Бишкек башкы архитектура муниципалдык ишканасы борбордун башкы мунарасы — Бишкек-Тауэрдин (Bishkek Tower) эскизи

Манастын образынан жаралды. Бишкектин башкы мунарасынын эскизи жарыяланды

284
(жаңыланган 11:39 24.05.2021)
Мунаранын бийиктиги 65 метр. Анда кыргызга тиешелүү сакралдуу образдар, ыйык белгилер, символдор камтылат.

БИШКЕК, 24-май — Sputnik. "Бишкек башкы архитектура" муниципалдык ишканасы борбордун башкы мунарасы — Бишкек-Тауэрдин (Bishkek Tower) эскизин түздү.

Мекеме азыр көп каражат талап кылган ири имарат кура турчу мезгил эмес экенин, бирок келечекте ишке ашышы мүмкүн деген үмүт менен эскиз иштелип чыкканын белгиледи. 

Муниципальное предприятие Бишкекглавархитектура представила эскизы Бишкек-тауэра — главной башни столицы
© пресс-служба мэрии города Бишкек
"Бишкек башкы архитектура" муниципалдык ишканасы борбордун башкы мунарасы — Бишкек-Тауэрдин (Bishkek Tower) эскизин түздү
"Мунаранын негизги максаты — Астана шаарынын "Байтерек", Ирандын борбору Тегерандагы "Азади", Париждеги Эйфель жана дүйнөнүн башка шаарларындагы белгилүү мунаралар сыяктуу Кыргызстандын борборунун көрүнүктүү символу боло турчу объект куруу болуп саналат", — деп айтылат маалыматта.

Мунара шаардын түштүк бөлүгүндө жайгашышы мүмкүн, себеби үстүндө туруп калаага байкоо жүргүзсө болот. Имарат үч түркүктөн туруп, ортосуна айнек пирамида жайгашат. Үстүнө купол орнотулуп, ал алтын түстүү түндүк менен жабылып, үстүнө шиш найза бекитилет. Мунаранын бийиктиги 65 метр (найзаны эсепке албаганда) болот. Имараттын негизги түсү ак болуп, кээ бир элементтерине алтын жана күмүш түстөр берилмекчи. 

Муниципальное предприятие Бишкекглавархитектура представила эскизы Бишкек-тауэра — главной башни столицы
© пресс-служба мэрии города Бишкек
Мунара шаардын түштүк бөлүгүндө жайгашышы мүмкүн, себеби үстүндө туруп калаага байкоо жүргүзсө болот

Мунаранын образы "Манас" эпосундагы Айкөл Манас баатырды сүрөттөгөн саптардан түзүлгөнү белгиленди.

Муниципальное предприятие Бишкекглавархитектура представила эскизы Бишкек-тауэра — главной башни столицы
© пресс-служба мэрии города Бишкек
Имарат үч түркүктөн туруп, ортосуна айнек пирамида жайгашат.

"Алтын менен күмүштүн ширөөсүнөн бүткөндөй — мунаранын сырткы бетиндеги элементтердин, конструкциялардын ошол түстөргө боёлушу. Асты жагы күмүш түспөл үстү жагы алтын түстүү. Асман менен жериңдин тирөөсүнөн бүткөндөй — мунаранын вертикалдуулугу, асман тиреген келбеттүү түркүктөрү. Айың менен Күнүңдүн бир өзүнөн бүткөндөй — стилобаттагы Күн жана Ай. Ай алдында дайранын толкунунан бүткөндөй — Ай формасындагы фонтандык комплекстеги суу толкуну, атырылып чыгуусу. Алардын жарыктандырылуусу. Асмандагы Ай, Күндүн жаркынынан бүткөндөй — түнкү көрүнүшүндө жарык берүүнүн, нур чачуунун натыйжасында каралат", — деп айтылат маалыматта.

Манастын образынан сырткары, мунарада кыргызга тиешелүү сакралдуу образдар, ыйык белгилер, символдор камтылган. Ошондой эле архитектура тили менен чакырыктар жана ураандар берилет.

Эскиздер менен кененирээк мекеменин Telegram каналынан таанышууга болот.

284
Белгилер:
курулуш, имарат, эскиз, мунара, образ, Манас эпосу, Бишкек
Тема боюнча
Бишкекти эмнеге айлантып салдыңар? ӨКМ башчысы "элитный" үй кургандарга бир тийди
Кыргыз Республикасынын эмгек сиңирген артисти, Композиторлор союзунун төрагасы Турдубек Чокиев

Чокиев: согуш убагында жылына бирден операнын премьерасы болуп турган

20
(жаңыланган 17:43 21.06.2021)
Кыргыз Республикасынын эмгек сиңирген артисти, Композиторлор союзунун төрагасы Турдубек Чокиев учурда коомдо чыгармачыл союздарды каржылоого алган меценаттык жолго коюлбаганын белгиледи.

Улуу Ата Мекендик согуш учурунда жылына бирден операнын премьерасы болуп турган. Бул тууралуу Турдубек Чокиев Sputnik Кыргызстан радиосунда маек куруп жатып билдирди.

Чокиев: согуш убагында жылына бирден операнын премьерасы болуп турган

Анын айтымында, соңку 30 жылда опера жана балет театрында бир дагы премьера коюла элек.

"Эгемендүүлүк алгандан бери чыгармачыл союздар кароосуз калды. Колдоо маселеси көтөрүлсө каражат жетишсиздигин жүйө кылышат. Анткен менен эки кабат үйдө жашап, кымбат унааларды айдап жүрүшөт. Маселен, опера жана балет теарында эгемендүүлүк алган жылдары бир дагы опера коюлган жок. Мурдагы эле "Айчүрөк", "Чолпон", эски репертуар менен келе жатат. 1941-жылы 7-ноябрда "Анар" деген кыргыздын алгачкы балети, 1942-жылы 6-октябрда "Көл боюнда" деген опера коюлган. 1943-жылы "Көкүл" операсы, 1944-жылы "Чолпон" деген балет коюлган. Мындайча айтканда, согуш жылдары жылына бирден премьера болуп турган. Мындан тышкары, дүйнөлүк классикалык чыгармалар кыргызчаланып, тартууланган. Согуш бүткөндөн кийин учурдагы опера жана балет театры үчүн "Токтогул", "Манас" жазылган. Азыр тынчтык заманда жашап жатабыз. Бирок искусствого, адабиятка каражат бөлүнбөй келет", — деди Чокиев.

Ошондой эле ал искусство, адабият аркылуу идеологияны калыбына келтирүүгө боло турганын кошумчалады.

20
Белгилер:
композитор, идеология, искусство, Турдубек Чокиев
Тема боюнча
Оркестр коллективдери арасында республикалык кароо-сынак жарыяланды

Окуудан киного качкан Чоро. Актёр Думанаевдин чыгармачылыгындагы ирмемдер

201
(жаңыланган 18:18 20.06.2021)
  • Чоро Думанаев он жашында алгачкы тасмасына тартылган
  • Геннадий Базаровдун Каныбек кинокартинасында роль жараткан Аман Камчыбеков менен Чоро Думанаев
  • Режиссёр Юрий Борецскийдин Шаркыратмасында актёр башкы каарман Асандын ролун аткарып жаткан учуру
  • Көчө кинофильмин тартуу учуру. Сүрөттө режиссёр Геннадий Базаров, актёр Насыр Кытаев жана жаш Чоро
  • Базаровдун Көчөсүндө Думанаев башкы каарман Аваздын ролун аткарган
  • Каныбек фильминде Советбек Жумадылов менен Чоро Думанаев
  • Актёр Чоро Думанаев Шаркыратма тасмасында Асандын ролунда
  • Шахмат ойногон Чокморов менен анын каршылашына көз салган жаш Думанаев
  • Кыргыз ССРинин эмгек сиңирген артисти жана москвалык актриса Майя Булгакова
  • Режиссёр Жали Соданбектин Гибель во имя рождения фильмин тартуу учуру
  • КРдин эл артисти кыргыздын күчтүү кинематографисттери менен иштешкен
  • 69 жаштагы театр ишмери азыр дагы театрда эмгектенип келет
Бүгүн белгилүү кино жана театр актёру Чоро Думанаевдин туулган күнү. Узак убакыттан бери театрда иштеп, тасмаларда роль жараткан талант 69 жашка толду.

Sputnik Кыргызстан агенттиги чыгармачыл инсандын сүрөттөгү сейрек ирмемдерин сунуштайт.

Чоро Думанаев Нарын облусундагы Миң-Булак айылында колхозчунун үй-бүлөсүндө 1952-жылы 20-июнда туулуп, балалыгы Фрунзе шаарында агасыныкында өткөн. Себеби атасы уулунун жакшы билим алуусун көксөп борбор калаага жөнөткөн. Окуучу кезинде "Космонавттар көчөсү" фильмине тартылып маданиятка аралашып, мектепти бүткөндөн кийин жаш жигит жакындарынын сунушу менен курулуш техникумуна тапшырган. Бирок ал эч кимге айтпай окуусун таштап, Болот Шамшиевге кошулуп киного тартылганы кетип калган.

Кийин Төлөмүш Океев, Геннадий Базаров, Жали Соданбек сыяктуу таланттуу режиссёрлор менен иштешип, кинематографияга баш-оту менен кирип, 1970-жылдан баштап "Кыргызфильмге", 1975-жылдан тарта Токтоболот Абдымомунов атындагы Кыргыз мамлекеттик академиялык драма театрында актёр болуп кирип, андан соң Ташкент шаарындагы театралдык институтту аяктаган.

Думанаев чыгармачылыгында "Көчө", "Ак кеме", "Кызыл алма", "Отко таазим", "Дилетант", "Ысык-Көлдүн кызгалдактары", "Каныбек", "Ак илбирстин тукуму", "Чиркин өмүр", "Шаркыратма" , "Отко таазим" сыяктуу 20дай кино картинага тартылган.

КРдин эл артисти ошол эле маалда, 1975-жылдан баштап Муратбек Рыскулов, Сабира Күмүшалиева, Советбек Жумадылов өңдүү залкарлар менен иштешсе, азыр жаштарга жол көрсөтүп чогуу сахнага чыгып келүүдө.

201
  • Чоро Думанаев он жашында алгачкы тасмасына тартылган
    © Sputnik / Александр Федоров

    Чоро Думанаев он жашында алгачкы тасмасына тартылган

  • Геннадий Базаровдун Каныбек кинокартинасында роль жараткан Аман Камчыбеков менен Чоро Думанаев
    © Sputnik / Александр Федоров

    Геннадий Базаровдун "Каныбек" кинокартинасында роль жараткан Аман Камчыбеков менен Чоро Думанаев

  • Режиссёр Юрий Борецскийдин Шаркыратмасында актёр башкы каарман Асандын ролун аткарып жаткан учуру
    © Sputnik / Александр Федоров

    Режиссёр Юрий Борецскийдин "Шаркыратмасында" актёр башкы каарман Асандын ролун аткарып жаткан учуру

  • Көчө кинофильмин тартуу учуру. Сүрөттө режиссёр Геннадий Базаров, актёр Насыр Кытаев жана жаш Чоро
    © Sputnik / Александр Федоров

    "Көчө" кинофильмин тартуу учуру. Сүрөттө режиссёр Геннадий Базаров, актёр Насыр Кытаев жана жаш Чоро

  • Базаровдун Көчөсүндө Думанаев башкы каарман Аваздын ролун аткарган
    © Sputnik / Александр Федоров

    Базаровдун "Көчөсүндө" Думанаев башкы каарман Аваздын ролун аткарган

  • Каныбек фильминде Советбек Жумадылов менен Чоро Думанаев
    © Фото / Александр Федоров

    "Каныбек" фильминде Советбек Жумадылов менен Чоро Думанаев

  • Актёр Чоро Думанаев Шаркыратма тасмасында Асандын ролунда
    © Sputnik / Александр Федоров

    Актёр Чоро Думанаев "Шаркыратма" тасмасында Асандын ролунда

  • Шахмат ойногон Чокморов менен анын каршылашына көз салган жаш Думанаев
    © Sputnik / Александр Федоров

    Шахмат ойногон Чокморов менен анын каршылашына көз салган жаш Думанаев

  • Кыргыз ССРинин эмгек сиңирген артисти жана москвалык актриса Майя Булгакова
    © Sputnik / Александр Федоров

    Кыргыз ССРинин эмгек сиңирген артисти жана москвалык актриса Майя Булгакова

  • Режиссёр Жали Соданбектин Гибель во имя рождения фильмин тартуу учуру
    © Sputnik / Александр Федоров

    Режиссёр Жали Соданбектин "Гибель во имя рождения" фильмин тартуу учуру

  • КРдин эл артисти кыргыздын күчтүү кинематографисттери менен иштешкен
    © Sputnik / Александр Федоров

    КРдин эл артисти кыргыздын күчтүү кинематографисттери менен иштешкен

  • 69 жаштагы театр ишмери азыр дагы театрда эмгектенип келет
    © Фото / Александр Федоров

    69 жаштагы театр ишмери азыр дагы театрда эмгектенип келет

Белгилер:
сүрөт, Чоро Думанаев, актер, Кыргызстан
Тема боюнча
34 жашында студент болгон Тууганбай Абдиев. Улуу акындын жашоосундагы ирмемдер
Түрмөдө, ооруканада, талаада иштеген актёрлор. Геннадий Базаровдун каармандары
Атасына топурак сала албай калган уулдун шору. Деградация Базаровдун көзү менен
Жамал Сейдакматованын боюнан түшүргөн тасма. "Отко таазим" фильминен ирмемдер
Балдардын укугу боюнча ыйгарым укуктуу өкүл Жыпариса Рысбекова Военно-Антоновка балдар үйүндө каза болгон өспүрүмдүн бир тууганы менен жолугушту

Балдар үйүндө көз жумган өспүрүм боюнча иш Садыр Жапаровдун көзөмөлүндө

0
(жаңыланган 22:20 21.06.2021)
Балдар укугу боюнча ыйгарым укуктуу өкүл Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

БИШКЕК, 21-июн. — Sputnik. Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди. Бул тууралуу мамлекет башчынын маалымат кызматынан кабарлашты.

Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди
    © Пресс-служба правительства / Алишер Алиев
  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди

Эске салсак, балдар үйүнүн 12 жаштагы тарбиялануучусунун өлүмү тууралуу маалымат мындан эки жума мурда тараган. Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынан четтетүү тууралуу кат жолдогон.

Маркумдун агасы Богдан Якунин президентке кайрылуу жолдоп, бул иштин тергелишин өзүнүн көзөмөлүнө алууну суранган. Кайрылуусунда иниси токмок жеп каза болду деген ой болуп жаткандыгын айткан.

Жолугушууда Балдардын укугу боюнча ыйгарым укуктуу өкүл Богдан Якуниндин инисинин өлүмүнө байланыштуу бардык жүйөөлөрүн уккан.

Рысбекова Богдан Якунинди учурда окуянын бардык жагдайлары комиссиялык кароодон өтүп жатат деп ишендирген. Ал Игорь Якуниндин өлүмүнүн жагдайларына баа берүүнүн жыйынтыгы менен бул каргашалуу окуяга жол берген кызмат адамдарынын жоопкерчилиги каралат деген.

0
Белгилер:
Игорь Якунин, Жыпариса Рысбекова, кайрылуу, өлүм, балдар үйү, Кыргызстан
Тема боюнча
Буга чейин далай качкан. Чүйдө 15 жаштагы бала кайрадан изделүүдө. Сүрөт
Жалал-Абадда жоголгон 13 жаштагы бала табылды