Ника киносыйлы. Архив

"Шамбала" тасмасы мыкты аталып, "Ника" киносыйлыгына ээ болду

83
(жаңыланган 10:02 26.04.2021)
"КМШ жана Балтика өлкөлөрүнүн мыкты кинокартинасы" наамына Кыргызстандыкынан тышкары, Өзбекстан, Казакстан жана Азербайжандын режиссёрлору да ат салышкан.

БИШКЕК, 26-апр. — Sputnik. Кыргыз режиссёру Артыкбай Сүйүндүковдун "Шамбала" тасмасы "КМШ жана Балтика өлкөлөрүнүн мыкты фильми" номинациясы боюнча "Ника" киносыйлыгына ээ болду. Бул тууралуу Кинематография департаментинен билдиришти.

Народный артист КР, кинорежиссер Артыкпай Суюндуков
© Sputnik / Табылды Кадырбеков
Кыргыз режиссёру Артыкбай Сүйүндүков
"Сыйлык тапшыруу аземи 25-апрель күнү Москва шаарында болуп өттү", — деп айтылат билдирүүдө.

"КМШ жана Балтика өлкөлөрүнүн мыкты кинокартинасы" наамына Өзбекстан, Казакстан жана Азербайжандагы режиссёрлор да ат салышкан.

Чыңгыз Айтматовдун "Ак кеме" повестинин негизинде тартылган фильмдин дүйнөлүк премьерасы 2020-жылы июль айында Шанхай эл аралык фестивалында өткөн.

"Ника" киносыйлыгы 1987-жылы СССРдин кинематографисттери тарабынан түптөлгөн, негиздөөчүсү — Юлий Гусман. Киносыйлыктын жеңүүчүлөрү Кинематография искусствосу академиясынын мүчөлөрүнүн жашыруун берген добушу аркылуу аныкталат.

"Шамбала" фильми буга чейин бир нече эл аралык кинофестивалдарга катышкан.

83
Белгилер:
Балтика, КМШ, Ника, жеңиш, сыйлык, фильм, "Шамбала" тасмасы
Тема боюнча
Улуттук банк Жусуп Баласагын тууралуу ролик тартты. Видео
Ты супер! вокалдык конкурсунун катышуучулары. Архив

Кастинг жарыяланды! Кыргызстандык жаш ырчылар эл аралык сынакка катышат

47
(жаңыланган 12:12 18.05.2021)
Долбоорго өзгөчө вокалдык жөндөмү бар, ошондой эле балдар үйүндө, көп балалуу жана фостердик үй-бүлөлөрдө жашаган, үй-бүлөлүк кырдаалдын оордугунан мектеп-интернатта окуган балдар катыша алат.

БИШКЕК, 18-май — Sputnik. Балдарга арналган "Ты супер!" вокалдык конкурсунун кезектеги сезону башталды. НТВ телеканалы менен Sputnik эл аралык маалымат агенттиги жана радиосу камкорсуз калган балдар үчүн сынактын бешинчи сезонунун кастинги башталганын жарыялайт.

Долбоорго өзгөчө вокалдык жөндөмү бар, ошондой эле балдар үйүндө, көп балалуу жана фостердик үй-бүлөлөрдө жашаган, үй-бүлөлүк кырдаалдын оордугунан мектеп-интернатта окуган балдар катышса болот.

Конкурстун тандоо принциби мурдагыдай эле: Россия жана КМШ өлкөлөрүнүн бардык шаарларындагы фостердик үй-бүлөлөрдүн балдары, 7 жаштан 18 жашка чейинки интернатта жана балдар үйүнүн тарбиялануучулары "Ты супер!" сынагынын катышуучусу боло алат.

Кастингге катышуу үчүн Sputnik Кыргызстан агенттигинин news@sputnik.kg электрондук дарегине видео жөнөтүү керек.

Катышуучу өзүн (аты-жөнүн, жаш курагын, жашаган жерин жана статусун: балдар үйүндө/интернатта/асырап алган үй-бүлөдө, камкордукка алган бүлөдө) тааныштырып, жаздырылган ырын көрсөтүшү керек. Конкурста ырдап жатканда тартылган ырлар да жарайт.

Биринчи тандоо турунун жыйынтыгы 2021-жылдын жай айында жарыяланат.

"Ты супер!" музыкалык конкурсунун премьерасы 2017-жылдын 11-февралында болгон. Алгачкы эфирден тарта эле долбоор популярдуу шоулардын бири болуп калды. Конкурс өзүнүн эки жылдык тарыхында 174 жаш жылдыздын вокалдык талантын ачууга жана профессионалдык музыкалык карьерасында алгачкы кадамдарын жасоого жардам берди. Айрым катышуучулар өз максаттарына жетип, ата-энелүү болушту.

"Ты супер!" шоунун экинчи сезонунун жеңүүчүсү Диана Анкудинованын аткарган ыры 2018-жылы Россиянын YouTube сегментиндеги эң популярдуу видеолордун алдыңкы үчтүгүнө кирген.

Аталган эл аралык конкурс Россия Федерациясынын Агартуу министрлигинин колдоосу астында НТВ телеканалы менен Sputnik эл аралык маалымат агенттиги жана радиосу тарабынан өткөрүлөт.

47
Белгилер:
Кыргызстан, "Ты – супер" балдар долбоору, сынак, ыр
Тема боюнча
Эми ата-апалар катыша алат. НТВ каналы "Ты супер! 60+" сынагын баштады
Тасма тартуу учурунда оператор. Иллюстративдик сүрөт

Мыкты көркөм жана даректүү тасмалардын долбооруна сынак жарыяланды

62
Сынакка катыша турчу долбоорлор инсандын руханий, адеп-ахлактык өнүгүүсүнө түрткү берген, патриоттуулукка үндөгөн жана эгемендүүлүктүн 30 жылдыгына арналган темаларды камтуусу зарыл.

БИШКЕК, 17-май — Sputnik. Кыргызстанда көркөм жана даректүү тасмалардын долбоорлорун кабыл алуу үчүн "Эң мыкты кинодолбоорлор" сынагы жарыяланды. Бул тууралуу Кинематография департаментинен кабарлашты.

Ага ылайык, сынакка катыша турчу долбоорлор инсандын руханий, адеп-ахлактык өнүгүүсүнө түрткү берген, патриоттуулукка үндөгөн, социалдык маанилүү маселелерди чагылдырган, Кыргызстандын эгемендүүлүгүнүн 30 жылдыгына арналган темаларды камтуусу зарыл.

Автор КР жараны болушу керек. Долбоор кыргыз жана орус тилдеринде кабыл алынат.

Талаптар:

  • Долбоордун синопсисинин берилген темага ылайыктуулугу (1-2 барак);
  • Сценарий;
  • Өтүнүч (автордун тасма аркылуу берейин деген ою);
  • Календардык план;
  • Долбоордун бюджети;
  • Кинодолбоордун режиссёрунун, сценаристтин өмүр баяны, атайын окуу жайын же режиссёрдук курсту бүтүргөндүгү тууралуу документ;
  • Режиссёрдун фильмографиясы, эл аралык кинофестивалдарда алган сыйлыктарынын көчүрмөлөрү;
  • Кино тармагында жетишкендиктери бар адистин көркөм жетекчи болууга макулдук каты;
  • Тарта турган кинокомпаниянын же студиянын фильмографиясы.

Департамент тизмедеги талап кылынган иш кагаздардын беш экземпляры болушу керектигин эскертти. Иш кагаздар толук болбосо кабыл алынбайт.

Суроолор болсо (0312) 300265, 312 301046 телефон номерлерине кайрылыңыздар.

62
Белгилер:
кино, талап, долбоор, сынак, тасма, Кыргызстан
Тема боюнча
Кыргызстандык "Месси" Гүлжигит Алыкулов тууралуу даректүү тасма тартылды
Аткаминер. Архив

Эсен Шерботоев "Кыргыз почтасынын" башкы директору болуп дайындалды

0
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

0
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды