Кара жумушта жүрүп киного аралашкан Үсөн Кудайбергенов. Таберик сүрөт

219
(жаңыланган 14:36 26.08.2020)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
Белгилүү режиссер, каскадер Үсөн Кудайбергенов Чыңгыз хан тасмасын тартуу учурунда
© Sputnik / Александр Федоров

Белгилүү режиссер, каскадер Үсөн Кудайбергеновдун сүрөтү 1990-жылдардын башында Казакстандын Кордай тоолорунда тартылган.

Ал жылдары кыргызстандык жана чет элдик киночулар биргеликте "Чыңгыз хан" тасмасын тартууга киришкен. Фильмге англиялык Кен Эннакин режиссёр болуп, Төлөмүш Океев көркөм жетекчилик кылган. Тартуу иштери Кыргызстан, Казакстан, Өзбекстанда жүрүп, чет элдик киночулар, жүздөгөн кыргызстандыктар катышкан.

АКШда жүрүп Чокморовдун ден соолугун ойлогон Океев. "Уландагы" таберик сүрөт

Ошол кезди фотограф Александр Федоров мындайча эскерет:

"Үсөн Кудайбергенов кино тармагына келгенге чейин циркте иштеп, кийин киночулардын кара жумушун жасап жүрүп аралашып кеткен. Убакыттын өтүшү менен ал тажрыйба, кадыр-барк топтоп, алгачкылардан болуп кыргыз каскадерлордун тобун, мектебин түзгөн. Алардын башында туруп СССРдин ичинде гана эмес, чакыруулар менен чет мамлекеттерге барып турушчу. Кыргызстан эгемендүүлүк алган жылдары италиялык киночулар "Чыңгыз ханды" тартканы келгенде Үсөн өзүнүн кесиптештери менен катышкан. Анткени 150гө жакын каскадерго баш-көз болчу кесипкөй адис керек эле. Ал-күчкө толгон каскадерлор жакшы акча алышчу, бирок аларды көзмөлдөө кыйын эле болгон. Үсөн тартип сактабагандарды күндө эртең менен короого тизип ордуна коюп койчу. Кудайбергенов кезинде ат менен дарыяга секирип Гиннес китебине кирген. Менимче, анын ошол трюгун эч ким кайталай албайт. Азыр жаштар Голливуд жылдыздарына таң калып жүрөт. Үсөн кезинде аларга салыштырууга мүмкүн болбогон эрдиктерди жасаган. Ал жөнөкөй актер, каскадер болуп гана тим болбостон, Ата Мекени үчүн күйүп жанган инсан эле", — деди Федоров.

Кондучалованын күйөө баласы болгон. Каскадер Үсөн Кудайбергенов тууралуу 8 факты

Эске сала кетсек, Үсөн Кудайбергенов 1980-жылдардын башында "Генийдин өспүрүм кези" фильминде Сыр-Дарыяга 27 метр бийиктен аты менен секирип, дүйнөлүк деңгээлде таанылып, Кыргызстандан биринчилерден болуп Гиннес китебине кирген. Өзүнүн чыгармачылыгында 300дөн ашык тасмага катышкан.

"Чыңгыз ханга" атактуу италиялык актёр Ричард Тайсон, сингапурлук актриса Жулия Никсон, америкалык Родни Грант менен Чарлтон Хестон да катышкан, бирок тасма соңуна чыкпай калган.

219
Белгилер:
таберик сүрөт, тасма, Үсөн Кудайбергенов, каскадер, Кыргызстан
Тема:
"Таберик сүрөт" — сейрек кездешкен ирмемдер (121)
Тема боюнча
Желкеден алып сүйрөп чыккан. Аринбасарова менен Океевдин таберик сүрөтү
Денесинде минанын сыныктары калып... Түгөлов менен Базаровдун Көлдөгү таберик сүрөтү
Киши пианинодо ойноп жатат. Архив

Бишкектин сквериндеги пианинону кайрадан сындырып кетишти. Видео

149
(жаңыланган 11:40 21.10.2020)
Музыкалык аспапты бир ай мурда дагы сындырып коюшкан. Анда күнөөкөрдү "Бишкек жашыл чарба" ишканасынын кызматкерлери жеринен кармашкан.

БИШКЕК, 21-окт. — Sputnik. Ордо калаадагы "Театралдык" сквериндеги пианинону кайрадан сындырып кетишти. Бул тууралуу "Бишкек жашыл чарба" муниципалдык ишканасынын маалымат катчысы Аида Айдаралиева билдирди.

Анда пианинонун жыгачтары сындырылганын жана баскычтары жакшы иштебей жатканын байкоого болот. Кызматкерлер келгенде музыкалык аспап жерде жаткан.

Бишкек мэриясы башаламандыктын айынан 17 млн. сом чыгым тартты

Эске сала кетсек, бул пианинону бир ай мурда дагы сындырып кетишкен. Аны бүлүндүргөндөр ошол эле жерден "Бишкек жашыл чарба" муниципалдык ишканасынын кызматкерлери тарабынан кармалган. Күнөөкөрлөр жаңысын сатып берүүнү убадалап, кийинчерээк сөзүнө турушкан.

149
Белгилер:
сындыруу, пианино, Бишкек
Тема боюнча
Жомоктогудай токой. Бишкектин жанынан тартылган ажайып 10 сүрөт
Кыздар элекчен менен сүрөткө түшүп жатышат. Архив

Кыргызстанда "Элечек жумалыгы 2020" иш-чарасы башталды

84
Иш-чаранын катышуучулары элечекти Кыргызстандын бир топ аймактарында жана Москва, Абу-Даби шаарларында бир жума башынан түшүрбөй кийип жүрүшмөкчү.

БИШКЕК, 21-окт. — Sputnik. Кыргызстанда "Элечек жумалыгы — 2020" иш-чарасы башталды. Бул тууралуу Sputnik Кыргызстан агенттигине уюштуруучу Айжан Акылбекова билдирди.

Анын айтымында, мындай жумалык үчүнчү ирет өтүп жатат.

"Саамалыктын максаты — салттуу баш кийим болгон элечекти күнүмдүк жашоого киргизүү. Жумалыкка 35 аял катышып жатат. Биз аларга элечек ороп беребиз жана аны ошол бойдон белек кылабыз. Алар салттуу баш кийимди бир жума бою башынан түшүрбөй кийип жүрүшөт", — деди Акылбекова.

Салттуу баш кийимдердин сырлары

Жумалыкка Бишкек шаарынан, Ош облусунун Кара-Суу районунан, Баткен облусунун Лейлек районунан, Ысык-Көл облусунун Каракол шаарынан, Жети-Өгүз районунан, Жалал-Абад облусунун Тогуз-Торо районунан жана Москва, Абу-Даби шаарларынан аялдар катышмакчы.

84
Белгилер:
баш кийим, элечек, иш-чара, жумалык
Тема боюнча
Кыргыз аялынын ич кийиминен сырт кийимине чейин. Көчмөн модасынын сырлары
Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашы

Гэтжи менен Нурмагомедов көз караштар таймашын өткөрдү. Видео

0
(жаңыланган 23:08 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөйт.

0
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот