Ажыбекованын тушоосун кескен Океев менен Чокморов. Залкарлардын таберик сүрөтү

153
(жаңыланган 17:56 18.11.2020)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, анын тарыхын баяндоону улантат.
СССРдин эл артисти, атактуу режиссёр Төлөмүш Океев, КРдин эл артисти Гүлсара Ажыбекова жана Кыргыз ССРинин эл сүрөтчүсү, таланттуу актёр Сүймөнкул Чокморовдун сүрөтү 1975-жылы Чүй облусунда тартылган
© Sputnik / Александр Федоров

СССРдин эл артисти, атактуу режиссёр Төлөмүш Океев, КРдин эл артисти Гүлсара Ажыбекова жана Кыргыз ССРинин эл сүрөтчүсү, таланттуу актёр Сүймөнкул Чокморовдун сүрөтү 1975-жылы Чүй облусунда тартылган.

Ал жылы Океев залкар жазуучу Чыңгыз Айтматовдун "Кызыл алма" аңгемесинин негизинде тасма тарта баштап, анын сценарийин Айтматов менен Эльга Лындина жазган.

Ошол кезеңди аталган кинокартинада башкы ролду аткарган Гүлсара Ажыбекова мындайча эскерет.

"Анда Москвадагы окууну бүтүп келип театрда эки жылдан ашык иштеп жүргөн кезим болчу. Төлөмүш Океевдин "Кызыл алма" тасмасы тартыла тургандыгы айтылып калды. Мени кинопробага чакырышкан, ал жакка Таттыбүбү Турсунбаева, Наталья Аринбасарова да барган экен. Аткарчусун аткарып бердим, бирок атактуу актрисалар тартылганы жатса, мени ролго алат деп ойлогон эмесмин. Кийин мага "өттүңүз" деп сүйүнчүлөшкөн. Ошентип мен кинодо алгачкы башкы ролумду жаратып, кийин бир топ режиссёрлордун эмгектерине катыштым. Чындыгында ал кинофильмди тартуу үчүн Океев күчтүү инсандарды чогулткан. Оператор Константин Орозалиевди эле алалы, анын сезимталдык жана кесипкөйлүк менен Таттыбүбүнү тарткан кадрлары азыркыга чейин колдонулуп келүүдө. Андан сырткары, төрөттө болгон окуяны да чеберчилик менен камерага түшүргөн. Киночулар толготуп жаткан, көз жарган келиндерге билгизбей аппаратураны жашырып коюп тарткан. Ал жерде менин ыйлап отурганым, жаңы төрөлгөн кызымдын атасынын ысымын айткым келбей жатканым бар. Ошол эпизод чыныгы жашоодогудай көрүнөт, ал жактагылардын эмоциясы толук ачылган. Кинофильмди жай жана күз мезгилинде эле тартып бүтүргөнбүз. Алиман апа, Сүймөнкул агай, Төлөмүш Океев бардыгы адамгерчилиги бийик инсандар эле. Сонун учурлар өтүптүр", — деди Ажыбекова.

"Кызыл алманы" жаратууга украиналык композитор Шандор Коллаш, жаш оператор Константин Орозалиев, сүрөтчү Жамбул Жумабаев катышкан. Ошондой эле Алиман Жангорозова, Таттыбүбү Турсунбаева, Сабира Күмүшалиева, Чоро Думанаев, Арсен Умуралиев, Анара Макекадырова да роль аткарган. Тасма ошол эле жылы Швециянын Локарно шаарындагы эл аралык кинофестивалда Ардак грамотага татып, Москвада өткөн IX эл аралык кинофестивалды ачкан.

153
Белгилер:
таберик сүрөт, "Кызыл алма" тасмасы, Сүймөнкул Чокморов, Гүлсара Ажыбекова, Төлөмүш Океев
Тема:
"Таберик сүрөт" — сейрек кездешкен ирмемдер (127)
Тема боюнча
Көчөдө тамашалашкан Мухаммед Али менен Орзубек Назаров. Таберик сүрөт
Эшек минген атактуу Видугирис жана Абдыкулов. Кыргыз киночуларынын таберик сүрөтү
Кызын сагынган "Бугу эне", апасына талпынган чүрпө. "Ак кемедеги" таберик сүрөт
Көйкашка коомдук бирикмесинин мүчөсү, манасчы Нурбек Талантбеков. Архив

Талантбеков: "Манаста" тамактануу убактары "нанүштө", "жагына" делген

27
(жаңыланган 12:19 01.12.2020)
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунан тамактануу боюнча дагы маалыматтарды алса болорун белгиледи.
Талантбеков: "Манаста" тамактануу убактары "нанүштө", "жагына" делген

Таңкы тамактануу "нанүштө", түшкө маал тамак ичүү "түштөнүү", ал эми кечки курсак тойгузуу "жагына" деп аталат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Анын айтымында, мындай сөздөр эпосто колдонулуп, ал тургай кандай тамактануу туура боло турганы айтылган.

"Көбүнесе тамактанууну эртең мененки, түшкү жана кечки деп бөлүп айтылып жүрөт. Айрым учурда бул дагы колдонулбай "завтрак, обед, ужин" делип орусчасы колдонулууда. "Манас" баянында таңкы тамактануу "нанүштө" делип, анда жеңил-желпи тамак желген. Ал эми "түштөнүүдө" абдан күчтүү тамактануу зарылдыгы белгиленген. Ошол эле эпосто кечки курсак тойгузуу "жагына" делип, ал өтө кечке калтырылбастыгын аңдасак болот", — деди Талантбеков.

Манасчы эпостогу көөнө сөздөрдү колдонуп аны коомго жайылтуу керектигин кошумчалады.

27
Белгилер:
тил, Манас эпосу, Нурбек Талантбеков
Тема боюнча
Талантбеков: "Манаста" кадимки факелдер колдонулган, аталышы — "шамала"
Кыргызстандык аткаруучу Исламбек Кемелов

Исламбек Кемелов Москвада орус романстары сынагынын финалына чыкты

111
(жаңыланган 17:44 30.11.2020)
Сынактын тандоо турунда финалга беш өлкөдөн мыкты делген жаш он эки аткаруучу чыккан. Алар Россия, Армения, Казакстан, Өзбекстан жана Кыргызстандан.

БИШКЕК, 30-ноя. — Sputnik. Кыргызстандык аткаруучу Исламбек Кемелов Москвада орус романстарынын эл аралык сынагынын финалында ырдайт. Бул тууралуу Кыргызстандагы Россиялык илим жана маданият борборунан кабарлашты.

Заслуженный деятель искусств России, заслуженная артистка России Галина Преображенская на открытии IV Открытого международного конкурса исполнителей русского романса Среднеазиатская романсиада В Бишкеке. 19 ноября 2020 года
© Фото / пресс-служба РЦНК в Бишкеке
Сынакка РФтин эмгек сиңирген артисти, Москва "Романстар үйүнүн" директору, профессор Галина Преображенская жетекчилик кылат

5-декабрда орус романстарынын жаш аткаруучуларынын москвалык "Романсиада" деп аталган XXIV эл аралык сынагынын финалы өтөт. Тандоо турунда финалга беш өлкөдөн мыкты делген жаш он эки аткаруучу өткөн. Алар Россия, Армения, Казакстан, Өзбекстан жана Кыргызстандан чыккан таланттар.

"Кыргызстандын атынан финалга Калый Молдобасанов атындагы консерваториянын студенти Исламбек Кемелов чыгат. Ал Бишкекте өткөн орус романстарын аткаруучулар арасындагы "Орто Азия романсиадасы" аттуу IV эл аралык сынактын жеңүүчүсү. Иш-чараны Россотрудничествонун Кыргызстандагы өкүлчүлүгү, Москванын "Романс үйү" жана "Гармония" орус маданий борбору өткөргөн", — деп айтылат маалыматта.

Жарышка катышкандар классикалык, заманбап болгон бир нече жанрдагы романстарды аткарышы керек. Алардын талантына эл аралык деңгээлдеги калыстар баа берет. Сынакка РФтин эмгек сиңирген артисти, Москва "Романстар үйүнүн" директору, профессор Галина Преображенская жетекчилик кылат.

Сынакты 5-декабрда саат 15:00дөн тарта (Бишкек убактысы боюнча) интернеттен, "Русский мир" телеканалынан жана Кыргызстандагы Россиялык илим жана маданият борборунун Facebook баракчасынан көрүүгө болот. Эфирдин жүрүшүндө каалагандар сүйүктүү ырчысына добуш бере алат.

111
Белгилер:
романс, конкурс, Москва, Кыргызстан
Тема боюнча
Музыка менен АКШны багынткан кыргыз кызы: ыйлаган күндөрүм көп болду
Суу алып аткан аял. Архивдик сүрөт

Баткенде жоголгон аял Өзбекстан менен Тажикстандан да изделип жатат. Сүрөт

0
(жаңыланган 16:44 01.12.2020)
Кожонова сегиз күндөн бери дайынсыз болууда. Ал 23-ноябрь күнү кечки саат 20:30дар чамасында үйүнөн чыгып кеткен боюнча кайтып келген эмес.

БИШКЕК, 1-дек. — Sputnik. Баткен шаарынын Кызыл-Жол кварталынын 45 жаштагы тургуну Мактым Кожонова коңшулаш Өзбекстан жана Тажикстандан да изделип жатат. Бул тууралуу өкмөттүн облустагы өкүлчүлүгүнүн маалымат катчысы Чолпон Бердикулова Sputnik Кыргызстан агенттигине билдирди. 

Без вести пропавшая 45-летняя Мактым Кожонова, которая пропала в Баткене 23 ноября 2020 года
© Фото / предоставлено пресс-службой полпредства правительства в Баткенской области
Жоголуп кеткен Баткен шаарынын Кызыл-Жол кварталынын 45 жаштагы тургуну Мактым Кожонова

Анын айтымында, Кожонова сегиз күндөн бери дайынсыз болууда. Ал 23-ноябрь күнү кечки саат 20:30дар чамасында үйүнөн чыгып кеткен боюнча кайтып келген эмес. Жакындары издеп таба албай, милицияга кайрылышкан.

Факты Баткен шаардык ички иштер башкармалыгы тарабынан бирдиктүү реестрге "Дайынсыз жоголуу" беренеси менен катталып, ыкчам издөө иштери жүрүп жатат.

Аялды Өзгөчө кырдаалдар министрлигинин 16 куткаруучусу, 15 милиционер жана жергиликтүү тургундар издеп жатышат. Бирок издөө иштери натыйжа бере элек.

Бүгүн, 1-декабрь күнү, аялдын жакындары өкмөттүн Баткен облусундагы өкүлү Жаныбек Жалаловго издөө иштерин көзөмөлгө алууну өтүнүп, кайрылышкан. Жалалов аларга укук коргоо органдары күчөтүлгөн тартипте иштеп жатканын жана коңшулаш Тажикстан менен Өзбекстан республикаларында да издөө салынганын белгилеген.

Мактым Кожонова алты баланын энеси.

0
Белгилер:
милиция, издөө, жоголуу, Баткен
Тема боюнча
Инспекторлор шектүү унааны кууп, айдоочусун асманга ок чыгарып кармады