Баткен шаарында өткөн Салттуу музыка жумалыгы жана Достук фестивалы

Баткенде "Салттуу музыка жумалыгы" жана "Достук" фестивалы аяктады. Сүрөт

113
(жаңыланган 18:20 25.04.2021)
Фестивалга кошуна Өзбекстан жана Кытай мамлекетинин да маданият өкүлдөрү катышты. Бүгүн гала-концерт тартууланды.

БИШКЕК, 25-апр. — Sputnik. Баткен шаарында өткөн "Салттуу музыка жумалыгы" жана "Достук" фестивалынын үчүнчү күнү улуттук кийимдер парадынан башталып, кол өнөрчүлөрдүн көргөзмө-жарманкеси менен уланды. Бул тууралуу өкмөттүн облустагы өкүлчүлүгүнө таянып жергиликтүү кабарчы билдирди.

  • Фестиваль Неделя традиционной музыки и Дружбы в Баткене, где прошел парад национальных костюмов и продолжился выставкой ремесел.
    Баткен шаарында өткөн "Салттуу музыка жумалыгы" жана "Достук" фестивалынын үчүнчү күнү улуттук кийимдер парадынан башталып, кол өнөрчүлөрдүн көргөзмө-жарманкеси менен уланды.
    © Фото / пресс-служба полпредства правительства в Баткенской области
  • Фестиваль Неделя традиционной музыки и Дружбы в Баткене, где прошел парад национальных костюмов и продолжился выставкой ремесел.
    23-апрелде башталган фестиваль үч күнгө созулду.
    © Фото / пресс-служба полпредства правительства в Баткенской области
  • Фестиваль Неделя традиционной музыки и Дружбы в Баткене, где прошел парад национальных костюмов и продолжился выставкой ремесел.
    Ага катышкандар көрүүчүлөргө оозеки профессионалдуу музыкалык искусствонун айтуучулук, манасчылык, дастанчылык, акындык өнөр жана кол өнөрчүлүк багыттары боюнча талантын тартуулашты.
    © Фото / пресс-служба полпредства правительства в Баткенской области
  • Фестиваль Неделя традиционной музыки и Дружбы в Баткене, где прошел парад национальных костюмов и продолжился выставкой ремесел.
    Фестивалдын гала-концерти өтүп, анда бир катар маданият кызматкерлерине министрликтин жана облустук өкүлчүлүктүн сыйлыктары ыйгарылды.
    © Фото / пресс-служба полпредства правительства в Баткенской области
  • Фестиваль Неделя традиционной музыки и Дружбы в Баткене, где прошел парад национальных костюмов и продолжился выставкой ремесел.
    Белгилей кетсек, фестивалга кошуна Өзбекстан жана Кытай мамлекетинин да маданият өкүлдөрү катышты.
    © Фото / пресс-служба полпредства правительства в Баткенской области
  • Фестиваль Неделя традиционной музыки и Дружбы в Баткене, где прошел парад национальных костюмов и продолжился выставкой ремесел.
    Баткен шаарында өткөн "Салттуу музыка жумалыгы" жана "Достук" фестивалы
    © Фото / пресс-служба полпредства правительства в Баткенской области
1 / 6
© Фото / пресс-служба полпредства правительства в Баткенской области
Баткен шаарында өткөн "Салттуу музыка жумалыгы" жана "Достук" фестивалынын үчүнчү күнү улуттук кийимдер парадынан башталып, кол өнөрчүлөрдүн көргөзмө-жарманкеси менен уланды.

23-апрелде башталган фестиваль үч күнгө созулду. Ага катышкандар көрүүчүлөргө оозеки профессионалдуу музыкалык искусствонун айтуучулук, манасчылык, дастанчылык, акындык өнөр жана кол өнөрчүлүк багыттары боюнча талантын тартуулашты.

Фестивалдын гала-концерти өтүп, анда бир катар маданият кызматкерлерине министрликтин жана облустук өкүлчүлүктүн сыйлыктары ыйгарылды.

Белгилей кетсек, фестивалга кошуна Өзбекстан жана Кытай мамлекетинин да маданият өкүлдөрү катышты.

Бул күнү облус башчысы Өмүрбек Суваналиев маданият, маалымат, спорт жана жаштар саясаты министри Кайрат Иманалиев менен жолугушту. Алар облус аймагындагы маданият мекемелеринин абалы, материалдык-техникалык базасын чыңдоо, бул тармакты өнүктүрүү үчүн ар тараптуу колдоолорду көрсөтүү менен тыгыз иш алып барууну макулдашты.

113
Белгилер:
Өзбекстан, Кытай, өнөр, фестиваль, Баткен
Тема боюнча
Бишкекте операнын эл аралык фестивалы өтүп, дүйнөлүк шедеврлер жаңырат
Баткенде "Салттуу музыка күнү" жана эл аралык "Достук" фестивалы өтөт
Ты супер! вокалдык конкурсунун катышуучулары. Архив

Кастинг жарыяланды! Кыргызстандык жаш ырчылар эл аралык сынакка катышат

47
(жаңыланган 12:12 18.05.2021)
Долбоорго өзгөчө вокалдык жөндөмү бар, ошондой эле балдар үйүндө, көп балалуу жана фостердик үй-бүлөлөрдө жашаган, үй-бүлөлүк кырдаалдын оордугунан мектеп-интернатта окуган балдар катыша алат.

БИШКЕК, 18-май — Sputnik. Балдарга арналган "Ты супер!" вокалдык конкурсунун кезектеги сезону башталды. НТВ телеканалы менен Sputnik эл аралык маалымат агенттиги жана радиосу камкорсуз калган балдар үчүн сынактын бешинчи сезонунун кастинги башталганын жарыялайт.

Долбоорго өзгөчө вокалдык жөндөмү бар, ошондой эле балдар үйүндө, көп балалуу жана фостердик үй-бүлөлөрдө жашаган, үй-бүлөлүк кырдаалдын оордугунан мектеп-интернатта окуган балдар катышса болот.

Конкурстун тандоо принциби мурдагыдай эле: Россия жана КМШ өлкөлөрүнүн бардык шаарларындагы фостердик үй-бүлөлөрдүн балдары, 7 жаштан 18 жашка чейинки интернатта жана балдар үйүнүн тарбиялануучулары "Ты супер!" сынагынын катышуучусу боло алат.

Кастингге катышуу үчүн Sputnik Кыргызстан агенттигинин news@sputnik.kg электрондук дарегине видео жөнөтүү керек.

Катышуучу өзүн (аты-жөнүн, жаш курагын, жашаган жерин жана статусун: балдар үйүндө/интернатта/асырап алган үй-бүлөдө, камкордукка алган бүлөдө) тааныштырып, жаздырылган ырын көрсөтүшү керек. Конкурста ырдап жатканда тартылган ырлар да жарайт.

Биринчи тандоо турунун жыйынтыгы 2021-жылдын жай айында жарыяланат.

"Ты супер!" музыкалык конкурсунун премьерасы 2017-жылдын 11-февралында болгон. Алгачкы эфирден тарта эле долбоор популярдуу шоулардын бири болуп калды. Конкурс өзүнүн эки жылдык тарыхында 174 жаш жылдыздын вокалдык талантын ачууга жана профессионалдык музыкалык карьерасында алгачкы кадамдарын жасоого жардам берди. Айрым катышуучулар өз максаттарына жетип, ата-энелүү болушту.

"Ты супер!" шоунун экинчи сезонунун жеңүүчүсү Диана Анкудинованын аткарган ыры 2018-жылы Россиянын YouTube сегментиндеги эң популярдуу видеолордун алдыңкы үчтүгүнө кирген.

Аталган эл аралык конкурс Россия Федерациясынын Агартуу министрлигинин колдоосу астында НТВ телеканалы менен Sputnik эл аралык маалымат агенттиги жана радиосу тарабынан өткөрүлөт.

47
Белгилер:
Кыргызстан, "Ты – супер" балдар долбоору, сынак, ыр
Тема боюнча
Эми ата-апалар катыша алат. НТВ каналы "Ты супер! 60+" сынагын баштады
Тасма тартуу учурунда оператор. Иллюстративдик сүрөт

Мыкты көркөм жана даректүү тасмалардын долбооруна сынак жарыяланды

62
Сынакка катыша турчу долбоорлор инсандын руханий, адеп-ахлактык өнүгүүсүнө түрткү берген, патриоттуулукка үндөгөн жана эгемендүүлүктүн 30 жылдыгына арналган темаларды камтуусу зарыл.

БИШКЕК, 17-май — Sputnik. Кыргызстанда көркөм жана даректүү тасмалардын долбоорлорун кабыл алуу үчүн "Эң мыкты кинодолбоорлор" сынагы жарыяланды. Бул тууралуу Кинематография департаментинен кабарлашты.

Ага ылайык, сынакка катыша турчу долбоорлор инсандын руханий, адеп-ахлактык өнүгүүсүнө түрткү берген, патриоттуулукка үндөгөн, социалдык маанилүү маселелерди чагылдырган, Кыргызстандын эгемендүүлүгүнүн 30 жылдыгына арналган темаларды камтуусу зарыл.

Автор КР жараны болушу керек. Долбоор кыргыз жана орус тилдеринде кабыл алынат.

Талаптар:

  • Долбоордун синопсисинин берилген темага ылайыктуулугу (1-2 барак);
  • Сценарий;
  • Өтүнүч (автордун тасма аркылуу берейин деген ою);
  • Календардык план;
  • Долбоордун бюджети;
  • Кинодолбоордун режиссёрунун, сценаристтин өмүр баяны, атайын окуу жайын же режиссёрдук курсту бүтүргөндүгү тууралуу документ;
  • Режиссёрдун фильмографиясы, эл аралык кинофестивалдарда алган сыйлыктарынын көчүрмөлөрү;
  • Кино тармагында жетишкендиктери бар адистин көркөм жетекчи болууга макулдук каты;
  • Тарта турган кинокомпаниянын же студиянын фильмографиясы.

Департамент тизмедеги талап кылынган иш кагаздардын беш экземпляры болушу керектигин эскертти. Иш кагаздар толук болбосо кабыл алынбайт.

Суроолор болсо (0312) 300265, 312 301046 телефон номерлерине кайрылыңыздар.

62
Белгилер:
кино, талап, долбоор, сынак, тасма, Кыргызстан
Тема боюнча
Кыргызстандык "Месси" Гүлжигит Алыкулов тууралуу даректүү тасма тартылды
Аткаминер. Архив

Эсен Шерботоев "Кыргыз почтасынын" башкы директору болуп дайындалды

0
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

0
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды