенде жок. Издеп-издеп Мурза Гапаровду табышкан. "Атылбай калган текедей" жүрүптүр, эски Ноорузду эсинде сактап. Кереги тийди. Биз жерип ийген, ыргытып таштаган, унутуп калган нерселерди быркырап сынган карапаны кайра бирден тергендей терип, чогултуп, кураштырып чыкты. Миң киши, бир система бузган нерсени бир киши оңдоп берди. Ал киши чоң майдандагы, окуу жайлардагы Нооруз майрамынын сценарийин жазып берди. Гапаровдон Ноорузду билдик. Ал киши жерден ысык чыгып, асмандан нур келип, тили каткан парандаларга тил кирип, чээнде жаткан казандалар аптапка чыгып, кыш топтогон тоң кетип, топуракка тап келген, улустун улуу күнү, кыргыздын жаңы жылы Ноорузда туулган.

Түштүн таасири. Мурза Гапаровдун "Күнөстүү арал" повести бүтүндөй түш — шаардык кыз Жаңылдын жаңгак токоюнда жашагандар тууралуу түшүндө көргөндөрү. Жазуучунун бир китебинин аталышы да "Жаңгак токоюнун жомоктору". Түшүндө адам өлтүрүп, анан ойгонуп "Туздуу чөл" пьесасы жазылган. Өмүр күзүнүн кайсыл бир жылдары ал кайсыл бир гезиттен түшүн сатып жүргөн япон кишиси тууралуу жомок окугандыгын, аны орус тилине Вера Маркова деген аял которгондугун, ошол китеп керек экендигин жолуккан сайын айта берчү. Кийин зайыбы экөө ал китепти түк эч жерден таппай, акыры маркум болгон Маркованын кызын сүрүштүрүп, ага телефон чалат. Кызы болсо сөзсүз жардам берерин айтып, анан бир нече күндөн соң деги эле апасы андай китеп которбогондугун, деги эле андай жомок япондордо болгон-болбогонун, өзүнө жакын кишилер билбегендигин телефондо билдириптир. Андай болсо Мурза Гапаров эмне түш сатуучуну түшүндө көрдүбү дейсиң?..

Ташпанар — эстелик. Мурза Гапаров сүрөтчү уулу Исраилге өлгөндө бейитбашыма сүрөтүмдү койбогула дептир. Япон стилиндеги ташпанар коюп койгула дептир. Ошентишти. Өлгөнгө чейинки элиталардын заңгыраган мүрзөлөрүнүн арасында жөпжөнөкөй бир эстелик-фонарь турат. Белгисиз бир кол дал ошол фонарды көтөрүп, япондордун байыркы шаары Киотого же тазалыктын тоосу Фудзиямага быжырап аябай көп ажайып гүлдөрүн самсаалатып төгүп турган сакураларды аралап, дервиш сымал жай басып бараткандай… Ал киши сууктан коркчу экен. Гапаров 2002-жылы 11-июнда, жайдын ысыгында — балким кылымдын эң ысык күнүндө үзүлдү…

1494
Белгилер:
Нооруз, пьеса, аңгеме, жазуучу, Адабият, Мурза Гапаров, Кыргызстан
Тема:
Кыргыздын көркөм өнөрү, белгилүү инсандары жөнүндө фактылар (358)
Тема боюнча
20 жолу үйлөнүп, 21 ирет баласы чарчап калган Барпы акын жөнүндө 15 факт
Жоголуп кеткен "Дивани лугат-ат-түрк". Махмуд Кашгари тууралуу 12 факт

Бишкектеги эң ири граффитилер тарыхы. Көчө сүрөткеринин мыкты 8 эмгеги

52
(жаңыланган 17:28 07.08.2020)
  • Айгүл, Doxa. № 12 мектеп, 2014-ж. сентябрь. Сүрөтчү Семен Чуйковдун белгилүү чыгармасы. Биз ушундай жол менен Чуйковдун эмгегин жаштарга таанытууну каалаганбыз, — дейт Петровский.
  • Баскетболчу таштанды баштыгын контейнерге ыргытып жатат, Basic Colour сүрөткерлер тобу. Молдокулов атындагы Инновациялар технологиясы улуттук мектеп-лицейи, 2016-ж. июль. Граффити шаардыктарды тазалыкты сактоого чакырат.
  • Бурулай Турдалы кызы, Doxa тобу. Бишкектеги медициналык колледжи, 2018-ж. ноябрь. Бул эмгек Жайыл райондук милициясында өлтүрүлгөн 20 жаштагы кыздын элесине арналган.
  • Өзү өрт болуп күйүп, өзгөлөргө нур чачкан, Doxa. Улуттук госпиталдын имараттарынын бири, 2020-жылдын июль айы. Картина Медицина кызматкерлеринин күнүнө арналган. Сүрөтчү мындан өзүнүн пневмонияга кабылып калганын көрсөткөн рентген кагазын кармап турган дарыгердин образын тарткан.
  • Жазуучу Чыңгыз Айматов. Жал-23 кичи районундагы көп кабаттуу үй, 2019-жылдын май айы. Сүрөтчүлөр бул эмгекти Шаар күнүнө белек деп аташты. Ал Бишкек шаар кеңешинин төрагасы Жаныбек Абировдун буюртмасы менен жасалган.
  • Дубалга таажынын сүрөтүн тарткан кыз, Doxa. 5-кичи районундагы көп кабаттуу үй, 2016-жыл. Бириккен Улуттар Уюмунун буюртмасы менен Балдарды коргоонун эл аралык күнүнө карата тартылган.
  • Шатыда турган бала, Doxa. Бул эмгек 2014-жылы бир курулуш компаниянын буюртмасы менен тартылган. Бала үйгө суу куюп турат, ал өсүп жатат. Картина келечегиңди бала кезден баштап кур дегенди туюнтат, — дейт сүрөтчү.
  • Семен Чуйковдун Кыргызстан гүлдөрү сүрөтүндөгү кыздар заманбап реалдуулукка өтөт, 2019-жылдын декабрь айы. Бул эмгек жол эрежелерин сактоонун маанилүүлүгүн эскертет.
Бишкектин имараттарында кесипкөй сүрөткерлердин колунан жаралган граффити пайда болсо, ал дароо эле өзүнчө көркөм кооздук болуп калат.

Биз шаардагы эң чоң граффитилерди издеп көрдүк. Doxa сүрөткерлер тобунунун катышуучусу Дмитрий Петровский бизге кеңешчи болду. Бишкектиктерге жаккан бул эмгектердин тарыхы Sputnik Кыргызстандын сүрөт баянында.

52
  • Айгүл, Doxa. № 12 мектеп, 2014-ж. сентябрь. Сүрөтчү Семен Чуйковдун белгилүү чыгармасы. Биз ушундай жол менен Чуйковдун эмгегин жаштарга таанытууну каалаганбыз, — дейт Петровский.
    © Sputnik / Табылды Кадырбеков

    "Айгүл", Doxa. № 12 мектеп, 2014-ж. сентябрь. Сүрөтчү Семен Чуйковдун белгилүү чыгармасы. "Биз ушундай жол менен Чуйковдун эмгегин жаштарга таанытууну каалаганбыз", — дейт Петровский.

  • Баскетболчу таштанды баштыгын контейнерге ыргытып жатат, Basic Colour сүрөткерлер тобу. Молдокулов атындагы Инновациялар технологиясы улуттук мектеп-лицейи, 2016-ж. июль. Граффити шаардыктарды тазалыкты сактоого чакырат.
    © Sputnik / Табылды Кадырбеков

    Баскетболчу таштанды баштыгын контейнерге ыргытып жатат, Basic Colour сүрөткерлер тобу. Молдокулов атындагы Инновациялар технологиясы улуттук мектеп-лицейи, 2016-ж. июль. Граффити шаардыктарды тазалыкты сактоого чакырат.

  • Бурулай Турдалы кызы, Doxa тобу. Бишкектеги медициналык колледжи, 2018-ж. ноябрь. Бул эмгек Жайыл райондук милициясында өлтүрүлгөн 20 жаштагы кыздын элесине арналган.
    © Sputnik / Табылды Кадырбеков

    "Бурулай Турдалы кызы", Doxa тобу. Бишкектеги медициналык колледжи, 2018-ж. ноябрь. Бул эмгек Жайыл райондук милициясында өлтүрүлгөн 20 жаштагы кыздын элесине арналган.

  • Өзү өрт болуп күйүп, өзгөлөргө нур чачкан, Doxa. Улуттук госпиталдын имараттарынын бири, 2020-жылдын июль айы. Картина Медицина кызматкерлеринин күнүнө арналган. Сүрөтчү мындан өзүнүн пневмонияга кабылып калганын көрсөткөн рентген кагазын кармап турган дарыгердин образын тарткан.
    © Sputnik / Табылды Кадырбеков

    "Өзү өрт болуп күйүп, өзгөлөргө нур чачкан", Doxa. Улуттук госпиталдын имараттарынын бири, 2020-жылдын июль айы. Картина Медицина кызматкерлеринин күнүнө арналган. Сүрөтчү мындан өзүнүн пневмонияга кабылып калганын көрсөткөн рентген кагазын кармап турган дарыгердин образын тарткан.

  • Жазуучу Чыңгыз Айматов. Жал-23 кичи районундагы көп кабаттуу үй, 2019-жылдын май айы. Сүрөтчүлөр бул эмгекти Шаар күнүнө белек деп аташты. Ал Бишкек шаар кеңешинин төрагасы Жаныбек Абировдун буюртмасы менен жасалган.
    © Sputnik / Табылды Кадырбеков

    "Жазуучу Чыңгыз Айматов". Жал-23 кичи районундагы көп кабаттуу үй, 2019-жылдын май айы. Сүрөтчүлөр бул эмгекти Шаар күнүнө белек деп аташты. Ал Бишкек шаар кеңешинин төрагасы Жаныбек Абировдун буюртмасы менен жасалган.

  • Дубалга таажынын сүрөтүн тарткан кыз, Doxa. 5-кичи районундагы көп кабаттуу үй, 2016-жыл. Бириккен Улуттар Уюмунун буюртмасы менен Балдарды коргоонун эл аралык күнүнө карата тартылган.
    © Sputnik / Табылды Кадырбеков

    "Дубалга таажынын сүрөтүн тарткан кыз", Doxa. 5-кичи районундагы көп кабаттуу үй, 2016-жыл. Бириккен Улуттар Уюмунун буюртмасы менен Балдарды коргоонун эл аралык күнүнө карата тартылган.

  • Шатыда турган бала, Doxa. Бул эмгек 2014-жылы бир курулуш компаниянын буюртмасы менен тартылган. Бала үйгө суу куюп турат, ал өсүп жатат. Картина келечегиңди бала кезден баштап кур дегенди туюнтат, — дейт сүрөтчү.
    © Sputnik / Табылды Кадырбеков

    "Шатыда турган бала", Doxa. Бул эмгек 2014-жылы бир курулуш компаниянын буюртмасы менен тартылган. "Бала үйгө суу куюп турат, ал өсүп жатат. Картина келечегиңди бала кезден баштап кур дегенди туюнтат", — дейт сүрөтчү.

  • Семен Чуйковдун Кыргызстан гүлдөрү сүрөтүндөгү кыздар заманбап реалдуулукка өтөт, 2019-жылдын декабрь айы. Бул эмгек жол эрежелерин сактоонун маанилүүлүгүн эскертет.
    © Sputnik / Табылды Кадырбеков

    Семен Чуйковдун "Кыргызстан гүлдөрү" сүрөтүндөгү кыздар заманбап реалдуулукка өтөт, 2019-жылдын декабрь айы. Бул эмгек жол эрежелерин сактоонун маанилүүлүгүн эскертет.

Белгилер:
маданият, граффити, Бишкек
Тема боюнча
Стрит-арт борбор калаанын көчөлөрүндө
Эмен багы галереясынын арт-директору Чолпон Тентиева

Тентиева: коронавирус менен күрөштө искусство адамдары четте турбайт

66
(жаңыланган 17:06 07.08.2020)
"Эмен багы" галереясынын арт-директору Чолпон Тентиева карантинден кийин жарандар үчүн көргөзмөлөр эшигин ачканын айтты.
Тентиева: коронавирус менен күрөштө искусство адамдары четте турбайт

Жарандарга өзгөчө көргөзмө тартуулоону пландап жатабыз. Анда коюлган иштер толугу менен сатыкка чыгарылат. Түшкөн каражатты коронавирус менен күрөшүүгө которобуз. Бул тууралуу Чолпон Тентиева Sputnik Кыргызстан радиосуна маек куруп жатып билдирди.

Анын айтымында, аталган көргөзмө 15-августка карата уюштурулат.

Жаманкулов: августта маданий жайлардын ишмердүүлүгү онлайн уланат

"Эмил Насритдинов аттуу сүрөтчү менен бирге өзгөчө көргөзмө уюштурууну пландап жатабыз. Ал жети күн уланып, офлайн жана онлайн форматта болот. Анда акварель түрүндөгү 50гө чукул ишти сатыкка чыгарабыз. Сатыктан түшкөн каражатты коронавирус менен күрөшүүгө багытталган фонддорго которобуз. Эпидемия менен күрөшүүгө жапа тырмак киришип жатабыз. Ошондуктан сүрөтчүлөр дагы четте турбай өз салымыбызды кошууну туура деп таптык. Ошондой эле башкаларга дагы үлгү болот деген ишеним менен бул долбоорду демилгеледик", — деди Тентиева.

Ошондой эле ал "Эмен багы" галереясы бир топ пландалган иштерди эпидемияга байланыштуу жылдырууга туура келгенин кошумчалады.

66
Белгилер:
Эмен багы паркы, коронавирус, көргөзмө
Тема боюнча
Кино камындагы Жакиев, Базаров, Кыдыралиев... Мөлтүрөгөн жаштык кезден таберик сүрөт
Ысык-Көл. Архив

Ишембиге карата аба ырайы

0
(жаңыланган 21:32 07.08.2020)
8-августта түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 7-авг. — Sputnik. Эртең, 8-августта, күндүз Талас облусунун айрым райондорунда жана Чүйдүн тоо этектериндеги аймактарында өткүн өтөт. Республиканын башка облустарында күн ачык болот. Бул тууралуу Кыргызгидромет билдирди.

Абанын температурасы Чүйдө +32...+37, Талас өрөөнүндө +30...+35, Ош, Жалал-Абад жана Баткенде +33…+38, Ысык-Көл аймагында +24...+29, Нарын жергесинде +25...+30 градус болот.

Ал эми Бишкек, Ош жана Чолпон-Ата шаарларында жамгыр жаабайт. Күндүн табы борбор калаада +35...+37, Ош шаарында +36 ...+38,  Чолпон-Атада +24...+26 градусту көрсөтүп турат.

0
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы