КРдин эл артисти, белгилүү төкмө акын Замирбек Үсөнбаев. Архив

Колуктусун энесинин сынынан өткөрүп үйлөнгөн. Замирбек Үсөнбаев тууралуу 8 факты

2514
(жаңыланган 22:25 01.09.2020)
Бүгүн КРдин эл артисти, белгилүү төкмө акын Замирбек Үсөнбаевдин туулган күнү. Ак таңдай акын, улуу устат 69 жашка толду.

Sputnik Кыргызстан агенттиги 16 жашынан бери өзүн чыгармачылыкка арнап, ата жолун улап, ондогон шакирттерди таптаган залкар инсан тууралуу кызыктуу фактыларды сунуштайт.

Үч ысымы бар. Замирбек Үсөнбаев 1951-жылы Фрунзе (азыркы Бишкек) шаарында жарык дүйнөгө келген. Паспорттогу аты — Мир. Ал төрөлгөндө борбор калаада тынчтык сактоо боюнча эл аралык конференция өтүп жаткан. Ошондо анын катышуучуларынын бири Аалы Токомбаев атасынан уруксат сурап "Мир" деген ысымды сунуштаган. Экинчи аты — Тобокел, аны таенеси койгон. Анткени ага чейин Үсөнбаевдердин үй-бүлөсүндө эркектер чарчап калып жаткандыктан, ырымдап ушул ысымды коюшкан. Анан кийин филармонияда иштеп жүрүп Замирбек болуп калган. Ал атты эл өзү эле ыйгарып, калың журт арасына бат эле тарап кеткен.

Народный артист КР, акын-сказитель Замирбек Усенбаев
© Фото / предоставлено Азаматом Болгонбаевым
КРдин эл артисти, белгилүү төкмө акын Замирбек Үсөнбаев кийинки муундун өнөрпоздору, шакирттери менен

Аккан арыктан суу агат. Жаш Замирбек алты жашында комуз черткенди атасынан үйрөнгөн. 12 жашка чыкканда үй-бүлө башчысы кайтыш болуп энесинин колунда таалим-тарбия алган. Атасы Алыкул Үсөнбаев төкмө акын, энеси Беркимбай кызы Назим акын болгон.

Алма жеп көрбөгөн "автомат" акын. Жеңишбек Жумакадыр тууралуу 6 факты

16 жашында жумушка алынган. Бала кезинде үйгө мейман болуп келген Осмонкул Бөлөбалаев, Саякбай Каралаев, Ыбырай Туманов, Карамолдо Орозов, Коргоол Досуевди жакындан көрүп, залкарлардын колуна суу куюп батасын алып чоңойгон. Эс-тутуму күчтүү жаш талант алардын чыгармаларын угуп жаттап алып, эртеси жакындарына ырдап берчү дешет. Ошентип жүрүп 16 жашында эле филармонияга жумушка чакырылып, эл алдына чыга баштаган. Ал жактан Ашыраалы Айталиев, Токтосун Тыныбеков, Эстебес Турсуналиевдин шакирти болгон.

Народный артист КР, акын-сказитель Замирбек Усенбаев во время беседы на радио Sputnik Кыргызстан
© Sputnik / Максат Элебесов
Замирбек Үсөнбаев 16 жашында эле филармонияга жумушка чакырылып, эл алдына чыга баштаган. Ал жактан Ашыраалы Айталиев, Токтосун Тыныбеков, Эстебес Турсуналиевдин шакирти болгон.

Кесиби боюнча тилчи. 1978-жылы Кыргыз мамлекеттик университетинин филология факультетин бүтүргөн. Өлкө эгемендик алган жылдан баштап филармониядагы "Эл шайырлары" фольклордук тобунун көркөм жетекчиси, кийин Токтогул Сатылганов атындагы филармониянын директору болуп эмгектенген. 2004-жылы маданият министри кызматына чакырылып, бирок андан баш тартып койгон.

Окуусун таштап кино тартууга качкан студент. Актёр Чоро Думанаев жөнүндө 6 факты

Токтогулдун белегин сактап... Чыгармачылыкты бийик туткан инсан кичинекей кезинде Коргоол Досуевдин колунан Токтогул Сатылгановдун комузун белекке алган. Ал аны азыркыга чейин сактап келет. Чыгармачылыгында "Комузчуларга", "Улууларды эскерүү", "Жаштар жөнүндө терме", "Нан жөнүндө" эмгектерин жаратып, "Замирбектин ырлары" аттуу ырлар жыйнагын чыгарган. Узак убакыттан бери Токтогул, Эшмамбет, Жеңижок, Алымкул, Калык, Осмонкул, Ысмайылдын чыгарма, термелерин аткарып келет. Кезинде союздук республикалардын ичинде гана эмес, АКШ, Япония, Кытай, Швеция, Түркияга чейин улуттук өнөрдү тартуулап барганы маалым.

Народный артист КР, акын-сказитель Замирбек Усенбаев
© Фото / предоставлено Азаматом Болгонбаевым
КРдин эл артисти, белгилүү төкмө акын Замирбек Үсөнбаев кичинекей кезинде Коргоол Досуевдин колунан Токтогул Сатылгановдун комузун белекке алган. Ал аны азыркыга чейин сактап келет.

Улуу устат. КРдин эмгек сиңирген артисти борбор калаадагы Бүбүсара Бейшеналиева атындагы Кыргыз мамлекеттик көркөм өнөр институтунда 17 жыл сабак берип иштеген. Акын 1990-жылдардын башында улуттук музыка жана фольклор кафедрасын ачып, эл арасынан тың балдарды чогултуп тарбиялаган. Акындын учурда 50гө жакын шакирти бар. Замандаштары Замирбек Үсөнбаев тар чөйрөдө аккордеонду мыкты чертип кое тургандыгын айтып келишет.

Өлүмү азыркыга чейин сыр. Депутат, диктор Сатыбалды Жээнбеков тууралуу 8 факты

Чылым, арактан оолак өмүр. КРдин эл артисти өмүрүндө бир да жолу чылым чегип, оозуна спирт ичимдигин алып көргөн эмес. Акындын айтымында, буга апасынын көп жолу айткан акыл-насааты себеп болгон. "Спирт ичимдигин ичпе, чылым чекпе деп атаң сага айтып кеткен" деп энем бассам-турсам айтып турар эле. Анан колума стакан кармоо мен үчүн тимеле чыккынчылык кылгандай сезилчү", — деп айткан жайы бар.

Народный артист КР, акын-сказитель Замирбек Усенбаев
© Фото / предоставлено Азаматом Болгонбаевым
Замирбек Үсөнбаев байбичеси Саадат менен кыз-жигит болуп сүйлөшүп жүрүп баш кошкон. Эң кызыгы, ал келинчегин тойго чейин энесинин көз кырынан өткөрүп анан үйлөнгөн. Экөө үч уул, эки кыздын ата-энеси. Учурда пенсия курагындагы жубайлар онго жакын неберенин сый-урматына бөлөнүп турган чагы.

Аялын энесинин сынынан өткөрүп үйлөнгөн. Токтогул атындагы мамлекеттик сыйлыгынын лауреаты байбичеси Саадат менен кыз-жигит болуп сүйлөшүп жүрүп баш кошкон. Эң кызыгы, ал келинчегин тойго чейин энесинин көз кырынан өткөрүп анан үйлөнгөн. Экөө үч уул, эки кыздын ата-энеси. Учурда пенсия курагындагы жубайлар онго жакын неберенин сый-урматына бөлөнүп турган чагы. Алардын ичинен Алиаскар комузун колуна алып, чоң атасынын жолун улаганга бел байлаган.

2514
Белгилер:
факты, Замирбек Үсөнбаев, акын, төкмө, Кыргызстан
Тема:
Кыргыздын көркөм өнөрү, белгилүү инсандары жөнүндө фактылар (365)
Тема боюнча
Өлүмү азыркыга чейин сыр. Депутат, диктор Сатыбалды Жээнбеков тууралуу 8 факты
Окуусун таштап кино тартууга качкан студент. Актёр Чоро Думанаев жөнүндө 6 факты
Алма жеп көрбөгөн "автомат" акын. Жеңишбек Жумакадыр тууралуу 6 факты

"Ты супер!" шоусунун төртүнчү сезону. Видео

35
(жаңыланган 02:08 28.09.2020)
"Ты супер!" шоусу — НТВ телеканалы менен Sputnik эл аралык агенттиги жана радиосунун ири долбоору.

Ага КМШнын аймагындагы вокалдык таланты бар балдар катышат. 20-сентябрда музыкалык конкурстун төртүнчү сезону башталган.

35
Белгилер:
вокал, балдар, шоу, НТВ, "Ты – супер" балдар долбоору
Тема боюнча
Кыргызстандык кыз "Ты супер!" шоусунун кийинки туруна өтпөй калды. Видео
Маданият, маалымат жана туризм министрлигинин маданий мурастарды сактоо жана өнүктүрүү башкармалыгынын башкы адиси Чынарбек Жолдошев

Жолдошев: Кыргызстанда азырынча 583 археологиялык аймак бар экени белгилүү

11
(жаңыланган 19:21 27.09.2020)
Маданият, маалымат жана туризм министрлигинин маданий мурастарды сактоо жана өнүктүрүү башкармалыгынын башкы адиси Чынарбек Жолдошев өлкөдөгү петроглифтер тууралуу айтып берди.
Жолдошев: Кыргызстанда азырынча 583 археологиялык аймак бар экени белгилүү

Кыргызстанда азырынча илимге белгилүү 583 археологиялык жайлар бар. Алардын 85и окумуштуулар тарабынан иликтенип, каттоого алынган. Бул тууралуу Чынарбек Жолдошев Sputnik Кыргызстан радиосунун эфиринде маек куруп жатып билдирди.

Анын айтымында, Ош шаарындагы Сулайман-Тоодо 400гө жакын баалуу петроглифтер жайгашкан.

"Кыргызстандын ичинде тарыхый баалуу аймактар абдан көп. Илимге белгилүү болгону азырынча 583 деп катталган. Ал эми археологдордун буту баса элек канча жер белгисиз жатат. Петроглифтерди республиканын бардык облустарынан эле кезиктирүүгө болот. Мисалы, Өзбекстан менен чектеш Сүрөттүү-Таш айылында б.з.ч. II кылымга таандык күлүк жылкылары менен атагы чыккан Даван мамлекетинин аттары таштарга чегип түшүрүлгөн. Бул ошол кезинде кытай империясы суктанган Даван өлкөсү тууралуу кенен маалыматты камтып турган ачык асман алдындагы документтер десек болот. Ушул эле доорго таандык саймалы таштар Араванда, Ноокат районунда да бар. Алайдын Үч-Дөбө айылынан чыгып келаткан талаада петроглифтер али толук иликтене элек. Мындан сырткары, Ысык-Көл облусунда Тору-Айгыр айылынан тарта Чолпон-Ата шаарына чейин бүтүндөй эле петроглифтердин мекени десек болот. Таласта Манас ордонун ичинде жана Жалтырак-Таш деген жерде түрк дооруна таандык уникалдуу петроглифтер жатат. Дүйнөнү таң калтырып, жылына бир ай гана көрүүгө мүмкүн болгон, деңиз деңгээлинен 3,5 миң метр бийиктикте жайгашкан Тогуз-Тородогу саймалы таштар коло дооруна таандык", — деди Жолдошев.

Адис петроглифтерди коргоп, сактоо ар бир кыргызстандыктын милдети экенин кошумчалады.

11
Белгилер:
тарыхый баалуулуктар, петроглиф
Тема боюнча
Жолдошев: петроглифтер табылгандан тарта тарыхый баалуулук болуп эсептелет
Беларусь президенти Александр Лукашенко. Архив

Лукашенко президенттиктен кетүүнү сунуштаган Макронго жооп кайтарды

0
(жаңыланган 23:58 27.09.2020)
Лукашенко Париждин көчөлөрүнө чыккан “Сары кемселчендерди” Макрондун эсине салып, аны жетиле элек саясатчы катары сыпаттады.

БИШКЕК, 27-сен. – Sputnik. Беларусь президенти Александр Лукашенко француз кесиптеши Эммануэль Макронду жетиле элек саясатчы деп атады. Бул тууралуу РИА Новости жазды.

Белгилей кетсек, бүгүн эртең менен Макрон Лукашенкого президенттик постунан кетүүнү сунуштаган. Буга Беларусь башчысы жооп кайтарды.

“Эгер Макрондун логикасына таяна турган болсок, анда ал өзү дагы эки жыл мурун эле, “Сары кемселчендер” Париждин көчөлөрүнө чыкканда кызматынан кетиши керек болчу”, – деген Лукашенко.

Ал ошондой эле Black Lives Matter кыймылынын жана Марсель менен Лиондогу мусулмандардын каршылык акцияларын эске салып, Минск ошол кыймылдын мүчөлөрү менен Макрондун сүйлөшүүлөрүнө аянтча болуп берүүгө даяр экенин белгиледи.

Лукашенко анын француз кесиптеши Беларустагы шайлоого өтө эле көп көңүл буруп жатканын кошумчалаган.

Евробиримдик жана АКШ: Беларусь менен көйгөйлөрүн Польша өзү чечип алсын

Эске салсак, 9-августта Беларуста президенттик шайлоо өткөн. БШКнын эсеби боюнча, өлкөнүн учурдагы башчысы Александр Лукашенко добуштардын 80,1 пайызына ээ болсо, экинчи орунду 10,12 пайыз менен Светлана Тихановская ээлеген. Ал эми оппозиция шайлоонун жыйынтыгын тааныбай, Тихановская Литвага чыгып кеткен.

0
Белгилер:
Эммануэль Макрон, Александр Лукашенко, Беларусь
Тема:
Беларустагы нааразылык акциялары
Тема боюнча
Лукашенко расмий түрдө президенттик кызматына киришти