Певица Фатима Серазиева во время фотосессии

Интернетте жылдызы жанган ырчы Фатима: Анна Германды уксам денем чымырап кетет

(жаңыланган 21:51 02.04.2021)
Фатима Серазиеванын орус тилиндеги классикалык ырларды аткарган видеосун коомчулук абдан жакшы кабыл алууда.

Sputnik Кыргызстан агенттигинин кабарчысы советтик легендарлуу фильмдердин саундтрегин жана Анна Герман, Валентина Толкунова өңдүү улуу ырчылардын ырларын мыкты аткарып интернетте жылдызы жанган Фатима Серазиева менен маек курган.

23 жаштагы Фатиманын кумири белгилүү поляк ырчысы Анна Герман. Серазиева аны кумир тутуу менен чыгармачылыктагы устаты катары көрөт.

— Алгач ырдап чыгууңузга үйдөгүлөрүңүз каршы болушкан экен...

— Ооба, жакындарым менин ырдаганымды олуттуу кабыл алышкан эмес. Анын үстүнө баары тең эле чыгармачылыктан алыс кесиптин ээлери. Өзүм кандайча ырдап калганымды деле билбейм. Менин ырдай турганымды да элден угушкан. Ошол кезде мектептеги конкурстарга катышып, кароо-сынактарда ырдап жүрчүмүн. Анан үйгө келгендер "Фатиманын үнү жакшы турбайбы" деп эле айтып калышты. Чоң апам кызыгып: "ии, сени ырдайт деп жатышат го, бизге деле ырдап берчи", — деп ырдатууга аракет кылчу. Эл алдында өзүмдү эркин алып жүргөнүм менен үйдөгүлөрдүн алдында ырдоодон уялып, ырдабай каччумун. Бир жолу 9-майда айылдагы маданий иш-чарада "День Победы" ырын колумду жайып берилип ырдап жатып эле оңго бурулсам, мени менен кошо ырдап чоң апам отурат. Колум калчылдап, бутум шилтенбей калган. Негизи буга чейин Бишкекте тар чөйрөдө эки жолу концерт бердим. Концертиме үйдөгүлөр келип отургандыктан толкунданып, жандуу ырдаганда айрым сөзүмдү унутуп койгон учурларым болду.

Певица Фатима Серазиева во время фотосессии
© Фото / Бакыт Кутманалиев
Фатима Серазиева: жакындарым менин ырдаганымды олуттуу кабыл алышкан эмес

— Кичинеңизден бери эле ырдоо кыялыңызда бар экен. Жаштын тилегин берет дегенге ишенесизби?

— Мен Кудайга ишенем. Бир дагы каалоом четке кагылып, максатым орундалбай калган эмес. Чынында эле жаштын тилегин берет. Адамдын оозунда жакшы сөзү, жүрөгүндө аруу тилеги болсо ал кабыл болот. Кичинемде көчөдө ойногон кыздардын бири "Фати, түндө кокустан ойгонуп кетип, асманды карап кудайдан тиленсең, каалооңду берет" деп айткан. Ошондон кийин түндө кокустан ойгонуп кеткенде терезенин түбүнө туруп алып, жылдыздарды карап "Кудай, Анна Германдыкындай үнүм болсо экен, белгилүү ырчы болоюнчу" деп чындап тилене берчүмүн. Ошентип менде түнкү саат эки-үчтөрдө кокустан ойгонуп кетүү адаты пайда болгон. Кээде менин ырдаганымды, үнүмдү Анна Германга окшоштуруп калышат. Айрым адамдарды бирөөгө окшоштурса ачуусу келет го, мени Германга окшоштурса, тескерисинче, сыймыктануу менен кабыл алам. Анткени ушул адам менин ырдоомо түрткү болгон.

— Башка балдар-кыздардай эле кадимки айылда чоңойгон карапайым кызда Анна Германга болгон сүйүү, жакындык кайдан пайда болду?

— Мен орус чалыш үй-бүлөдө чоңоюп, чоң атам менен чоң апамдын колунда өскөм. Атам жети эркектин улуусу болгондуктан мени чоң атамдар небереси катары эмес, жети эркектен кийинки кызындай кылып багып, тарбиялашты. Мындайча айтканда, байкелеримдин сүйүүсүнө чөмүлүп чоңойдум. Үйдө көбүнчө орусча сүйлөшүп, чоң атам да Анна Германдын ырларын укчу. Байкелерим машинада дайыма Германдын, Валентина Толкунованын, Владимир Высоцкийдин, Людмила Сенчинанын ырларын коюп, үйдө да орустун классикалык ырлары жаңырчу. Мунун да балага таасири тиет экен. Ошол кезде эле Анна Герман ырдаса, денем чымырап кетчү.

Певица Фатима Серазиева на радио Sputnik Кыргызстан
© Sputnik / Асель Сыдыкова
Фатима Серазиева: продюсер экөөбүздүн музыкалык табитибиз бир болушу зарыл. Анткени ал башка нерсени, мен башканы сүйлөп жатсам толук команда куралбай калат

— Адам жөндөн-жөн эле ырдап калбайт го. Баары бир генде болушу керек да?

— Чоң апам эле кээде кыргызча ырларды көрүп, кошулуп ырдап калганы болбосо үйдө эч ким ырдабайт. Ырдагандар болгон да эмес.

— Азыр продюсериңиз барбы?

— Жок, азырынча продюсер деле караштырган жокмун. Өзүмдүн кадамдарымды кичинеден таштап жаткан учурум.

— Оюңуздагы продюсер кандай болушу керек? Анткени азыр биз менеджерлерди эле продюсер катары түшүнүп калбадыкпы. Чындыгында мындай кесиптин ээси музыкалык билимге ээ болушу керек да?

— Ооба, туура. Продюсер экөөбүздүн музыкалык табитибиз бир болушу зарыл. Анткени ал башка нерсени, мен башканы сүйлөп жатсам толук команда куралбай калат. "Мен момуну ырда дедимби, ырдайсың" — деген эмес, мени да угуп, ичимде болуп жаткан сезимдер менен бөлүшө билген, таланттуу продюсер болсо сонун болмок.

— Музыкалык билимиңиз барбы?

— Жок, музыкалык билим алган эмесмин.

— Анда мындай деңгээлде ырдоо талантпы же сиздин угуу жөндөмүңүз жакшы өрчүгөнбү?

— Билимим жок экенин айтсам көп киши ишенбейт. Бардыгы кудайдан, анан кыргызда табияттан деп коёт эмеспи. Анна Герман, Людмила Сенчина, Тамара Миансаровалардын ырларын угуп, ушул ырчылар үндү көтөргөн жерде көтөрүп, алардын интонациясы менен ырдоону үйрөнгөм. Негизинен ушундай жол менен эле ырдап жүрөм. Менин мугалимдерим деле ушулар. Бул ырчыларды көрбөсөм дагы өзүмдү алардын ырлары, ырдаганы менен тарбиялап келем. Ырдын сөзүнө ушунчалык маани берем, анын ар бир сабын жүрөгүмдөн өткөрүп ырдайм. Ошол окуянын ичине кирип алып, элестетип аткарам, жашап да алам. Мени ушул ырчылар, алардын чыгармаларына болгон сүйүүм тарбиялады десем болот. Булар менин устаттарым.

Певица Фатима Серазиева на радио Sputnik Кыргызстан
© Sputnik / Асель Сыдыкова
Серазиева: билимим жок экенин айтсам көп киши ишенбейт. Бардыгы кудайдан, анан кыргызда табияттан деп коёт эмеспи

— Алдыда кандай пландарыңыз бар. Музыкалык билим алуу оюңуз барбы?

— Жок, азырынча андай пландарым жок. Ырдаган видеолорум интернетте тарагандан бери элден концерт коюу тууралуу сунуштар, өтүнүч каттар көп келди. Ошондон кийин концерт берүүгө даярданып, оркестр менен иштей баштадым. Акыры Бишкек мэриясынын алдындагы эл аспаптар оркестринин дирижёру Бакыт Тилегеновго жолугуп, ал киши менен бирге даярдык көрө баштадык. Маэстродон сабак алуудамын. Бакыт агай: "табияттан берилген нерсени бузбаш керек" деп үндү көмөкөйдөн туура алып чыгууну үйрөтүп, азыр ырдоодо дем алуу органдарын жөнгө салуудабыз. Мен чынында табигыйлыгымды жоготуп алуудан корком.

— Өзүңүзгө ылайыктап атайын ыр жаздырдыңызбы?

— Азырынча кыргыз тилинде ыр жаздырууга көңүлүмдөгүдөй адамды таба элекмин. Ал эми орус тилинде ыр жаздыруу боюнча россиялык композитор Василий Поповго кайрылайын дегем оюм бар. Толкуновага, Сенчинага мүнөздүү ырларды жаздырып жүрөт. Кыргызстандык композиторлорго жарнама берүүнү да ойлоп жатам. Себеби бизде да жакшы жазган таланттар көп.

Певица Фатима Серазиева во время фотосессии
© Фото / Бакыт Кутманалиев
Фатима Серазиева: ырдын сөзүнө ушунчалык маани берем, анын ар бир сабын жүрөгүмдөн өткөрүп ырдайм

— Жол көрсөткөн адам барбы?

— Мен өз алдымча иш жасап көнгөн адаммын. Анан "туура" деп эсептеген ишимдин артынан түшкөн көктүгүм бар. Албетте, интернетке ырларымды жайгаштырууда, аны тартууга жардам берген адам оператор Бакыт Кутманалиев байке болду. Ушул байкени бир тууганымдай көрөм. Мага дайыма колун сунуп, жол көрсөтүп, кеңешин берип турат. Анан жамандык-жакшылыкта колдоосун аябаган курбум бар. Ыраазы болом.

— Кыргыз, орус тилин кошкондо беш тилде сүйлөйт экенсиз. Качан үйрөнүп жетиштиңиз?

— Бул жөн гана кызыгуу болсо керек. Анткени бардык нерсе кызыгуудан улам жаралат эмеспи. 11-класска чейин англисче билчү эмесмин. Тил үйрөнүүнү жактырчу эмес элем. Мүмкүн бул жалкоолук болгондур, бирок кийинчерээк кызыгып баштадым. Алгач АКШ элчилигинин алдындагы уюмда ыктыярчылар менен жүрүп үйрөнүп кеткем. Ал эми поляк тилин Анна Герман үчүн өздөштүрдүм. Испан тили да жаккандыктан кереги тиет деген тейде өз алдымча үйрөнгөм. Курстарга барган эмесмин. Өз алдымча китептен эле үйрөндүм. Бирок бизде испан жана поляк тилинде сүйлөгөндөр өтө аз болгондуктан профессионалдуу деңгээлде сүйлөйм деп айта албайм. Ал эми англис тили боюнча өзүм репетитор болгондуктан практика бар.

Певица Фатима Серазиева во время фотосессии
© Фото / Бакыт Кутманалиев
Фатима Серазиева: поляк тилин Анна Герман үчүн өздөштүрдүм

— Ырларыңыз жалаң эле орус тилинде, концертте башка тилдерде да ырлар жаңырабы?

— Орус, кыргыз жана татар тилинде да ырдайм. "Кыргызстанда жашап жаткандан кийин кыргызча ырларды да кошуу керек" деген ой менен бир нече ыр даярдап жатабыз. Негизи менин советтик фильмдердин саундтрегин ырдап чыкканымды, интернеттеги кыргыз сегменти кабыл албайт го деп ойлогом, коркком. Бирок жакшы кабыл алышты. Сүйүндүм.

Белгилер:
Фатима Серазиева, Анна Герман, ырчы, жылдыз, интернет, саундтрек, фильм, ыр
Тема боюнча
Төкмө акын Идрис Айитбаев: сындап ырдаганым үчүн сес көрсөткөн "чоңдор" болгон
Чалагыз Исабаевдин уулу Актан Исабаев: балалык ата-энебизди сагынуу менен өттү
Бишкек баатырдын эстелиги

Бишкек баатыр деген ким? Эстелиги ачылган тарыхый инсан тууралуу 8 факты

(жаңыланган 14:51 14.04.2021)
Sputnik борбор калаанын чок ортосуна эстелиги орнотулган Бишкек баатыр деген ким деген суроого жооп издеди.

Кыргызстандын борбору Бишкек аталып калышынын себеби ар бир адамга кызык болсо керек. Санжырадагы маалыматтарда Бишкек аттуу инсан мындан 4-5 кылым мурда жашаган. Тарыхчылар аны көчмөн кыргыз элине чарба маданиятын киргизгени үчүн баатыр катары сыпаттаса, кийинки муун аны найза, кылыч көтөргөн кадимки баатыр катары элестетет деп айтышат.

Sputnik маалымат агенттиги Бишкек баатыр тууралуу фактыларды чогултту. Материалды даярдоого Бишкек баатырдын тарыхый ордун аныктоо боюнча сынактын жеңүүчүсү, тарых илимдеринин кандидаты, профессор Рыскул Жолдошев жардам берди. Ал Улуттук илимдер академиясынын Тарых институтунда кыргыз элинин келип чыгышын иликтейт.

Фрунзе Бишкекке айланганда

Совет мезгилинде, тагыраагы, 1926-жылдан тарта Кыргызстандын борбору аскер ишмери Михаил Фрунзенин атынан Фрунзе деп аталып келген. Эгемендүүлүк алгандан кийин борбордун тарыхый атын кайтаруу аракети жүрөт. Мурда Фрунзе шаары Пишпек же Бишкек аталган деп талашып жатып, акыры Бишкекке токтолушат.

Андан кийин "Бишкек" деген сөздүн этимологиясына кызыккандар жаралат. Бул боюнча тарыхчы, философ, адабиятчы, коомдук ишмерлерден тарта карапайым адамдарга чейин жазышкан. Алгач 70-жылдары казак топонимдерин изилдеген окумуштуулардын бири "пиш кек" же "пиш пек" деген сөз "беш бийик", "беш бийик тоо" дегенди түшүндүрөрүн айтат. Айрымдары "беш бек" деген сөздөн келип чыкты, "бул жакта мурда беш бек жашаган болушу мүмкүн" деген пикирлерин да айтат. Ирандын "биш гүх" же бизче "учтуу тоо" дегендер да болот. Дагы бирөө калмактын "бийик тоо" деген сөзүнөн чыккан дейт. Булардын баары адамдын логикалык ой жүгүртүүсүнөн келип чыгып, илимде элдик түшүнүк деп аталгандыктан кабыл алынган эмес.

Торжественное открытие памятника Бишкек баатыру на площади Ала-Тоо в Бишкеке
© Sputnik / Асель Сыдыкова
Кыргыздын оозеки чыгармаларында Бишкек баатыр тууралуу уламыштар айтылып келет. Анда көчмөн кыргыз мал менен жүргөндө Бишкек эгин эгип, дыйканчылык кылып, устакана ачып, там салып, коңшу эл менен соода-сатык иштерди жүргүзгөнү айтылат

Бишкектин коргону шаарга айланганда

Кыргыздын оозеки чыгармаларында Бишкек баатыр тууралуу уламыштар айтылып келет. Анда көчмөн кыргыз мал менен жүргөндө Бишкек эгин эгип, дыйканчылык кылып, устакана ачып, там салып, коңшу эл менен соода-сатык иштерди жүргүзгөнү айтылат. Бишкек көз жумарда балдарына керээз катары "мени ушул жерге койгула, аш берип, анан коргон салгыла" деп айтат. Балдары керээзин аткарып чоң коргон салып, ал бара-бара Бишкектин коргону болуп калат. Беш баласы атасынын жолу менен чарбачылыкты улантып, кербендерди кабыл алып турган. Соодагерлер "Бишкектин коргонуна бардык, Бишкекке бардык" деп айтышат. Убакыттын өтүшү менен адамдар отурукташып, коргон кыштакка, андан кийин шаарга айланат. Кокон хандыгы учурунда бир катар чептер курулуп, анын ичинде Бишкек чеби да болгон. Кийин орус аскерлери келип, өз тилине ылайыктап Бишкекти Пишпек деп атап алышат.

Бишкек тарыхый инсанбы?

Уламыштардан тышкары 1930-жылдары Алыкул Осмоновдун "Бишкектин легендасы" деген китеби, 1970-жылдары Шаршенбек Үмөталиевдин "Пишпек баяны" аттуу макаласы жарык көрөт. Бишкектин реалдуу инсан экендигин айгинелей турган пикирлер жаралат. Орус документтеринде Бишкек тууралуу маалымат жок. Бир гана кыргыздын оозеки чыгармаларында жана санжырада бар. Санжырада анын солто уруусунан чыккандыгы, Солтонун баласы Чаа, андан Жоочалыш, анан Кенен, анын баласы Бишкек экендиги айтылат. Бишкектин Түлөберди, Эсенгул, Канай баатырлар (17-18 кылымдарда) менен замандаш болгону да белгиленет. Ал колунда жок болгондуктан жер иштетип дыйканчылык кылат, устакана, там салат. Учурунда манаптар менен теңата чыгып, өз пикирин билдирип турганы айтылат. Урпактарынын оозунан алынган маалыматтар Илимдер академиясынын кол жазмалар фондунда 1921-жылдан бери сакталуу.

Церемония открытия памятника национальному герою Бишкек-баатыру. 14 апреля 2021 года
© Пресс-служба президента КР / Султан Досалиев
Уламыштардан тышкары 1930-жылдары Алыкул Осмоновдун "Бишкектин легендасы" деген китеби, 1970-жылдары Шаршенбек Үмөталиевдин "Пишпек баяны" аттуу макаласы жарык көрөт. Бишкектин реалдуу инсан экендигин айгинелей турган пикирлер жаралат

Бишкек баатырбы же чарбачыл адамбы?

Жергиликтүү эл Кыргызстанга келген орустарга да Бишкек тууралуу уламыштарды айтып берет. 1876-жылы гезитке Бишкек тууралуу макала даярдап, шаар анын атын алып жүргөндүгү тууралуу жазышат. Редакцияга материалды даярдоого жардам берген Рыскул Жолдошев белгилегендей, 90-жылдары тарыхчылар бул уламышты так маалымат катары жазып салышат. Жазуучу Асанбек Стамов аны калмактар менен согушкан баатыр деп көркөмдөп, "туу жыгар" атап, "Бишкек баатыр" деген китеп жазат. Тарыхчы Өскөн Осмонов көркөм чыгарманы тарыхый очерк кылып жазат. Мындан улам эл арасында Бишкек баатыр деген түшүнүк тарайт. Уламыш, санжырада, жадагалса урпактары айтып берген маалыматта анын баатырлыгы тууралуу маалымат жок. Бишкек жунгар, калмак доорунан кийин тынч убакта жашаган киши. Жер талашканда казак-кыргыз чабыштарына катышышы мүмкүн, бирок Осмоновдун варианты боюнча, Цинь империясынын баскынчылыгына каршы турганы чындыкка дал келбейт. Себеби Цинь империясы менен кыргыздар эч качан согушкан эмес. Тарыхчы Василий Бартольд 1893-1894-жылдары Кыргызстанга келгенде ага тургундар "шаардын четинде Бишкек атанын чеби бар" деп айтып беришкен, мындан улам мурда кыргыздар Бишкекти "ата" деп айткан деп болжолдоого болот. Жолдошевдин айтымында, Бишкек өз учурунда кыргыздарга чарба маданиятын тараткан, соода кылган, коргон салдырганы менен тарыхта калды. Аны найзакер, кылыч көтөргөн адам эмес, эмгеги менен баатыр атанган, баба дыйкан деп айтуу туура болот.

Бишкектин ысымы эмнени билдирет?

Тарыхта "бишкек" жыгачтан жасалган буюм, кымыз аралаштыргыч таяк экендиги айтылат. Дагы бир уламыштарга таянсак, Бишкек баатырдын энесинин толгоосу сабадагы кымызды бишкек менен бышып жатканда башталат. Ушундан улам балага Бишкек деген ат коюлат. Бишкектин энеси Кубул (Көпуул) кадимки "Олжобай менен Кишимжан" дастанындагы Олжобайды өлтүрткөн, жедигер уруусун бийлеген Канкочкордун уулу Кудакенин кызы экендиги айтылат.

Бишкектин атасы Кенен баатыр менен Кудаке бий абдан жакшы мамиледе болгон. 45 жашка чейин көргөн уулдарына ичи чыкпаган Кенен тектүү жедигерден үйлөнсөм тукумум өсөт деген ниетте Кудакенин кызынын колун сурап, ага үйлөнгөн. Кенен баатырдын тилеги кабыл болуп, Кубул болочок баатыр Бишкекти төрөгөн.

Церемония открытия памятника национальному герою Бишкек-баатыру. 14 апреля 2021 года
© Пресс-служба президента КР / Султан Досалиев
Дагы бир уламыштарга таянсак, Бишкек баатырдын энесинин толгоосу сабадагы кымызды бишкек менен бышып жатканда башталат. Ушундан улам балага Бишкек деген ат коюлат

Бишкек баатырдын урпактары тууралуу

Sputnik Кыргызстан маалымат агенттиги тарыхтагы белгилүү адамдардын укум-тукумдары тууралуу материал даярдаган, анда өзүн Бишкек баатырдын сегизинчи урпагы деп атаган Жамиля Алымбекова тууралуу да жазылган. Ал "Бишкек баатыр" коомдук бирикмесин жетектеп келет.

"Бишкек баатыр менин жетинчи атам. Андан беркилери Баймурат, Карачолок баатыр, Шопок баатыр, Курманаалы, Алымбек жана өз атам Сарман болот. Бишкек баатырдын урпактары Сокулук, Түз, Чат-Көл, Талас, Ысык-Ата жана Бишкекте турат. Атабыздын аркасы менен мен да тарыхка кызыгып калдым", — деген Алымбекова.

Анын айтымында, Бишкек баатыр 1700-жылдары Аксы, Ала-Бука өрөөнүндө туулуп, кийин Чүй өрөөнүнө отурукташып, 74 же 87 жашында көз жумган.

Бишкекте Бишкектин эстелиги коюлбай келди

Борбордун өзүндө Бишкек баатырдын айкели узак убакыт орнотулбай келди. Бул боюнча 2012-жылдан бери "Солто" жана "Бишкек баатыр" коомдук бирикмелери демилге көтөрүп келген.

Бишкек баатырдын эстелигине 2019-жылы шаар бийлиги тарабынан сынак жарыяланган. Анда 30 скульптордун арасынан Адил Сейталиев жеңүүчү болгон. Баатырдын айкелин коюу боюнча иштер өткөн жылдын июнь айында башталып, ачылышы 31-август — Кыргызстандын эгемендик күнүнө пландалган. Бирок пандемиядан улам курулуш иштери өз убагында бүтпөй калган болчу. Эстеликти орнотууга 8 миллион сомдон ашык акча жумшалган. Бул каражатты "Бишкек баатыр" коомдук бирикмеси марафондо чогулткан.

Эстелик бүгүн, 14-апрелде, ачылып, иш-чарага президент Садыр Жапаров катышты. Бийиктиги 3,5 метр болгон эстелик шаардын Эркиндик жана Чүй көчөлөрүнүн кесилишине тургузулган.

Садыр Жапаров Бишкектин баатыр киши болгонун айтты...

Жапаров эстеликтин тургузулушу шаар тарыхында маанилүү окуя экенине токтолуп, Бишкек баатыр тууралуу айта кетти.

Президент Кыргызстана Садыр Жапаров выступает с речью на церемонии открытия памятника Бишкек баатыру
© Пресс-служба президента КР / Султан Досалиев
Өлкө башчы кыргыз эли душмандар менен катуу салгылашып турган XVII–XVIII кылымдарда Бишкек баатыр эрдиги менен таанылганын кошумчалады
"Кыргыздын солто уруусунан чыккан Бишкек баатыр ырыс жылоологон касиеттүү адамдардан болгон. Оозеки жана документалдык булактарга караганда, Бишкек баатырдын сөөгү жашырылган жер "Пишпек-Ата коргону" аталып, ал жер калайык-калк сыйынган ыйык жайга айланган. Тегерегине акырындап эл уюп, отурукташкан журт байырлап, процесс токтобой уланып отуруп, акыры чоң шаар калыптанды", — деди президент.

Өлкө башчы кыргыз эли душмандар менен катуу салгылашып турган XVII–XVIII кылымдарда Бишкек баатыр эрдиги менен таанылганын кошумчалады.

"Бүгүнкү күндө Бишкек Кенен уулу жашап өткөн доорго кызыгуу тереңдеп, тарыхчы-окумуштууларыбыз, жазуучуларыбыз анын өмүр таржымалын ийне-жибине чейин тактаганга аракет кылып жатат. Көркөм чыгармалар, илимий иликтөөлөр жазылууда. Ал турсун анын чыныгы ысымы кандай болгондугу тууралуу тактоолор, жаңы версиялар жаралып, шаарыбыздын узак тарыхын изилдөөнүн бир багыты болуп калды", — деди Жапаров.

Сөзүнүн аягында ал борбор калаанын көркүн арттыруу үчүн бүгүн көптөгөн иш-аракеттер жүрүп жатканын, шаар жасалгасы дагы бир эстелик менен толукталганын белгиледи.

Белгилер:
шаар, уламыш, санжыра, тарых, эстелик, Садыр Жапаров, Бишкек баатыр
Тема боюнча
Тайлак баатыр жөнүндө 10 факты. 42 жашында тыңчынын колунан өлүм таап...
20 жолу үйлөнүп, 21 ирет баласы чарчап калган Барпы акын жөнүндө 15 факт
Кыргыз эл артисти, композитор Калыйбек Тагаевдин мүрзөсүнө эстелик коюлду

Туулган күнү эле... КР эл артисти Калыйбек Тагаевдин мүрзөсүнө эстелик коюлду

(жаңыланган 12:43 14.04.2021)
Улуу талант былтыр күздө узакка созулган оорудан улам көз жумган. Артында өлбөс-өчпөс чыгармалары калды.

БИШКЕК, 14-апр. — Sputnik. Кыргыз эл артисти, композитор Калыйбек Тагаевдин мүрзөсүнө эстелик коюлду. Бул тууралуу маркумдун жакындары кабарлашты.

  • Установка памятника народному артисту КР, композитору Калыйбеку Тагаеву в Нарынской области
    Кыргыз эл артисти, композитор Калыйбек Тагаевдин мүрзөсүнө эстелик коюлду
    © Sputnik
  • Установка памятника народному артисту КР, композитору Калыйбеку Тагаеву в Нарынской области
    Эскерте кетсек, улуу талант бүгүн, 14-апрелде, 81 жашка чыкмак
    © Sputnik
  • Установка памятника народному артисту КР, композитору Калыйбеку Тагаеву в Нарынской области
    Ал 1940-жылдын 14-апрелинде Нарын облусунун Ат-Башы районунун Бирлик айылында туулган. 1961-жылы Пржевальск мамлекеттик педагогикалык институтунун музыка бөлүмүн аяктаган.
    © Sputnik
1 / 3
© Sputnik
Кыргыз эл артисти, композитор Калыйбек Тагаевдин мүрзөсүнө эстелик коюлду

Эскерте кетсек, улуу талант бүгүн, 14-апрелде, 81 жашка чыкмак. Ал 1940-жылдын 14-апрелинде Нарын облусунун Ат-Башы районунун Бирлик айылында туулган. 1961-жылы Пржевальск мамлекеттик педагогикалык институтунун музыка бөлүмүн аяктаган.

Эмгек жолун 1961-1962-жылдары Ат-Башыдагы Ленин атындагы №1 мектебинен баштаган. Андан кийин Нарын музыкалык драма театрында артист, бөлүм башчы болуп эмгектенген.

Бүбүсара Бейшеналиева атындагы Кыргыз мамлекеттик искусство институтунун теория жана композиция бөлүмүндө билимин жогорулаткан. Андан соң республикалык элдик чыгармачылык борборунда жетектөөчү адис катары иштеген.

Тагаев 120дан ашык обондун автору болуп калың элге кеңири таанылган. Обончулардын республикалык кароо-сынагын жети жолу жеңип алган. Анын 60ка жакын обону Кыргыз радиосунун "Алтын казынасына" жазылып, ободон үзгүлтүксүз берилип келет. "Долон", "Сенин элесиң", "Ат-Башым", "Элмира", "Назгүлүм", "Көл вальсы" жана башка ырлары угармандардын жүрөгүнөн түнөк тапкан.

Калыйбек Тагаев 2020-жылы 16-сентябрда узакка созулган оорудан улам өз үйүндө көз жумган. Сөөгү "Ала-Арча" көрүстөнүнө коюлган.

Белгилер:
обончу, чыгармачылык, ыр, талант, композитор, эстелик, Калыйбек Тагаев
Тема боюнча
Кыргыз эл артисти Калыйбек Тагаев көз жумду
ТИМге караштуу Консулдук кызмат департаментинин директорунун орун басары Бахтияр Шакиров. Архив

Министр Бейшеналиев ТИМ кызматкери эмнеден каза болгонун айтты

(жаңыланган 17:42 14.04.2021)
Министр дипломатка кичинекей балдар жаткан жерден тамчылатма ийне саюу чоң катачылык болгонун белгиледи.

БИШКЕК, 14-апр. — Sputnik. ТИМге караштуу Консулдук кызмат департаментинин директорунун орун басары Бахтияр Шакиров анафилактикалык шоктон каза болгон. Бул тууралуу саламаттык сактоо жана социалдык өнүктүрүү министри Алымкадыр Бейшеналиев "Парламент сабактары" берүүсүндө билдирди.

Белгилей кетсек, дипломат 1-апрель күнү Бишкектеги Эне жана баланы коргоо улуттук борборунда көз жумган. Министр анын өлүмүнүн диагнозу соттук-медициналык экспертизада далилденгенин билдирди.

"39 жаштагы ТИМ кызматкерин жаш балдардын жанына жаткырып, антибиотик сайган. Ал анафилактикалык шоктон каза болуптур. Ошон үчүн ал оорукананын директорун, башкы дарыгерин, антибиотик сайылган лор бөлүмүнүн башчысын жана медайымды тергөө бүткөнгө чейин жумуштан бошоттум. Себеби мындай кырсык болбошу керек эле. Биринчиден, кичинекей балдар жаткан жерге алып барып тамчылатма ийне саюу — чоң ката. Экинчиден, антибиотик сайганда алдын ала текшерип көрүш керек болчу. Ошон үчүн ал каза болуп калды", — деди Бейшеналиев.

Эске салсак, Саламаттык сактоо министрлигинин мурдагы өкүлү Елена Баялинова Шакиров Кыргызстанга Кытайдан келген SinoPfarm вакцинасын алгачкылардан болуп алгандардын бири экенин айтып чыккан эле.

Ал эми Республикалык иммундук профилактика борборунун директору Гүлбара Ишенапысова маркумдун аты эмделгендердин тизмесинде жок экенин билдирген. Министрлик Республикалык соттук-медициналык экспертиза борборунун адистери сөөктү карап чыккан учурда эмдөөдө сайылчу ийненин изин таппаганын, акыркы жыйынтык 14 күндүн ичинде белгилүү болорун маалымдаган.

Ал эми Кытайдын Кыргызстандагы элчилиги такталбаган мындай маалымат эки өлкөнүн достугуна көлөкө түшүрүп жатканын билдирген.

Белгилер:
Алымкадыр Бейшеналиев, өлүм, кызматкер, ТИМ
Тема боюнча
ТИМ кызматкеринин ооруканадагы өлүмү. Милиция окуянын чоо-жайын айтты