Элечек кийген аялдар. Архивдик сүрөт

Өмүрлүк жарын жамандаба! Бир туугандар ортосундагы этикет

(жаңыланган 17:29 21.03.2021)
Sputnik Кыргызстан "Этикет" рубрикасынын алкагында коомдук жайларда жана ар кыл жагдайда өзүн татыктуу алып жүрүү эрежелери менен тааныштырат.

Бир тууган — бул Кудайдын белеги, жашоодогу тирегибиз экенинде талаш жок. Ата-энеден кийин эле сырдашып, башыбызды жөлөй турган адамдар дагы ушулар.

Анткен менен жакын адамыбыз баарын түшүнөт, кечирет дей бербей аны дагы сыйлап, ортодогу мамиледе кандайдар бир жазылбаган эрежелерди кармануу керек.

Алар тууралуу этикет муралими Нуржан Исмаилова айтып берди.

Адилеттүүлүк

Адилеттүүлүк — жашоодогу бардык мамилелердин негизи. Бир туургандар арасында дагы кадимкидей тең салмактуулук сакталышы керек. Албетте, кичине кезинде ата-эне кенжесин же ооруп калган баласын өзгөчө бөпөлөп, көзүн карайт эмеспи. Чоңдордун жашоосунда бардыгы башкача. Андыктан ортодо катачылык кетирип алсаңыз моюнга алып, кечирим сурап, сөзгө туруп, акты ак, караны кара деп ачык айтууга үйрөнүү керек. Албетте, чындык элдин баарына эле жага бербейт. Бирок чындыкты жакын адамдарга айтпаганда кимге айтабыз?

Лидерге баш ийүү

Канча бир тууган болсо дагы арасынан бири кыйын чыгары талашсыз. Ортодогу көпчүлүк маселени ошол киши чечет (сөзсүз эле үйдүн улуусу эмес). Чынында мындай адамдын болгону жакшы. Оозунда сөзү бар, акылы тунук кишинин тегерегине чогулуп иш бүтүргөнгө эмне жетсин.

Кылдат мамиле

Бир тууганың сен жөнүндө өзүңдөн да көптү билген учурлар болот. Андан эч нерсени жашырып болбойт. Бирок адам чоңойгондо, өзүнчө бүлө күткөндө жашоого көз карашы өзгөрүшү мүмкүн. Анын үстүнө өмүрлүк жар, кайын журт ар кимге ар кандай таасир этет. Андыктан турмуш курган бир тууганга көп учурда кылдаттык менен мамиле кылууга туура келет.

Таарыныч

Тирүү адам болгон соң уялаштардын ортосунда деле уруш-талаш, таарынычтар болбой койбойт. Бирок бир туугандар колдон келишинче көйгөйдү эртерээк чечишип, элдешип алганы жакшы. Экөөнүн таарынычы аларга гана эмес, башка бир туугандарга дагы, өзгөчө, ата-энесине өтө негативдүү сезимдерди жаратат. Анын үстүнө жакын адамына таарынычы бар киши өзү билбей эле бат чүнчүп кетет.

Жеке жашоосуна киришпе

Ар бир киши бир тууганым бактылуу болсун деп ойлойт. Бирок бакыт ар ким үчүн ар башкача экенин унутпайлы. Мисалы, иниңиз сизге анча жакпаган кызга үйлөнсө, сиз каалабаган жумушта иштесе же сиз начар адам деп эсептеген киши менен дос болсо эле бактысыз болуп калбайт. Бул жерде жөн гана бир туугандар бири-биринин тандоосун кабыл алууга үйрөнүшү керек.

Бир туугандын өмүрлүк жарына сый

Өтө маанилүү жагдайлардын бири. Бир тууганымдан сый көрөм десеңиз, анын теңин дагы сыйлашыңыз керек. Албетте, кээде өз киши көрүп эжеңизге жездеңиздин кемчиликтерин айтып коюшуңуз мүмкүн. Ал деле ошол учурда шек алдырбай кубаттап коюшу дагы ыктымал. Бирок чогуу жашап жаткан түгөйү болгондон кийин баары бир көңүлүнө бир нерсе кылт этиши мүмкүн. Андыктан жезде, жеңе, келин, күйөө балдарга өздөй мамиле кылып, ынтымакты буза көрбөгүлө.

Белгилер:
этикет, психология, мамиле, бир тууган
Тема:
Өзүн алып жүрүүнүн эрежеси (46)
Тема боюнча
Адамды сүйсөңүз фантазияга чек койбоңуз. Таанышуу этикети
Беймаал тынчын алба! Мугалимге кайрылуу этикети

Улуттук банк Жусуп Баласагын тууралуу ролик тартты. Видео

(жаңыланган 00:31 22.04.2021)
Кыргызстандын Улуттук банкы Facebook социалдык тармагына улуу ойчул Жусуп Баласагын тууралуу ролик жарыялады.

Актёрлор Марат Алышпаев жана Назым Мендебаиров роль жараткан роликтин режиссёру Руслан Акун.

Сценарий боюнча Жусуп Баласагынды хандын алдына чакырышат. Ал жерде чогулгандардын бардыгы ханга перс тилинде сүйлөп, кылыч белек кылып жаткан болот.
Баласагындын хан алдында жалтанбай туруп кыргыз тилинде сүйлөгөнү ал жердегилерге жакпайт.

Ошондо ойчул башчыга кайрылып, “Элим өз тилинде жазып, билимин өркүндөтсө дейм” деп жооп берет. Аны мындай сөздөрүнөн кийин хан башкы кеңешчиси кылып шайлап коёт.

Улуу ойчул, акын, саясат таануучу, мамлекеттик ишмер Жусуп Баласагын 1015-жылы, айрым маалыматтар боюнча 1016-жылы Карахандар каганатындагы Чүй өрөөнүнүн чыгышындагы азыркы Токмок шаарына жакын жерде жайгашкан биринчи борбору — Баласагын шаарында туулган.

1069-1070-жылдары Жусуп Баласагын жазган түрк тилиндеги "Кутадгу билиг" ("Куттуу билим") эмгеги дүйнөнүн көп тилдерине которулган.
Азыркы учурда Жусуптун "Кутадгу билиг" поэмасынын үч нускасы сакталып турат. Бир нускасы Вена шаарында (Австрия) сакталуу. Египеттин борбору Каир шаарында сакталып турган экинчи нуска 1986-ж. табылган.

Ал эми Намангандан табылган үчүнчү нускасы азыр белгилүү болгон нускалардын эң толугу болуп эсептелинет. Эстеликтин үчүнчү нускасы азыр Өзбекстан илимдер академиясынын Чыгыш таануу институтунун кол жазмалар фондунда сакталууда. Наманган жана Каир шаарларынан табылган нускалар араб ариби менен жазылган.

Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат.

Белгилер:
ролик, Жусуп Баласагын, Улуттук банк, Кыргызстан
Тема боюнча
Нөшөрлөгөн жаанга карабай Саякбайды уккан эл. Улуттук банктын видеосу
Кер мурут жигит Сүймөнкул Чокморов. Улуттук банктын улуу инсан тууралуу видеосу

Согуштун балдары. Океев, Жакиев жана Байжиевдин таберик сүрөтү

(жаңыланган 18:41 21.04.2021)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
Байбичеси Жумаш Өмүрова жана кызы Азиза Океева менен турган СССРдин эл артисти, белгилүү режиссер Төлөмүш Океев менен Кыргыз эл баатыры, жазуучу Бексултан Жакиев жана КРдин эл жазуучусу, драматург Мар Байжиевдин сүрөтү 1995-жылы Бишкек шаарында тартылган
© Sputnik / Александр Федоров

Байбичеси Жумаш Өмүрова жана кызы Азиза Океева менен турган СССРдин эл артисти, белгилүү режиссер Төлөмүш Океев менен Кыргыз эл баатыры, жазуучу Бексултан Жакиев жана КРдин эл жазуучусу, драматург Мар Байжиевдин сүрөтү 1995-жылы Бишкек шаарында тартылган.

Ал жылы Океевдин 60 жылдыгы белгиленип, кинематографисттин жакындары, кесиптештери Опера жана балет театрына чогулган эле.

Ошол кезеңди сценарист Мар Байжиев мындайча эскерди.

"Төлөмүш менен Бексултан бир айылда чогуу окушкан, үчөөбүз тең согуштан кийинки балдарбыз. Жакиев экөөбүз филология факультетинде бирге билим алдык. Мен орус, ал кыргыз бөлүмүндө студент болчу. Кийин Океев Ленинграддагы Киноинженерлер институтунун электротехникалык факультетинин үн режиссёр адистигин бүтүрүп келгенде мен "Кыргызфильмде" редактор болчумун. Ал жылдары бирге иштешип, кеңешип иш кылып жүрдүк. Анткени ал жылдары бизде көпчүлүк кыргыз кинолорун еврейлер, орустар тартышчу. Нуртай Борбиев, Геннадий Базаров, Болот Шамшиевдер жаңыдан жогорку окуу жайды бүтүп келе башташкан. Жаштар кыргыз эли кандай таланттуу, акылман эл экенин көрсөткүбүз келип бири-бирибиз менен тыгыз иштешип, ата мекендик кинематографияны дүйнөлүк деңгээлге чыгаруунун көздөчүбүз", — деди драматург.

Байжиев чыгармачылыгында Океевдин "Ак илбирстин тукуму", "Алтын күз" кинофильминин, Бексултан Жакиев "Мурасынын" сценарийин жазган.

1995-жылы Төлөмүш Океев Кыргызстандын Түркиядагы толук жана ыйгарым укуктуу элчиси болуп иштеп турган.

Белгилер:
таберик сүрөт, Бексултан Жакиев, Мар Байжиев, Төлөмүш Океев, Кыргызстан
Тема:
"Таберик сүрөт" — сейрек кездешкен ирмемдер
Тема боюнча
Чокморовдун ден соолугун алган "Караш-Караш окуясы". Таберик сүрөт
Кыргыз окумуштууларынын Бакайы — Юдахин шакирттери менен. Таберик сүрөт
Якутияда бугу издеген Болот Шамшиев, Жолон Мамытов, Айтурган Темирова. Таберик сүрөт
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар