АКШда өтчү Азия кинофестивалында калыстар тобун кыргызстандык киносынчы жетектейт
17:29 17.02.2021 (Жаңыртылды: 12:14 22.12.2021)
Жазылуу
Кинофестиваль 10-марттан 15-мартка чейин онлайн-форматта өтөт. Сынакка жалпы жонунан 14 тасма катышууда. Кыргызстандын атынан режиссер Эмил Атагелдиевдин "Көл" тасмасы сунушталган.
БИШКЕК, 17-фев. — Sputnik. Лос-Анджелесте түзүлгөн дүйнөлүк Азия кинофестивалында (AWFF) биринчи жолу Кыргызстандын кино индустриясынын өкүлү Гүлбара Төлөмүшова калыстар тобун жетектейт. Бул тууралуу кинофестивалдын расмий сайтына жарыяланды.
"Азия киносунун дүйнөлүк фестивалы толук метраждуу тасмаларды караган калыстар тобунун төрайымы болуп берүүмдү сунуштаганы үчүн абдан кубанып турам. Уюштуруучу комитеттин мага болгон ишеними үчүн ыраазычылык билдиргим келет. Биздин калыстар конкурска катышкан тасмаларга так баасын берерин жана өз ишин жоопкерчиликтүү алып барарын белгилейм", — деди Кинопресса эл аралык федерациясынын мүчөсү жана кино таануучу Гүлбара Төлөмүшова.
It is with great honor to introduce Ms. Gulbara Tolomushova as our Jury President.
— Asian World Film Fest (@asianworldff) February 5, 2021
She is a member of the Union of Cinematographers of Kyrgyzstan, Fédération Internationale de la Presse Cinématographique, and the Network for the Promotion of Asian Cinema. pic.twitter.com/WtFZywFSIE
Кинофестиваль 10-марттан 15-мартка чейин онлайн-форматта өтөт. Сынакка жалпы жонунан 14 тасма катышууда. Кыргызстандын атынан режиссер Эмил Атагелдиевдин "Көл" тасмасы сунушталган.
11 Үчтүн айы 2021, 08:32
Фестивалдын модератору белгилүү актриса, AWFF башкаруучулугунун мүчөсү Люси Лью болмокчу.
AWFF 2015-жылы кинорежиссер, сценарист, коомдук ишмер жана Жогорку Кеңештин экс-депутаты Садык Шер-Нияз тарабынан түптөлгөн. Аsian World Film Festival кинофестивалынын негизги максаты Азия менен Американын кино индустриясынын байланышын бекемдөө болуп саналат. Өткөн жылы кинофестивалдын коногу Анжелина Жоли болгон.
