Кыз комуз чертип жатат

Баткенде "Салттуу музыка күнү" жана эл аралык "Достук" фестивалы өтөт

36
Фестивалга Кыргызстан, Өзбекстан жана Тажикстандан келген көрүнүктүү маданият өкүлдөрү, салттуу музыканын дасыккан чеберлери жана жаш таланттар катышат.

БИШКЕК, 21-апр. — Sputnik. Баткен шаарында "Салттуу музыка күнү" жана эл аралык "Достук" фестивалы өтөт. Бул тууралуу Маданият, маалымат, спорт жана жаштар саясаты министрлигинен кабарлашты.

Иш-чаралар 23-апрелден 25-апрелге чейин уланат.

"Фестивалга Кыргызстан, Өзбекстан жана Тажикстандан келген көрүнүктүү маданият өкүлдөрү, салттуу музыканын дасыккан чеберлери жана жаш таланттар катышат", — деп жазылат маалыматта.

Иш-чаранын графиги:

23-апрелде саат 10:00дө Апаз Жайнаков атындагы Баткен облустук драма театрында иш-чаранын расмий ачылышы өтөт. Ошол эле учурда Бишкекте "Коомдук руханий адеп-ахлактык өнүгүү жана салттуу музыкалык маданият" темасындагы эл аралык илимий-практикалык конференция онлайн-форматта болот.

  • 23-апрель күнү саат 11:00дөн 17:00гө чейин "Айтуучулар күнү" (манасчы, дастанчы, акындар катышат) белгиленет;
  • 24-апрель күнү Апаз Жайнаков атындагы Баткен облустук драма театрында 10:00дөн 13:00гө чейин "Аспапчылык күнү" (комуз, чоор, кыл кыяк, жетиген, үйлөмө жана какма (темир ооз комуз, жыгач ооз комуз) өтөт;
  • Ушул эле театрда 14:00дөн 17:30га чейин "Аваздык-аспапчылык" багыты боюнча (ашыктык, арман ырлары, элдик жана автордук чыгармалар, ХХ жана ХХI кылымдагы обончулардын чыгармаларын аткаруу) иш-чара болот;
  • 17:30дан 19:00гө чейин аспапчылык жана аваздык-аспапчылык багытты өнүктүрүү боюнча тегерек стол өтөт.

25-апрель күнү Баткен шаарынын борбордук аянтында өтчү иш-чаралар:

  • 09:30дан 10:00гө чейин улуттук кийимдердин парады;
  • 09:30дан 18:00гө чейин кол өнөрчүлөрдүн көргөзмө-жарманкеси;
  • 10:30да "Салттуу музыка күнү" жана эл аралык "Достук" фестивалынын гала-концерти уюштурулат.

Иш-чараларды Маданият, маалымат, спорт жана жаштар саясаты министрлиги өкмөттүн Баткен облусундагы өкүлчүлүгү, "Кыргыздын салттуу музыкасы" фонду жана Кыргыз элинин ассамблеясы менен биргеликте өткөрмөкчү.

36
Белгилер:
кол өнөрчүлүк, маданият, музыка, Баткен облусу
Тема боюнча
Атама 20 жаштан өтүп жолуккам. Саргашка акын Амантай Кутманалиев менен маек
Комузчу Бердибекова: күүлөрүн нотага түшүргөндө Нурак агай катуу толкунданган
Кагаздагы ноталар. Архив

Кыргызпатент сый акысын албай калган авторлорду издөөдө. Тизме

88
Автордук сый акыларды бөлүштүрүүгө жана төлөөгө байланыштуу маселелер боюнча 0(312) 68-00-86, 0(550) 778-450, 0(550) 778-590 номерлерине чалса болот.

БИШКЕК, 11-май — Sputnik. Кыргызпатент чыгармалары телерадиокомпаниялардын эфирлеринде жаңырган, бирок сый акысын албай калган автор, аткаруучуларды издеп жатканын маалымдады.

Мекеме изделип жаткан авторлордун тизмесин жарыялап, андан өзүн тапкандарга сөзсүз кайрылууну өтүнгөн. Автор, аткаруучулар өзүн бул шилтемеге кирип тапса болот.

Автордук сый акыны алуу үчүн талап кылынган документтер:

  • Чыгармаларды каттап, укуктарды башкаруу укугун берүү тууралуу келишим түзүү керек;
  • Автордун же аткаруучунун каттоо барагын толтуруу зарыл;
  • Паспорттун көчүрмөсү;
  • Банктан эсеп ачып, анын дарегин Кыргызпатенттин кызматкерлерине тапшыруу шарт.

Автордук сый акыларды бөлүштүрүүгө жана төлөөгө байланыштуу маселелер боюнча 0(312) 68-00-86, 0(550) 778-450, 0(550) 778-590 номерлерине чалса болот.

88
Белгилер:
аткаруучу, автордук укук, сый акы, Кыргызпатент
Тема боюнча
Кудайбердиева: былтыр Кыргызпатент 8 млн. сомдон ашык акча чогултту
Кыргыз киносунун өчпөс жылдызы, белгилүү актёр, режиссёр Орозбек Кутманалиев. Архивдик сүрөт

Беш бала менен жесил калган. Орозбек Кутманалиев жөнүндө 6 факты

480
(жаңыланган 09:25 11.05.2021)
Бүгүн кыргыз киносунун өчпөс жылдызы, белгилүү актёр, режиссёр Орозбек Кутманалиевдин туулган күнү.

Төкмөлүктү, обончулукту, дастанчылыкты аркалаган таланттын көзү тирүү болгондо быйыл 89 жашка толмок. Sputnik Кыргызстан агенттиги залкар инсан жөнүндө кызыктуу фактыларды сунуштайт.

Филармониядан качкан өспүрүм. Орозбек Кутманалиев 1932-жылы 10-майда Чүй облусунун Сокулук районундагы Шалта айылында жарык дүйнөгө келген. Балалыгы согуштун оор жылдарына туш келип, курбалдаштары менен чоңдорго кол кабыш кылып талаада иштеп өскөн. Ошол жылдары өспүрүм өз алдынча комуз черткенди үйрөнүп, той-топурларда өз өнөрүн тартуулап да калчу экен. Ошентип, чоң атасы жаштайынан ыр-күүгө жакын небересин Осмонкул Бөлөбалаевге табыштаган. Ал эми атактуу ырчы Ашыралы Боталиев айылдарды аралап жүрүп 13 жаштагы Орозбектин үнүнө баа берип, аны борбор калаадагы филармонияга алып келген. Ал жактан артисттердин сынынан өткөнү менен шаардын жашоо-шартына көнө албай, жакындарын, досторун сагынып кайра айылга кетип калган. 

Режиссер, сказитель, дастанчи Орозбек Кутманалиев на съемках фильма
© Фото / Александр Федоров
Төкмөлүктү, обончулукту, дастанчылыкты аркалаган таланттын көзү тирүү болгондо быйыл 89 жашка толмок

Жубайынан ажырап... Болочоктогу белгилүү актёр аскерде кызмат өтөп келип эмгек жолун республикалык куурчак театрында баштап, он жылдан кийин гана өзү эңсеген Токтогул Сатылганов атындагы Кыргыз улуттук филармонияга солист болуп кирет. Таланттуу аткаруучу куттуу жерде төкмөлүктү аркалап, дастан айтып, обон жаратып, чыгармачылыгы оргуштап турган. Ал жылдары актёр келинчеги Гүлнара менен үч уул, эки кызды өстүрүп жатышкан. 1969-жылы кайгылуу окуя болуп, күйдүргү (сибирь жарасы) оорусунан улам аялынан ажырайт. Жеке жашоосунда оор соккуга учураган ата кичинекей чүрпөлөрү менен жалгыз калган. 

Күнү-түнү иштеген ата. Чыгармачыл инсан уул-кыздарына апасын жоктобосун деп филармониядагы жумушун таштап, бир нече ай үйдө балдары менен отурат. Андан соң Кыргыз телекөрсөтүү жана радиоуктуруу комитетинде режиссёр, диктор болуп эмгектенген. Күндүз радиодо иштесе, түнкүсүн кинофильмдердин дубляжын жасаган. Анан Токтоболот Абдумомунов атындагы кыргыз академиялык драма театрында артист, 1970-жылдары "Кыргызфильмде" дубляж боюнча режиссёрлукту аркалаган. 

Режиссер Болот Шамшиев и актер Орозбек Кутманалиев на съемках фильма Белый параход
© Фото / Александр Федоров
Балалыгы согуштун оор жылдарына туш келип, курбалдаштары менен чоңдорго кол кабыш кылып талаада иштеп өскөн. Ошол жылдары өспүрүм өз алдынча комуз черткенди үйрөнүп, той-топурларда өз өнөрүн тартуулап да калчу экен

34 жаштагы студент, боксчу. Актёр Кыргыз мамлекеттик университетинин тарых факультетин 39 жашында аяктаган. Ашыраалы Айталиев, Осмонкул Бөлөбалаев, Ысмайыл Борончиевден сабак алып, төкмөлүктү аркалап, дастан жана терме ырларын мыкты аткара билген. Ошондой эле бир нече ырга обон жазып, волейбол, баскетбол, бокс менен да машыккан. Ал эми жашы өтүп калганда аталган спорттун түрлөрүнүн туруктуу күйөрманы болуп Кыргызстандагы ири мелдештерди калтырчу эмес.

Аткарган ролу үчүн таяк жеген актёр. Көп кырдуу талант өзүн кино тармагында режиссёр Юрий Борецскийдин "Ак куулар конгон айдың көл" тасмасында жылкычынын ролун аткарып аралашат. Кийин Болот Шамшиевдин "Ак кеме", "Фудзиямадагы кадыр түн", "Бөрү зындан", "Эрте келген турналар", "Адамдар арасында", Төлөмүш Океевдин "Ак илбирстин тукуму", "Алтын күз", Мелис Убукеевдин "Ак Мөөр", "Сүйүү закымдары", Дооронбек Садырбаевдин "Түркүн тагдырлар", "Махабат дастаны", Кадыржан Кыдыралиевдин "Өрүкзардагы баян", Геннадий Базаровдун "Жаңылуу" өңдүү 20га жакын фильмде образ жаратып, дайым кыргыз кинематографисттердин суроо-талабында болгон. Чебер актёр тартылган тасмаларынын ичинде "Ак кемедеги" Орозкулдун ролун өтөсүнө чыгара ойногон. Ал кино калың элге сунушталганда Орозбек Кутманалиевге сценарий боюнча "балык болуп кеткен" кичинекей Нургазы үчүн кол көтөргөн көрүүчүлөр да болгон. 

Один из впечатляющих эпизодов картины — злодей Орозкул рубит голову оленя.
© Фото / Александр Федоров
Чебер актёр тартылган тасмаларынын ичинде "Ак кемедеги" Орозкулдун ролун өтөсүнө чыгара ойногон. Ал кино калың элге сунушталганда Орозбек Кутманалиевге сценарий боюнча "балык болуп кеткен" кичинекей Нургазы үчүн кол көтөргөн көрүүчүлөр да болгон

Он бир баланын атасы. Кыргыз ССРинин эмгек сиңирген артисти кийин кесиптеши Фатима апа менен экинчи турмуш куруп, жубайлар алты балалуу болгон. 35 жыл чогуу жашаган түгөйлөр алты кыз, беш уулду тарбиялап, 40ка жакын небере көрүшкөн. Азыр Фатима Кутманалиева уул-кыздарынын жанында дөөлөттүү көз ирмемдерди өткөрүп келет. Жашоодо өтө жөнөкөй, боорукер, ак көңүл актёр пенсияга чыкканда да дыйканчылык менен алектенип, Чүй облустук театрда артист, аксакалдар сотунда төрага болуп иштеген. Залкар артист 2005-жылы оорудан улам 73 жашында бул дүйнө менен кош айтышкан. 

Режиссер, сказитель, дастанчи Орозбек Кутманалиев
© Фото / Александр Федоров
Кыргыз ССРинин эмгек сиңирген артисти кийин кесиптеши Фатима апа менен экинчи турмуш куруп, жубайлар алты балалуу болгон. 35 жыл чогуу жашаган түгөйлөр алты кыз, беш уулду тарбиялап, 40ка жакын небере көрүшкөн

Материал КР эл артистинин жакындары, замандаштарынын эскерүүлөрүнүн негизинде жасалды.

480
Белгилер:
факты, кино, актер, Орозбек Кутманалиев
Тема:
Кыргыздын көркөм өнөрү, белгилүү инсандары жөнүндө фактылар
Тема боюнча
"Чоңко эненин" жомогуна канып... Бексултан Жакиев жөнүндө 8 факты
Таптакыр ырдабайт. 80 жашка чыккан маэстро Сардарбек Жумалиев жөнүндө 8 факты
Дипломдук иши дүйнөнүн 100 мыкты тасмасына кирген. Режиссёр Океев жөнүндө 9 факты
Слесардын жардамчысынан премьерге чейин. Жумабек Ибраимов жөнүндө 6 факты
Кишилер сууну алып жатышат. Архив

Ош шаарында таза суу кайрадан берилбей калды

0
Кырдаалга байланыштуу "Ош шаар суу канал" ишканасы жашоочуларга сууну водовоз менен ташып келип бере турганын билдирди.

БИШКЕК, 11-май. — Sputnik. Ош шаарында ичүүчү сууну берүү кайрадан токтотулду. Бул тууралуу "Ош шаар суу канал" ишканасы билдирди.

Ага ылайык, таза суу нөшөрлөп жааган жамгырдан улам Ак-Буура дарыясындагы суунун ылайланышы нормадан жогору болгондугуна байланыштуу өчүрүлүп жатат. Ушундай эле себеп менен Ош шаарында мындан үч күн мурун дагы суу берилбей калган.

Учурда Ош шаарынын Түштүк-Чыгыш, ХБК, Туран кичи райондорунда, Достук, Калинин массивдеринде жана башка аймактарда суу жок.

Мындан улам "Ош шаар суу канал" ишканасы жашоочуларга водовоз менен суу ташып келип бере турганын билдирди.

Таза сууну шаардыктар төмөнкү телефондор аркылуу чалып ала алышат:

  • 0 556 039599; 0 556 460585; 0 559 566671; 0 558 140888;
  • 8-11-15; 8-11-51; 5-04-16;
  • 105.
0
Белгилер:
жаан, суу, шаар, дарыя, Ак-Буура, Ош
Тема боюнча
Ош шаарында эки күндөн бери суу жок. Мэрия унаа менен ташымай болду