Болот Шамшиевди эскерип... Минскиликтерге кыргыз кинолору тартууланат

© Sputnik / Галина Кмит / Медиабанкка өтүүСССРдин эл артисти, СССРдин мамлекеттик сыйлыгынын лауреаты, кинорежиссёр Болот Шамшиев. Архив
СССРдин эл артисти, СССРдин мамлекеттик сыйлыгынын лауреаты, кинорежиссёр Болот Шамшиев. Архив - Sputnik Кыргызстан, 1920, 07.04.2021
Жазылуу
Беларуста атактуу режиссёр Шамшиевдин мындан 49 жыл мурда тартылып кыргыз киносунун шедеврлеринин катарын толуктаган мыкты тасмасы да көрсөтүлөт.
БИШКЕК, 7-апр. — Sputnik. Минск калаасында 9-11-апрелде кыргыз киносунун күндөрү өтүп, борбор шаардын тургундары кыргыз жана советтик кинорежиссёрлор тарткан тасмаларды көрө алат. Бул тууралуу Кыргызстандын Беларустагы элчилигинен билдиришти.
Аталган мамлекеттин жарандарына сунушталып жаткан кинокартиналар кезегинде улуттук жана эл аралык кино сыйлыктарынын байгелерине татыган.
Улуттук кийимчен кыздар майрам учурунда. Архив - Sputnik Кыргызстан, 1920, 30.03.2021
Күзүндө Өзбекстанда Кыргызстандын маданият күндөрү өткөрүлөт
Иш-чара Кыргызстандын эгемендүүлүгүнүн 30 жылдыгына, СССРдин эл артисти, СССРдин мамлекеттик сыйлыгынын лауреаты, кинорежиссёр Болот Шамшиевдин 80 жылдыгына карата уюштурулуп жатканы маалымдалды.
Анын ачылышында, тагыраагы, биринчи күнү жаш кинорежиссёр Айбек Дайырбековдун "Дарак ыры" мюзикли (2018-жыл) тартууланат. Бул эмгек эл аралык кинофестивалдарда байгеге татып жана улуттук "Ак илбирс" сыйлыгынын сегиз номинациясына ээ болгон.
Улуттук банк Алыкул Осмонов тууралуу таасирдүү ролик тартты - Sputnik Кыргызстан, 1920, 02.04.2021
Улуттук банк Алыкул Осмонов тууралуу таасирдүү ролик тартты
Кийинки күндөрү минскиликтерге "Сүтак", "Ысык-Көлдүн кызгалдактары" кинокартиналарын көрүү мүмкүнчүлүгү жаралат. Тасмалар Минск калаасындагы "Беларусь" кинотеатрында көрсөтүлөт.
Беларустагы кыргыз кино күндөрү эки өлкөнүн ортосундагы маданий эл аралык кызматташуунун алкагында жана бул жааттагы алака-катышты жакшыртуу максатында өтмөкчү.
Элчилик бул маданий иш-чара аталган өлкөнүн Маданият министрлигинин колдоосу менен уюштурулганын билдирди.
Жаңылыктар түрмөгү
0