Абдыкерим Муратовдун жаңы романы жарык көрдү

© Фото / Чынгыз МырзаевПедагогика илимдеринин доктору, профессор, публицист жана жазуучу Абдыкерим Муратов. Архив
Педагогика илимдеринин доктору, профессор, публицист жана жазуучу Абдыкерим Муратов. Архив - Sputnik Кыргызстан
Жазылуу
Муратов жаңы романында ак-карасы аралашкан замандагы адамдын татаал тагдырын баяндоо менен карама-каршылыктуу жана гармониялуу көрүнүштөрдү чагылдырган.

БИШКЕК, 13-сен. — Sputnik. Педагогика илимдеринин доктору, профессор, публицист жана жазуучу Абдыкерим Муратовдун "Жылдыздар тараган таңдар" деп аталган романы кыргыз окурмандарына тартууланды. Бул туурасында автор кабарлады.

© Фото / Кыялбек АкматовПедагогика илимдеринин доктору, профессор, публицист жана жазуучу Абдыкерим Муратовдун "Жылдыздар тараган таңдар" деп аталган романы кыргыз окурмандарына тартууланды
Абдыкерим Муратовдун жаңы романы жарык көрдү - Sputnik Кыргызстан
Педагогика илимдеринин доктору, профессор, публицист жана жазуучу Абдыкерим Муратовдун "Жылдыздар тараган таңдар" деп аталган романы кыргыз окурмандарына тартууланды

Муратов бул сапар Сулейман Кучуков аттуу тарыхый каарман жана анын мекен, эл алдында өтөгөн кызматы туурасында жазган.

"Оош-кыйыш замандагы адамдын татаал тагдырын баяндоо менен коом жана жеке адам, согуш жана тынчтык, ат жана адам сыяктуу карама-каршылыктуу жана гармониялуу көрүнүштөрдү бир каармандын айланасына топтодум. Тарыхый узак доордун ар тараптуу картинасын көркөм боёктор менен ачып көрсөтүүгө аракет кылдым. Борбордук орунда Биринчи дүйнөлүк согушта падышалык Россиянын аскер чалгынчысы катары таанылган, кийин ак гвардиячылардын катарында Кеңеш өкмөтүнө каршы күрөшкөн, андан соң кайра Кызыл Армиянын курамында Кара кыргыз атчандар полкун түзгөн Сулейман Кучуков турат", - деген Муратов.

Автордун соңку чыгармасы 2021-жылы жарык көрө турган "Сунулган баш... Суурулган кылыч" романы.

Жаңылыктар түрмөгү
0