Белгилүү кино жана театр актеру, кыргыз эл артисти Чоро Думанаев. Архив

Окуусун таштап кино тартууга качкан студент. Актёр Чоро Думанаев жөнүндө 6 факты

520
(жаңыланган 21:09 20.06.2020)
Бүгүн белгилүү кино жана театр чебери Чоро Думанаевдин туулган күнү. Өмүрүн театрга арнап, бирок экрандын да жылдызына айланган бул инсан 68 жашка толду.

Sputnik Кыргызстан агенттиги Чоро Думанаев жөнүндө фактыларды сунуштайт.

Он жашында киного тартылган. Чоро Думанаев 1952-жылы 20-июнда Нарын облусундагы Миң-Булак айылында колхозчунун үй-бүлөсүндө жарык дүйнөгө келген. Балалыгы Фрунзе шаарында актёр Асанкул Осмонов агасыныкында өткөн. Анткени атасы уулун борбор калаага билим алууга жөнөткөн. Элеттен келген бала орус тилин билбегендиктен кайра он жашында биринчи класска кирип, ошол эле жылы "Космонавттар көчөсү" киносуна тартылган.

Народный артист Кыргызстана Чоро Думанаев во время съемок фильма
© Фото / Александр Федоров
Бүгүн белгилүү кино жана театр чебери Чоро Думанаевдин туулган күнү. Өмүрүн театрга арнап, бирок экрандын да жылдызына айланган бул инсан 68 жашка толду

Окуусун таштаган студент. Думанаев жаштайынан чыгармачыл инсандарга, кино жана театр тармагына аралашып, жуурулушуп кеткен. Мектепти аяктаган соң аны агасы курулуш техникумуна тапшырткан. Бирок маданиятка жакын болгон жаш жигит эч кимге айтпай окуусун таштап, режиссёр Болот Шамшиевге кошулуп, кино тартууга кетип калган. Ошентип Төлөмүш Океев, Геннадий Базаров сыяктуу залкарлар менен да иштешип, бир катар фильмдерде роль жараткан.

Артисттигин арттырып, Токтоболот Абдымомунов атындагы Кыргыз мамлекеттик академиялык драма театрынын алдындагы студияны 1974-жылы бүтүрүп, кийин Ташкент шаарындагы Николай Островский атындагы театралдык институтту аяктаган.

Народный артист Кыргызской ССР Советбек Жумадылов и Народный артист Кыргызстана Чоро Думанаев во время съемок фильма Каныбек
© Фото / Александр Федоров
Элеттен келген бала орус тилин билбегендиктен кайра он жашында биринчи класска кирип, ошол эле жылы "Космонавттар көчөсү" киносуна тартылган

Думанаев жана кино. Чоро Думанаев "Көчө", "Ак кеме", "Кызыл алма", "Отко таазим", "Дилетант", "Ысык-Көлдүн кызгалдактары", "Каныбек", "Ак илбирстин тукуму", "Чиркин өмүр", "Шаркыратма" сыяктуу түрдүү жанрдагы 20дай кино картиналарда роль жаратып, көрүүчүлөрдүн сүймөнчүлүгүнө айланган.

Үй маселеси. Чыгармачыл инсан узак убакыт үйлүү боло албай кыйналып, 20 жылдан ашык убакыт жатаканада күн кечирген. Бул туурасында өзү да айтып берди. Үч жыл мурда жеке ишкер ага бир бөлмөлүү батирди белекке берип, артист көптөн күткөн турак-жайга ээ болгон.

Народный артист Кыргызстана Чоро Думанаев и Аскат Сулайманов во время спектакля
© Фото / пресс-служба Кыргызского драмтеатра им. Абдымомунова
КРдин эмгек сиңирген артисти Кыргыз мамлекеттик академиялык драма театрында 1975-жылы иштей баштаган. Актёр 45 жылдан бери аталган театрда эмгектенип келет

Театрга арналган өмүр жана 45 жыл. КРдин эмгек сиңирген артисти Кыргыз мамлекеттик академиялык драма театрында 1975-жылы иштей баштаган. Актёр 45 жылдан бери аталган театрда эмгектенип, кезинде Муратбек Рыскулов, Сабира Күмүшалиева, Советбек Жумадылов өңдүү залкарлар менен иштешсе, азыр сахнага кийинки муун менен чыгууда. Ал жараткан образдар театр сүйүүчүсүнүн жүрөгүнөн түнөк тапкан.

Народный артист КР Чоро Думанаев
© Фото / из семейного архива Чоро Думанаева
Чоро Думанаев "Көчө", "Ак кеме", "Кызыл алма", "Отко таазим", "Дилетант", "Ысык-Көлдүн кызгалдактары", "Каныбек", "Ак илбирстин тукуму", "Чиркин өмүр", "Шаркыратма" сыяктуу түрдүү жанрдагы 20дай кино картиналарда роль жараткан

Болот Бейшеналиевдин күйөө баласы. Театр жана киноактёр биринчи никесинен эки уулдуу болгон. Экинчи жубайы белгилүү актёр Болот Бейшеналиевдин кызы, алар бир баланы тарбиялап өстүргөн. КР эл артистинин жубайы борбор калаадагы ооруканалардын биринде эмгектенет.

520
Белгилер:
Чоро Думанаев, факты, Актёр, Кыргызстан
Тема:
Кыргыздын көркөм өнөрү, белгилүү инсандары жөнүндө фактылар (366)
Тема боюнча
Москваны багындырган мугалим Кондучалова. Легендарлуу министр жөнүндө 8 факты
Ооруп жүргөн, кээде баспай калчу... Актёр Марат Жантелиев тууралуу 12 факты
Кыргызстандык режиссёр Артыкпай Сүйүндүковдун архивдик сүрөтү

Сүйүндүковдун "Шамбала" тасмасы Россияда эки сыйлыкка татыды

56
(жаңыланган 10:40 24.10.2020)
Кинофильм залкар жазуучу Чыңгыз Айтматовдун "Ак кеме" повестинин негизинде 2018-жылы тартылган. Режиссёр фильм тууралуу идея Айтматовдун көзү барында эле жаралганын айтат.

БИШКЕК, 24-окт. — Sputnik. Кыргызстандык режиссёр Артыкпай Сүйүндүковдун "Шамбала" картинасы Россияда өтүп жаткан XXIX "Киношок" ачык фестивалында дароо эки сыйлыкка татыктуу болду. Бул тууралуу Төлөмүш Океев атындагы киностудиянын маалымат кызматынан кабарлашты.

Толук метраждуу фильмдердин сынагында калыстар тобу Артур Аманалиевди "Шамбаладагы" баланын образын чеберчилик менен көркөм ачып бергени үчүн сыйлады.

Кыргыз режиссёрлорунун "Акыркы көч" тасмасы Таллиндеги фестивалга катышат

Ал эми "Мыкты музыка" сыйлыгы композитор Мурзали Жээнбаевге ыйгарылды.

"Шамбала" Чыңгыз Айтматовдун "Ак кеме" повестинин негизинде тартылган.

56
Белгилер:
Артыкпай Сүйүндүков, Кыргызстан
Тема боюнча
"Оскар – 2020": сыйлык ээлери, 44 млн. доллар корогон салтанат
Кинопленка. Архивдик сүрөт

Кыргыз режиссёрлорунун "Акыркы көч" тасмасы Таллиндеги фестивалга катышат

26
"Темные ночи" кинофестивалы — Канн, Венеция жана Берлин кинофестивалдары сыяктуу дүйнөлүк абройго ээ.

БИШКЕК, 24-окт. — Sputnik. Режиссёр Бакыт Мукул менен Дастан Жапар уулунун "Акыркы көч" аттуу тасмасы Таллинде өтө турчу "Темные ночи" кинофестивалына катышат. Бул тууралуу Sputnik Кыргызстан агенттигине режиссёр Дастан Жапар уулу билдирди.

Анын айтымында, фестиваль 18-ноябрдан 29-ноябрга чейин Эстонияда өтөт.

"Акыркы көч" тасмасы "Кыргызфильм" киностудиясы жана "Билимкана" коомдук фонду менен биргеликте тартылды. Фильмде Марат Алышпаев, Шайыр Касымалиева, Бусурман Одуракаев, Анара Ажыканова, Калипа Усенова, Өмүрзак Токтомуратов сыяктуу белгилүү актёрлор роль жаратты", — деди Жапар уулу.

Белгилей кетсек, "Темные ночи" кинофестивалы 2014-жылдан тарта "А" категориясына кирген. Башкача айтканда, Канн, Венеция жана Берлин кинофестивалдары сыяктуу дүйнөлүк абройго ээ.

Москвада кыргыз театрын ачкан Козубаева: репетиция батиримдин бир бөлмөсүндө өтөт

2018-жылы белгилүү режиссёр Темир Бирназаровдун "Түнкү кырсык" тасмасы аталган кинофестивалда баш байгени жеңип алган.

26
Белгилер:
сынак, режиссер, тасма, кинофестиваль, Таллин
Тема боюнча
Шевченко катышкан Холли Берринин тасмасын Netflix чоң акчага сатып алды
Кыргызстан тууралуу тасма эл аралык фестивалда гран-при алды. Видео
Кант  авиабазасындаг аскер техникасы. Архивдик сүрөт

Кыргызстан "Кант" авиабазасын кеңейтүү сунушу түшсө карап чыгууга даяр

0
(жаңыланган 20:35 24.10.2020)
ТИМ башчысы өлкө бийлиги ЖККУнун "Кант" авиабазасын сактап калуу ниети күч экенин айтты. Казакбаев Россияда иш сапары менен болду.

БИШКЕК, 24-окт. — Sputnik. Кыргызстан ЖККУнун "Кант" авиабазасын кеңейтүү боюнча сунуш түшсө, карап чыгууга даяр. Бул тууралуу РИА Новости агенттигине маек курган тышкы иштер министри Руслан Казакбаев билдирди.

"Кант" базасы сакталып калышы керек. Бул биздин туруктуу позициябыз. Кол коюлган келишимдерди кайрадан карап чыгуу деген болбойт. Эгер Россия же ЖККУ мамлекеттери базаны кеңейтүү маселесин көтөрсө, биз сунушту карап чыгууга даярбыз. Албетте, талкуу жүрөт. Баары сунуш түшкөндөн кийин белгилүү болот", — деди Казакбаев.

Казакбаев бюджетти колдоо боюнча РФ президентинин өкүлү Козак менен сүйлөштү

"Кант" авиациялык базасы ыкчам аракетке келчү Жамааттык күчтүн бир бөлүгү болуп саналып, ЖКУУ мамлекеттеринин аба коопсуздугун камсыздайт.

Руслан Казакбаевдин маеги менен толук расмий тилде таанышууга болот.

0
Белгилер:
Руслан Казакбаев, сунуш, ЖККУ, макулдашуу, "Кант" авиабазасы
Тема боюнча
ТИМ: жылдын аягына чейин бюджет дефицити 450 млн. долларга жетет
ТИМ жетекчиси Казакбаев: өлкөдөгү башаламандыкка сырткы күчтөр да аралашты