Белгилүү опера ырчысы Артык Мырзабаевдин 90 жылдыгы

Белгилүү опера ырчысы Артык Мырзабаевдин 90 жылдыгы белгиленди. Сүрөт

58
(жаңыланган 14:21 20.12.2020)
Кечеге Опера жана балет театрынын учурдагы көрүнүктүү солисттери катышып, көрөрмандар Артык Мырзабаевдин репертуарындагы чыгармаларды угушкан.

БИШКЕК, 20-дек. — Sputnik. Бишкектеги Кыргыз улуттук опера жана балет театрында СССРдин эл артисти, залкар опера ырчысы Артык Мырзабаевдин 90 жылдыгына арналган эскерүү кечеси болду. Бул тууралуу Маданият, маалымат жана туризм министрлиги кабарлады.

  • Бишкектеги Кыргыз улуттук опера жана балет театрында СССРдин эл артисти, залкар опера ырчысы Артык Мырзабаевдин 90 жылдыгына арналган эскерүү кечеси болду
    Бишкектеги Кыргыз улуттук опера жана балет театрында СССРдин эл артисти, залкар опера ырчысы Артык Мырзабаевдин 90 жылдыгына арналган эскерүү кечеси болду
    © Фото / пресс-служба МКИТ КР
  • В Кыргызском национальном академическом театре оперы и балета им. Малдыбаева прошел вечер памяти, посвящённый 90-летию со дня рождения выдающегося оперного певца, народного артиста СССР Артыка Мырзабаева.
    Концертте КР президентинин аппаратынын бөлүм башчысы Кудайберген Базарбаев, маданият министринин орун басары Кайрат Иманалиев жана Артык Мырзабаевдин сахналаштары, замандаштары, шакирттери жана туугандары сөз сүйлөдү
    © Фото / пресс-служба МКИТ КР
  • В Кыргызском национальном академическом театре оперы и балета им. Малдыбаева прошел вечер памяти, посвящённый 90-летию со дня рождения выдающегося оперного певца, народного артиста СССР Артыка Мырзабаева.
    Кечеге Опера жана балет театрынын азыркы учурдагы көрүнүктүү солисттери катышып, көрөрмандар Артык Мырзабаевдин репертуарындагы опера арияларын жана вокалдык чыгармаларды, ошондой эле дүйнөлүк вокалдык классикалык ырларды да угушкан
    © Фото / пресс-служба МКИТ КР
  • В Кыргызском национальном академическом театре оперы и балета им. Малдыбаева прошел вечер памяти, посвящённый 90-летию со дня рождения выдающегося оперного певца, народного артиста СССР Артыка Мырзабаева.
    Артык Мырзабаев 1930-жылы Чүйдүн Кызыл-Аскер айылында жарык дүйнөгө келген. Улуу Ата Мекендик согуш жылдарында улуулар менен тең катар колхоздо иштеген
    © Фото / пресс-служба МКИТ КР
  • В Кыргызском национальном академическом театре оперы и балета им. Малдыбаева прошел вечер памяти, посвящённый 90-летию со дня рождения выдающегося оперного певца, народного артиста СССР Артыка Мырзабаева.
    Аны "1941-45-жылдарда Улуу Ата Мекендик согушка кошкон салымы үчүн" медалына да көрсөтүшкөн
    © Фото / пресс-служба МКИТ КР
  • В Кыргызском национальном академическом театре оперы и балета им. Малдыбаева прошел вечер памяти, посвящённый 90-летию со дня рождения выдающегося оперного певца, народного артиста СССР Артыка Мырзабаева.
    1949-жылы Артык Мырзабаев Фрунзедеги музыкалык хореографиялык окуу жайына тапшырып, экинчи курсту аяктагандан кийин Кыргыз мамлекеттик филармониясынын хорунун артисти болуп кабыл алынат
    © Фото / пресс-служба МКИТ КР
  • В Кыргызском национальном академическом театре оперы и балета им. Малдыбаева прошел вечер памяти, посвящённый 90-летию со дня рождения выдающегося оперного певца, народного артиста СССР Артыка Мырзабаева.
    1954-жылы Абдылас Малдыбаев атындагы Опера жана балет театрына ишке алынып, "Айчүрөк" операсындагы Семетей партиясы аркылуу тааныла баштаган
    © Фото / пресс-служба МКИТ КР
  • В Кыргызском национальном академическом театре оперы и балета им. Малдыбаева прошел вечер памяти, посвящённый 90-летию со дня рождения выдающегося оперного певца, народного артиста СССР Артыка Мырзабаева.
    Артык Мырзабаев баритон үчүн жазылган орус жана чет элдик классикалык опералардын бардык партияларын аткарган
    © Фото / пресс-служба МКИТ КР
  • В Кыргызском национальном академическом театре оперы и балета им. Малдыбаева прошел вечер памяти, посвящённый 90-летию со дня рождения выдающегося оперного певца, народного артиста СССР Артыка Мырзабаева.
    Алар: "Фаусттагы" Валентиндин, "Травиатадагы" Жермондун, "Лакмедеги" Фредериктин, "Дон Карлостогу" Родриго ди Позанын, "Иолантадагы" Роберттин, "Евгений Онегиндеги" Евгений Онегиндин, "Кармендеги" Эскамильонун жана башка партиялар эле
    © Фото / пресс-служба МКИТ КР
  • В Кыргызском национальном академическом театре оперы и балета им. Малдыбаева прошел вечер памяти, посвящённый 90-летию со дня рождения выдающегося оперного певца, народного артиста СССР Артыка Мырзабаева.
    Ал өзгөчө уккулуктуу баритондун гана ээси болбостон, драмалык актер катары да таанылган
    © Фото / пресс-служба МКИТ КР
1 / 10
© Фото / пресс-служба МКИТ КР
Бишкектеги Кыргыз улуттук опера жана балет театрында СССРдин эл артисти, залкар опера ырчысы Артык Мырзабаевдин 90 жылдыгына арналган эскерүү кечеси болду

Концертте КР президентинин аппаратынын бөлүм башчысы Кудайберген Базарбаев, маданият министринин орун басары Кайрат Иманалиев жана Артык Мырзабаевдин сахналаштары, замандаштары, шакирттери жана туугандары сөз сүйлөдү.

Кечеге Опера жана балет театрынын азыркы учурдагы көрүнүктүү солисттери катышып, көрөрмандар Артык Мырзабаевдин репертуарындагы опера арияларын жана вокалдык чыгармаларды, ошондой эле дүйнөлүк вокалдык классикалык ырларды да угушкан.

Артык Мырзабаев 1930-жылы Чүйдүн Кызыл-Аскер айылында жарык дүйнөгө келген. Улуу Ата Мекендик согуш жылдарында улуулар менен тең катар колхоздо иштеген. Аны "1941-45-жылдарда Улуу Ата Мекендик согушка кошкон салымы үчүн" медалына да көрсөтүшкөн.

1949-жылы Артык Мырзабаев Фрунзедеги музыкалык хореографиялык окуу жайына тапшырып, экинчи курсту аяктагандан кийин Кыргыз мамлекеттик филармониясынын хорунун артисти болуп кабыл алынат. 1954-жылы Абдылас Малдыбаев атындагы Опера жана балет театрына ишке алынып, "Айчүрөк" операсындагы Семетей партиясы аркылуу тааныла баштаган.

Артык Мырзабаев баритон үчүн жазылган орус жана чет элдик классикалык опералардын бардык партияларын аткарган. Алар: "Фаусттагы" Валентиндин, "Травиатадагы" Жермондун, "Лакмедеги" Фредериктин, "Дон Карлостогу" Родриго ди Позанын, "Иолантадагы" Роберттин, "Евгений Онегиндеги" Евгений Онегиндин, "Кармендеги" Эскамильонун жана башка партиялар эле.

Ал өзгөчө уккулуктуу баритондун гана ээси болбостон, драмалык актер катары да таанылган.

Артык Мырзабаев 2005-жылы дүйнөдөн кайткан.

58
Белгилер:
кече, эскерүү, чыгарма, опера, Кыргызстан
Тема боюнча
Айылдашына таасирленип актер болгон. Алп талант Болот Бейшеналиевдин сүрөттөрү
Профессор Роза Айтматова. Архив

Бишкекте Роза Айтматованын "Атам жөнүндө" аттуу китебинин бет ачары өтөт

60
(жаңыланган 19:43 20.01.2021)
Китепте Төрөкул Айтматовдун Кыргызстандын эл чарбасынын, өнөр жайынын пайдубалын түптөөгө кошкон салымы баяндалат.

БИШКЕК, 20-янв. — Sputnik. Бишкекте Роза Айтматованын "Атам жөнүндө" аттуу эскерүү китебинин бет ачары өтөт. Бул туурасында Кыргызпатенттин маалымат кызматы билдирди.

Иш-чара эртең, 21-январда, саат 11.00дө Алыкул Осмонов атындагы улуттук китепкананын конференц-залында өтөт.

Бул китеп Кыргызпатент тарабынан 2020-жылы Тарых жана ата-бабаларды эскерүү күнүнө карата мамлекеттик жана расмий тилде 500 нускада чыгарылган.

Анда Төрөкул Айтматовдун көп кырдуу ишмердигинин ичинен Кыргызстандын эл чарбасынын, өнөр жайынын пайдубалын түптөөгө кошкон салымы архивдик материалдардын негизинде чагылдырылган.

Бет ачарга Кыргызстандын илимий жана чыгармачыл интеллигенциясынын өкүлдөрү, Айтматовдун үй-бүлө мүчөлөрүнүн катышуусу күтүлүүдө.

Китеп окурмандардын кеңири катмарына сунушталат.

60
Белгилер:
бет ачар, китеп, Роза Айтматова, Кыргызпатент, Кыргызстан
Тема боюнча
Айтматовдун чыгармалары урду тилине которулду
Кыргызстандын желеги. Архив

Таластык Куценко, токмоктук Бивол. Кыргызстанда төрөлүп чет жакта атагы чыккандар

577
(жаңыланган 16:38 20.01.2021)
Кыргызстанда төрөлгөн Денис Логунов COVID-19га каршы дүйнөдө биринчи түзүлгөн россиялык вакциналардын бири "Спутник V" препаратынын түзүүчүсү экени белгилүү болду.

Sputnik агенттиги Кыргызстанда туулуп, кийин чет мамлекеттерге көчүп кетип, азыр аты таанылган адамдарды тизмектеди.

Денис Логунов

© Sputnik / Рамиль Ситдиков
Кыргызстанда төрөлгөн Денис Логунов (солдо) COVID-19га "Спутник V" препаратынын түзүүчүсү экени белгилүү болду

Жергиликтүү ЖМКлардын көбү коронавирустан коргогон дүйнөдөгү алгачкы "Спутник V" вакцинасынын түзүүчүсү Денис Логунов Кыргызстанда туулганын жазышууда.

Маалыматтарга караганда, Логунов 1978-жылы 13-октябрда Фрунзе шаарында туулган. 43 жашында Россиянын Илимдер академиясынын мүчө-корреспонденти болууга жетишкен. Учурда ал Гамалея атындагы илимий борбордо директордун орун басары, клеткалык микробиология лабораториясынын жетекчиси болуп иштейт.

Виталий Кличко

© Sputnik / Стрингер
Белгилүү украин спортчусу Чүйдүн Беловодское айылында 1971-жылы 19-июлда туулган

Белгилүү украин спортчусу да биздин жердеш. Ал Чүйдүн Беловодское айылында 1971-жылы 19-июлда туулган. Профессионалдык бокс боюнча WBO версиясында дүйнө чемпиону болгон. Азыр саясат менен алектенип, Киев шаарын башкарып келет.

Светлана Назаренко

Уроженка Кыргызстана, солистка группы Город 312 Светлана Назаренко в редакции Sputnik Кыргызстан
© Sputnik / Табылды Кадырбеков
"Город 312" тобунун солисти Светлана Назаренко Бишкекте туулган

"Город 312" тобун кимдер гана билбейт. Аталышы да жөн жерден эмес, 312 — Бишкектин эл аралык телефондук коду. Топтун башкы солисти Светлана Назаренко 1970-жылы 17-октябрда Бишкекте туулган. Москвада жашаган ырчы мекениндеги концерттик иш-чараларга келип турат.

Эже-сиңди Шевченколор

Чемпионка мира по смешанным единоборствам по версии UFC Валентина Шевченко с сестрой бойцом UFC Антониной Шевченко во время тренировок
© Фото / предоставлено Валентиной Шевченко
UFC чемпиону жана мушкери Валентина менен Антонина Шечвенчолор мелдештерде Кыргызстан менен Перунун желегин көтөрүп чыгышат

Аралаш мушташ боюнча турнир өткөргөн Абсолюттук мушкерлер уюмунун (UFC) чемпиону Валентина Шевченко менен ушул лиганын спортчусу, эжеси Антонина Шевченко да Бишкекте төрөлгөнүн билебиз. Учурда АКШда турушат. Алар мелдештерде Кыргызстан менен Перунун желегин көтөрүп чыгышат.

Жаннат Керимбаев

Посмотреть эту публикацию в Instagram

Публикация от Жаннат Керимбаев (@zhannatkerimbaev)

"Кухня", "Отель Элеон" сериалдарынын сценаристи Жаннат Керимбаев айтылуу Асанкалый Керимбаевдин уулу. Башында КВНге аралашып жүрүп, кийин азыркы "Азия Микс" командасынын капитаны Элдияр Кененсаров жана дагы бир КВНчи Василий Куценко үчөө Россиянын телеканалдарында эмгектенишкен. Алар СТС каналындагы "6 кадров", "Даешь молодежь" берүүлөрүн даярдап, "Кухня" сериалынын сценарийин жазып жүрүп, кыргызстандык Айнуранын образынын пайда болушуна себепкер болгон.

Илзат Ахметов

Футбол. РПЛ. Матч ЦСКА - Зенит
© Sputnik / Алексей Филиппов
Футбол дүйнөсүнүн белгилүү оюнчусу, Россиянын курама командасында ойногон Илзат Ахметов Бишкекте төрөлгөн.

Илзат Ахметов Бишкекте төрөлүп, "Алга" футбол командасында тарбияланган. Учурда москвалык ЦСКА командасы менен келишим түзүп, Россиянын футбол боюнча курамасына кошулган.

Ахметов Россиянын улуттук "Биринчи бештик" сыйлыгынын лауреаты жана УЕФАнын рейтинги боюнча келечеги кең 50 оюнчунун тобуна кирет.

Михаил Швыдкой

Художественный руководитель Московского театра мюзикла Михаил Швыдкой
© Sputnik / Евгений Одиноков
Россиянын президентинин эл аралык маданий кызматташтык боюнча атайын өкүлү Михаил Швыдкой Кант шаарында төрөлгөн

Россиянын президентинин эл аралык маданий кызматташтык боюнча атайын өкүлү, медиаменеджер, коомдук жана маданий ишмер Михаил Швыдкой Кант шаарында төрөлгөн. Ал иш сапары менен Кыргызстанга келип турат.

Татьяна Колпакова

Олимпийская чемпиона по прыжкам в длину Татьяна Колпакова
© Пресс-служба президента КР / Султан Досалиев
Аламүдүндүк Татьяна Колпакова Москва Олимпиадасында Кыргызстанга алтын алып берген

Аламүдүндүк Татьяна Колпакова Москва Олимпиадасында Кыргызстанга алтын алып келип берген. Ал 90-жылдары Бишкекте машыктыруучу болуп иштеген. Бир топ жылдан бери Колпакова Россияда турат, бирок туулган жерин, Кыргызстанды эстен чыгарбайт. Былтыр Бишкекке келгенинде өлкө президенти Сооронбай Жээнбеков менен кезиккен.

Геннадий Онищенко

© Sputnik / Владимир Федоренко
Роспотребнадзордун мурдагы жетекчиси Геннадий Онищенко Оштун Чаңгыр-Таш айылынан болот

Россиянын Илимдер академиясынын академиги, Мамдуманын депутаты, Роспотребнадзордун (Россиядагы керектөөчүлөрдүн укугун коргоо жана адамдын бакубатчылыгы боюнча федералдык кызмат) мурдагы жетекчиси Геннадий Онищенко да жердешибиз экенин билгендер аз чыгар. Ал 1950-жылы 21-октябрда Ош облусунун Чаңгыр-Таш айылында туулган.

Талант Дүйшөбаев

Тренер сборной Польши Талант Дуйшебаев во время матча по гандболу среди мужчин за бронзовые медали на матче Польша - Германия на Олимпийских играх 2016 года в Рио. 21 августа 2016 года
© AFP 2021 / JAVIER SORIANO
Испаниянын гандбол боюнча кесипкөй машыктыруучусу, олимпиада чемпиону Талант Дүйшөбаев да фрунзелик экенин эстей жүрөлү

Испаниянын гандбол боюнча кесипкөй машыктыруучусу, олимпиада чемпиону Талант Дүйшөбаев да фрунзелик экенин эстей жүрөлү. Ал 2000-жылы эл аралык федерациянын версиясы боюнча ХХ кылымдагы эң мыкты гандбол оюнчуларынын бири деп таанылган.

Юлия Ахмедова

Посмотреть эту публикацию в Instagram

Публикация от Ахмедова Юлия (@yakhmedova)

Сатиралык жанрдагы россиялык актриса, КВН командасынын продюсери, Stand Up шоусунун мурдагы катышуучусу Юлия Ахмедова Бишкектин четинде жайгашкан Кант шаарынан. Маектеринде да балалыгы Кыргызстанда өткөнүн айтканды унутпайт.

Андрей Курнявка

Посмотреть эту публикацию в Instagram

Публикация от Курнявка Андрей Петрович (@kurnyavka_a_p)

Бокс боюнча Евпопанын, дүйнөнүн чемпиону, СССРдин спорт чебери Андрей Курнявка да фрунзелик. Кийин Россиянын жарандыгын алган. Ал рингде 350 беттеш өткөрүп, анын 150сүн нокаут менен жеңген.

Салижан Шарипов

Кыргызстанский и российский космонавт, Герой Кыргызской Республики, Герой Российской Федерации Салижан Шарипов. Архивное фото
© AFP 2021 / TONY RANZE
Кыргызстан менен Россиянын баатыры наамын алган космонавт Салижан Шарипов Өзгөн районунда төрөлгөн

Кыргызстан менен Россиянын баатыры наамын алган Салижан Шариповду укканда дароо көзүбүзгө космонавт элестейт. Кыргыздын алгачкы космонавты Ош облусунун Өзгөн районунда 1964-жылы 24-августта төрөлгөн.

Дмитрий Бивол

Боксерский бой Дмитрия Бивола и Айзека Чилембу
© AP Photo / Mel Evans
Профессионалдык бокстун WBA версиясы боюнча дүйнөнүн чемпиону Токмоктон болот

Профессионалдык бокстун WBA версиясы боюнча дүйнөнүн чемпиону, Россиядагы жана Америкадагы беделдүү турнирлердин жеңүүчүсү Дмитрий Бивол Токмоктон болот. 2017-жылы Биволду ошол кездеги премьер-министр Сапар Исаков кабыл алган.

Азиз Бейшеналиев

Актер Азиз Бейшеналиев во время фотосессии
© Фото / Илья Назаренко
Айтылуу актер Болот Бейшеналиевдин уулу Азиз атасынын жолун жолдоп, Россияда жана Казакстанда карьерасын улантууда

Айтылуу актер Болот Бейшеналиевдин уулу Азиз атасынын жолун жолдогон. Анын аты Кыргызстанда, Өзбекстанда, Россияда жана Казакстанда өзгөчө таанымал. Анткен менен ушул тапта Россиянын кино тармагында өз ордун таап, "Лектор", "Дом на Озерной", "Дворик", "Судьба на выбор", "Снайперы: Любовь под прицелом" сыяктуу тасмаларга тартылган. Актер 2015-жылы өзүн режиссер катары сынап көрүү максатында Москвадан Алматы шаарына көчүп кеткен.

Юрий Мельниченко

Заслуженный мастер спорта и заслуженный тренер Казахстана Юрий Мельниченко. Двукратным чемпионом Азии (1996 и 1997) и дважды чемпионом мира (1994 и 1997)
© AP Photo / MICHEL PROBST
Жалал-Абаддык балбан Юрий Мельниченкон өлкөдө ага колдоо жок болгондуктан Казакстандын туусун көтөрүп, Олимпиада оюндарынан алтын алып берген

Жалал-Абад шаарында туулган Юрий Мельниченконун ысымы 1990-жылы эл аралык аренада "дүңк" эле дей түшкөн. Ал жаштар арасына дүйнө чемпиону аталып, Венгрияда, Израилде, Францияда өткөн эл аралык мелдештерде байге алып келген. Бирок өлкөдө ага колдоо жок болгондуктан Казакстандын туусун көтөрүп, олимпиада оюндарынан алтын алып берген.

Василий Куценко

Сценарист сериала Кухня Василий Куценко.
Sputnik
Россиянын КВН оюнчусу, сценарист Василий Куценко таластык жигиттердин бири

Россиянын КВН оюнчусу, "Кухня" аттуу белгилүү сериалдын авторлорунун бири, көркөм фильмдердин сценарийлеринин автору Василий Куценко таластык жигиттердин бири.

577
Белгилер:
Фрунзе, Россия, Кыргызстан
Тема боюнча
Өзгө жердин өнөр дүйнөсүн багынткан кыргызстандыктар
Германияда илимдин доктору болгон Аксана: патриархалдык коомду аялдар кармап турат
Депутат, мэр, миллиардер... Борбор Азия ажолорунун уул-кыздары эмне иш кылат
Повседневная жизнь

МИК: эми ипотека алуу үчүн документтерди жарым саатта тапшырса болот

0
Элмира Абжапарованын айтымында, мурда документтерди тапшырууга орто эсеп менен үч айдай убакыт кетчү. Кагаздарды чогултууга эле бир топ убакыт, каражат талап кылынчу.

БИШКЕК, 21-янв. — Sputnik. Азыр мамлекеттик ипотека алуу үчүн документтерди тапшырууга болгону жарым сааттык убакыт талап кылынат. Бул тууралуу Мамлекеттик ипотекалык компаниянын (МИК) төрайымы Элмира Абжапарова билдирди. 

Председатель правления ОАО ГИК Элмира Абжапарова на брифинге в пресс-центре Sputnik Кыргызстан.
© Sputnik / Жоомарт Ураимов
Мамлекеттик ипотекалык компаниянын (МИК) төрайымы Элмира Абжапарова

Ал Sputnik Кыргызстан агенттигинин маалымат борборунда өтүп жаткан брифингге катышууда.

Абжапарованын айтымында, былтыркы жылдан тарта арыздарды кабыл алуу үчүн электрондук портал ишке киргизилген.

"Мурда документтерди тапшырууга орто эсеп менен үч айдай убакыт кетчү. Кагаздарды чогултууга эле бир топ убакыт, каражат талап кылынчу. Азыр ар бир адам өзүнүн уюлдук телефону аркылуу жарым сааттын ичинде ишин бүтүрүп алат. Портал "Түндүк" системасына кошулган. Андыктан мурда жаран кезекте туруп, кагаз түрүндө алган документтерди азыр өзүбүз даярдап алабыз", — деди Абжапарова.

Ошондой эле ал учурда бул багыт бир топ өнүккөн Азербайжан менен тажрыйба алмашуу болуп жатканын кошумчалады.

0
Белгилер:
Элмира Абжапарова, Мамлекеттик ипотекалык компания, Кыргызстан