"Кыргыз кереметин" жараткан залкарлар эс алууда. Таберик сүрөт

197
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, анын тарыхын баяндоону улантат.
Драматург Мар Байжиев, Кыргыз ССРинин кинематография боюнча мамлекеттик комитетинин төрагасы Шаршен Усубалиев, режиссер Төлөмүш Океев жана жазуучу Түгөлбай Сыдыкбековдун сүрөтү 1983-жылы Чүй облусунун Москва районундагы Мураке айылында тартылган.
© Sputnik / Александр Федоров.

Драматург Мар Байжиев, Кыргыз ССРинин кинематография боюнча мамлекеттик комитетинин төрагасы Шаршен Усубалиев, режиссер Төлөмүш Океев жана жазуучу Түгөлбай Сыдыкбековдун сүрөтү 1983-жылы Чүй облусунун Москва районундагы Мураке айылында тартылган.

Ал күнү кыргыз кинематографиясына эмгеги сиңген Шаршен Усубалиевдин 60 жашы белгиленип, бир топ интеллигенция өкүлдөрү чогулган.

Ошол учурду Кыргыз эл жазуучусу, сценарист, драматург Мар Байжиев мындайча эскерет:

"Кыргыз ССРинин маданият министри Күлүйпа Кондучалова 1950-жылдардын аягында жаңы ачылган "Кыргызфильм" киностудиясына Шаршен Усубалиевди директор кылып дайындаган. Мен жаңы эле жогорку окуу жайды бүтүп, аймакта мектептин директорунун орун басары болуп иштеп баштагам. Мени кайра Фрунзеге чакыртып, киностудияда редактор болуп иштеп калдым. Ал жылдары Төлөмүш Океев дагы жаңы эле үн режиссерлукту аяктап, Кадыржан Кыдыралиевдин курагындагылар студент болчу. Шаршен Усубалиев ошолордун баарын чогултуп, жумушка орноштуруп, киночулардын демилгелерин колдоп, бир топ жакшы иштерди жасады. Кичи пейил, патриот инсан болчу. Ал атамекендик кинематография тармагынын өнүгүүсүнө биринчилерден болуп кадам таштаган. Мындан сырткары, ал Улуу Ата Мекендик согушка Панфилов дивизиясынын курамында катышкан. Ал эми сүрөттөгү киночулардын арасындагы Түгөлбай Сыдыкбеков аксакалыбыз эле. Жазуучуга дайыма сценарийди көргөзүп акыл-насаатын, сын-пикирин угуп иштечүбүз. Ошонун аркасында "кыргыз керемети" жаралып, Сүймөнкул Чокморов, Таттыбүбү Турсунбаева өңдүү улут жүздөрү жаралган", — деди драматург.

Ал жылы Мар Байжиев 48, Шаршен Усубалиев 60, Төлөмүш Океев 47, Түгөлбай Сыдыкбеков 71 жашта болгон.

197
Белгилер:
таберик сүрөт, Мар Байжиев, Төлөмүш Океев
Тема боюнча
Арыз-муңузбузду Айтматовго айтчубуз. "Ак кемедеги" залкарлардын таберик сүрөтү
Чолпон жылдыздар Дооронбек Садырбаев менен Айсулуу Токомбаева. Таберик сүрөт
Ат минген Ажыбекова, Бейшеналиев, Кутманалиев. Залкарлардын таберик сүрөтү

Кемедеги Сүймөнкул Чокморов менен айылдык келин. "Кызыл алмадан" таберик сүрөт

130
(жаңыланган 15:00 27.05.2020)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
Белгилүү актер, сүрөтчү Сүймөнкүл Чокморов менен белгисиз келин. 1975-жыл Ысык-Көл облусу
© Фото / Александр Федоров

Белгилүү актер, сүрөтчү Сүймөнкүл Чокморов менен айылдык белгисиз келиндин сүрөтү 1975-жылы Ысык-Көл облусунда тартылган. Сүрөттүн автору Александр Федоровдун айтымында, айылдагы үйлөнүү тойду тартуу үчүн элеттиктер массовкага чогултулган.

Ал жылы КРдин эл артисти, атактуу режиссер Төлөмүш Океев жазуучу Чыңгыз Айтматовдун аңгемесинин негизинде "Кызыл алма" тасмасын тартып, Чокморов башкы каарман Темирдин образын жараткан. 

Ошол учурду режиссер "Советтик фильм" журналына "мен бир нече тасманын режиссеру, тажрыйбалуу адам катары кээде жаш кесиптештерим менен жолугуп, чыгармачылык баарлашуу кылып турушум керек окшойт" деп жазган.

Чокморов менен Океев жакшы мамиледе эле. Залкар актер режиссердун "Отко таазим" (1972), "Көк серек" (1974), "Кызыл алма" (1975), "Улан" (1977) тасмаларында башкы ролдорду аткарган. 

"Кыргыз кереметинин" түптөөчүлөрүнүн алакасы жөнүндө Төлөмүш Океевдин жубайы Жумаш Өмүрова автобиографиялык китептин биринде мындайча эскерген:

"Сүймөнкул Чокморов каза болгондон кийин Төлөмүш көпкө чейин өзүнө келе албай, көп эскерип, жоктоп жүрдү. "Келечек" киностудиясынын атынан анын сүрөттөрү менен календарь чыгарып, Анкарада ал сүрөттү калыпка салып өзүнүн кабинетине илип койгон. Кийин, тилекке каршы, анын жанына Болот Миңжылкыевдин портрети илинип калды. Төлөмүш алар менен сүйлөшүп, жан дүйнөсүнө азык алчу. Бирок жолдошум ал сүрөттөрдү көрүп алып өзүн кандай сезерин элестетүү өтө кыйын болчу", — деген Өмүрова.

СССРдин эл артисти, Кыргыз ССРинин эл сүрөтчүсү, таланттуу актер Сүймөнкул Чокморов тууралуу кызыктуу фактыларды Sputnik Кыргызстан агенттигинин материалынан окуңуздар.

 

130
Белгилер:
таберик сүрөт, "Кызыл алма" тасмасы, Сүймөнкул Чокморов, Кыргызстан
Тема:
"Таберик сүрөт" — сейрек кездешкен ирмемдер
Тема боюнча
Тасмаларына илимий мамиле жасачу. Убукеевдин "Манас ааламынан" таберик сүрөт
"Кыргыз кереметин" жараткан залкарлар эс алууда. Таберик сүрөт
Суу бойлоп... Төлөмүш Океев менен Таттыбүбү Турсунбаеванын таберик сүрөтү
Баланы көтөргөн киши. Архивдик сүрөт

Өлкөдө бөбөктөрдүн майрамын утурлай онлайн жумалык башталды

117
Кыргызстанда 27-майдан 1-июнга чейин өтө турган жумалыктын алкагында бир катар иш-чаралар уюштурулуп, ЖМКлар аркылуу көрсөтүлөт.

БИШКЕК, 27-май — Sputnik. Маданият, маалымат жана туризм министрлиги Балдарды коргоо күнүнө карата "Бактылуу балалык" онлайн жумалыгын жарыялады. Бул тууралуу аталган мекеменин маалымат кызматы билдирди.

Ага ылайык, ушул жылдын 27-майынан 1-июнга чейин өтүүчү жумалыктын алкагында "Поэзия күнү", "Жомок күнү", "Сүрөт жана көркөм тасма күнү", "Музыка күнү", "Театр күнү" жана "Нур замандын балдары" аталышындагы майрамдык иш-чаралар онлайн форматында болот.

Иш-чаралардын жүрүшү жалпыга маалымдоо каражаттары аркылуу берилип, социалдык медиалардан чагылдырылат.

Министрлик бөбөктөрдү келе жаткан майрамы менен куттуктап, жумалыктын жүрүшүнө бардык жарандарды активдүү катышууга чакырды.

117
Белгилер:
иш-чара, жумалык, майрам, бөбөктөр, бала, Кыргызстан
Тема боюнча
Студенттер дипломдук ишин онлайн жактап, кээ бир экзамендер күзгө калат
Бишкектин кайсы жерине мектеп, бала бакча салынат? Тизме
Кыргыз Республикасынын Биринчи вице-премьер-министри Кубатбек Боронов Республикалык штабдын жыйынында. Архив

Боронов: вирустун очогу көбөйүп, медиктерге өзү кайрылгандардын саны өстү

11
(жаңыланган 11:26 28.05.2020)
Биринчи вице-премьер санитардык талаптар, үй карантини, обсервация режими жана башка бекитилген ченемдер так сакталышы керектигин эскертти.

БИШКЕК, 28-май — Sputnik. Коронавирусту качан жана кайдан жуктуруп алганын билбей өздөрү ооруканага кайрылган учурлар көбөйдү. Бул тууралуу Республикалык штабдын жыйынында биринчи вице-премьер Кубатбек Боронов билдирди.

Ал оору көп тарап жаткандыктан коопсуздук чараларын күчөтүү зарылдыгын белгилеген.

"Вирустун белгилери бар жарандар медициналык мекемелерге өзү кайрылган фактылар көп чыгып жатат. Алар оорулуулар менен түз байланышта болгон эмес. Кайдан, кантип илдетти жуктуруп алганын да билишпейт. Бул оору очокторунун көбөйгөндүгүнөн кабар берет. Демек, бардык коопсуздук чараларын күчөтүү зарыл. Санитардык талаптар, үй карантини, обсервация режими жана башка бекитилген ченемдер так сакталышы керек", — деген Боронов.

Ал жарандар кайдыгерлиги үчүн жоопко тартыларын эскертип, коомдук жайларда, транспортто, эл көп топтолгон жерлерде өз коопсуздугу үчүн бет кап кийүүсүн айткан.

11
Белгилер:
оору, очок, коронавирус, Кубатбек Боронов, Кыргызстан
Тема:
Кыргызстандагы коронавирус жуктуруп алгандар
Тема боюнча
Кыргызстанда COVID-19га антителого анализ тапшырса болобу? Министрликтин жообу
Соль-Илецк менен Бузулуктан келген канча адамдан вирус табылганы айтылды