Карышкыр менен ойногон бала көчөдөн табылган. "Акбаранын көз жашынан" таберик сүрөт

491
(жаңыланган 18:40 09.12.2020)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
Акбаранын көз жашы тасмасын тартып жаткан учурда
© Sputnik / Александр Федоров

Кыргыз киносу менен театрынын легендарлуу актеру Советбек Жумадылов менен казакстандык актриса Рахиля Машурованын сүрөтү 1989-жылы Ош облусунда тартылган.

Ал жылы белгилүү кинорежиссер Дооронбек Садырбаев жазуучу Чыңгыз Айтматовдун "Кыямат" романынын негизинде "Акбаранын көз жашы" тасмасын тартып, Евгений Барышников, Айбек Жангазиев операторлук кылган.

Ошол кезеңди КРдин Кинематографисттер союзунун мүчөсү, аталган фильмдин экинчи режиссеру Төлөгөн Сыдыков мындайча эскерет:

"Сүрөттөгү ымыркайды көпкө чейин таба албай аябай кыйналдык. Бир күнү Дооронбек болуп Алайда машина менен кетип баратсак көчөдө кичинекей бала чоң дөбөт менен коркпой ойноп жүрүптүр. Биз токтоп анын баскан-турганына көз салып турдук, бала жакты. Ата-энеси менен сүйлөшүп, алар киночулар менен тоодо чогуу жүрүшкөн. Анткени карышкыр менен чогуу тарткан эпизоддор бар болчу. Ошонун баарын кылдаттык менен тартканбыз. Ал эми Советбек Жумадылов менен ага чейин бир топ тасмаларда иштешип, жакшы мамиледе болчумун. Негизи кинодо режиссерлор актерлор менен тил табышып, алардын мүнөзүн, эмне жактырып же жактырбай турганына чейин билиши керек. Кээ бир артисттер толук ачыла албай, образга кире албай кыйналат. Советбек кандай образ болбосун, бат эле кирип кетчү. Ал эми Рахиля Машурова менен мен биринчи жолу иштештим. Аны Дооронбек Казакстанга барганда театрдан көрүп, Бостондун аялынын ролуна жарайт экен деп ойлоп коюптур. Өзүм барып сүйлөшүп Кыргызстанга алып келгем", — деди Сыдыков.

Аталган фильмде Жамал Сейдакматова, Дүйшөн Байдөбөтов, Арсен Өмүралиев, Назира Мамбетова, Альгимантас Видугирис, Бусурман Одуракаев, Турсун Уралиев да тартылган.

Кинокартинадагы негизги окуялар Алайдагы Жошолу тоолорунда жана Казакстандын талааларында болуп, фильмде тартылган эки карышкыр Россиядан атайын алып келинген. Тасма 1989-жылы экранга чыгып, кийин башка советтик республикаларда дагы көрсөтүлгөн.

491
Белгилер:
таберик сүрөт, Советбек Жумадылов, Кыргызстан
Тема боюнча
Кыргыз өңү Чокморовдун өңүндөй!.. Шамшиевдин тасмасындагы таберик сүрөт
Саякбай манасчы жандай көргөн "Карачологу" менен. Таберик сүрөт
Москва сахнасында кыргызды даңазалаган залкарлар. Таберик сүрөт
Тапанча көтөргөн Океев, камера менен алышкан Борбиев. "Мурастагы" таберик сүрөт
Ай талааны жаңырта ыйлаган Сейдакматова. "Акбаранын көз жашындагы" таберик сүрөт

Өкмөт үйүнүн алдындагы комбайн, тракторлор. Фрунзедеги таберик сүрөт

71
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
Өкмөт үйүнүн алдындагы комбайн, тракторлор. Архив
© Sputnik / Александр Федоров

Фрунзе (азыркы Бишкек) шаарынын борбордук аянтына тынчтык демонстрациясына чыккан эл менен айыл чарба техникаларынын сүрөтү 1970-жылдары тартылган.

Сүрөттүн автору Александр Федоровдун айтымында, шаар тургундары жыл сайын Эмгекчилердин эл аралык тилектештик күнүндө чогулушчу. Ал жылдары советтик жарандар 1-майда тынчтык демонстрациясына чыгып, 7-ноябрда аскердик техникалардын парады уюштурулуп турчу.

Ошол кезеңди ата мекендик айыл чарба тармагынын ардагери, окумуштуу Жамин Акималиев мындайча эскерет:

"Убагында 1-Май майрамы жалпы элдик, эч кандай саясаты жок майрам эле. Катардагы жумушчу, жарандардан баштап, коммунист, партиянын катарында болбогондор деле катышчу. Ар бир мекеменин жамааты колуна ар кандай чакырыктарды көтөрүп алып, түрдүү ураандарды чакырып шаардын четинен чок ортосуна жетүү үчүн эки-үч саатка чейин жөө басып койчубуз. Ошондо көңүлү ачык, тынчтыкты эңсеген эл көчөгө бала-бакырабыз менен кошо чыкчубуз. Параддарга катышкан айыл чарба техникалары борбор калаанын тегерегиндеги колхоз, совхоздордон атайын айдап келинчү, ал кезде аларда техникалары арбын болчу. Азыр ошондой майрамды аябай сагынам, мамлекет уюштурса экен деп тилейм. Анткени биз колубузга гүл көтөрүп, башкаларды көрүп шыктанып, бир майрамдын алдында биригет элек", — деди Акималиев.

Илимпоз, ошондой эле, көчөгө чыккан эмгекчилердин сап башында СССРдин баатырлары Дайыр Асанов, Калыйнур Үсөнбеков, Социалисттик эмгектин баатыры Керимбүбү Шопокова, СССРдин эл артисти Сайра Кийизбаева, Муратбек Рыскулов жана өндүрүштүн алдыңкылары турганын кошумчалады.

71
Белгилер:
таберик сүрөт, парад, майрам, Кыргызстан
Тема:
"Таберик сүрөт" — сейрек кездешкен ирмемдер
Тема боюнча
Жусуп Мамай, Айтматов, Баекова, Жакиев. "Манас" мааракесинен таберик сүрөт
Согуштун балдары. Океев, Жакиев жана Байжиевдин таберик сүрөтү
Якутияда бугу издеген Болот Шамшиев, Жолон Мамытов, Айтурган Темирова. Таберик сүрөт

Дүйнө элдеринин көз талдырган, таң калтырган бийлери. 12 сүрөт

245
Эл аралык бий күнү 1982-жылдан бери ЮНЕСКОнун алдындагы Эл аралык театр институтунун бий комитетинин демилгеси менен майрамдалып келет.

1727-жылы 29-апрелде заманбап балеттин негиздөөчүсү Жан-Жорж Новерр туулган. Атактуу франциялык хореограф жана окутуучу Луи Дюпренин шакирти Новерр 1743-жылы бийчи катары сахнага чыгып, Франция жана Британиянын театрларында иштеген. Кийинчерээк бий спектаклин түзгөн.

Новерр драмалык балеттин негиздөөчүсү катары таанымал. Анын реформалары дүйнөлүк балеттин өнүгүшүнө таасирин тийгизген.

Эл аралык майрам бийдин түрлөрү аркылуу адамдарды бириктирип, саясий, маданий жана этникалык тоскоолдуктарды жеңүүнү көздөйт. Былтыр пандемияга байланыштуу майрам онлайн белгиленген. 2021-жылы да ушундай тартипте өткөрүү чечими кабыл алынган.

245
  • © AFP 2021 / Yasuyoshi Chiba

    Рио-де-Жанейро шаарындагы (Бразилия) карнавалда самба бийлеп жаткан топ

  • © AP Photo / Jae Hong

    Токиодогу театрдын артисттери

  • © Sputnik / Igor Kostin

    Украина ССРинин Мамлекеттик академиялык бий ансамблинин артисттери өздөрүнүн бийин аткарып жатышат

  • Хака аталышындагы саламдашуу бийин бийлеген маори элинин (Жаңы Зеландия) жоокерлери

  • © AFP 2021 / Adem Altan

    Түркияда дубандар (дервиш) чимирилип бийлеп жатат

  • Америкадагы индиялык резервациянын pow-wow бийи

  • © AFP 2021 / Sonny Tumbelaka

    Бали элинин кечак бийи

  • Өнөрпоздор классикалык кхмер бийин аткарышууда

  • Англиянын элдик бийи Abbots bromley horn

  • © AFP 2021 / Timothy A. Cary

    Фламенкону келиштире аткарган бийкеч

  • © Depositphotos / Dtemps

    Эфиопиядагы хамер уруусунун салттуу бийи

  • © AP Photo / Natacha Pisarenko

    Буэнос-Айресте (Аргентина) бийчилер танго тартуулады

Белгилер:
сүрөт, балет, майрам, бий
Тема боюнча
Темир тулпардагы сулуулар. Motorsport Expo — 2021 көргөзмөсүнөн 11 сүрөт
Купальникчен лыжа тепкен сулуулар. Сочидеги фестивалдан укмуштуу сүрөттөр
Профилактика иштерин жасап жаткан сантехник. Архив

Бишкекте ысык суу өчкөндөн кийин кандай иштерди жасап алуу керек

0
(жаңыланган 12:01 14.05.2021)
Бишкекте 17-майдан баштап бир айга ысык суу өчүрүлөт. Буга байланыштуу көп кабаттуу үйлөрдүн жашоочуларына көйгөйлөрдү алдын алуу иштерин жүргүзүп алуу сунушталды.

БИШКЕК, 14-май — Sputnik. Борбор калаада ысык суу өчкөн маалда бир нече профилактикалык иштерди жасап алуу керектигин "Бишкек жылуулук тармагы" ишканасы айтып берди.

Эске сала кетсек, Бишкекте 17-майдан баштап бир айга ысык суу өчүрүлөт. Бул убакыт аралыгында суу түтүктөрү пландуу оңдоодон өткөрүлүп, күз-кыш мезгилине даярдык көрүлөт.

Буга байланыштуу көп кабаттуу үйлөрдүн жашоочуларына ар кандай көйгөйлөрдү алдын алуу иштерин жүргүзүп алуу сунушталды:

  • түтүк ылдый жактан келген көп кабаттуу үйлөр жогорку жактан аба чыгара турчу шаймандарды орнотуусу зарыл;
  • жылуулукту жакшы өткөрүү үчүн кирдеп толуп калган эски батареяларды жууп же алмаштыруу керек;
  • ошондой эле ысык менен муздак сууну аралаштырып берген крандарды оңдоп алуу туура;
  • ысык суу берилерде суу агып кетпеш үчүн "Аристон" сыяктуу суу жылытуучу каражаттарды өчүрүп коюу зарыл;
  • айнектерди жана сырткы эшиктерди жылуулап алуу керек.

Суроолор боюнча "Бишкек жылуулук тармагы" ишканасынын 1980, (0312) 611 169, 0557 611166, 0777611166 жана 0701 611166 номерине чалууга болот.

0
Белгилер:
ысык суу, ишкана, Бишкек жылуулук тармагы, Бишкек
Тема боюнча
Ошто таза суу көйгөйүн чечүү үчүн жаңы долбоор каралууда
Бишкекте ысык суу качан өчүрүлөрү белгилүү болду