Беткап кийип такси айдап жүргөн киши. Архивдик сүрөт

Тамаданы таксист кылган пандемия. Ырчы-чоорчулар кантип жан багууда

(жаңыланган 17:48 22.08.2020)
Пандемияда жашоо образыбыз бир топ өзгөргөнүн айтып жатабыз. Чынында дүйнөнү каптаган апаат экономикага, маданиятка, спортко, күнүмдүк турмушка чындап таасирин тийгизди.

Sputnik Кыргызстан агенттиги маданият өкүлдөрүнө кайрылып, бүгүнкү абалы, коронавирус пандемиясынан улам кабылган кыйынчылыктары жана финансылык жагдайын билип көрдү.
Дүйнөнү селейтип, чарпып өткөн пандемиядан улам көптүн ичинде маданият чөйрөсү да кыйынчылыкка тушукту. Чыгармачыл адамдардын арасында убактылуу курулуш тармагында, күзөт кызматында жана такси айдап иштеп жаткандар бар экенин билебиз.

Опера ырчылары көптөгөн долбоорлордон кол жууду

КРдин эмгек сиңирген артисти, Абдылас Малдыбаев атындагы Кыргыз улуттук академиялык опера жана балет театрынын солисти Кайымбек Кускаков коронавирустан улам бир тууган агасынан айрылган. Ал оорунун атын да атагысы келбегенин айтты.

Посмотреть эту публикацию в Instagram

Публикация от Kuskakov_Kaiymbek (@kaiymbek_kazievich)

“Карантинде концерттерди онлайн түрүндө берүүгө муктаж болдук. Улуу жеңиштин 75 жылдыгына карата пландалган концерт дагы онлайн өттү. Ошондой эле 23-апрелде дүйнөнү дүңгүрөткөн ырчы Болот Миңжылкыевдин 90 жылдыгына карата концертти КТРК тартып, бош залда ырдоого туура келди. Жыл сайын өтүүчү кайрымдуулук концерттер да токтотулуп, онлайн түрүндө гана иштедик. Ошондой эле быйылкы Кыргызстан менен Россиянын ортосундагы эриш-аркак жылында пландалган бир топ маданий долбоорлор ишке ашкан жок”, — деди артист.

Мындан улам ал бир катар коммерциялык долбоорлордон кол жууп, театрдын айлыгына гана күн көрүп жатканын кошумчалады. Театрдын сезону качан ачылары белгисиз. Алар буга чейин ушул сезонго “Акмөөр” жана “Манас” операсын коюуга даярданып жаткан.

Мирбек Атабеков "Мурас" ыры, пара бергени, Instagram баракчаcындагы жубайы тууралуу

Пандемияда эстрада ырчылары жумушсуздуктан депрессияга кабылды

КРдин эмгек сиңирген артисти Алина Жетигенова коронавирус менен ооруп айыккан. Ал мындай ооруну эч кимге каалабай турганын айтты. 

Певица отечественной эстрады Алина Жетигенова
© Фото / предоставлено Алиной Жетигеновой
Алина Жетигенова: чыгармачыл адамдардын жүрөгү назик келет. Вирус көп кишинин өмүрүн алганын оор кабыл алдык. Алакандай эл болсок, кандай болот деген кооптонуу сезими болду
“7-мартта биздин ишибиз толук токтоду. Бирок ага-тууган, жакындар бар экен. Бири-бирибизди колдоп, жардам берип жатып эле акырын кризистен чыгып келе жатабыз. Болбосо такыр эле жумушу жок отуруп калдык. Аябай эле кыйналдык”, — деди ал.

Кыргыз эстрадасында кырк жылдан бери ырдап келе жаткан Алина Жетигенова ырчылык кесибин эч качан алмаштырууну ойлобогонун айтат.

“Пандемияда ырчылардын баары эле кризисти бирдей көтөрдүк окшойт. Себеби биз дагы бири-бирибизге телефон чалып, акыбалыбызды сурап турабыз. Чыгармачыл адамдардын жүрөгү назик келет. Вирус көп кишинин өмүрүн алганын оор кабыл алдык. Алакандай эл болсок, кандай болот деген кооптонуу сезими болду. Шоу-бизнестегилердин колунан келгени элге жардам берип, келбегени тынч үйүндө отурду”, — деди Жетигенова.

"Сармердендин" эрке баласы Талант Карагулов: эрте үйлөнгөм, тун кызым 6-класста

КРдин эмгек сиңирген артисти Мирбек Атабеков карантиндеги жумушсуздук башкаларга караганда ырчылар үчүн өтө татаал болду деген ойдо. 

Популярный кыргызский певец Мирбек Атабеков во время интервью. Архивное фото
© Sputnik / Табылды Кадырбеков
Мирбек Атабеков: кыргыз баары бир тойсуз тура албайт экен. Эпидемиологиялык абал курч болуп турган чакта дагы тойго чакырышты, бирок мен ден соолугумду тобокелдикке салгым келген жок
“Башка кесиптеги адамдар бир аз кыбыраса да иши жүрүп жатты. Бирок ырчылар жумуш жок отуруп калышты. Мындан кадимкидей депрессияга түшөт экенсиң. Үй-бүлөм да алыс жакта болуп, ага жумуштун жоктугу менен эпидемиологиялык курч абал кошулуп кыйналдым. Бирок көбүнчө студияда ырларды жаздырып, алаксыдым. Негизи кыргызды тууганчылдык сапаты сактайт экен. Бири иштебесе бири көтөрмөлөп, жөлөп-таяп пандемиядан чыгып келе жатышат”, — деди ал.

Ошондой эле ырчы карантин учурунда да аны жабык тойго чакыргандар болгонун айтат.

Парламенттик шайлоонун үгүт иштерине ырчы-чоорчулар катыша албайт. Себеби

“Кыргыз баары бир тойсуз тура албайт экен. Эпидемиологиялык абал курч болуп турган чакта дагы тойго чакырышты, бирок мен ден соолугумду тобокелдикке салгым келген жок. Жакында эле туугандарым үйүнө элүү кишилик той берди. Байкасам той кыргыздар үчүн “антидепресант” экен. Тууган-урукту көрүп, жылуу сөз угуп дегендей. Вирус жоголсо, эл тетиринче көп той берет деп ойлойм. Себеби үйлөнүү тоюн же мааракесин жылдырып жаткандар толтура”,— деди ал.

Ал эми шайлоодо үгүт иштерине ырчы-чоорчулардын катышуусуна тыюу салынганын азыркы жагдайда туура чечим деп эсептейт.

Тамадалар таксист болгонго аргасыз

Алып баруучу жана тамада Талант Карагулов пандемияда күнүмдүк жумуштарда иштөөгө дуушар болгондугун моюндады. 

Аккордеонист, певец, тамада Талант Карагулов во время беседы на радио Sputnik Кыргызстан
© Sputnik / Табылды Кадырбеков
Талант Карагулов: тирүү адамдын ырыскысы түгөнбөйт экен. Тамадалардын көбү такси айдап же күнүмдүк жумуштарда иштеп үй-бүлөсүн багууда
“Эң эле аз алган тамадалар тойдо он беш миңден отуз миң сомго чейин алышчу. Алардын катарында мен да бар болчумун. Бир тойдо отуз миң алсаң, кийинки тойдо тааныш аркылуу 10-15 миң алып калган учурлар болот. Бирок беш айдан бери мурда 400-500 доллар тапкан тамадалар, айына беш-алты миң сом албай деле кудайдын ырыскысы менен күн көрүп жатат. Тирүү адамдын ырыскысы түгөнбөйт экен. Тамадалардын көбү такси айдап же күнүмдүк жумуштарда иштеп үй-бүлөсүн багууда”, — деди ал.

Тамада пандемия маалында айылда чарба менен алек болуп жүргөнүнө кошумчалады.

Акындардын 90 пайызы маяна албайт

Төкмө акын Азамат Болгонбаевдин айтымында, акындардын көпчүлүгү мамлекеттик жумушта иштебейт. 

Заслуженный артист КР, акын-импровизатор, основатель Академии Устат Азамат Болгонбаев
© Sputnik / Азамат Тотубаев
Азамат Болгонбаев: пандемия жалпы адамзат үчүн өтө оор болуп турат. Анын ичинде төкмө акындар, манасчылар да бар. Анткени бул тармактагы адамдардын дээрлик көпчүлүгү мамлекеттик жумушта иштебейт
“Пандемия жалпы адамзат үчүн өтө оор болуп турат. Анын ичинде төкмө акындар, манасчылар да бар. Анткени бул тармактагы адамдардын дээрлик көпчүлүгү мамлекеттик жумушта иштебейт. Буга чейин тойдо тыйын-тыпыр таап алышчу. Филармонияда акындардан Амантай Кутманалиев менен Аалы Туткучев гана эмгектенет. Ал эми өзүм тууралуу айтсам, көбүнчө айылда болдум. Бирин-экин мал карап, бир аз дыйканчылык иштер менен алектенип жатам”, — деди ал.

Акын белгилегендей, пандемия төкмө акындардын көп иш-чараларына тоскоол болгон.

Коронавирус да жашасам дейт. COVID-19дун айтыла элек "сырлары" тууралуу маек

“План боюнча август айында Эгемендүүлүк күнүнө карата чоң байге коюлган кыргыз-казак айтышы өтмөк, тилекке каршы бул да болбой калды. Ушуга окшогон бир топ эле иш-чаралар токтоду. Акындардын арасында жеке чыгармачылык кечесин бере турган балдар бар эле, алардын да иши жылдырылды”, — деди Болгонбаев.

Цирк артисттери үч миң сомдун көзүн карап калды

Кыргыз мамлекеттик циркинин директору Фархад Бекмамбетов пандемияда көптөгөн цирк артисттери коронавирус менен ооруп айыкканын айтты. Ошондой эле бул артисттер дагы бир катар долбоорлордон кол жууган. Дагы жакшы туруктуу айлыгы бар, бирок анысы 3-5 миң сом. Демек, абалы кандай экенин айтпаса дагы түшүнүктүү. 

Заместитель министра культуры, информации и туризма Кыргызстана Фархад Бекмамбетов
© Фото / Алия Самидин
Фархад Бекмамбетов: пандемияда көптөгөн цирк артисттери бир катар долбоорлордон кол жууган. Туруктуу айлыгы бар, бирок анысы 3-5 миң сом. Демек, абалы кандай экенин айтпаса дагы түшүнүктүү 
“Жайкы эс алуу учурунда артисттер атайын келишим менен сыртка барып келишчү. Бизге келе турган цирк жамааттарынан биздин артисттер кошумча каражат таап алчу. Мунун баары болбой калды. Жакында кайрадан жумушка чыгабыз деп турабыз. Бирок биздин көрүүчүлөр балдар болгондуктан, бат эле мурдагы ыргакка түшүп кетебиз деп айтуу кыйын. Анткени азыр мектеп, бакчалар иштебей турат”, — деди Бекмамбетов.

Учурда кээ бир цирк артисттери дүкөн иштетип же кошумча каражат булагы аркылуу үй-бүлөсүн багып жатканы кошумчаланды.

Белгилер:
финансы, ырчы, цирк, коронавирус, пандемия, маданият
Тема:
Коронавируска байланыштуу Кыргызстандагы кырдаал (2661)
Тема боюнча
Кыргыз экономикасынын артка кеткен тармактары. Тизме
Кыргызстандык делегация Россиянын Екатеринбург шаарында өткөн Жай - 2021 деп аталган туристтик көргөзмөсүнө катышты

Кыргызстандын өкүлдөрү Екатеринбургдагы туристтик көргөзмөгө катышты

(жаңыланган 14:04 19.04.2021)
Көргөзмөдө делегация мүчөлөрү Ысык-Көл аймагынын туристтик мүмкүнчүлүктөрү менен тааныштырып, ал катышуучулардын жана коноктордун кызыгуусун арттырды.

БИШКЕК, 19-апр. — Sputnik. Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты. Бул тууралуу өлкөнүн Тышкы иштер министрлиги кабарлады.

  • Стенд Кыргызской Республики на международной туристической выставке ЛЕТО-2021 в Екатеринбурге
    Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты
    © Фото / пресс-служба МИД КР
  • Стенд Кыргызской Республики на международной туристической выставке ЛЕТО-2021 в Екатеринбурге
    Иш-чара 16-17-апрель күндөрү өттү. КР делегациясына Екатеринбургдагы Башкы консулдук колдоо көрсөткөн.
    © Фото / пресс-служба МИД КР
1 / 2
© Фото / пресс-служба МИД КР
Кыргызстандык делегация Россиянын Екатеринбург шаарында өткөн "Жай - 2021" деп аталган туристтик көргөзмөсүнө катышты

Иш-чара 16-17-апрель күндөрү өттү. КР делегациясына Екатеринбургдагы Башкы консулдук колдоо көрсөткөн.

"Делегация курамына өкмөттүн Ысык-Көл облусундагы өкүлү Элчибек Жантаев, Кыргызстандын Екатеринбургдагы башкы консулу Руслан Бийбосунов, Экономика жана финансы министрлигинин алдындагы Туризм департаментинин директору Самат Шатманов жана Ысык-Көлдөгү санаторийлердин өкүлдөрү катышты", — деп айтылат маалыматта.

Жарманкеде Ысык-Көл облусуна өзгөчө "Өнөктөш регион" статусу берилгени айтылат.

Иш-чарада делегация өкүлдөрү Ысык-Көл аймагынын туристтик мүмкүнчүлүктөрүн көрсөтүштү. Бул өз кезегинде катышуучулардын жана коноктордун кызыгуусун арттырды. Мындан сырткары, алар кызматташуу боюнча россиялык жана чет өлкөлүк кесиптештери менен көптөгөн жолугушууларды өткөрүп, бир катар макулдашуу жана келишимдерди түзүүгө жетишкен.

Иш-чарада Кыргызстандын көргөзмө павильону кызыктуу, мыкты жасалып, катышуучулар жана коноктор көп киргени айтылат. Аны Екатеринбург шаарында жашаган мекендештердин колдоосу менен Башкы консулдук жасаган. Келгендердин баары улуттук суусундуктардан, боорсок жана кургатылган жемиштерден ооз тийип кетишкен.

"Кыргыз делегациясы "Жай - 2021" эл аралык көргөзмөдө Челябинск облусунун туристтик чөйрөсү жана ири өнөр жай ишканаларынын профсоюзу менен жолугушууларды өткөрдү. Анын жыйынтыгы менен Екатеринбург – Тамчы (Ысык-Көл) авиакаттамын ачуу, кызматташуунун кошумча мүмкүнчүлүктөрү жана Кыргызстанга Россиянын Урал аймагынан туристтердин агымын арттыруу маселелери каралган", — деп айтылат билдирүүдө.

Көргөзмө Россиянын Федералдык туризм агенттигинин, Свердлов облусунун инвестиция жана өнүгүү министрлигинин, Россиянын туриндустрия союзунун колдоосу менен Урал туристтик ассоциациясы тарабынан уюшулду. Ага Кыргызстандан тышкары Армения, Болгария, Чехия, Хорватия, Малайзия, Израиль жана башка өлкөлөрдүн делегациялары катышкан.

Белгилер:
Ысык-Көл, катышуучу, көргөзмө, Екатеринбург, Россия
Тема боюнча
Кадыралиев: бизге туристтер көбүнчө Казакстандан жана Россиядан келишет
ТИМ башчысы КМШдагы кесиптештери менен маанилүү документтерге кол койду
Sputnik Кыргызстан радиосунун Көөнө сөз рубрикасы

Талантбеков: ууландыруучу же мас кылуучу нерсени "кыйгак" десе болот

"Көйкашка" коомдук бирикмесинин мүчөсү, манасчы Нурбек Талантбеков жаңы кирген сөздөрдү колдонууда дароо эле түз которууга ашыкпай, ата-бабаларыбыз сүйлөп жүргөн аталыштарга маани берүү керектигин айтты.
Талантбеков: ууландыруучу же мас кылуучу нерсени "кыйгак" десе болот

"Кыйгак" найзанын учундагы курч металлды түшүндүрөт. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Анын айтымында, бул сөздү бир нече мааниде колдонууга болот.

Манасчи, член общественного объединения Көйкашка Нурбек Талантбеков на радиостудии Sputnik Кыргызстан
© Sputnik / Асель Сыдыкова
"Көйкашка" коомдук бирикмесинин мүчөсү, манасчы Нурбек Талантбеков
"Жыгач найзанын учуна ашталып бекитилген курч металлды "кыйгак" деп койгон. Ошондой эле колду тилип кете турган жалбыракты дагы ушул сөз менен сүрөттөөгө болот. Мындан тышкары, "кыйгак" сөзүнүн өтмө маанисинде уу, ууландыруучу же мас кылуучу нерсе катары түшүнүүгө болот. Бул үч маанисин тең колдонууга мүмкүндүк бар. Адатта ууну өз аты менен эле атап жүрөбүз. Бирок анын синоними катары "кыйгак" деп колдонуу дагы артыкчылык кылбайт", — Талантбеков.

Манасчы көөнө сөздөр күнүмдүк турмушта көбүрөөк колдонулса, тилди байытууга, шөкөттөөгө көмөгү тие турганын кошумчалады.

Белгилер:
Кыргызстан, эне тил, Манас эпосу, Нурбек Талантбеков
Тема боюнча
Талантбеков: "Манас" эпосунда алимент деген сөздүн түшүндүрмөсү бар

Сыймыкка бөлөгөн Айсулуудан тарта жанар тоонун атылышына чейин. Апта ирмеми

(жаңыланган 18:45 19.04.2021)
  • Алгачкы адамдын космоско учканынын 60 жылдыгынын урматына Санкт-Петербургда көрүүчүлөр Юрий Гагариндин портретинин проекциясын көрүп жатышат
  • Рамазан айынын алгачкы күнүндө мусулмандар Меккедеги чоң мечитте кечки намазын окуп жатышат
  • АКШнын Бруклин-Сентер шаарынын борборунда өткөн нааразычылык акциясынын катышуучулары полициянын унаасынын капотуна чыгып алышкан. 11-апрелде полиция кыз электрошокердин ордуна тапанчаны алмаштырып алып, кармоо учурунда каршылык көрсөткөн афроамерикалык жаранды атып салган. Бул окуяга нааразы болгондор көчөгө чыгышкан. Миннеаполистин мэри өзгөчө абал жана коменданттык саат киргизилгенин жар салды
  • 12-апрелде Санкт-Петербургда (Россия) 1861-жылы курулган Невская мануфактура имаратында ири өрт кырсыгы катталган. Тилсиз жоо жалмаган аянттын көлөмү 25 миң чарчы метр деп саналууда. Кырсыкты четтетүүдө бир өрт өчүрүүчү каза болуп, дагы үчөө жабыркаган. Өрт дээрлик төрт күндөн кийин толук өчүрүлгөн
  • Көркөмдөп сүзүү боюнча Aquabatix командасынын спортчу кыздары Лондондо коронавирустук чектөөлөр жеңилдетилгенден кийин кайра ачылган ачык бассейнде машыгып жатышат
  • Бразилиянын Энкантадо шаарында Иисустун айкелин тургузуп жатышат. 43 метрлик Христос-Куткаруучу Рио-де-Жанейродогу белгилүү Христостун айкелинен бир кыйла бийик болот
  • Кыргызстандык балбан кыз Айсулуу Тыныбекова күрөш боюнча Алматыда өткөн Азия чемпионатын жеңип, төтүңчү ирет Азия чемпиону болду. Финалда ал монгол кызын 11:0 эсебинде таза артыкчылык менен утту
  • 15-апрелде Кыргызстандын президенти Садыр Жапаров Бишкектеги Республикалык клиникалык жугуштуу оорулар ооруканасындагы кызыл зонада дарыланып жатышкан бейтаптардан кабар алды. Анын ичинде жандандыруу бөлүмүндө жаткан оор абалдагылардын абалын сурап, дарылануу шарттарын көрдү. Аягында өлкө башчысы дарыгерлер менен баарлашып, көйгөйлөрдү талкуулады
  • Россиянын Кемерово облусунун Шерегеш аймагындагы тоо-лыжа курортунда өткөн GrelkaFest фестивалынын алкагында купальникчендердин массалык жарышына катышкан кыз
  • Германиянын Дуйсбург шаарындагы зоопаркта мышык тукумдуу лемур эшиктен сыртты карап турат
  • Барселонада (Испания) өткөн silent disco сеансына катышкан кыз бийлеп жатат. Тынч бий деген ат менен кеңири популярдуулукка ээ боло баштаган сеанста катышуучулар кулакчындарын тагынып алышып, социалдык аралыкты сактоо менен бийлешет
  • Гвардиячылар Виндзор сепилиндеги ыйык Георгий чиркөөсүндө Улуу Британиянын ханышасы Елизавета IIнин жубайы ханзаада Филипптин сөөгү жашырылган табытты көтөрүп жүрүшөт. Ханзаада Филипп 9-апрелде 99 жашында каза болду
  • Токио Олимпиадасынын талисмандары Мирайва жана Сомэйти спорттук иш чарага 100 күн убакыт калганын белгилеген аземде. Токио Олимпиадасы коронавируска байланыштуу бир жылга жылдырылып, 23-июлдан 8-августка чейин өтөт. Бул иш-чара спорттун түрү (33) жана катергориясы (339) боюнча эң масштабдуу болушу керек
  • Исламабадда (Пакистан) чагылган чартылдаган учур
  • Тик учак Питон-де-ла-Фурнез жанар тоосу жанданган Инд океанынын Реюньон аралынын үстүнөн учуп өтүүдө
  • Индияда Кумбха Мела жөрөлгөсүндө адамдар Ганг дарыясына түшүп жатышат
  • 15-апрелде КРдин президенти Садыр Жапаровдун Instagram баракчасында кыргызстандык дарыгерлер COVID-19 илдетин башталгыч стадиясындагы 2-3 күндө айыктыра турган дарыны ойлоп тапканы боюнча билдирүү чыккан. Эртеси күнү саламаттык сактоо министри Алымкадыр Бейшеналиев Ысык-Көл тамыры деген чөптүн кайнатмасын түз эфирде ичип көрсөттү. Аталган чөп тамырынын кайнатмасынын пайдасын көрсөткөн клиникалык изилдөөлөр жок экендигин белгилей кетүү керек. Ал турсун Кыргызстанда уу коргошунду дары катары пайдалангандар арасында өлгөндөр болгон
  • Индонезиянын Бали шаарында өткөн Галунган диний фестивалында кыздар чалынган курмандыктарды алып бара жатышат.
Sputnik Кыргызстан өткөн аптадагы эң кызыктуу жана маанилүү окуяларды чагылдырган кезектеги сүрөт түрмөгүн сунуштайт.

12-апрелде Юрий Гагариндин космоско учкан күнүнө 60 жыл толду.

Дүйнө мусулмандары ыйык Рамазан айынын башталышын белгилешти.

АКШнын Бруклин-Сентер шаарында полиция кыз электрошокердин ордуна тапанчаны алмаштырып алып, кармоо учурунда каршылык көрсөткөн афроамерикалык жаранды атып алган окуя боюнча нааразычылык акциясы өттү. Миннеаполистин мэри өзгөчө абал жана коменданттык саат киргизилгенин жар салды.

Санкт-Петербургда (Россия) ири өрт кырсыгы катталды. Натыйжада 1861-жылы курулган "Невская мануфактура" имаратынын бардык алты өндүрүш кабаттарын тилсиз жоо жалмаган. Бир өрт өчүрүүчү каза болуп, дагы үчөө жабыркаган.

Бразилиянын Энкантадо шаарында Иисустун айкелин тургузганы жатат. Ал Христостун Рио-де-Жанейродогу белгилүү айкелинен бир кыйла бийик болору айтылат.

Кыргызстандык балбан кыз Айсулуу Тыныбекова күрөш боюнча төртүнчү ирет Азия чемпиону болду. Алматыда өткөн мелдештин финалында ал монгол кызын таза артыкчылык менен утту.

Барселонада (Испания) silent disco сеансы кеңири популярдуулукка ээ боло баштады. Анда кулакчын тагынган катышуучулар социалдык аралыкты сактоо менен бийлешет.

Россиянын Кемерово облусунун Шерегеш аймагындагы тоо-лыжа курортунда "GrelkaFest" фестивалынын алкагында купальникчендердин массалык иш-чарасы өттү.

Кыргызстандын президенти Садыр Жапаров Бишкектеги Республикалык клиникалык жугуштуу оорулар ооруканасындагы кызыл зонада дарыланып жаткан бейтаптардан кабар алды. Анын ичинде жандандыруу бөлүмүндө жаткан оор абалдагылардын абалын сурап, дарылануу шарттарын көрдү.

Лондондо Улуу Британиянын ханышасы Елизавета IIнин жубайы, ханзаада Филипп 99 жашында каза болду.

Японияда Токио Олимпиадасынын башталышына 100 күн калганын эсепке алган иш-чара башталды.

Индияда "Кумбха Мела" аталышындагы массалык жөрөлгө өттү. Анын жүрүшүндө адамдар Ганг дарыясына түшүшөт.

Инд океанындагы Реюньон аралында Питон-де-ла-Фурнез жанар тоосу жанданды.

КРдин саламаттык сактоо министри Алымкадыр Бейшеналиев "Ысык-Көл тамыры" деген чөптүн кайнатмасын түз эфирде ичип көрсөттү. Анын айтымында, ал COVID-19 илдетин башталгыч стадиясында 2-3 күндө сакайтат. Буга чейин КРде бул уу коргошунду дары катары пайдалангандар арасында өлгөндөр болгон.

Балиде (Индонезия) Галунган диний майрамы белгиленди.

 

  • Алгачкы адамдын космоско учканынын 60 жылдыгынын урматына Санкт-Петербургда көрүүчүлөр Юрий Гагариндин портретинин проекциясын көрүп жатышат
    © REUTERS / ANTON VAGANOV

    Алгачкы адамдын космоско учканынын 60 жылдыгынын урматына Санкт-Петербургда көрүүчүлөр Юрий Гагариндин портретинин проекциясын көрүп жатышат

  • Рамазан айынын алгачкы күнүндө мусулмандар Меккедеги чоң мечитте кечки намазын окуп жатышат
    © AFP 2021

    Рамазан айынын алгачкы күнүндө мусулмандар Меккедеги чоң мечитте кечки намазын окуп жатышат

  • АКШнын Бруклин-Сентер шаарынын борборунда өткөн нааразычылык акциясынын катышуучулары полициянын унаасынын капотуна чыгып алышкан. 11-апрелде полиция кыз электрошокердин ордуна тапанчаны алмаштырып алып, кармоо учурунда каршылык көрсөткөн афроамерикалык жаранды атып салган. Бул окуяга нааразы болгондор көчөгө чыгышкан. Миннеаполистин мэри өзгөчө абал жана коменданттык саат киргизилгенин жар салды
    © Sputnik / Крис Джун

    АКШнын Бруклин-Сентер шаарынын борборунда өткөн нааразычылык акциясынын катышуучулары полициянын унаасынын капотуна чыгып алышкан. 11-апрелде полиция кыз электрошокердин ордуна тапанчаны алмаштырып алып, кармоо учурунда каршылык көрсөткөн афроамерикалык жаранды атып салган. Бул окуяга нааразы болгондор көчөгө чыгышкан. Миннеаполистин мэри өзгөчө абал жана коменданттык саат киргизилгенин жар салды

  • 12-апрелде Санкт-Петербургда (Россия) 1861-жылы курулган Невская мануфактура имаратында ири өрт кырсыгы катталган. Тилсиз жоо жалмаган аянттын көлөмү 25 миң чарчы метр деп саналууда. Кырсыкты четтетүүдө бир өрт өчүрүүчү каза болуп, дагы үчөө жабыркаган. Өрт дээрлик төрт күндөн кийин толук өчүрүлгөн
    © REUTERS / ANTON VAGANOV

    12-апрелде Санкт-Петербургда (Россия) 1861-жылы курулган "Невская мануфактура" имаратында ири өрт кырсыгы катталган. Тилсиз жоо жалмаган аянттын көлөмү 25 миң чарчы метр деп саналууда. Кырсыкты четтетүүдө бир өрт өчүрүүчү каза болуп, дагы үчөө жабыркаган. Өрт дээрлик төрт күндөн кийин толук өчүрүлгөн

  • Көркөмдөп сүзүү боюнча Aquabatix командасынын спортчу кыздары Лондондо коронавирустук чектөөлөр жеңилдетилгенден кийин кайра ачылган ачык бассейнде машыгып жатышат
    © REUTERS / John Sibley

    Көркөмдөп сүзүү боюнча Aquabatix командасынын спортчу кыздары Лондондо коронавирустук чектөөлөр жеңилдетилгенден кийин кайра ачылган ачык бассейнде машыгып жатышат

  • Бразилиянын Энкантадо шаарында Иисустун айкелин тургузуп жатышат. 43 метрлик Христос-Куткаруучу Рио-де-Жанейродогу белгилүү Христостун айкелинен бир кыйла бийик болот
    © AFP 2021 / SILVIO AVILA

    Бразилиянын Энкантадо шаарында Иисустун айкелин тургузуп жатышат. 43 метрлик Христос-Куткаруучу Рио-де-Жанейродогу белгилүү Христостун айкелинен бир кыйла бийик болот

  • Кыргызстандык балбан кыз Айсулуу Тыныбекова күрөш боюнча Алматыда өткөн Азия чемпионатын жеңип, төтүңчү ирет Азия чемпиону болду. Финалда ал монгол кызын 11:0 эсебинде таза артыкчылык менен утту
    © Фото / UWW / Sachiko HOTAKA

    Кыргызстандык балбан кыз Айсулуу Тыныбекова күрөш боюнча Алматыда өткөн Азия чемпионатын жеңип, төтүңчү ирет Азия чемпиону болду. Финалда ал монгол кызын 11:0 эсебинде таза артыкчылык менен утту

  • 15-апрелде Кыргызстандын президенти Садыр Жапаров Бишкектеги Республикалык клиникалык жугуштуу оорулар ооруканасындагы кызыл зонада дарыланып жатышкан бейтаптардан кабар алды. Анын ичинде жандандыруу бөлүмүндө жаткан оор абалдагылардын абалын сурап, дарылануу шарттарын көрдү. Аягында өлкө башчысы дарыгерлер менен баарлашып, көйгөйлөрдү талкуулады
    © Пресс-служба президента КР / Султан Досалиев

    15-апрелде Кыргызстандын президенти Садыр Жапаров Бишкектеги Республикалык клиникалык жугуштуу оорулар ооруканасындагы кызыл зонада дарыланып жатышкан бейтаптардан кабар алды. Анын ичинде жандандыруу бөлүмүндө жаткан оор абалдагылардын абалын сурап, дарылануу шарттарын көрдү. Аягында өлкө башчысы дарыгерлер менен баарлашып, көйгөйлөрдү талкуулады

  • Россиянын Кемерово облусунун Шерегеш аймагындагы тоо-лыжа курортунда өткөн GrelkaFest фестивалынын алкагында купальникчендердин массалык жарышына катышкан кыз
    © Sputnik / Александр Кряжев

    Россиянын Кемерово облусунун Шерегеш аймагындагы тоо-лыжа курортунда өткөн "GrelkaFest" фестивалынын алкагында купальникчендердин массалык жарышына катышкан кыз

  • Германиянын Дуйсбург шаарындагы зоопаркта мышык тукумдуу лемур эшиктен сыртты карап турат
    © AP Photo / Martin Meissner

    Германиянын Дуйсбург шаарындагы зоопаркта мышык тукумдуу лемур эшиктен сыртты карап турат

  • Барселонада (Испания) өткөн silent disco сеансына катышкан кыз бийлеп жатат. Тынч бий деген ат менен кеңири популярдуулукка ээ боло баштаган сеанста катышуучулар кулакчындарын тагынып алышып, социалдык аралыкты сактоо менен бийлешет
    © AP Photo / Emilio Morenatti

    Барселонада (Испания) өткөн silent disco сеансына катышкан кыз бийлеп жатат. "Тынч бий" деген ат менен кеңири популярдуулукка ээ боло баштаган сеанста катышуучулар кулакчындарын тагынып алышып, социалдык аралыкты сактоо менен бийлешет

  • Гвардиячылар Виндзор сепилиндеги ыйык Георгий чиркөөсүндө Улуу Британиянын ханышасы Елизавета IIнин жубайы ханзаада Филипптин сөөгү жашырылган табытты көтөрүп жүрүшөт. Ханзаада Филипп 9-апрелде 99 жашында каза болду
    © AP Photo / Arthur Edwards

    Гвардиячылар Виндзор сепилиндеги ыйык Георгий чиркөөсүндө Улуу Британиянын ханышасы Елизавета IIнин жубайы ханзаада Филипптин сөөгү жашырылган табытты көтөрүп жүрүшөт. Ханзаада Филипп 9-апрелде 99 жашында каза болду

  • Токио Олимпиадасынын талисмандары Мирайва жана Сомэйти спорттук иш чарага 100 күн убакыт калганын белгилеген аземде. Токио Олимпиадасы коронавируска байланыштуу бир жылга жылдырылып, 23-июлдан 8-августка чейин өтөт. Бул иш-чара спорттун түрү (33) жана катергориясы (339) боюнча эң масштабдуу болушу керек
    © REUTERS / POOL

    Токио Олимпиадасынын талисмандары Мирайва жана Сомэйти спорттук иш чарага 100 күн убакыт калганын белгилеген аземде. Токио Олимпиадасы коронавируска байланыштуу бир жылга жылдырылып, 23-июлдан 8-августка чейин өтөт. Бул иш-чара спорттун түрү (33) жана катергориясы (339) боюнча эң масштабдуу болушу керек

  • Исламабадда (Пакистан) чагылган чартылдаган учур
    © AFP 2021 / AAMIR QURESHI

    Исламабадда (Пакистан) чагылган чартылдаган учур

  • Тик учак Питон-де-ла-Фурнез жанар тоосу жанданган Инд океанынын Реюньон аралынын үстүнөн учуп өтүүдө
    © AFP 2021 / RICHARD BOUHET

    Тик учак Питон-де-ла-Фурнез жанар тоосу жанданган Инд океанынын Реюньон аралынын үстүнөн учуп өтүүдө

  • Индияда Кумбха Мела жөрөлгөсүндө адамдар Ганг дарыясына түшүп жатышат
    © REUTERS / DANISH SIDDIQUI

    Индияда "Кумбха Мела" жөрөлгөсүндө адамдар Ганг дарыясына түшүп жатышат

  • 15-апрелде КРдин президенти Садыр Жапаровдун Instagram баракчасында кыргызстандык дарыгерлер COVID-19 илдетин башталгыч стадиясындагы 2-3 күндө айыктыра турган дарыны ойлоп тапканы боюнча билдирүү чыккан. Эртеси күнү саламаттык сактоо министри Алымкадыр Бейшеналиев Ысык-Көл тамыры деген чөптүн кайнатмасын түз эфирде ичип көрсөттү. Аталган чөп тамырынын кайнатмасынын пайдасын көрсөткөн клиникалык изилдөөлөр жок экендигин белгилей кетүү керек. Ал турсун Кыргызстанда уу коргошунду дары катары пайдалангандар арасында өлгөндөр болгон
    © Sputnik / Жоомарт Ураимов

    15-апрелде КРдин президенти Садыр Жапаровдун Instagram баракчасында кыргызстандык дарыгерлер COVID-19 илдетин башталгыч стадиясындагы 2-3 күндө айыктыра турган дарыны ойлоп тапканы боюнча билдирүү чыккан. Эртеси күнү саламаттык сактоо министри Алымкадыр Бейшеналиев "Ысык-Көл тамыры" деген чөптүн кайнатмасын түз эфирде ичип көрсөттү. Аталган чөп тамырынын кайнатмасынын пайдасын көрсөткөн клиникалык изилдөөлөр жок экендигин белгилей кетүү керек. Ал турсун Кыргызстанда уу коргошунду дары катары пайдалангандар арасында өлгөндөр болгон

  • Индонезиянын Бали шаарында өткөн Галунган диний фестивалында кыздар чалынган курмандыктарды алып бара жатышат.
    © REUTERS / ANTARA FOTO

    Индонезиянын Бали шаарында өткөн Галунган диний фестивалында кыздар чалынган курмандыктарды алып бара жатышат.

Белгилер:
апта, окуя, Дүйнө, сүрөт, башаламандык, фестиваль, лыжа
Тема боюнча
Купальникчен лыжа тепкен сулуулар. Сочидеги фестивалдан укмуштуу сүрөттөр